90
Dan lagi Gouw TJONG BENG, soeka sekali maen Tio Kie (Dam Tjina) sama dia poenja sobat ande.
Lebi siang ampat anaknja, dijam-dijam anterin oewang berapa ratoes tangtji, (Cent) di roema jang tempat lagi maen pesan sengadja soeroe kalain, kasi Bapanja menang bikin Bapanja girang hati dapat menang.
Dan selamanja Gouw TIONG BENO menang kaloe soeda waktoenja abis maen dia poelang itoe oewang dia bagi-bagi praCent pada tjoetjoe-tjoetjoenja.
Itoe ada satoe tanda anak bisa bikin senang pada orang toewanja.
Dan Gouw TJONG BENG makan oemoer sampe 99 taon baroe maningal doenia. dan Bininja Gouw TJONG BENG maningal doenia sampe oemoer 97, dan anaknja semoea ramboetnja soeda pada poeti dan tjoetjoenja djimbla ada doewa poeloe labi soeda ada ampat toeroenan, dari itoe semoea orang masohorken namanja taro satoe tanda kehormatan di depan pintoenja, sampe ini djiman sekarang anak tjoetjoenja masi banjak jang kaija en banjak jang dapat pangkat besar.
FATSAL 102.
Tjerita tempo keradjahan TJENG TIAW ada satoe tjerita seanak moeda bersama bininja jang pande bisa hormatin pada orang toewanja, di belakang kali sampe djadi dato (oeisin).
Dan anak moeda itoe bernama ONG SIOE Khong ada miskin sekali tapi ada sampe oehauw sama orang toewanja.
Dan ada poenja bini SHE TJI adatnja ada telaloe baë, dengan tiada saijang tenaga sijang malem doedoek menenoen boeat piara martoewanja, dengan radjin rawatin martoewanja.
Dan ONG SIOE KHONG ada djadi toekang dan iboe Bapanja ada telaloe soeka makan Arak dengan daging
