-35-
djabatan ia tjoeina taoe kedoek doeit, tapi prihai rahajat poenja kaslametan dan katentrenian, itoelah ada perkara jang tida penting bagi ianja.
Oleh kerna itoe djoega, saban kali ada perkara jang terdjato dalem iapoenja tangan, ia kasi poetoesan dengen memake timbangan besar ketjilnja oewang jang ia dapetken, sedang doedoeknja perkara atawa poen kaadilan selamanja ia boewang ka samping.
Pada waktoe ia moelai pegang djabatan tikoan di Hwan-gie, ia lantas tjari taoe siapa di antara pendoedoek jang hartawan dan berpengaroeh, ia selidikin dengen terliti siapa jang boleh djadi iapoenja „makanan", dan siapa jang ia moesti tarik boewat sobat, la taoe kaloe Tjhio Tjoe Boen ada satoe hartawan dan djoega berpengaroeh, tapi ini orang tida bisa djadi iapoenja„ makanan", hanja moesti mendjadi iapoenja kontjo, oleh kerna itoe djoega, ia lantas pergi mengoendjoengin ka roemahnja Tjhio Tjoe Boen, dan achirnja iaorang lantas mendjadi sobat Sateroesnja saban kali ada dakwahan jang ditoedjoeken pada Tjhio Tjoe- Boen, selamanja ia toelak, hingga Tjhio Tjoe Boen poen bales iapoenja kabaekan dengen bingkisan jang beroepa oewang.
Tidalah heran kaloe doeloean Liauw A Sam poenja dakwahan soeda ditoelak oleh Loei Djip Lay, biar poen itoe ada menjangkoet satoe perkara djiwa. Blakangan itoe perkara sekali poen Yo Kok Hiong toeroet tjampoer tangan dengen bikin pengadoean pada Tjian Khong Hong, tapi ini tihoe poen ada sobatnja Tjhio Tjoe Boen, dengen lekas ia soeda kasi kabar soepaja Tjhio Tjoe Boen singkirken segala boekti dan katerangan jang bisa memberatken padanja, hingga pada waktoe Loei tikoan dateng bikin papreksahan, tida satoe apa jang bisa didapatken boewat memboek-
