SATOE GIRANG, SATOE SEDIH.
pinggir kali dan laloe doedoek di satoe batoe besar.
Mendadak ia dengar satoe soeara jang ia kenal. Ia dongak dan memandang ka djoeroesan djalanan jang berada di atasnja.
Darahnja saperti djoega maoe brenti mengalir.
Liang-hoen dengen djalan berendeng dengen satoe prampoean moeda jang pimpin saorang prampoean satengah toewa, sedeng liwat di dampingnja. Tapi marika bertiga tida menaro perhatian pada keada’an di sapoeter marika, hanja sedeng bitjara asik sekali. Dan itoe doea orang prampoean. . . . . . . . . .
Kim-djin rasaken kepalanja poejeng! la meram sambil pegangin kepalanja dengen kadoea tangan !
Ilanglah pengharepannja! Itoe prampoean moeda ia kenalin betoel ada ia poenja katjinta’an, jang dengen pasti sekali njataken ada bales ia poenja tjinta! Tapi sekarang itoe prampoean djoega djalan sama-sama Liang-hoen. Maskipoen Liang-hoen bilang, namanja itoe gadis ada Seng-nio, tapi tentoe itoe sobat dapet dengar nama jang kliroe. Siok-nio tida pegang tegoeh djandjinja.
Tapi Kim-djin koeatken hatinja. la moesti toendjoeken bahoewa ia ada satoe laki-laki, jang masi bisa pikoel kamelaratan hati tjara bagitoe. Tapi. . . . tapi!
71
