-24-
soepaja menoenggoe sampe doewa kawpnnja jang laen balik kombali, kamoediaii adjak marika kaloewar dan berkoempoel di bawahnja itoe poehoen gotong, sabagimana lebih kaloe soeda didjandjiken.
Lama djoega baroelah kaliatan Lee Tjoe dan Lioe Eng dateng, Giok Kay kasi tanda pada iaorang soepaja mengikoet kaloewar dengen melompatin itoe pager tembok jang tinggi. Tida antara lama kamoedian iaorang soeda berkoempoel sama Lian Eng dan Lee Na jang soeda menoenggoe di bawahnja itoe poehoen gotong dan lagi menanjaken katerangan pada doewa orang tawanannja dengen diantjam sama doewa golok terlandjang.
Itoe orang lelaki jang ditawan oleh Lian Eng ternjata ada satoe toekang ronda malem' sedeng itoe orang prampoewan tawanannja Lee Na ada satoe boedak prampoewan dalem itoe roemah.
„Ampoen sariboe ampoen, tay ong sekalian," begitoelah meratap itoe toekang ronda malem," tida perdoeli apa djoega jang tay ong tanjaken, tentoe sekali akoe aken kasiken katerangan, asal sadja akoe poenja djiwa diampoenin."
„Djangan banjak batjot!" menjentak Lian Eng dengen soewara dibikin-bikin seperti orang lelaki, „kaoe tjoema boleh bitjara kaloe ditanja, djawab sadja apa jang kita tanja, tapi kaloe kaoe berdjoesta dengen lantas ini golok bikin poetoesan kaoe poenja leher.
„Ja, boleh lantas moelai tanjaken apa jang tay ong ingin taoe," saoet itoe toekang ronda malem.
„Di mana maitnja Giok Nio dikoeboer ?" menanja Lian Eng.
Itoe toekang ronda bersangsi boewat mendjawab, tapi dengen lantas ia rasaken lehernja dingin lantaran ditandelin blakangnja Liang Eng poenja golok.
