indak tatahan kato mintuo malu kaurang suok kida dibao pindah si Aminah Minah manurut kato mande indak suko batjarai jo lakinjo. Karano si Rombok tjipeh akok di harato kakajoan batjarai si Minah djo si Djamaris bakuak anak bapak.
Alah batjarai si Aminah latahu kadi nagari sanang hati si Rombok dinanti idah tigo bulan duo bulan antaronyo di usua kato ke Sutan Sati manggantikan lapik ke Aminah penganti si Upik nan mati bakato Sutan Sati lorong kapado kato mande — dilawan mufakat ibu djo bapak katonyo Sutan Sati pada hari barisuak dilawan mufakat bapak mande bakato mamak si Sati pado pulang ke anak si Rombok elok nan lain nan ditjari si Rombok padusi setan anak sarupo badjaa elok urang katiko kajo mularat ditjampakkan kaba didanga dari urang pai si Rombok ka Medan batjarai anak laki bini padusi iblis si Rombok akok labo kaharato kalau tidak baitu indak injo balaki banjak — mandjawab pulo mande si Sati tatkalo Djamaris batjarai asung asah mande si Minah anak disuruh minta tjarai dima kaelok tarus buruak baik indak batjarai sanjampang malarat awa-ang indak ado bapitih disuruh pulo tjarai baitu laku si Rombok elok babinji ke nan lain.
Si Neti anak si Kundua anak gadih alun balaki laku elok rupo ratjak pado si Minah anak si Rombok awakbudjang baranak tirih kan ijo hari barisuak nikah si Sati djo si Neti baralek ba anak daro lalu kalaman si Rombok.
Simantung Padang tinggi
Dibubuik kaladi diampehan
Dibubut burung tabang tinggi
Nuri nan djinak dilapehkan
20
