„Astaga, kaoe masi belon maoe pertjaja? Akoe toch soeda Sering bilang, akoe bertoendangan dengen Seng-nio.”
„Seng-nio ?”
„Ja, Soedaranja Tjin-tek.”
„Siapa namanja ?”
„Seng-nio! Apa kaoe poenja koeping toeli! Seng-nio! Seng-nio! Nah, sesoedanja ia diadi akoe poenja toendangan, kaoe boleh dapet taoe ia poenja nama.”
„Seng-nio ?” bagitoe Kim-djin berkata sambil berpikir, tapi kamoedian ia tertawa dan angsoerken tangannja pada ia poenja sobat.
„Hoen, banjak slamet, dan akoe harep kaoe bisa hidoep beroentoeng.”
„Itoe pasti!„ kata Liang-hoen dan ia bersoeit lagi. Laganja itoe waktoe ampir mirip dengen Charlie Chaplin, itoe badoet bioscoop jang terkenal.
„Dan jang paling menjenangken padakoe, akoe dapet idzin boeat Saban-saban katemoeken akoe poenja toendangan; tentoe Sadja tida bagitoe merdika Saperti orang Europa, tapi toch soeda djadi kamerdika’an jang loeas sekali.“
Kim-djin tida kata satoe apa. Baek sekali Liang-hoen tida mengganggoe padanja lebi lama, kerna itoe sobat brangkat tida lama kamoedian,
Tempo Liang-hoen soeda tida ada, Kim-djin
