-25-
„Ampoen, tay ong," kata ia dengen tjepat; „ini hal boekannja akoe tida maoe kasi katerangan, tapi akoe sendiri tida begitoe taoe, maka akoe tida brani sembarangan bitjara."
„Tjeritaken sadja apa jang kaoe taoe, tapi, hati-hati, djangan berdjoesta, kaloe kaoe masi sajang kaoe poenja djiwa," kata Lian Eng dengen bengis.
„Akoe denger maitnja Giok Nio dikoeboer di Soet-joe-lim, satoe oetan jang terpisa kira-kira lima lie dari sini' saoet itoe toekang ronda, „tapi letaknja itoe koeboeran di mana, akoe tida taoe dengen terang, sebab ini hal ada sangat diresiaken dan tjoema loya poenja orang-orang kapertjajahan sadja jang taoe."
Siapa itoe orang-orang kapertjajahannja kaoe poenja loya?
„Mandoor Kwee Sam, Tjhio Hok, Tjhio Lok dan Tjhio Eng. semoewanja ada loya poenja orang orang kapertjajahan dan banjak tjampoer loya poenja segala oeroesan, saoet itoe toekang ronda.
„Djaga baek kaoe poenja leher,'" kata Lian Eng, „sebab kaloe sadja kaoe berdjoesta, dengen gampang sadja akoe nanti bisa poetoes." Berpaling pada Lee Na dan menambahken: „Lo-sam, sekarang kaoe boleh moelai menanjaken katerangan pada kaoe poenja orang tawanan."
„Kaoe ini apa boekannja boedak jang melajanin pada kaoe poenja njonja?" menanja Lee Na pada itoe boedak prampoean.
„Ja, ja, tay-tay . . . ong, ampoenin akoe poenja djiwa katjwa," meratap itoe boedak prampoean dengen gigi jang bertjatroeken.
„Kaoe tida perloe merasa takoet," kata lagi Lee Na, „tapi moesti bitjara jang sabetoelnja, akoe tanggoeng kaoe poenja djiwa tida nanti dibinasaken tapi djika
