- 10 -
Djoega tida bagoes!
Brani tjoeri orang poenja hati, dan moesti piara selama-lamanja orang jang ampoenja hati itoe, hegitoelah sifatnja orang prawira, perboeatannja satoe laki laki.
Ini ada soesa!
Saorang Tionghoa jang belon beristri pada bangsanja sendiri lantas piara prampoean laen bangsa, ada tertjela diantara bangsa. sendiri, pendek... melanggar adat.
Kaloe begitoe, apa dan?
Tetapi, lantaran Soekmi masi gadis, apa tida boleh kawin padanja?
Tentoe sadja boleh, tetapi kawin tjara begimana?
Soeda tentoe tjara jang di sahken oleh Wet disini, boekannja kawin lantaran sembahjang Sam Kai, sebab kawin begitoe melaenken bisa dilakoeken kaloe sama bangsanja djoega, dan toch soenggoe ada sah boeat publiek, tetapi tida sah boeat wet.
Apa iboe bapa tida aken bikin kebratan?
Itoe soeda tentoe. Dan kaloe begitoe, tjoema boeat piaraan sadja.
Ai, itoe kebratan.......
Tjan ampir tida bisa meremken matanja, sebab sekarang dalem hatinje timboel itoe perbantahan
