SATOE GIRANG, SATOE SEDIH.
pademken samoea lampoe dalem itoe roemah, masoek dalem kamar dan kontji pintoenja. Di sitoe ia berbaring sambil tengkoeroep lama sekali, dan saban-saban tjoema kadengaran ia mengelah napas. Boleh djadi ia berdoeka, dan boekan satoe perkara heran, jang itoe waktoe ia menangis lantaran merasa djengkel. Maski bagimana djoega, di hari esoknja ia kaliatan lesoe sekali. Dalem ia poenja kantoor poen ia tida bisa bekerdja betoel, dan achirnja ia minta verlof satengah boelan, kerna ia rasaken dirinja lelah sekali. Lantaran soeda bekerdja lama, dan belon pernah ia minta verlof, ia poenja permintaan diloeloesken, dan boekan satengah boelan, tapi satoe boelan ia boleh pergi mengaso.
ltoelah jang djadi kasoedahan atas dirinja Kim-djin dari Liang-hoen poenja bertoendangan.
Memang Liang-hoen tida mendjoesta. Lamarannja ditrima oleh iboenja Tjin-tek, waktoe ternjata jang dilamar ada Seng-nio.
Kim-djin diam sadja dalem roemahnija, tapi sesoedanja’ bersedih lima hari lamanja, ia pikir lebi baek ia hiboerken hati dengen pergi ka laen tempat. Satelah dapet itoe pikiran ia pilih bebrapa potong pakean dan
kasi masoek dalem satoe koffer. Pada ia poenja djongos ia pesen wanti-wanti boeat
69
