― 24 ―
,,Na, ini tromol taro di mana ?" tanja itoe koesir jang lagi tengteng tromol pakeannja si Ros.
,, Taro di pangkeng gi sir," kata itoe anak moeda.
,,Ros, ni koentji lemari, taro sadja pakean loe didalem lemari !" kata poelah itoe anak moeda, sembari kaloearken satoe anak koentji dari rentjengannja koentji-koentji.
Si Ros lantas samboetin itoe koentji dan ikoet ia poenja Baba masoek ka dalem kamar.
Didalem itoe kemar betoel sadja ada satoe lemari katja, jang di taro didepan randjang besi.
Koh! wangi amat ini pangkeng, nona mana jang soeda oekoepin ?" tanja si Ros pada Babah baroenja.
,,Engko engga ada poenja nona lagi, selaennja si Ros!'
,, Masa ?"
,,Betoel !"
,,Bener ?"
,,Ja! kebentoer djadi kelenger!"
,,Saja si engga pertjaia moeloet orang lelaki, kaloe engga boeat apa Engko sewa ini roema ?"
,,Memang Engko tinggal disini si, bagimana engga sewa ini roema ?"
,,Masa Engko maoe tinggal disini, tentoe djoega Engko sebentar poelang ka roema Engko di satoe gedong jang besar!"
„Nah, begini adja, kaloe engga pertjaia, liat sadja sebentar malem apa Engko tidoer di laen roema!"
,,Kenapa engga ada pakean Engko disini ?"
,, Pakean Engko lagi di kasi toekang binatoe si!"
,,Ach! bohonglah !"
,,Astaga, nona engga pertjaia moeloet Engko!"
,,Pertjaia si boleh pertjaia, tapinja paja !"
,,Engko engga njana sekali, jang ini hari Nona bisa dateng disini !"
