guru takajuah biduak ke hilia — taimbau urang ka datang tetapi sungguh damikian dimuko indak mangasan mandjawab guru Dunia lorong pada kato kakak malu hambo saketek hambo nangko alah tuo si Minah urang mudo baru baranak duo urang babaur mudo djo tuo — salah raso pandang urang elok nan lain ditjari samo kito mantjarikan samo mudo djo si Minah katonjo guru Dunia dalam hati raso dirangkuah tabajang rupo si Minah anak rantjak pandai mamakai mandjawab kato angku guru mandjawab si Rombok lorong kapado tuo mudo tidak mande timbangkan banjak urang nan datang guru djuo Tjinto hati sadjak dahulu mukasud ka maambiak guru ka minantu indak dapek guru batangguah kalau djaput baso baso urang lain hambo suruah hambo bana nan datang tanjo didjaput sabananjo djaput tabao di ambo mandanga kato damikian galak bagumam angku guru bakato guru Dunia kalau baitu kakak malu pulo maandakan bulan dimuko dilangsungkan kito tidak baralek mando’a orang malin katonjo guru Dunia.
Mandanga kato damikian sadjuk raso pikiran mukasud lai sampai ka andak lai babari ndak ado sabanta antaronyo nasi taedang tangah rumah bakato kakak guru manolah kakak bakisa duduak dahulu nasi basanduak minta dimakan hambo ajia ditjawan mintak diminum katonjo dunsanak guru indak elok babaso nasi talatak manantikan panek tangka batangka makan djuo nan djadi, sadang makan barundjiang djuo sudah makan djo minum dibasuah tangan anjo lai dikunjah siriah sakapua bakato si Rombok pulang hambo dahulu dierak tagak ke pintu badjalan maadok pulang sanang hati pikiran gabuk dek hati talampau gadang tibo dilaman rumah dilihek suok kida tampak si Minah mandjapuk ajia bakato mandenjo ka rumah kau dahulu ado etongan marumit(1) katonjo si Rombok
52
