-28-
barang sedikit, sebab tikoan ada akoe poenja sobat baek, sedang Tjian tihoe poen ada akoe poenja kontjo, maka dale:n ini perkara iaorang soeda mengasi banjak sekali bantoean jang berharga boeat akoe poenja kaslametan. Biarlah sateroesiija akoe aken berlakoe lebih hati-hati, dan tida nanti gegaba lagi seperti satoe kali ini. Maka akoe harap kaoe poen djangan terlaloe djengkel."
„Begimana akoe tida djengkel sadja, sebab kaoe selamanja lakoeken perboewatan jang melanggar kaadilan? Dari doeloe djoega akoe soeda bilang, kaoe boleh ambil brapa banjak prampoewan jang kaoe soeka, tapi djangan jang mempoenjai soewami atawa poen dengen mamake paksahan; prampoewan tjantik ada sampe banjak, sedang kaoe poen ada mempoenjai tjoekoep oewang boewat sampeken segala kaoe poenja kainginan, boewat apatah melakoeken hal jang meianggar wet? Ini satoe kali, biar poen kaoe bisa oempatken maitnja itoe prampoewan di dalem Soetjoe lim, dan mendapat perlindoengan dari tikoan dan tihoe, tapi apa kaoe kira pembesar dalem ini kota tjoema itoe doewa orang sadja, dan tida ada lagi jang lebih tinggi dan lebih berkoewasa? Kaloe kaoe maoe bikin senang akoe poenja hati, akoe tida mengharap kaoe poenja katjintahan sabagi soewami istri padakoe, tapi akoe minta sadja soepaja kaoe djangan melakoeken hal-hal jang melanggar wet negri dan wetnja Thian, sabegitoe sadja soeda sampe tjoekoep boewat menjenangken hatikoe."
„Blakangan pembitjarahannja itoe soewami istri tida penting, maka akoe lantas berlaloe. Sedang dari apa jang marika bitjaraken, akoe bisa mendapat kanjatahan kaloe istrinja Tjhio Tjoe Boen ada saorang baek hati, dan sabisa-bisanja ingin memboedjoek soepaja
