-38-
sangat soesa. Tjhio-heiig tentoe bisa mahloemken djika akoe poen sajang akoe poenja djiwa sendiri."
„Abis, sekarang loya maoe berboewat bagimana terhadep pada itoe anam orang-orang'koe jang dikatemoeken dalem itoe oetan Soe-tjoe iim ?" menanja Tjhio Tjoe Boen dengen koewatir.
„Akoe nanti berboewat sabisa-bisanja boewat lolosken pada kaoe, kaloe sadja ada djalannja," saoet Loei tikoan, „maka kaoe poenja anam orang itoe haroes bisa mengasi djawaban jang bagoes. agar kaoe bisa terlolos dari ini perkara. Boewat ini, akoe kasi kaoe kasempetan boewat katemoeken marika itoe, dan atoer apa jang kaoe rasa baek; tapi moesti lekas."
Tjhio Tjoe Boen merasa girang sekali koetika mendenger itoe omongan. Loei tikoan lanias prentahken satoe oppasnja boewat giringken itoe anam orang ka dalem itoe kamar tetamoe, sedang ia sendiri dengen sengadja berlaloe dari sitoe, agar Tjhio Tjoe Boen bisa mengatoer apa jang bakal mendjadi kabaekan goena dirinja.
Tida antara jarna kemoedian dengen teranter oleh tiga oppasnja tikoan, Kwee Sam, Tjhio Hok, Tjhio Eng bersama tiga kawannja jang laen, dibawa masoek ka dalem itoe kamar tetamoe, Tjhio Tjoe Boen boeroe-boeroe selipken tiga potong perak jang beratnja masing-masing sepoeloeh tail ka dalem tangannja itoe tiga oppas, jang lantas berlaloe sembari membongkokin badannja.
Sekarang Tjhio Tjoe Boen tjoema berhadep-hadepan sadja sama iapoenja anem boedjang jang mendjadi iapoenja kapertjajahann. Dalem bebrapa sa'at lamanja kedoewa fihak tinggal boengkem sadja dengen saling awasin dan dengen pengrasahan tida enak.
