-15-
„Entji maoe tjampoer tangan dengen tjara bagimana?" menarja Lioe Eng.
„Soeda tentoe sadja dengen satjara menggelap," saoet Lian Eng, „dan menoeroet akoe poenja pertimbangain, terlebih doeloe kita moesti bikin penjelidikan ka roemahnja Tjhio Tjoe Boen, boeat mentjari taoe di mana maitnja Giok Nio telah dikoeboer, kamoedian pergi kasi antjaman pada tikoan dari Hwan-gie soepaja ia djadi takoet dan maoe berlakoe. adil dalem ini perkara."
„Apa ade Lee Na dan Lee Tjoe tida perioe diadjak bakerdja sama sama dalem ini perkara?" menanja Lioe Eng.
„Boekan sadja iaorang berdoea haroes diadjak bakerdja sama-sama. malah ade Giok Kay poen perloe diminta bantoeannja," saoet Lian Eng, „sebab ia ada satoe lelaki jang bisa pergi ka mana-mana di waktoe siang, teroetama iapoenja oemoer masi sangat moeda, hingga boleh dibilang anak-anak, maka kaloe ia jang pergi bikin penjelidikan diloewaran, tentoe tida aken menerbitken orang poenja katjoerigahan dan bisa berhasil bagoes. Tjoema sabisanja ini oeroesan kita moesti pegang resia pada kita poenja orang toewa, begitoe poen Lee Na dan ade-adenja moesti berboeat terhadep pada marika poenja orang toewa."
„Tapi akoe rasa achirnja kaloe kita soeiia ambil tindakkan apa-apa, toch ini resia tida nanti bisa ditoetoep, „kata Lioe Eng," sebab kaloe ada tersiar kabar prihal perboewatannja bebrapa liehiapkek terhadep pada itoe tikoan di Hwan gie, tentoelah ajah dan iboe lantas mendoega kita poenja perboewatan."
„Soeda tentoe sadja aken kataoean djikaloe kita melakoeken pakerdjahan dengen tida menjamar," saoet Lian Eng sembari bersenjoem ; „tapi kita toch tida
