-41-
kaloe kaoe soeda poelang ka roemah, begitoe poen jang laen-laennja, akoe kasi perlindoengan satjoekoepnja."
Kwee Sam masi bersangsi; tapi Tjhio Tjoe Boen jang kedjam tida maoe kasiken mandoornja bersangsi lama.
„Inget baek-baek, kaloe sadja kaoe tida maoe menceroet akoe poenja prentah", kata ia, „akoe sendiri jang nanti boenoeh mati pada kaoe, soepaja bisa toetoep kaoe poenja moeloet boewat selama-lamanja. Inilah ada akoe poenja poetoesan jang sanget pasti, maka kaoe tinggal pilih sadja sendiri, djalan mana jang kaoe lebih soeka."
Kwee Sam kenal baek tabeatnja iapoenja madjikan, apa jang ia bitjaraken tentoe aken dilakoeken dengen tida bersangsi lagi, maka ia lantas mendjawab: „Baek, akoe aken mengiringken toaloya poenja prentah: akoe poenja djiwa akoe pasrahken dalem toaloya poenja perlindoengan,"
Satoe kali Kwee Sam menoeroet, jang laen-laennja soeda tentoe sadja menoeroet. Hal mana soeda membikin Tjhio Tjoe Boen merasa sanget girang, dan pesen pada itoe anem orang tjara begimana sabentar iaorang moesti kasi djawaban djika ditanja oleh tikoan.
Loei Djip Lay berdoedoek di depan ia poenja medja kabesaran, satoe toekang preksa mait dengen menoetoepin idoengnja preksa satoe mait prampoewan jang soeda moelai boesoek; laenlaen orang jang berada di sitoe semoewanja terpaksa inoesti menoetoep djoega marika poenja lobang idoeng boewat tjega itoe hawa boesoek jang disiarken dari itoe mait. itoelah maitnja Giok Nio jang lagi dipreksa. Tida
