-8-
lantas menikah, keroa ini gadis poen soeda menjataken dengen segala kapastian jang ia tida aken maoetmenikah, apabila lida bisa dapatken soewami jang gaga dan pinter. Sedang Lee Tjoe jang itoe waktoe baroe beroemoer toedjoe belas taon, iboe dan ajahnja tida terlaloe iboekin perkara iapoenja pernikahan.
ini ampat gadis gaga sernoewanja ada mempoenjai paras jang sangat tjantik, hingga banjak sekali kongtjoe-kongtjoe dari orang-orang berpangkat jang merasa ingin dapetken marika boewat mendjadi istri, dan tadinja boekan sedikit orang jang madjoeken lamaran pada Yo Kok Hiong dan Ong Kee Tjouw, tapi lantaran dimadjoeken perdjandjian moesti paham ilmoe silat, dan sedikitnja moesti mempoenjai ilmoe jang tida kalah sama marika itoe, biar poen pada Ong Giok Kay sadja — pertjoendang dari itoe ampat gadis — tida ada satoe jang bisa menang, hingga semoewa lamaran ditoelak. Achirnja orang djadi merasa bosen dan poetoes harepan, hingga tida ada lagi orang jang brani madjoeken lamaran.
Tjoema sadja, sekali poen itoe ampat gadis tida ada lagi orang jang brani dateng melamar, toch iaorang tetap mendjadi seboetannja pamoeda-pamoeda jang kagoemin marika poenja katjantikan dan kagagahan, dan kasiken iaorang gelaran Yioshia Soe Bie atawa ampat nona eilok dari kota Kongtjioe; ada djoega jang kasi iaorang gelaran Wat-tong Soe-lieeng-hiong, ampat prampoewan gaga di kota Kwitang.
Oleh kerna itoe djoega, ampir semoewa pendoedoek iboe kota Kwitang taoe dalem marika poenja kota ada terdapet itoe ampat prampoewan tjantik jang gaga perkasa.
