-87-
takoet pada itoe kawanan hiaptek, maka tida halangannja boewat akoe melolosken diri dari pendjara. Tapi akoe masi bersangsi kerna belon bertemoe sama tjihoe, kerna akoe koewatir kaloe tjhioe ada atoer apa-apa sama Tan tayswee, hingga membikin roesak itoe oeroesan. Akoe berdjangdji sadja boewat melolosken diri, tapi boewat sementara waktoe pada ini sore, dan begitoelah sekarang kita sekalian berada di hadapan tjihoe. Apatah Tjihoe Poenja advies?"
Phoa Boe Liang lantas toetoerken apa jang soeda terdjadi kemaren malem, dan tadi siang koetika ia bitjara sama Tan Kian Wie tjongtok, salaennja itoe, ia menjataken djoega kakoewatirannja prihal itoe kawanan tetamoe malem aken dateng menjatronin kombali pada ini malem.
„Itoelah soeda tentoe sadja aken kadjadian," menjelak Ban Boe Tek; „maka di sini haroes diatoer satoe pendjagahan keras.
Lama djoega iaorang berdami apa jang moesti diperboewat, sedang Phoa Boe Liang, di laen fihak, prentahken orang orangnja menjediaken makanan dan minoeman boewat itoe tetamoe-tetamoe; Ban Boe Tek, Tjhio Tjoe Boen dan laen-laennja ditemenin oleh Phoa Boe Liang sendiri, sedang Thio Kioe Nio ditemenin oleh istrinja Boe Liang di dalem.
Itoe makan minoem dilakoeken dengen tjepat dan saperloenja sadja, kerna dikoewatir itoe kawanan tetamoe malem kaboeroe dateng. Dalem itoe perdjamoean makan jang tida terlaloe goembirah telah diambil poetoesan Ban Boe Tek, Thio Kioe Nio dan Biauw Seng Liong melindoengin pada Phoa Boe Liang dan istrinja; Itoe lima begal dari Tjhit-seng-nia mendjaga di loear, sedang Tjhio Tjoe Boen, Lauw Tiong Tjeng, dan Bang Tay Loei mendjaga di blakang. Salaennja itoe
