-26-
kaoe berdjoesta, itoelah kaoe poenja salah sendiri. Apa betoel maitnja Giok Nio dikoeboer di Soe-tjoe-lim? Kaloe betoei, apa kaoe taoe di mana ieiaknja jang sabetoelnja?"
„Akoe sendiri taoe, tapi dari Tjhio Lok akoe denger maitnja itoe prampoewan dikoeboer di tengah-tengahnja itoe oetan, di bawahnja satoe pothoen tjemara jang sanget besar, tapi sama sekali tida memake peti mati, hanja tjoema diboengkoes sadja sama satoe lembar tiker."
„Apa Tjhio Lok tida djoestaken pada kaoe?¨ menanja Lee Na.
„Akoe rasa tida," menjeletoek itoe toekang ronda, „sebab Tjhio Lok ada katjintahannja ini nona Tjhoen Bwee.
„Apa betoel begitoe ?" menegesken Lee Na pada Tjhoen Bwee.
Tjhoen Bwee tjoema bisa rnanggoetken kapalanja, jang kamoedian lantas ditoendoekin seperti orang jang merasa maloe.
„Lo-dji, kaoe poenja penjelidikan bagimana hasilnja?" menanja Lian Eng pada iapoenja ade, Lioe Eng.
Akoe poenja penjelidikan hasilnja penting djoega, saoet Lioe Eng; „tapi lebih baek sabentar sadja kita bitjaraken."
Sahabisnja berkata begitoe mengawasin pada itoe toekang ronda dan Tjhoen Bwee.
Lian Eng manggoetken kapalanja menjataken la soeda mengerti, kamoedian berpaling pada Lee Tjoe dan menanja: „Sedeng kaoe, bagimana, Lo-Soe?" „Akoe poen aken menoetoer sabentar," saoet Lee Tjoe.
Nah, kaloe begitoe, baek kita masoekin lagi ini doewa orang," kata Lian Eng, „kamoedian kita lantas poelang."
