64
Melati soesoen baroe berkembang,
Boeat sesoenting si radja mambang,
Ibarat saja seperti koembang,
Saja menjoesoel toean terbang.
Kembang kemoening si kembang siri,
Kembang tjempaka boenga melati,
Poeti koening mas dateng komari,
Rasanja soeka di dalem ati.
Kaloe ada boenga tjempaka,
Bae dipetik di kampoeng Melaka,
Saja pandang toewan tjahja terboeka,
Ati di dalem rasanja soeka.
Kembang roos si aer mawar,
Tanem di dalem toemboe di loear,
Ibarat nona aer penawar,
Mahal dibeli djangan ditawar.
Djikaloe ada boenga siantan,
Toemboe sepoehoen di sebla wetan,
Djikaloe nona boewat seboetan,
Siang malem boeat ingetan.
65
Kaloe ada boenga kemoening,
Pake di konde sorotnja koening,
Kabarnja nona lah sakit pening,
Tjari penawar aer jang bening.
Djikaloe ada si kembang waroe,
Djato di natar sorotnja biroe,
Djikaloe saja di bikin keliroe,
Kenain kemat kongtauw jang seroe.
Kaloe ada si kembang gojang,
Pake di konde torlajang-lajang,
Sampe djoega jang saja sajang,
Rasa terpandang terbajang-bajang.
Toekang lektan nama si Minggoe,
Koewe pepe tepoeng digiling,
Tjari kongtau biar jang tanggoe,
Djangan sampe nona digoeling.
Siauwsit boeroeng siauwsit,
Koewe aboek matengnja malem,
Kaloe dilihat roepanja pauwsit,
Ibarat samboek makan di dalem.
Melati soesoen baroe berkembang, Boeat sesoenting si radja mambang. Ibarat saja seperti koembang, Saja menjoesoei toean terbang.
Pantoen karang-karangan. 5
