-30-
Yo Lian Eng dengen sendirinja pergi ka kantoor tikoan diri Hwan-gie, masoek ka dalem kamar tidoernja itoe ambtenaar kaparat, lebih doeloe ia taro satoe soerat jang soeda disediaken di atas satoe medja, tantjap dengen satoe badi-badi, besarken apinja pelita, kamoedian gebrak medja sama iapoenja golok terhoenoes, hingga itoe tikoan dan istrinja jang lagi poeles tidoer djadi mendoesin dengen kelodjotan. Tapi pada sabelonja itoe sapasang soewami istri bisa berireak Lian Eng soeda menjamperin, singkapken klamboe dan mengantjam sama iapoenja golok terhoenoes soepaja itoe ambtenaar kaparat dan isirinja toetoep moeloet. istrinja itoe tikoan dengen mengaloewarken satoe treakan tertahan djato pangsan di atas bantal kapalanja itoe ambtenaar kaparat sandiri sakoedjoer badanja bergoemeteran seperti orang kadinginan, dan giginja bertjatroeken koetika meliat itoe golok jang menggredep di toedjoeken pada iapoenja dada.
„Djangan boeka soewara kaloe kaoe masi maoe tinggal idoep," kata Lian Eng dengen soewara bengis. ,,Akoe poenja kadatengan pada ini malem, perloenja boewat kasi peringetan soepaja kaoe kasiken kaadilan pada Liauw A Sam jang istrinja telah dirampas oleh Tjhio Tjoe Boen, dan telah boenoeh diri lantaran maoe di perKosak ahormatanja. Kaloe sadja kaoe tida maoe djalanken kaadilan, kaoe boleh liat ini tjonto," berkata sampe di sini ia batjokin goloknja pada oedjoengnja itoe medja pesagi jang lantas mendjadi koetoeng, kamoedian berpaling lagi pada itoe tikoan sambil menambahken: ,,Tjoba kaoe timbang sendiri, apa kaoe poenja leher ada lebih koewat dari ini oedjoeng medja ? Akoe soeda dapatken keterangan jang maitnja
