— 79 —
„Dari mana loe dateng, Hok ?” tanja si Ros jang baroe keloear dan telah dapet liat si Keng Hok ada disitoe, sebab memang sedari si Keng Hok masi ketjil soeka sering dateng ka roemanja 'ntjek Asie, maka itoe si Ros ada kenal betoel pada si Keng Hok.
„Owee abis dari sekolahan, Tji Ros!”
„Ja, kenapa bolehnja loe tjepet gede ?”
„Entji kenapa boeat heran, kan saban hari orang makan masi, apa lagi so da doea taon kita tiada ketemoe moeka tentoe sadja 'ntji liat owee rasanja gedean.
„Soewara loe soeda petja, Hok, teutoe loe soeda nakal!” kata si Ros dengen memaen.
„Kenapa 'ntji kata begitoe lagi, kan itoe memang soeda mistinja, siapa sadja, kaloe soeda gede soe waranja tentoe misti djadi petja Liat adja itoe gembreng jang saban hari di poekoel, soeda djadi petja, begitoe djoega dengen owee poenja soewara !”
„Bisa adja loe Hok!”
„Abis 'ntji jang masi begini moeda engga maoe ikoet orang lagi ?”
„Goea maoe ikoet loe, Hok !”
„Ach, owee soeda ada si Boto si!”
„Ja ni Enko Hok, saban hari kaloe ia dateng disini soeka kotjok orang!” kata si Boto dengen maloe, kerna 'nijinja blon dapet taoe jang ia telah menaro tjinta pada itoe djedjaka.
„Ach! masa kenapa si, si Hok lah orang pinter, kaloe dia maoe kawin sama loe, boleh adja !”
„Owee djoega maoe kawin sama si Boto, tjoema sadja sekarang owee blon bisa tjari oentoeng, nanti kaloe owee soeda berkerdja, tentoe owee soeroe Entjek owee dateng melamar!”
„Hok, besok goea engga ada lagi di sini!” kata si Ros dengen mesem-mesem.
