Halaman ini tervalidasi
66
Saoedin adenja Saeda,
Pegi di Gambir maen lajangan,
Doedoek berbanding tida berbeda,
Bole diambil bakal pasangan.
Kaen bandji kepala soetra,
Petik kekara dari Semarang,
Di moeloet bentji di ati soeka,
Djangan kentara di mata orang.
Maen petjoen di Pasar Ikan,
Petik melati di dalem poewan,
Dikasi ratjoen djangan dimakan,
Djantoeng ati poenja soeroewan.
Toekang sekoteng si orang Banten,
Aernja anget apinja mati,
Gelap peteng si baba dateng,
Sebab inget si djantoeng ati.
Padi moeda dimakan balang,
Anak gangsa rame di Tandjoeng,
Maen moeda djangan kepalang,
Djikaloe dosa saja jang tanggoeng.
—————
