89
FATSAL 101.
Tjerita tempo kerdjahan TIENG TIAUW ada seorang toewa SHE GOUW nama TJONG BENG ada pake hati baë dengan miskin sekali, dan ada poenja ampat anak laki-laki semoea djadi orang baë, ingat berdagang dengan soengoe-soengoe hati bisa djaga merawatin orang toewanja, ada oehauw, dan di belakang kali itoe ampat anak djadi kaija besar, sampe bisa boeka toko pangsi-pangsi.
Dan 4 soedara itoe, ada telaloe rempoek sama soedaranja, dan ada berdiriin lima gedong-besar sama tenga ada telaloe besar lebar, kasi iboe bapanja tingalin dan dia ampat soedara 4 gedong, bagi kere kanan dan semoea ada boeka toko besar.
Dan Gouw TJONG BENG poenja 4 anak itoe semoea soeda ada poenja anak bini seboelan sekali, anak mantoenja datang djaga rawatin berganti ganti giliran saorang sekali.
Dan datang si mantoe prampoean jang besar berkata pada lakinja dengan ipar-iparnja, intia dan innio soeda toewa ada oemoer djikaloe gileran seboclan sekali datang djaga ada koerang baë sebab ada koerang hormat tiada lebi bae satoe hari giliran sekali, orang djaga siang malem pagi sori geliran berganti-ganti.
Dan jang laen denger poen patoet sekali dari itoe hari, dia orang bersoedara berompoeken, menoeroet saban hari, kaloe waktoe makan anak tjoetjoenja en mantoenja doedoek berkoepoel makan di petengahan roema. dan tjoetjoenja berganti-ganti toewangken arak hormatin enkonguja en inma kiainja, sekalian iboe Bapanja berame jang lagi doedoek makan minoem.
Di tjeritain GOUW TJONG BENG, soeka makan Kwee Pia, dengan soeka djalan-djalan di pasar, tapi kaloe dia bajar harga tiada sampe, selamanja maoe bli barang moera. dan lebi siang anaknja soeda pokatin sama itoe toekang Kwee Pia, sebrapa koerangnja di tambain.
