— 80 —
„Abis 'ntji maoe pergi ka mana !”
„Goea maoe poelang Tjina !”
„Ach ! Owee engga pertjaia, tentoe ni 'ntji maoe ikoet orang lagi!”
„Loe bisa betoel menebak !”
„Ah ! apa owee kata masa sala ! Sama siapa entji maoe ikoet ?”
„Loe si maoe taoe sadja !”
„Boekan begitoe Tji, kaloe 'ntji bilangin namanja kan owee bisa kasi ketrangan, apa itoe orang baek atawa tida, soepaja ini sekali 'ntji ikoet orang tida djadi kepiran lagi !”
„Kendati goea kasi loe taoe, toch loe engga kenal siapa orangja !”
„Ja ! kaloe begitoe soedalah !”
„Sekarang loe soeda klas brapa, Hok ?”
„Klas paling tinggi seperti tiang bendera !”
„Abis sampe kapan baroe loe bisa berkerdja ?”
„Sekarang djoega bestuur T. H. H. K. ada tanjaken owee satoe pakerdjahan boeat djadi goeroe di Tegal, tetapi owee engga maoe, sebab owee djadi berpisa djaoe sama si Boto si !”
„Wah ! betoel engko ini kliroe, liat sadja bagimana engko poenja Entjek, ia soeda langka laoetan dan berpisa pada Engko poenja iboe dan tinggalken Koh bereboean paal peonja djaoe, toch ia tida merasa berat, kerna dimana tempat orang bisa dapetken pengidoepannja, disitoe ia moesti pergi !”
„Goea takoet si nanti loe kawin sama laen orang !”
„Kaloe Koh masi koerang pertjaia, pendeknja kita berdoea soempa dengen sembajang samkaij, da.”
„Ach goea engga pertjaia pada itoe segala tachajoel.”
„Apa betoel-betoel loe di soeroe djadi goroe di sana ?” kata si Ros dengen merasa heran.
„Betoel Tji, masa owee maoe akalin !”
„Nah! kaloe betoel begitoe, kenapa loe engga maoe pergi !”
