-68-
tarik poelang iapoenja permintahan padakoe, sedeng iapoenja rjap kabesaran, oewang contant dan istrinja poenja barang perhiasan jang berharga, ssmoewanja telah ditjoeri, dengen perdjandjian aken dipoelangken kombali djika entjek Boe Liang maoe toeroetin apa jang itoe tetamoe malem telah minta ia lakoeken. Menoeroet akoe poenja pikiran, biar poen itoe tetamoe-tetamoe malem bermaksoed baek, tapi tida pantes sekali kaloe iaorang soeda mengantjam pada satoe pembesar, jang saharoesnja diindahken dan ditoeroet prentahnja."
„Belon taoe entjek Boe Liang telah madjoeken permintahan apa ajah?" menanja Kong Liat dengen sabar.
Kian Wie djadi bersangsi sabentaran, tapi achirnja ia berkata: „Tida bisa disangkal permintahannja kaoe poenja entjek Boe Liang tida begitoe pantes, sebab la minta akoe toeloeng lolosken iapoenja ipar jang berdosa dari hoekoeman negri"; tapi lantaran menginget akoe menanggoeng boedi begtioe besar padanja, maka akoe poen tida bisa menoelak. Tapi, itoe ada satoe soewal jang terpisa sama perboewatannja itoe kawanan tetamoe malem, maka akoe ada niatan boewat soeroean kaoe orang pergi intip dan tjekoek marika poenja batang leher, djika ada koetika jang baek."
„Maaf, ajah 'koe," menjelak Boe Liat, „akoe boekannja maoe menjela atawa poen mengahalangin kaoe poenja maksoed, tapi kaloe menoeroet akoe poenja pemandangan, perboewatannja itoe kawanan tetamoe malem djoestroe ada mempoenjai perhoeboengan jang sangat rapat sama perboewatannja Tjhio Tjoe Boen jang berdosa, dan entjek Boe Liang jang soeda maoem tiampoer tangan dengen minta ajati poenja pertoeloe-
