62
Praoe kolek berkadjang nipa,
Petik kole dalem tempajan,
Biar djelek saja poenja roepa,
Djangan diboewat tamba loemajan.
Tjit batis kembangnja dadoe,
Beli stangan dari Kroekoet,
Toedjoe ari sakit semalem rindoe,
Atinja kangen boekannja patoet.
Ikan beroentoen djalan di pinggir,
Pegi di kota membeli sentoel,
Saja berpantoen boekannja njindir,
Saja berkata barang jang betoel.
Toekang zetter pande mengarang,
Praoe rembes toeloeng pakalin,
Terlaloe pinter anak sekarang,
Omongnja lemes lah mengakalin.
Biroewang gadja biroewang,
Oeloeng oeloeng terbang di gentong,
Tidaken tahoe badan terboewang,
Ada jang soedi toeloeng lah tengteng.
63
Anak Tjina membeli kipas,
Kipas ditoelis sama ratanja,
Belon pasti nona dilepas,
Tida sekali boenji katanja.
Orang Krawang poelang kondangan,
Tanggok oedang di pinggir kali,
Djikaloe ada oewang di tangan,
Enakan boedjang dari berlaki.
Makan sîri lah tiga lembar,
Boewang boentoet boewang kepala,
Nona disini menahan sabar,
Barang jang patoet dibikin sala.
Koewe Tjina di makan semoet,
Dipanggang sangit asepnja koempoel,
Djato di tana gampang dipoengoet,
Djato di langit soesa disoesoel.
Melati soesoen toemboe di padang,
Toemboe sepoehoen di samping goedang,
Siang malem doedoek bergadang,
Poeas di ati mata berpandang.
