-7-
itoe ka dahan berdjalan sampe anam taon lamanja, dan saban kali ia dateng menilik selamanja ia merasa poewas pada apa jang ampat moeridnja telah jakinken, boleh dibilang sedikit sekali marika poenja kasalahan. Satelah berdjalan anam taon, Tjeng In Nikoh mamesen pada ampat moeridnja boewat teroesken marika poenja peladjaran sabagimana biasa, tapi boewat satoe doewa taon lamanja ia belon tentoe aken balik kombali. Menoeroet katanja sang goeroe, di antara ampat moeridnja adalah Lian Eng dan Lee Na jang paling bagoes ilmoe kapandeannja, sedang Lioe Eng dan Lee Tjoe biar poen ada lebih bawah sedikit dari itoe doewa moerid jang terseboet doeloean, toch ilmoe kapandeaiinja soeda masoek di tingkatan klas satoe, dan tida banjak orang jang bisa tandingin pada marika. Saoepamanja di hari kamoedian iaorang katemoeken lawanan jang tanggoe, paling baek kaloe iaorang seboet sadja bahoewa marika ada moerid moeridnja Tjeng In Nikoh, tentoe iaorang bisa terloepoet dari bahaja.
Moelai dari itoe waktoe dengen sasoenggoenja djoega. Tjeng In Nikoh tida kaliatan dateng mengoendjoengin lagi, sampe satoe taon lebih lamanja. Itoe waktoe Lian Eng, Lioe Eng dan Lee Na soeda beroemoer sembilan belas taon dan delapan belas taon, tapi oleh kerna iaorang selaloe maoe memilih soewami jang berilmoe silat, maka belon mempoenjai toendangan. Yo Kok Hiong jang tjoema mempoenjai itoe doewa poetri kembar, soeda tentoe sadja sangat sajang pada kadoewa poetrinja itoe, maka iaorang tida maoe memaksa peda marika dalem perkara pernikahan, hanja biarken sang anak bisa memilih dengen menoeroetin marika poenja kasenangan sendiri.
Ong Lee Na poen sangat disajang oleh iboe dan ajahnja, hingga ia poen tida terlaloe dipaksa boewa
