-9-
Pada soeatoe bari, sala-satoe boedjang prampoewannja Yo Kok Hiong, dengen bertjoetjoeran aer mata dateng mengadep pada The sie, menoetoerken bahoewa iapoenja anak prampoean, jang telah menikah pada Liauw A Sam, penggawe dari sala-satoe toko hasil boemi di kampoengnja — Sip lie-toen — koetika baroe abis poelang menjoetji dari pinggir soengei, telah ditjegat dan rampas oleh Tjhio Tjoe Boen dan orang-orangnja. Ini Tjhio Tjoe Boen ada satoe orang ternama di Sip-lie-toen, dan mempoenjai gelaran boekhi-djin; tapi tabeatnja sangat djahat, soeka sekalin berlakoe sewenang-wenang, teroetama dalem oeroesan jang berhoeboeng sama paras eilok. Semoewa orang takoet sekali pada Tjhio Tjoe Boen, boekan sadja lantaran ia berpengaroeh, tapi lantaran ia paham ilmoe silat dan mempoenjai banjak toekang poekoel.
Giok Nio, begitoelah namanja itoe boedjang prampoewan poenja anak-prampoewan, jang mendjadi istrinja Liauw A Sam, sekali poen ada prampoewan dari toeroenan ketjil, tapi mengarti atoeran dan berhati keras, biar poen ia soeda kahilangan kamerdikahannja, toch ia tida maoe manda kahormatannja ditjemarken, sekali poen telah digoenaken kakerasan. Pada soeatoe malem, koetika doewa prampoewan jang mendjaga padanja djoestroe tidoer kapoelesan, dengen nekat Giok Nio bentoerken kapalanja pada tembok kamar tawanannja, hingga batok kapaianja petjah dan djiwanja melajang ka laen doenia.
Oleh kerna itoe djoega, itoe boedjang prampoewan memoehoen soepaja iapoenja madjikan soeka menoeloeng belaken ini oeroesan jang sangat melanggar kaadilan dan pri kamanoesiahan, sebab biar poen Liauw
