88
Dan Polisi liat begitoe poenja saijang soedara dengan oehauw sama orang toewa, maka die bri ampoen dan di belakang kali dia poenja anak dapat naok pangkat mantri oleh Baginda radja.
FATSAL 100.
Tjerita saorang jang telaloe ochauw pada orang toewanja, SHE HOH nama IN KAJ di KOEI TANG poenja orang, ampoenja iboe TOU TATJ HOE DJIN dan HOH IN KAIJ semoeanja perkerdjahannja tjoema djalanin kebaëan iboenja soeka pake badjoe baroe, dan makanan jang enak enak bawain kasi iboenja makan, dan iboenja suban maki bilang poet hauw.
Dan ada itoe satoe hari, bangoen kesiang-an bri selamat bangoen, lantas iboenja maki dengan mara besar lantas IN KAIJ berdoewa bininja beloetoet di depan iboenja serinta pelok kaki iboenja tiada berani liat iboenja poenja moeka minta di ampoenin kedosahannja kaloe belon iboenja kasi printa bangoen dia tiada berani bangoen.
Dan di waktoe KIAN LIONG KOEN taon KI BAUW NI, boeka Eksaman sakola (kengsi). TJOE KO Perisident itoe terima HOH IN KAIJ dapet pangkat HOE PONG no 2 dan LIOK KK TJENG dapat TJENG PANG no 1 dan kapala TJOE KO bole kesalaan teken HOH IN KAIJ poenja nama TJENG PANG dan SHE LOK HOE PANG sama djoega ada Toapekong soeroe. dan teroes naek pangkat TJIN SOB HAN LIM. dan Radja liat telaloe tjinta bri pangkat POH TJIE di SIAP SAIJ. Maka ini seratoes tjerita boeat kasie ingat kapada sanak saudara masing-masing djadie anak orang haroes misti di Tjinta dan hormiat pada iboe dan Bapa. begitoe djoega sondara jang ketjel misti hormat pada soedara jang Besar. dan jang besar misti tjinta soedara jang kutjil. djika orang jang menoeroet ini Tjerita Tamtoe mendjadi siamat, slama-lama di dalam doenia nama wanji.
