-86-
„Engko Boe Tek dan enso Kioe Nio pikir tida goenanja katemoeken pada tjihoe, iiiaka iaorang lantas kaloewar dari ini kantoor dan pergi bikin penjelidikan ka djoeroesan mana itoe kawanan tetatmoe malem soeda berlaloe; tapi ternjata marika itoe ada orang-orang jang ilmoe silatnja tinggi, sebab sama sekali tida bisa didapatkan marika poenja tanda-tanda telapakan kaki, hingga tida bisa dioesoet ka djoeroesan mana iaorang soeda pergi. Oleh kerna itoe djoega, iaorang balik kombali ka dalem pendjara boewat mengasi kabar padakoe.
„Enso Kioe Nio dengen berkeras maoe adjak akoe minggat pada malem itoe djoega, tapi akoe masi bersangsi, kerna belon bitjara doeloe sama Ijihoe, Sedang engko Boe Tek mengasi taoe bahoewa orang-orang gaga jang akoe perloe, salaennja itoe lima soedara dari benteng Wie-boe-tjee di Tjhit-seng-nia, jaitoe Ong Hoei Houw, Nio Siong Kim, Nio Soei Kim, Tee Toen Lian dan Lim Poen Kim, jang semoewanja akoe soeda kenal, engko Boe Tek telah beroentoeng dapat oendang djoega ini toewan Biauw Seng Liong," bitjara sampe di sini ia menoendjoek pada itoe anak moeda tjakap jang potongan badannja langsing, lemboet dan ramping, „berikoet djoega ini toewan-toewan Lauw Tiong Tjeng dan Bang Tay Loei."
Tjhio Tjoe Boen kasi kenal itoe semoewa orang jang ia seboetken nama-namanja pada Phoa Boe Liang, kamoedian ia melandjoetken lagi bitjaranja; „Menoeroet engko Boe Tek, kaloe soeda mempoenjai ini delapan kawan berikoet ia dan istrinja, sama sekali tida oesa
Moelai Maart 1932 setroesnja Goendang Tjerita memoeat karangan silat sadja jang semoe tertoelis oleh Kwo Lay Yen.
