- 12 -
dah-moedahan ia nanti bisa dapetken itoe prampoean, jang ia niat boekan boeat maen-maen, dan kaloe tida dapet djoega, ia nanti trima sala dihadepannja Oey, jang tida oeroeng Oey nanti lebi girang, dan...apa salanja bikin orang djadi lebi girang?
Lantaran terhiboer begitoe roepa, ia bisa djoega tidoer dengen satoe 'niatan tetep, jang ia nanti lakoeken biar begimana djoega.
——————
II.
Pertjobaän pertama.
Pagi-pagi sekali Tjan soeda mendoesin dan sigra djoega ia pergi mandi dan sembari doedoek isep roko ia awasin Soekmi, jang lagi njapoe. Sekalipoen itoe tempo belon terang betoel, tetapi Tjan bisa liat teges dan baroelah ia pertjaja, sesoenggoenja Soekmi ada poenja roepa, jang boleh menarik hati lelaki, boekan eilok, tetapi tegep.
„Kaloe ia ada gadis Tionghoa," pikir Tjan, „tentoe iboenja tida ada kebratan boeat lamarken dia djadi bininja."
Sekoetika lamanja Tjan berpikir, achir-achir tempo Soekmi dateng lebi deket dengen toendoek sadja menjapoe, lantas ia tegorin dengen soeara manis
