-36-
tiken Tjhio Tjoe Boen poenja kadosahan, Djangan tanja lagi tjara bagimana Loei tikoan poenja tjara bikin papreksahan, jang tjoema asal djangan sampe kena dikataken ia tida lakoeken papreksahan itoe.
Sekarang dengen mendadak maitnja Giok Nio moentjoel di depan kantoornja, salaennja itoe ada dibawa djoega anem orang-orangnja Tjhio Tjoe Boen jang diikat di atas poehoen-poehoen dalem Itoe rimba Soe tjoe lim, menoeroet Loei tikoan poenja doegahan, tida bisa salah lagi tentoe ada perboewatannja itoe Yio-shia Hiap Kek, jang samalem telah dateng mengantjam padanja. Apa jang ia moesti berboewat, samentara ini ia sendiri masi belon bisa ambil poetoesan.
Djoeslroe ia Iagi bersangsi dan tida taoe moesti berboewat bagimana, mendadak satoe oppas masoek membawa satoe kaartjis nama dari Tjhio Tjoe Boen jang minta bertemoe padanja. Loei tikoja soeroean itoe oppas oendang Tjhio Tjoe Boen masoek ka dalem kamar tetamoe, sedang ia sendiri poen tida bernapsoe boewat makan teroes, hanja lantas- tjoetji tangan dan moeka, kamoedian pergi kaloewar katemoeken tetamoenja itoe.
„Hoia, Tjhio heng, pagi-pagi kaoe soeda dateng, ka sini, tentoe ada oeroesan jang sangat penting, akoe rasa?" menegor Loei Djip Lay pada tetamoenja, jang ia bersilahken boewat berdoedoek.
„Oh, loya poenja doegahan ada djitoe sekali," saoet Tjhio Tjoe Boen, „sebab samalem di roemahkoe telah terdjadi hal hal jang sangat tida enak, dan sekarang akoe maoe minta loya poenja bantoean jang berharga."
Sateroesnja ia lantas toetoerken apa jang soeda terdjadi sama Tjhoen Bwee dan iapoenja toekang
