-42-
lama kemoedian itoe toekang preksa mait kasi taoe iapoenja hasil papreksahan pada iapoenja chef.
Itoe mait di waktoe idoepnja tinggal sehat sabegimana biasa, tapi entah lantaran poekoelan atawa poen bentoeran baratng keras, iapoenja batok kepala soeda petjah, hingga otaknja kaloewar dan djadi mati dalem sedikit tempo. Laen laen anggota toeboenja tida mendapet loeka apa-apa, katjoewali sedikit tanda mateng biroe, jang roepanja disebabken oleh rangketan petjoet.
Loei tikoan lantas panggil Liauw A Sam mengadep siapa memang sedari pagi soeda dateng ka itoe kantoor atas soeroeannja itoe tetamoe malem jang sengadja dateng ka roemahnja disoeroe kenalin apa itoe mait ada ia poenja istri atawa boekan.
Liauw A Sam tetapken bahoewa itoe mait memang betoel ada maitnja iapoenja istri. Giok Nio, jang telah dirampas oleh Tjhio Tjoe Boen, dan terkabar telah bentoerken kepalanja sampe mati lantaran maoe diperkosa oleh iapoenja perampas.
„Siapa jang liat kaoe poenja istri dirampas oleh Tjhio Tjoe Boen?" menanja itoe tikoan gedjos.
„Hal itoe banjak sekali jang saksiken"', saoet Liauw A Sam, „tapi sekarang akoe maoe madjoeken tiga saksi jang telah liat dengen kadoewa mata sendiri tjara begimana istrikoe dirampas dan diseret pergi ka roemahnja Tjhio Tjoe Boen."
Itoe tiga saksi Thio Sam, Lie Soe dan Lauw Ton, semoewa tetingganja Liauw A Sam, dan semoewi mengasi kasaksian jang marika soeda liat sendiri tjara begimana Tjhio Tjoe Boen dan orang-orangnja telah rampas pada Giok Nio dan teroes dibawa poelang ka roemahnja dengen setjara paksa. Biar poen Loei. tikoan sabisanja maoe tjoba menggertak pada itoe tiga saksi, toch iaorang tetapken marika poenja kasaksian
