-69-
ngan. Saoepanja ajah lempar ka samping prihal itoe boedi besar jang entjek Boe Liang soeda perna berboewat pada ajah. jang mana kaloe sampe sekarang sabetoelnja soeda impas, sebab ajah soeda membajar boekan sedikit boedi kabaekan padanja, dan sekarang tjoema menginget sadja pada kaadilan dan kabenaran, akoe merasa pasti jang ajah poen tida nanti soedi membantoe Tjhio Tjoe Boen poenja perboewatan djahat, atawa meloeloesken permintahannja entjek Boe Liang jang tida patoet."
„He. anak koerang adjar!" menjentak Kian Wie dengen koerang senang, „apa kaoe. maoe soeroe kaoe poenja ajah dikataken botjeng, dengen tida menperdoeliken akoe poenja penoeloeng besar poenja permintahan toeloeng jang tida terlaloe berat boewat akoe lakoeken?"
„Boekannja begitoe, ajah'koe," menjelak Kong Liat; „memang betoel permintahannja entjek Boe Liang tiba terlaloe berat boewal ajahkoe lakoeken; tapi haroes tida diloepa bahoewa itoe kawanan tetamoe malem djika meliat tida bisa mendapet kaadilan dari ajahkoe, amat bisa djadi aken bikin pengadoean pada pembesar jang terlebih tinggi di kota radja, hingga kaloe sampe kadjadian begitoe, sedikit banjak tentoe tida enak bagi ajahkoe poenja kadoedoekan sabagi ambtenaar jang paling tinggi dalem ini doewa provincie.
Tan Kian Wie jang memangnja bertabeat adil, maoe apa tida, terpaksa moesti akoeh kabenarannja omongannja iapoenja kadoewa anak itoe. Tapi lantaran ia merasa berat boewat menoelak permintaannja iapoenja penoeloeng besar, maka ia berkata pada marika itoe:
{[gap}}„Boewat sekarang kaoe orang djangan ambil poesing doeloe apa jang kamoedian aken terdjadi, tapi
