-37-
ronda; ia tjeritaken djoega bahoewa ia soeda perentahken Kwee Sam, Tjhio Hok dan Tjhio Eng bersama tiga boedjang laen pergi ka Soe tjoe-lim boewat pindahken maitnja Giok Nio, dengen niatan soepaja djangan sampe dikatemoeken oleh itoe kawanan orang jang berdjaian malem; tapi ternjata itoe anam orang tida balik kombali, dan koetika ia sendiri pergi menjoesoel ka Soe-tjoe lim, boekan sadja itoe anam orang tida kaliatan mata idoengnja, malah koeboerannja Giok Nio soeda dibongkar, dan maitnja linjap entah kamana perginja. Baroesan ia denger kabar itoe mait dikatemoeken di depan ini kantoor, sedang itoe anam orang dikatemoeken terikat di atas poehoen poehoen dalem Soe-tjoe-lim, maka ia sengadja dateng boewat minta Loei tikoan poenja bantoean apa ia bisa terlepas dari djiretannja wet.
Loei Djip Lay dengerin itoe penoetoeran dengen saban-saban paras moekanja berobah, koetika itoe penoetoeran sampe di achirnja, ia golengken kapalanja dengen paras moeka berdoeka.
„Soesa, soesa, Tjhio heng!" kata ia, „ini oeroesan soesa dioeroesnja, sebab sekarang ada bangsa hiapkek jang tjampoer tangan, malah akoe sendiri poen telah disatroein dan diantjam."
Sateroesnja Loei tikoan lantas toetoerken iapoenja pengalaman samalem, serta kaloewarken djoega itoe soerat dan badi badi jang ditinggalken oleh itoe tetamoe malem jang tida dioendang.
„Sabetoelnja dalem ini oeroesan sahisa-bisanja akoe maoe menoeloeng pada kaoe sabrapajang akoe bisa,"kata lagi Loei Djip Lay achir-achir; „tapi satoe kali ini lantaran itoe hiapkek mengantjam maoe ambil akoe poenja kapala, apabila akoetida menoeroetin iapoenja pesenan, itoelah sasoenggoenja membikin akoe djadi
