— 233 —
― „Dengen bale pembaringan koe."
― „Apa orang soedah pindahken pembaringan itoe, sedari kaoe ada tertoetoep?"
― „Tida."
― „Ka mana temboesannja kaoe poenja kamar ?"
― „Ka satoe gang."
― „Dan itoe gang temboes ka mana?"
― „Ka pelataran......."
― „Ach, tjilaka amat!"
Dantes denger tetangganja itoe poenja soewara ijang paling belakang, ada seperti soewaranja orang ijang terpetjah hati atawa ijang poetoes pengharepan. Maka dengen kaget Dantes lantas berkata:
― „Oh! kaoe mengapa?"
― „Akoe merasa amat doeka kerna akoe soedah salah mendoega: akoe kira, itoe tembok ijang akoe gali, tembok benteng adanja."
― „Djika tembok benteng adanja itoe, kaoe poenja lobang djadi temboes ka laoet."
― „Itoelah ijang akoe ingin."
― „Saändenja bener lobangmoe temboes ka laoet, kaoe maoe berboewat apa?"
― „Akoe nanti tjoba berenang, aken dateng di satoe poelo dari antara poelo-poelo ijang ada di sapoetarnja benteng d'If; brangkali djoega akoe nanti sampe ka poelo Daume atawa Thiboulen, atawa ka pasisir daratan besar; kaloe djadi begitoe, terlepaslah dirikoe ini dari pada kasangsaraän."
― „Apa kaoe bisa berenang begitoe djaoeh?"
― „Allah nanti kasih kakoewatan padakoe; tapi sekarang hal dirikoe ini telah djadi roesak saänteronja."
