-54-
dean jang sangat tinggi. Saoepamanja kaoe katemoeken moesoeh jang koewat, lebih baek kaoe seboet sadja akoe poenja nama, djika orang dari satoe golongan tentoe lantas brentikan itoe pertandingan.
„Orang-orang jang mendjadi satoe golongan sama akoe, sama sekali ada ampat orang, jaitoe. Tiang Bie Ong di Hokkian, Tjeng In Nikoh di Holam, ini doewa semoewa ada kaoe poenja soepek, sedang Ong Tjeng Hong dari Kangsay dan Tjio Mo Lodjin dari Kanglam, semoewanja ada kaoe poenja soesiok. Di antara marika salaennja. Tiang Bie Ong soepek jang tida soeka mengadjar moerid, semoewanja ada toeroenken ilmoe kapandeannja pada bebrapa orang, teroetama Tjeng In soepek, jang kabarnja telah menerima beberapa moerid prampoewan, dan semoewanja ada mempoenjai ilmoe jang tida bisa ditjela. Kaloe kamoedian kaoe orang bisa bertemoe sama orang-orang dari satoe tjabang, akoe harap kaoe orang soeka mengikat tali persobatan dan saling menoeloeng djika ada perloenja. Sementara prihal kaoe orang poenja perboewatan, akoe tida maoe memesen apa-apa sebab akoe soeda kenal baek kaoe berdoewa poenja tabeat, dan kaoe orang poen taoe sampe baek bahoewa kelakoewan jang hormat dan merendah selamanja mengasi kabaekan pada kita poenja diri sendiri,"
Di hari jang berikoetnja Tay Pwee Hweeshio brangkat poelang ka Sansee, gredja Tjoe-pwee sie, sedang bingkisan jang berharga mahal dari kadoewa moeridnja semoewa ia toelak, salaennja ia trima sadja satoe kajoe kaen aboe-aboe dan doewapoeloeh tail perak boewat ongkos di perdjalanan. Itoe doewa moerid jang sangat mengindahken dan menjinta pada goeroe, mengantarin sampe di loewar kota, tapi masi belon djoega maoe balik poelang, biar poen sang
