-13-
Kombali Ijian Khong Hong oendjoek iapoenja paras moeka koerang senang.
„Itoelah ada akoe poenja poeloesan sendiri tjara bagimana akoe haroes ambil tindakan dalem ini perkara," kata ia, „dan toewan jang sama sekali tiada berkawadjiban, sama sekali tida perloe ijampoer taoe".
„Ja, itoe memang betoel; tapi apatah salahnja kaloe akoe mengasi advies boewat mendjadi kabaekannja ini perkara? Perkara thayljoen soeka toeroet akoe poenja advies atawa tida, itoelah memang djoega thaytjoen poenja oeroesan sendiri!" kata Yo Kok Hiong dengen mendongkol. „Tapi haroes dikatahoei djoega, djikaloe akoe tida bisa mendapet kapoewasan sama thaytjoen poenja papreksahan, akoe bersedia boewat madjoeken dakwahan pada pembesar jang terlebih tinggi.
Roepanja ini antjaman telah mengasi hasil jang diingin, sebab Tjian Khong Hong tida begitoe bertingka lagi seperti baroesan, maoe oendjoek iapoenja pengaroeh sebagi satoe ambtenaar; sebab memang dangen sasoenggoenja, sebagi satoe toeroenan orang berpangkat, Yo Kok Hiong masi ada mempoenjai sebagian pengaroeh di kalangan officieel, hingga kaloe ia maoe madjoeken dakwahan pada ambtenaar jang berpangkat lebih tinggi memang dengen gampang bisa kadjadian, hingga itoe antjaman sama sekali boekannja antjaman kosong.
„Soeda tentoe sadja toewan ada merdika boewat madjoeken dakwahan pada pembesar jang terlebih tinggi," saoet Tjian Khong Hong, „tapi kaloe memangnja itoe dakwahan tida benar, toch satoe roepa sadja tida ada goenanja satoe apa toewan madjoeken dakwahan pada pembesar jang terlebih atas. Tapi biar bagimana djoega, akoe rasa toewan
