-14-
tida nanti madjoeken itoe dakwahan pada sabelonnja kaoe mendapet kanjatahan tida poewas sama akoe poenja papreksahan dan poetoesan.¨
„Itoelah soeda tentoe,¨ djawab Yo Kok Hiong; „tapi akoe harep sadja thaytjoen poenja papreksahan bisa mengasi kapoewasan padakoe."
Sasoedanja berkata begitoe, Yo Kok Hiong; lantas berpamitan poelang ka roemahnja, kamoedian kasi tjerita apa jang soeda terdjadi pada istrinja. Lian Eng dan Lioe Eng toeroet mendengerin itoe enoetoeran dari marika poenja ajah, diam diam iaorang merasa sangat goesar pada Tjian Kliong Hong, jang soeda terang sekali berfihak pada tikoan dari Hwan gie dan Tjhio Tjoe Boen; tapi di hadepan ajalinja iaorang tida brani menjataken marika poenja pengrasahan itoe.
Tatkala iaorang soeda masoek ka dalem marika poenja kamar, dengen menoetoep djendela dan pintoe iaorang bermoefakatan, tjara bagimana iaorang haroes berboeat terhadep pada itoe oeroesan.
„Ini oeroesan djika kita biarken ajah jang tjampoer tangan dengen satjara menoeroet boenjinja oendang oendang negri seperti sekarang,¨ kata Lian Eng dengen soeara berisik. „pasti sekali ini perkara trananti bisa mendjadi beres, orang jang ditjoerangin tida aken bisa mendapat ka'adilan, dan orang jang bersalah tida aken terhoekoem, sebab soeda terang sekali, maoe poen itoe tikoan dari Hwan-gie, atawa poen Tjian Knong Hong tihoe, semoeanja ada mendjadi sobat-sobatnja Tjhio Tjoe Boen, tentoe sadja ambil fihaknja ini pendjahat, hingga boeat selama-lamanja Giok Nio poenja kamatian aken mendjadi satoe perkara jang penasaran. Oleh kerna itoe djoega, akoe pikir paling baek kita moesti tjampoer tangan."
