- 9 -
Sekalipoen ia bilang mace tidoer, sebetoelnja ia tida pergi tidoer, hanja sesoedanja toetoep pintoe depan, ia panggil itoe koesir dan ditanja ini dan itoe dari halnja Soekmi.
Sesoedanja ia dapet ketrangan apa jang ia maoe, lama djoega ia tinggal doedoek sendirian dalem kamernja memikirken akal dan menanja djoega diri sendiri 'apa tida berlakoe kliroe, jang ia soeda bergiat maoe djoega dapetken itoe prampoean?
Bilang sadja bisa dapet, sesoedanja dapet, itoe prampoean menjeraken diri padanja, ana lagi ia moesti bikin seteroesnja?
la moesti bikin itoe prampoean sepeti biasanja prampoean latjoer? Itoe tida bisa. Tadi Oey soeda bilang, diharian kawinnja Soekmi soeda tinggalken lakinja, itoe sadja menandaken jang ia toch ada poenja perasaan, taoe harga dirinja sebagi laen-laen manoesia.
Apa bagoes kaloe dengen sengadja langgar orang poenja penghargaan diri?
Tida bagoes! Itoe perboeatan orang biadab, sebab orang sopan moesti hargaken djoega orang laen poenja diri, apa lagi kaloe orang itoe soeda oendjoek taoe harga dirinja.
Kaloe sesoedanja dapet tjoeri hatinja itoe orang. lantas sadja tinggalken padanja, apa itoe bagoes?
