Pembalesannja Kawanan Liangsan/Djilid ka-satoe/Bab 4

by Tong Th. Fuctriorider

IV
LANTARAN ANTERIN SOERAT, TOUW HIN
DJADI TJILAKA ― TIO GIOK-GO LAN-
TARAN RINDOE, LOEPA MALOE.

Koentjoeng-koentjoeng dari sebla blakang kadengeran soeara orang mendatengi, hingga Loan Teng-giok jang lagi bengong lantas menoleh, dan liat orang jang dateng itoe Houw Seng adanja.

Hatinja jang memang goesar, djadi bertamba gemes, waktoe dapet liat itoe moerid tjilaka doerhaka, jang telah menipoe dan menjilakai dirinja sampe begini roepa.

Teng-giok laloe berbangkit, dengen maksoed boeat kasi hadjaran.

Tapi Houw Seng jang dateng dengen tida bawa gegaman, satelah liat itoe goeroe jang dipedajaken, djaoe-djaoe ia lantas angkat tangan membri hormat, sambil berkata:

,,Oh, Hianheng, ampoenkenlah dirikoe ini! Ampoenkenlah!! Apa Hianheng ada banjak kaget?

,,Diam! diam!.. Troesa kaoe banjak bitjara lagi," kata Teng-giok dengen goesar.

Tapi Houw Seng madjoe teroes sambil berkata bahoewa ini semoea boekanlah ia poenja sala. Baroe ia berkata sampee di sitoe, Teng-giok soeda berkata kombali bahoewa ia tida doega, kaloe Houw Seng jang ada djadi bekas moeridnja dan telah trima banjak pengadjarannja, bisa berlakoe tjoerang begitoe roepa, aken bikin dirinja djadi begini soesa. Hingga maski ada poenja roema sekali poen, tentoe tida bisa poelang: dan ada mempoenjai tanggoengan, tapi tida bisa dilakoeken lantaran moerid ini poenja perboeatan.

„Soenggo akoe tida doega, kaloe kaoe ada mempoenjai hati begitoe,” kata poela itoe goeroe: „dengen perboeatanmoe jang begitoe roepa, manoesia matjem apatah orang haroes kasi nama padamoe?”

„Hianheng, dengerlah doeloe akoe poenja bitjara,” kata Houw Seng sambil membri hormat beroelang-oelang: „djika dalem ini perkara akoe ada bersala, akoe poen soeka trima hoekoemannja. Djanganlah Hianheng djadi goesar doeloe, sabelon mendenger akoe poenja katerangan.”

Sahabisnja kata begitoe, ia laloe tjeritaken satoe persatoe tentang perdjalanannja ka loear negri, sabagaimana doeloean poen ia telah jeritaken waktoe maoe tipoe ini bekas goeroe. Tjoema achirnja dari itoe tjerita jang tida bener, sekarang ditoetoerken dengen betoel, jaitu: sasoedanja balik ka ini negri, barang-barangnja telah dirampas oleh Mouw Tjie, kamoedian katemoe Wie Siauw-tjhit di roema berhala, blakangan ia pergi ka roema makan Sinliephar dmana ia katemoe Soen Sin dan Khouw Thay-so, kamoedian pergi ka goenoeng Tenghoensan aken berkenalan pada Tjo Loen.

Itoe orang-orang gaga jang satelah denger katjikahannja sampe begitoe roepa, lantas djadi amat goesar pada Mouw Gongbok, dan marika dengen bergiat laloe toeloeng rampas kombali itoe barang-barang jang Mouw Tjie ambl dan bajar poelang padanja.

Selang satoe-doea hari sasoeda binasaken Mouw Tjie jang djahat, begotie Houw Seng teroesken tjeritanja lebi djaoe: Soen Liep ditangkep. Dan sabelon orang bisa toeloeng soedaranja Soen Sin, Loan Teng-giok dateng dengen balatentaranja.

Atas ini kadatengan memang maoe dilawan. Tapi satelah ia dapet taoe siapa jang kapalaken ini barisan, dan menginget djoega katjintahannja moeried sama goeroe, maka ia tjega itoe kawan-kawan bertempoer. Berbareng itoe ia laloe goenaken satie tipoe, lantaran terpaksa ia berboeat begitoe, sebab itoe orang-orang gaga soeda oendjek boedie besar padanja.

„Inilah ada perkara-perkara jang sabenernja.” kata Houw Seng sabagi penoetoep dari bitjaranja.

„Tapi itoe tipoe jang digoenaken djadi lebi bagoes lagi djalannja, kerna Hianheng ada pertjajaken padakoe satoe kakoeasahan, jang lebi doeloe akoe tida doega bisa dapetken. Dan itoe semoea, achirnja njata telah berhasil boeat goenanja itoe sobat jang soeda oendjoek boedi padakoe. Tapi sekarang, datengkoe ka mari adalah membitjaraken satoe oeroesan aken goena kabaekanmoe sendiri, Hianheng."

Sapandjang mendenger itoe tjerita jang ditoetoerken dengen sabar, goesarnja Loan Teng-giok djadi sedikit koerang. Sembari dengerken teroes, ia pesen:

,,Baek, tjeritalah teroes! Tapi hati-hati, djangan kaoe omong jang tida karoean. Kerna kaloe sampe djadi begitoe, djangan kenal lagi akoe dan akoe poen tidak maoe kenal lagi padamoe."

,,Inilah Hianheng nanti timbang sendiri, apa bitjarakoe bener atawa tida,: kata Houw Seng: ,,Hianheng tentoe ada lebi taoe dari akoe, bagimana ini waktoe di sakoeliling kota dan tempat, ampir semoea pembersarnja kabanjakan ada orang-orang dari kawanan dorna, jang kabanjakan ada pikir boeat kaoentoengan sendiri, dari pada boeat kabaekannja orang ketjil. Djoestroe lantaran itoe djoega, maka akoe poenja barang dengen gampang bisa dirampas dengen tida mendapet keadilan. Ada kantoor tapi tida tempat mengadoe, ada pembesar tida bedah seperti begal-begal, jang tida sekali mempoenjai rasa kasian dan keadilan. Sebaliknja itoe orang-orang gaga di Tenghoensan maski di lahir kaliatannja seperti penjamoen dan begal-begal, tapi kalakoeannja haroes dipoedji berboeat, ia sorda bisa toeloeng patortin, hal ini ada ternjata dari mikkoe jang dirampas oleh Mouw Tjie. Betoel ia membikin soesa dan merampok, tapi itoe tjoema pada ambtenaar-ambtenaar jang jahat, rakoes dan kedjem, seperti Mouw-Gongbok dan jo Thaysioc. Boekan saja di kota- kota ketjil dan di desa-desa, hanja di kota Radja dan di astana sekali poen, dorna itoe tida koerang djoemblanja.”

Teng-giok rasa bitjara itoe bener sekali. Maka sagala perkatahannja Houw Seng tida dibanta. Sedeng Houw Seng landjoetken biljara itoe lebi djaoe:

„Dengen karoesakan jang sekarang, akoe kira boekan sadja Hianheng tida bisa balik lagi ka kota Tengtjioe, malah dengen binasanja Jo Giam, tentoe membikin Jo Tjian djadi goesar sekali. Kaloe itoe Tetok dapet taoe, jang petjanja kota Tengtjioe dan binasanja ia poenja soedará saroema tangga ada dari lantaran itoe kaaipahan, pastilah satoe kadosahan nanti ditimpaken atas Hianheng poenja kapala. Lantaran itoe, maka akoe kira ada lebi back kaloe sekarang Hiarheng tinggal sadja doeloe di gornoeng Tenghornsan, boeat menoeggoe sampe dateng itoe waktoe, aken meliat gelagat bagimana kita-orang haroes berlakoe.”

Mendenger itoe perkatahan, Teng-giok rasa bener djoega. Tapi boeat lantas menoeroet, hatinja masi moendoer madjoe. Sakean lama ia toendoeki kapala sambil berpikir.

Sabelonnja bisa ambil poetoesan, Tjo Loen, Soen Sin dan jang laen-laen semoea pada dateng ka itoe tempat. Djaoe-djaoe waktoe itoe bebrapa orang gaga jang tadi pagi masi djadi moesoe, satelah liat padanja, laloe membri hormat dan memboedjoek dengen roepa-roepa perkatahan menghiboer, soepaja itoe Tothongtjie soeka bersariket padanja.

,,Soenggoe, soeda lama kita-orang kenangken Hianheng poenja kapandean dan kagagahan," kata itoe orang berame: ,,baroe sekarang dateng itoe waktoe bisa bertemoe; dan kita-orang harep jang ini pertemoean nanti bawa karoekoenan boeat bisa berkoempoel sama-sama di atas goenoeng."

Banjak lagi laen-laen perkatahan manis, hingga Loan Teng-giok jang memang lagi bersoesa hati, achirnja menoeroet djoega.

Houw Seng djadi amat girang, satelah liat itoe bekas goeroe soeka berkoempoel pada fihaknja.

Sigra djoega marika laloe berangkat dari itoe rimba, naek ka atas goenoeng sambil bersoerak-soerak, ada djoega jang menjanji dan tepok tangan, sampe soearanja djadi rioeh.

Waktoe sampe di atas goenoeng, Khouw Thayso laloe kaloear menjamboet dan silaken itoe orang-orang gaga masoek ka roewangan Tjigie-thia, dimana ada satoe medja Hioto jang memang Jelah disediaken, dan satoe pendoepahan dengen asep kajoe garoe jang mengeboel-ngeboel.

Loan Teng-giok tida tampik lagi boeat angkat soedara. Maka sigra djoega lilin dan hio laloe dibakar, dimana masing-masing laloe bersembahjang sambil angkat soemppa pada Toehan Jang Maha Koeasa, bahoewa toedjoe orang itoe mengangkat soedara boeat membantoe satoe pada laen, dengen sadjoedjoernja hati. Dan siapa-siapa jang berhati palsoe, marika aken dapet koetoekannja Toehan.

Sasoedanja bersembahjang, marika laloe doedoek di itoe roewangan dan Tjo Loen prenta rahajatnja sadiaken barang makanan dan minoeman.

Itoe waktoe dibikin pesta besar. Dipotong djoega babi, kambing dan laen-laen. Rahajatnja poen dapet plesir dengen senang hati.

Kamoedian sambil minoem iaorang bitjaraken boeat angkat satoe pemimpin dan tetepken masing-masing poeaja kadoedoekan. Achiraja orang pada satoedjoe boeat angkat Loan Teng-giok sabagi pemimpin pertama.

Oh, inilah tida ada atoeran," kata Teng-giok sambil berbangkit dari tempatnja doedoek dengen perkatahan merenda: masatah saorang jang batoe sadja dateng dan belon tane keadahannja ini tempat, djoega belon oetaraken boedi apa-apa, brani trima itoe keangkatan? —Sabenernja akoe haroes hatoerken banjak trima kasi pada sakalian soedara-soedara, jang begitoe tjinta hati telah adjak akoe tinggal bersama-sama.”

Itoelah kita-orang harep Hianheng Hida menampik," kata Tjo Loen dan jang lacn-lacn dengen soedara berbareng kerna salaennja Hianheng poenja nama ada terkenal dan kapandean tjoekoep tinggi, djoega dalem hal oemoer, Hianheng ter itoeng ada jang paling toea dari kita orang semoeanja.

„Benerlah apa jang Tjo Loen Koko telah kata, berseroeh jang laen-laen: maka boeat ini, harep Hianheng tida nanti menampik, sebab angkatan ini salaennja ada pantes, djooega ada dengen soekanja Tjo Loen koko.”

Teng-giok tinggal merendaken diri dan tida brani boeat trima itoe angkatan. Tapi satelah katiga kalinja Tjo Loen beserta jang laen-laen meminta itoe, dengen apa-boleh-boeat ia trima djoega Sigra djoega kadoedoekannja marika itoe ditetepken, jaitoe: pertama Loan Teng-giok, kadoea Soen Liep, katiga Wie Siauw-tjhit, keampat Houw Seng, kalima Soen Sin, keanam Khouw Thay-so dan katoedjoe Tjo Loen.

Rahajat dari itoe goenoeng laloe dateng membri hormat pada marika poenja kapala baroe. Ito hari perdjamoean diteroesken sampe djaoe malem

Besoknja semoea liauwlo dibri persen dan ada djoega jang diangkat djadi Siauwtauwbak, seperti kapala dari kawan-kawannja jang laen. Dan sasoedanja beres itoe pengatoeran, masing-masing laloe berkoempoel di Tjigiethia, boeat membitjaraken oeroesan-oeroesan jang penting.

„Kariboetan di Tengtjioe dan binasanja Jo Giam, pasti bakal dikatahoei oleh pamarenta agoeng,” kata Loan Teng-giok pada sadereknja: „dengen menilik dari sitoe, dari sekarang soeda bisa didoega, jang tida lama lagi dari kota Radja tentoe bakal kirim satoe angkatan perang jang legoeh boeat serang kita poenja goenoeng. Tapi kita poenja keadahan di sini ada terlatoe lemah sebab rahajat tjoema ada bebrapa ratoes orang sadja, maka dari sekarang kita-orang toedjoe soedara moesti berichtiar boeat perbaeki ini tempat.

„Itoelah memang lagi dipikiri,” saoet jang laen-laen:,,sebab apa jang didoega, boekan sekali ada perkara jang tida boleh djadi.”

Begitoelah ia orang beroending pandjang pendek, sambil tetepken masing-masing poenja tempat djagahan.

Sadari itoe waktoe, sasoeatoe orang poenja tempat kadiaman laloe dibikin tegoeh dengen berdiriken tiga lapis bentengan jang dibrinama. „Sam-koan” Kamoedian didiriken djoega roema-roema bagoes boeat djadi tempat kadiamannja masing masing Hohan bersama sekalian familienja.

Di sebla depan dari Tjigiethia diberdiriken satoe tiang tinggi, dengen berkibar satoe bendera besar jang diseboet Henghongki, dengen hoeroef- hoeroef jang tersoelam dan boenjinja: „Tjan Thian Heng Too", artinja: ,,Bantoe mendjalanken atoerannja Allah".

Djoega tjari ramsoem boeat persadiahan, bikin alat sendjata dan koempoelin koeda-koeda boeat digoenaken dalem waktoe perang. Di sana sini tempel soerat plakaat atawa siarken omongan pada anak negri, soepaja orang soeka masoek djadi soldadoe. Tegesnja tida ada satoe apa jang tidak di-ichtiarken.

Sabelonnja liwat doea boelan, di Tenghoensan soeda berkoempoel doeariboe tentara baroe, jang satiap hari dengen radjin diadjar baris dan maen perang-perangan. Djoega sendjata soeda sadia hingga kamadjoean itoe samangkin hari kaliatan bertamba.

Pada soeatoe hari di roewangan Tjigiethia dibikin pembitjarahan boeat mengadakan ramsoem jang menoeroet katanja Loan Teng-giok, maski sekarang ramsoem ada sadia, tapi belon tjoekoep betoel, maka perloe moesti ditamba lagi.

Tapi boeat dapetken ini barang atawa oewang, dilarang boeat merampas kapoenjahannja orang baek-baek. Merampok poen boleh, tapi moesti liat pada orangnja. Kaloe itoe ada harta bandanja orang-orang hartawan jang djahat, atawa pembesar-pembesar jang rakoes dan soeka menjoesaken pada anak negri, boekan sadja miliknja itoe haroes dirampas, tapi djiwanja poen dibinasaken, sabagi membales sakit hatinja orang ketjil jang telah dianiaya. Baroe sadja itoe pembitjarahan selesih, satoe liauwlo dateng mewartaken: bahoewa di bawah goenoeng ada kaliaran ada bebrapa orang jang lagi sedeng liwat dengen membawa barang-barang ampat lima pikoel banjaknya.

,,Itoelah bagoes sekali!” kata Siauw-tjhit sambil melompat bangoen dan minta perkenan boeat kaloear mamegat orang jang djalan itoe.

Teng-giok loeloesken itoe permoehoenan dan laloe titahken Soen Sin boeat ikoet sama-sama.

,,Inget, soedara,” kata Loan Teng-giok dengen soeara mamesen: ,,kaloe jang liwat itoe ada soedagar jang berkapitaal ketjil, lepasken sadja padanja dan djangan diganggoe, kerna marika poen maoe tjari oentoeng boeat mamelihara anak istrinja."

Itoe doea Hohan memanggoet dan lantas berlaloe. Kamoedian adjak limapoeloe liauwlo aken toeroen goenoeng.

Sasampenja di bawah goenoeng, betoel sadja Siauw-tjhit liat itoe ampat atawa lima orang jang memikoel barang, soeda liwat sedikit djaoe; sedeng di sebla blakang ada kaliatan saorang gaga jang mengiringken, dengen djalan sambil bertoendoek, roepanja saperti orang berpikir.

Orang jang mengiring itoe, kendati pakeannja tida bagoes, tapi toch sikepnja kaliatan kosen. Badannja kekar dan pengawakannja boelet seperti matjan. Djalannja begitoe tetep dan mamegang satoe toenmbak pandjng jang dilintangi ka atas poendaknja.

Itoe orang tida taoe kaloe ada kawan hbegal jang maoe rampas miliknja.

Siauw-tihit laloe niembocroe dari blakang sambil poeter tujbakija dan berkata dengen socara keras:

,,He, orang jang berdjalan! Kaoe moesti taoe sedikit adat kaloe Mae liwat di ini tempat. Dan tinggalken barang-barangmoe, sabeloemnja liwat!

ltoe orang gaga nenengok, dan satelah liat Siauw-tjhit menboeroe, sedikıt roepanja tida merasa djeri. Satelah liat Siauw-tjhit poeter toembak ia djoega laloe maenken sndjalanja, aken menangkis.

Siauw-tjhit jang berangasan laloe menikam lago sekali. Tapi kena disampok dengen tjepat.

Itoe orang gaga jang tadinja maoe bales merkam lantas tahan toembaknja sanbil berseroeh:

,,He, apatah kaoe ini Siauw-tjhit Ko?!"

Astaga! Ampir sadja akoe kasalahan!" treak Siauw-tjhit sembari tahan sendjatanja.

Soen Sin djoega berseroeh dengen socara gilang, waktoe dapet hal itoe orang poenja moeka ijang sekarang ia ketalin siapa adanja.

Siapatah adanja itue orang gaga? la ini boekan laen dari Poktiantauw Lie Eng poenja pengoeIoes roema, jang bernama Touw Hin dan diseboet djoega Koei Liam Dji.

Marika itoe djati amat girang dan sahe pada lalen laloe menanja ini itoe. Sasoedanja beromong-omong sedikit, Siauw-tjhit dan Soen Sin minta dengen sanget soepaja Touw Hin soeka mampir sabentaran ka atas goenoengnja, boeat berkenalan pada ia poenja laen-laen soedara angkat.

Maski Touw Hin lagi maoe boeroe-boeroe, toch ia rasa tida baek kaloe moesti menampik. Maka sasoedanja memanggil pada itoe orang-orang jang memikoel barang, boeat brenti, ia laloe ikoet itoe doea Hohan naek ka atas goenoeng Tenghoensan.

Satoe liauwlo jang Siauwtjhit soeroe kabarken pada Loan Teng-giok, lantas berlari-lari ka roewangan Tjigiethia, boeat mengasi taoe lebi doeloe. Ini Twako bersama laen-laen Thaunia, satelah denger itoe warta, amat girang dan laloe kaloear menjamboet.

Tida lama orang jang ditoenggoe itoe telah sampe, maka Siauw-tjhit dan Soen Sin dengen soeara girang, laloe berkata:

,,Soenggoe ini ada satoe pertemoean jang tida didoega lebi doeloe, soedara-soedara. Dan kaoe tentoe ada kenal pada Touwheng, boekan?"

,,Ja, Touwheng memang ada kita-orang berame poenja kenalan lama," kata Teng-giok, Soen Liep, Tjo Loen dan Khouw Thay-so, dengen soeara berbareng: ,,soenggoe inilah ada satoe pertemoean jang kabetoelan sekali."

Sasabisnja berkata-kata, satoe pada laen laloe membri hormat. Kamoedian Teng-giok silaken itoe orang gaga masoek ka dalem roewangan Tjigiethia, aken doedoek beromong-omong.

Berbareng itoe, Tjo Loen prenta rahajatnja sadiaken satoe medja makanan boeat oendang tetamoenja berdjamoe.

Sasoedanja menanjaken sedikit oeroesan doeloe-doeloe, Loan Teng-giok laloe menanja: Touw Hin ini maoe ka manatah, maka bawa barang-barang begitoe banjak. Apa sekarang sobat ini djadi orang dagang, jang brangkali maoe pergi ka laen tempat boeat berniaga.

Atas ini pertanjahan, Touw Hin menjaoet: betoel ini semoea ada barang-barang dagangan, tapi boekan ia jang poenja. Lebi djaoe ia kata: sadari meletaken djabatan, sampe sekarang poen ia masi bekerdja teroes pada Lie Eng. Dan ini bebrapa pikoel barang jang sekarang ia bawa, ada prentanja Lie Eng boeat disampeken pada sala satoe langgangannja di kota Radja. Soenggoe ia merasa girang sekali, jang sasampenja di sini bisa bertemoe pada ini sobat-sobat lama.

Teng-giok memanggoet. Kamoedian tanjaken sedikit tentang kawarasannja Lie Eng, sabagimana biasanja satoe sobat menanjaken itoe pada satoe sobatnja jang lama tida taoe dikatemoe.

Touw Hin hatoerken trima kasi dan bilang: Lie Eng ada di dalem slamat.

,,Akoe rasa ada lebi baek kaloe Touwheng djoega tinggal bersama-sama kita-orang di sini," kata Wie Siauw-tjhit, pada sasoedanja membitjaraken laen-laen: dan lagi sedikit hari, kitaorang berame poen maoe oendang Lie Eng Koko dateng berkoempoel, bocat, menambaken kakoeatannja goenoeng Tenghoensan.”

„Benerlah sabagimana jang Sianw-tjhit Ko telah bilang,” menjamboeng Tjo Loen dan Soen Sin dengen soeara berbareng: belon taoe bagimana Touwheng poenja pikiran; soedikah meloeloesken kita-orang poenja permintahan?”

„Sasoenggoenja akoe haroes hatoerken banjak trima kasi atas soedara-soedara di sini poenja katjintahan,” saoet Touw Hin: „tapi lantaran tanggoengan-tanggoengan jang berat di atas badan, maka salaennja akoe, Tongdjin djoega ada niat boeat pisaken diri dari oeroesan negri.”

Jang laen-laen bantoe memboedjoek soepaja Touw Hin soeka toeroet boeat tinggal sama-sama di ini goenoeng. Tapi lantaran orang jang diboedjoek tetep menampik, maka hal itoe tida dibitjaraken lebi djaoe.

Achirnja Soen Sin kata: kaloe sampe ada kaperloean jang begitoe sanget, tida bisa trima soedara-soedaranja poenja permintahan, marika poen tida brani memaksa. Tapi ia harep Touw Hin soeka menginep sadja di ini goenoeng boeat bebrapa malem lamanja.

„Soenggoe meniesel sekali, Soenheng, jang boeat ini permintahan djoega akoe tida bisa loeloesken seanteronja,” kata Touw Hin: kerna kaperloean ada memaksa boeat akoe berdjalan teroes. Sebab kaloe kalambatan, tentoelah langganannja Tongdjin jang pesen ini barang nanti tampik boeat trima, hingga akoe bisa dapet sala. Tapi atas katjintahammoe jang besar, jang saseenggoenja tida ada djalan boeat akoe menampik teroes meneroes, maka akoe trima boeat menginep di ini satoe malem dan besok pagi-pagi akoe moesti teroesken poela perdjalanankoe ini.”

„Kaloe hal ini bisa membikin Touwheng poenja eroesan djadi kapiran”,„ kata Teng-giok dan jang laen-laen:„kita-orang poen tida brani menahan lebi lama. Baeklah, begitoe lah begitoe.”

Sahabisnja beromong-omong Khonw Thay-sokasi taoe, bahoewa barang hidangan soeda sadia dan oendang itoe tetamoe doedoek berdjamoe.

Itoe orang-orang gaga laloe pinda ka medja pandjang, dimana telah diatoer roepa-roepa barang santapan jang lesat.

Sigra djoega iaorang laloe doedoek makan minoem dengen sagala soeka hati.

Pembitjarahan diteroesken sambil minoem-minoem. Tapi sebab tida ada omongan apa jang penting, maka hal itoe tida perloe ditoetoerken lebi djaoe.

Perdjamoean itoe ditoetoep pada sasoedanja hari mendjadi malem. Satoe kamar disadiaken boeat Touw Hin, begitoe djoega ia poenja orang-orang, jang sahabisnja makan minoem di medja loear, laloe masoek tidoer.

Esoknja pagi, sasoedanja tjoetji moeka dan toekar pakean, Soen Liep serahken pada Touw Hin satoe soerat, jang ia minta toeloeng disampeken pada Gag Ho dengen rasia. Lebi djaoe dipesen moesti hati-hati, djangan sampe ada orang laen dapet taoe, kerna soerat ini besar pentingnja.

Touw Hin trima itoe soerat beserta oewang docapoeloe tail perak jang dibriken. Kamoedian ia membri slamat tinggal pada itoe sakalian Hohan, jang menganterken sampe di kaki goenoeng, baroe balik kombali.

Touw Hin bersama kawannja jang memikoel barang teroesken perdjalanannja ka kota Radja. Di sapandjang djalan tida mendapet halangan apa-apa, hanja berdjalan teroes dengen enak, sambil memandang goenoeng-goenoeng jang bagoes.

Boeat samantara waktoe, biarlah kita tinggalken doeloe itoe orang-orang gaga di goenoeng Tenghoensan, dan mari kita ikoeti perdjalannja ini Koei Liam Dji jang menoedjoe ka Tongking, kerna ada penting boeat diliat hal-hal jang nanti kadjadian atas dirinja.

Itoe waktoe ada di moesin Tjhioe. Hawa boemi tida panas dan tida dingin, langit poen kaliatan terang, hingga bagi orang-orang jang bikin perdjalanan, dalem moesin begini ada senang sekali.

Sadari toeroen dari goenoeng Tenghoensan, Touw Hin teroesken perdjalanannja dengen tida brenti-brenti, katjoeali kaloe hari soeda moelai malem, baroe ia tjari waroeng boeat tempat brenti. Tapi besoknja pagi-pagi ia berdjalan kembali dengen tjepet.

Di sapandjang djalan pemandangan alam ada amat bagoes, dengen dapet itoe kasenangan, ta dan kawan-kawanrja jang memikoel tida rasaken tjape. Sasoedanja meliwati bebrapa hari poenja perdjalanan, pada soeatoe hari iaorang telah sampe di kota Radja.

Touw Hin laloe tjari satoe waroeng jang boeka penginepan, dan di sini ia mampir bersama kawan-kawannja boeat ilangken tjape. Sasoedanja mengaso sabentaran dan minoem-minoem sedikit boeat tambaken napsoe dahar, ia lantas adjak kawannja boeat anterken itoe barang pada Ong Siauw-sam, jang memang ia telah kenal lama.

Siauw-sam ada itoe orang jang pesen ini barang dan sakean taon lamanja ada mendjadi langganan jang satia.

Maka waktoe denger Touw Hin jang bawa barang dagangan telah sampe, boeroe-boeroe ia kaloear menjamboet dan silaken sobat itoe masoek ka dalem. Sasoedanja pada berdoedoek, ia menanjaken tentang kawarasannja Lie Eng dan ini sobat, jang didjawab oleh Touw Hin sambil oetjapken trima kasi.

Kamoedian Ong Siauw-sam kasi taoe, boeat ini oeroesan ia harep Touw Hin soeka bernanti sedikit hari; kerna boeat membajar harga ini barang, ia moesti menoeggoe doeloe sakalian socrat-soerat dan peritoengan jang lagi diberesken. Paling laat sapoeloe hari semoeanja nanti selesih.

Maski kapingin bisa dioeroes dengen tjepet, toch Touw Hin terpaksa moesti trima baek atas permintahannja itoe langganan. Sasoedanja tida ada apa-apa lagi jang perloe dibitjaraken, ia laloe pamitan dan balik kombali ka hotel tempatnja menginep.

Pada itoe kawan-kawan jang mengikoet, Touw Hin soeroe poelang sadja doeloean ka Santong, kerna ia masi ada mempoenjai oeroesan, maka tida bisa lantas berangkat sekarang djoega. Itoe kawan toeroet prentanja dan lantas berangkat tida lama kamoedian.

Sasoedanja berada sendirian di dalem kamar, Touw Hin laloe ambil itoe soerat bersama oewang jang Soen Liep kirim boeat disampeken pada Gak Ho. Kerna taoe jang itoe orang ada bekerdja di gedongnja Ong Hoema, maka tida soesa boeat ia tjari.

Sigra djoega ia telah sampe ka itoe tempat jang dikoendjoengi. Tapi di depan gedong ada sepi, tida kaliatan satoe manoesia jang boeat ditanja. Salagi merasa kesel, dari djoeroesan waroeng thee ada mendatengi saorang lelaki, jang maoe masoek ka itoe gedong.

Touw Hin lantas dapet doega, bahoewa ini orang tentoe ada bekerdja pada Ong Hoema, maka kaloe ia tanja tentang Gak Ho, tentoe ini orang bisa kasi katerangan.

Begitoelah ia menghantperi sambil memanggoet, kamoedian tanja: apa ini orang bekerdja di ini gedong.

Itoe orang jang lagi maee masoek lantas brentiken tindakannja sambil mengawasi dengen heran. Kamoedian ia menjaoet dengen pendek:

„Betoel.“

„Kaloe begitoe, apa sobat boleh toeloeng kasi taoe pada sala satoe kenalankoe, jang djoega bekerdja di sini?“ kata Touw Hin.

Itoe orang tida menjaoet, hanja samingkin memandang, dari atas sampe ka bawah dan dari bawah sampe ka atas lagi, seperti orang jang merasa heran atawa kagoem; hingga Touw Hin sendiri djadi merasa tida enak liat dirinja dipandang begitoe.

„Bagimana, sobal, bolehkah?“ tanja poela Touw Hin.

„Siapa kenalanmoe?“ demikianlah itoe orang balik menanja.

„Gak Ho.“

„Gak Ho??“

„Bener.“

„Kaoe poeuja apa dia itoe?“

„Boekan apa-apa, hanja kenalan sadja.“

„Dan kaoe ini dari manatah?“

„Dari Santong.“

Itoe orang manggoet-manggoet sendirinja, hingga Touw Hin djadi merasa terlebi-lebi heran.

Kaloe begitoe, marilah ikoet padakoe," kata itoe orang kamoedian:,,Gak Ho sekarang ada dikebon blakang, lagi maen tloki."

Touw Hin djadi soeka hati dan sedikit poen tida merasa tjoeriga. Maka ia laloe mengikut dari blakang, dengen tida pikir apa di godongnja ini orang besar, boleh sembarangan orang masoek atawa tida.

Sasampenja di dalem, itoe orang silaken Touw Hin menonggo di satoe kamar, sambil berkata:

Doedosklah doeloe sabentaran. sobat. Akoe nanti kasi taoe, kaloe sasocdanja iaorang brenti maen tjatoer. Tida brapa lagi dinega itoe permaenan akes selesih."

..Baeklah, kata Touw Hin sambil memanggoet dan hamperi satoe korsi jang ada di sitoe, sedeng itoe orang lantas rapetin pintoe dan berlaloe.

Touw Hin jang berada sendirian di dalem itoe kamar, tida sekali mendoega apa-apa. la menandang di sakoelilingnja. Saät-saät jang berlaloc ada dirasaken lama djoega, sampe achirnja soeda berlaloe satue djam, belon djoega ada kaliatan orang dateng.

Hatinja djadi moelai kesel dan menggerendang dengen soeara jang tida kadengeran.

Satoe djam lagi telah liwat, tapi orang jang ditoenggoe tida djoega kaliatan mata idoengnja.

,,He, apa brangkali itoe orang soeda loepa boeat kasi taoe?" tanja ia dalem hati sendiri: „kerna ini soeda doea djam lebi," Tapi, sasoeda melaloei lagi sedikit tempo, masi djoega belon kaliatan orang dateng, Touw Hinla socda lida sabar bocat menoenggoe lebi lama dan lantas hamperi pintoe, dengen maksoed maoe samperi sadia sendiri ka itoe tempat maen.

Tapi ia djadi kaget, waktoe dapet kanjatahan jang pintoe iroe ada terkoentji dari loewar. Ia tida mengarti, kenapa dirinja dikoentjiken begitoe roepa. Apa itoe orang maen-maen gila. Tapi ini poen ia rasa tida bisa djadi, kerna orang itoe poen la baroe kenal.

Kerna lida bisa boeka, djadi apa-boleh-bocat ia doedoek kombali aken menoenggoe. Sekarang ha tinja boekan sadja djadi tida senang, malah rasa kocatir poen ada terbit djoega daiem hati.

Salagi merasa bingoeng, pintoe kadengeran terboeka dan Touw Hin lantas bangoen.

Tapi bagimana terperanjat rasa hatinja, waktoe meliat itoe orang jang tadi dateng kombali bersama-sama toedjoe orang dan doea antara ada membawa tail. Sabelonnja ia sempet menanja apa- apa, itoe doca orang lantas menghamperi dan taro tali di atas badannja, sambil berkata:

,,Hajo lekas! lekas!"

,,Ka manatah ?" tanja Touw Hin pada sasoedanja menetepken bali sendiri.

,,Mengadep ka kantoor Kayhonghoe," kata itoe orang dengen soeara keras.

,,Tapi, kasalahan apatah akoe soeda berboeat ?" tanja ia: maka akoe moesti mengadep di kantoor Kayhonghoe ?"

,,Tida perloe kaoe menanja apa-apa di sini," kata itoe orang-orang sambil paksa adjak ia kaloear:,,di sana kaoe boleh menjataken jang dirimoe tida bersala; kaloe bener kaoe tida mempoеnjai kasalalian."

Touw Hin terpaksa ikoet djoega, sebab itoe orang maen seret sadja. Lebi lagi ia tida boleh ajal-ajalan, sebab itoe tali mendjiret di betoelan lehernja, hingga kaloe ia herdjalan sedikit pelahan sadja, leher itoe djadi sakit lantaran katarik. Dan soepaja tida terlaloe ménjekek, maka kadoca tangannja pegangi itoe tali jang ada di kiri kanannja leher.

,,Sasoenggrenja latjoer sekali," kata Touw Hin dalem hati,,baroe sadja sampe di sini, lantas kasi orang kaninja. Tapi siapatah jang kaniaja padakoe, dan akoe ada berboeat apatah jang menjakiti hatinja orang?"

la tida abis pikir, siapa orangnja jang begitoe dengki boeat bikin dirinja djadi tjilaka. Pada itoe orang jang tadi adjak ia masoek, ia rasa baroe pernah katemoe dan tida ada lantaran boeat ia lakoeken ini pitenahan.

Tapi toch sekarang soeda berboekti! Soeda berboekti jang dirinja dikaniaja !

Sabelannja bisa mendoega dengen betoel, sigra iaorang telah sampe di kantoor terseboet dan dirinja lantas dihadepken pada pembesar jang bakal mamereksa perkaranja, dan pembesar hoe diseboet Hoe-ie.

,,Kaoe pernah apa pada Gak Ho ?" tanja Hoe-ie: hajoelah bilang teroes terang!"

,,Pada Gak Ho itoe tjoema ada mendjadi kenalan sadja, sapet Touw Hin.

,,Sekarang di mana kaoe semboeniken Gak Ho itoe? Hajo bilang teroes terang soepaja dirimoe tida oesah merasaken kompesan jang berat ?"

Touw Hin djadi terperandjat, wakioc denger ini pertanjahan jang paling blakang.

,,Semboeniken ? akoe semboeniken padanja?" mengoelang Touw Hin dengen soeara lerpoetoes- poetoes: datengkoe ka mari poen maoe tjari padanja, baginiana boleh dibilang akoc semiboeniken dia ?"

..Itoelah kaoe djoesta ! membentak itoe pembesar dengen soeara keras.

Kamoedian ia tanja persakitan ini orang dari mana dan siapa nama. Touw Hin djawab dengen sabenerna bahoewa ia ada bernama Touw Hin, pendoedoek dari Santong atawa Swatang, jang dateng ka Tongking ada boeat oeroesan dagang; ia poen ada teritoeng kaoem soedagat, boekannja orang-orang djahat. Sekali-kali ia tida taoe dirinja poenja kasalahan, kerna sadari dateng, belon pernah berboeat apa-apa jang melanggar atueran negri.

,,Dan kaloe bener begitoe, perloe apa kaoe maoe tjari Gak Ho ?" traja poela Hoc-ie:,,sedeng pa danja kaoe bilang tida ada terkena familie; satoe moestail kaloc tida ada perloenja kaoe dateng tjari padanja ?"

Bener ada sedikit perloe," saoet Touw Hin dengen goegoep. dan kabingoengan socda membikin ia loepa jang soerat itoe ada satoe rasia, hingga bitjara sadja dengen sabenernja sebab ada sala satoe familienja jang minta akoe toeloeng sampeken satoe soerat padanja."

,,Siapa namanja itoe familie ?" tania Hoe-ie

,,Ja, siapa namanja, itoelah akoe sendiri tida begitoe kenal." kata Touw Hin, jang rasa lida back kaloe moesti seboet namanja Soen Liep; djoega dengen nembilang itoe nama, bisa meninboel laen-laen pertanjahan jang lebi roewet.

..Dari itoe soerat akoe nanti bisa dapet tage siapa namanja itoe familie," kata Hoe-ie: mana itoe soerat ?"

Touw Hin djadi bingoeng, dan sekarang baroe ia merasa soeda kasalahan omong, hingga itoe soerat jang maoe disampeken dengen rasia, soeda djadi kaseboet-seboet dan dapet dikatahoei oleh ini pembesar.

la tjoba poeter pengakoeannja dan kata: tida ada soerat, kerna itoe Familie poen tjoema pesen perkatahar. Dan kaloe tadi ja bilang ada dikirim soerat, toelah ada ia sendiri poenja, kasalahan omong.

Tapi Hoe ie manatah maoe mengarti dengen ini pengakoean. Dengen roepa goesar ia menjentak dan prenta oppas-oppasnja gledah badannja persakitan.

Touw Hin maoc berontak, tapi tida bisa, dan apa-boleh-boeat kasi badannja digledah, jang dengen sabentaran sadja soerat itoe telah kadapetant bersama doeapoeloe tail perak jang ada di dalem sakoe.

Touw Hin djadi samingkin poetjet, kerna pikir: salaennja Soer Liep poenja rasia boleh kataoean, jang sekarang ada berkoempoel di goenoeng Tenghoensan, djoega dirinja djadi saorang jang berdosa besar, kerna ada bersakoetoe sama kawan brandal.

Tapi bernentoenglah itoe soerat tida diboeboeli namanja Soen Liep jang sadjati. Maka sahabisnja Hoe-ie batja, ia berkata sambil tertawa:

,,Njatalah kaoe ini ada sala satoe dari ia poenja kambrat."

Kamoedian pembesar itoe prenta doea oppas bawa Touw Hin ka loear boeat dikasi hoekoeman rangket doeapoeloe rotan.

Njatalah waktoe doeloe atoeran negri di Tiongkok ada terlaloe boeroek. Sasoeatoe pembesar boleh berboeat sasoeka-sockanja menghoekoem atawa merangket orang. Kendati persakitan jang kasi pengakoean bener atawa tida, kaloe itoe pembesar maoe hoekoem, tida ada sator orang jang bisa tjega. Maka apa heran kaloe di itoe djaman pangkat Tikoan atawa Tihoe, atawa laen-laen djabatan, bisa didjoeal dengen harga mahal? Orang-orang hartawan jang temaha tida sajang kalocarken berpoeloe riboe tail perak boeal soewah ambtenaar dorna lang mempoenjai kakoeasahan di diwan karadjahan, soepaja dari itoe penjoewaban bisa didapet satoe pangkat assistent-resident atawa resident. Kaloe soeda pangkoe itoe djabatan dan doedoek di kota ini atawa itoe sabagi pembesar, itoe oewang penjoewab poen bisa didapet kombali dengen djalan mameres anak negri, atawa paksa pada persakitan-persakitan jang ada oewang, boeat kaloearken bewang menjoewab padanja. Djoega dengen itoe pangkat iaorang bisa poewasken napsoenja hati dengen berbagi-bagi djalan. Hal ini bisa diat pada dirinja Touw Hin, jang maski sabenemja tida bersala, toch bisa lantas dimasocki ka dalem pendjara, pada sasoodanja dikasi rangketan heibat.

Berventoenglan itoe atoeran boeroek sekarang soeda fide ada. Boeat preksa perkara boekan lagi djato di tangannja Tikoan atawa Tihoe, hanja oleh hakim hakim jang dapet peladjaran, djoega sekarang telah didiriken pengadilan, bockan lagi preksa perkara di dalem rooma, sabagimana ada terdjadi. di atas.

Itoe poekoelan jang Touw Hin dapet ada keras sekali. Saielah tersedar dari pangsannja, baroe ia taoe jang dirinja ada di dalem pendjara. Pantainja jang bekas dirangkel ada merasa amat sakit, tjelananja basa dengen dara jang kaloear dari loeka-loekanja. Perkara Touw Hin ditangkep lantas tersiar diantara orang banjak. Sorenja dari itoe hari, Ong Siauw-sam poen ada denger itoe kabar, hingga hatinja djadi amat terkedjoet.

Dengen goenaken pengaroenja oewang, Siauwsam lantas pergi ka pendjara dan kasi soewaban pada pendjaga boei, soepaja ia bisa dikast masoek aken bertan.oe pada Touw Hin.

Demikianlah waktoe sampe di dalem dan liat sobanja ada dalem katjilakahan begitoe roepa. Siauw-sam djadi mengoetjoerken aer mata lantaran sedi dan kaslan, la taoe jang Touw. Hin tida bersala, maka dengen perkatahan-perkataan menghiboer ia boedjoek itoe sobat jang latjoer.

Ong Siauw-sam kata: kaloe Touw Hin maoe makan ini atawa itoe, bilang sadja ia nanti beliken. Bocat kaperloeannja ini sobat jang sekarang ada dalem tjilaka, Siauw-sam berdjandji nanti menoeloeng sabrapa bisa.

Touw Hin octjapken trima kasi boeat itoe katjintahan.

Sahabisnja beromong-omong Siauw-sam berlaloe, kerna orang jang dateng menengoki poen tida boleh tinggal lama-lama di dalem pendjara.

Sapoclangnja ka roema Siauw-sam lantas kirim kabar pada Lie Eng di Santong, toetoerken dengen ringkes jang Touw Hin soeda turpitenah orang hingga sekarang masoek dalem hoei. la harep itoe Pokthiantiauw soeka lantas dateng boeat toeloeng Touw Hin kaloear dari pendjara. Boekan sadja Ong Siauw-sam, jang soeda sogok pada cipier dan laen-laen pendjaga boei: hanja Touw Hin sendiri poen ada kaloearken banjak doewit soepaja bisa dapet kamar dan rawatan jang lebi baek.

Soeratnja Siauw-sam itoe telah sampe di Santong tida lama kamoedian, jang sasoedanja dibatja, baroelah Lie Eng dapet taoe apa jang terdjadi di atas dirinja Touw Hin, hingga itoe hari djoega ini Pokthiantiauw laloe tjari orang boeat pergi menoeloeng.

Mengapa Lie Eng tida dateng sendiri? Itoelah telah terdjadi, lantaran dalem waktoe jang blakngan, pamerenta agoeng soeda kaloearken prenta boeat yangkep sakalian orang-orang gaga jang doeloe ada mendjadi kawannja Liangsam. Dan prenta ini dikeloearken berhoeboeng dengen kadjadian-kadjadian di kota Tengtjioe dan Tjetjioe, jang sasoedanja Thio Kan-poen dan Mouw Gong-bok terbinasa, kadoea pembesar di sitoe laloe kirim rapport: bahoewa orang jang terbitken peroesoehan adalah kawannja Liangsan jang doeloe.

Itoe rapport telah ditrima oleh mantri-mantri besar, antara mana ada teritoeng djoega Jo Tjian, jang satelah dapet taoe soedaranja poenja kamatian ada begitoe heibat, djadi sanget goesar dan ia sendiri jang paling berkeras boeat minta Baginda Keizer kaloearkan itoe prenta boeat tangkep kawannja Song Kang masi ada.

Prenta itoe dikaloearken dan di mana-mana tempat laloe ditempel soerat plakaat, dengen tida dikatjoealiken siapa djoega, asal sadja kataoean ada bekas kawanan Liangsan, moesti lantas ditangkep, dengen tida perdoeli apa itoe orang ada mendjabat pangkat atawa tida.

Inilah lantarannja jang membikin Lie Eng djadi koeatir dan laloe prenta orangnja sadja pergi ka kota Radja aken menoeloeng Touw Hin. Sebab kaloe ia sendiri jang dateng, disalempang orang kenali.

Djoega pada itoe orang soeroehan Lie Eng ada bekeli banjak oewang boeat menjoewab pembesar-pembesar jang nanti preksa itoe perkara. Maka sabelonnja Touw Hin poenja perkara dipreksa kombali, penjogokan dilakoeken dengen selesih.

Maka pada soeatoe hari, sasoedanja liwat doea boelan Touw Hin mendekam dalem pendjara. Hoe-ie jang bermoela preksa perkara terseboet laloe boeka kombali persidangan, dengen dihadirken oleh bebrapa pembesar sabagi anggota dari itoe pengadilan.

Perkara laloe dipreksa. Dan itoe anggota-anggota pengadilan jang sasoedanja dapet oewang sogokan dari Lie Eng, lantas bikin enteng doedoeknja perkara, dengen alesan: Betoel Touw Hin dateng membawa soerat tapi pada sasoedanja Gak Ho lari, djadi perkara meratnja itoe orang jangsekarang lagi ditjari, boekanlah Touw Hiin poenja perboeatan. Hingga boeat ini Touw Hin tjoema boleh dihoekoem boewang sadja. Atas moetakatnja sakalian leden jang hadir, marika laloe kirim rapport pada Sri Baginda boeat mintaken Touw Hin dihoekoem boewang ka laen tempat jang djaoenja doeariboe li, dan poetoesan ini oleh pemerenta agoeng laloe ditetepken.

Ong Siauw-sam jang memang sadari Touw Hin ditangkep, ada denger-denger sadja kabar bagimana poetoesannja itoe perkara, pada itoe hari lantas bersadja boeat katemoeken itoe sobat, satelah denger jang Touw Hin aken diboewang ka kota Tjiangleekhoe, dan berangkatnja soeda diterapken ini hari, dengen teranter oleh doea oppas jang bernama Thio Djian dan Lie Ban.

Ia laloe toenggoe di satoe djalanan dan waktoe itoe persakitan liwat, ia lantas oendang Thio Djian berdoea Lie Ban boeat mampir di waroeng arak, dimana Touw Hin djoega laloe diadjak bersama-sama.

Sasoedanja berkata-kata dan memesen apa jang perloe, Siauw-sam aloe serahken barang-barang bersama sadjoembla oewang boeat itoe sobat bekel di djalan. Touw Hin trima itoe dan ambil tiga poeloe tail perak, jang lantas dibriken pada doea penganternja.

Kamoedian, sasoedanja ambil slamat tinggal, marika itoe laloe berpisa dan Touw Hin jang moesti djalanken hoekoemannja, lantas berangkat bersama-sama itoe doea oppas menoedjoe ka kota terseboet.

Dengen pengaroenja oewang, maka di sapandjang djalan Touw Hin boekan sadja tida diperlakoeken bengis, malah rawatan jang dibriken poen ada sampe baek dan omongan-omongan poen ada sampe manis.

Dengen begitoe, sampelah iaorang di kota Tjiangtekhoe dengen tida koerang soeatoe apa.

Itoe doea oppas laloe serahken persakitan bersama soerat jang ia bawa. Itoe pembesar sasoedanja meliat soeratnja Hoe-ie, laloe kasi balesan, jang boenjinja: ia soeda trima itoe persakitan nama Touw Hin dan itoe doea oppas laloe balik kombali.

Di sini kombali Touw Hin goenaken lagi ia poenja oewang boeat menjoewab pada pembesar-pembesar, cipier dan pendjaga-pendjaga boei, maka kadatengannja itoe bisa dikatjoealiken dari atoeran biasa.

Biasanja menoeroet itoe atoeran jang boeroek, sasoeatoe persakitan jang baroe dateng dari laen tempat, moesti dirangket doeloe saratoes rotan, baroe dimasoeki ka dalem pendjara boeat djalanken hoekoemannja, -- Apa itoe boekan atoeran gila?, kerna salaennja moesti terhoekoem, djoega diseksa?

Tapi biarlah penjalin dari ini tjerita lempar itoe semoea, dengen tida oesah membikin critiek, hanja dengen ringkes dibilang, dalem sedikit waktoe sadja Touw Hin soeda dapet banjak kenalan, kerna salaennja rojal menjoewab, djoega boedi bahasanja manis, jang membikin orang djadi soeka. Pembesar jang berkoeasa di sitoe ada bernama Lie Kwa-eng, saorang toea jang beroemoer ampir anampoeloe taoen. Ia ada berasal dari Tongking. Peranginja aloes dan berboedi, hatinja poen baek dan bisa kasian pada orang. Bedah dengen laen-laen pembesar.

Satelah meliat kalakoeannja Touw Hin jang begitoe manis hatinja djadi soeka. Apapoela menginget jang Touw Hin terhoekoem boekan kerna salanja sendiri, hanja ada dari laen orang poenja oeroesan; djadi persakitan ini tida boleh dianggap sabagi pendjahat-pendjahat jang laen.

Menginget begitoe, maka ia merasa kasian dan lantas soeroe bekerdja sadja di gedongnja sabagi orang soeroe-soeroehan.

Touw Hin oetjapken trima kasi boeat itoe boedi jang dioendjoek, maka ia laloe bekerdja dengen hati-hati dan djaga betoel pada kawadjibannja, hingga lama-lama Touw Him mendjadi Lie Kwa-eng poenja orang kapertjajahan.

Di sitoe Touw Hin djadi laloewasa. Ka gedong dan ka kantoer ia bisa masoek kaloear dengen tida tertjega, sedeng boedjang-boedjang anggap ia seperti orang dalem roema sendiri.

Ini Lie Kwa-eng doeloe ada mempoenjai satoe istri, tapi satelah istri itoe meninggal doenia. Ia laloe menikah kombali pada satoe gadis moeda jang lebi betoel kaloe ia boeat anak dari pada djadi pasangannja.

Pembatja bisa doega sendiri bagaimana doeka hatinja itoe njonja moeda, lantaran dapet soeami jang kolot. Apapoela dirinja ada begitoe tjantik, maka bener-bener ia seseli peroentoengan sendiri jang begitoe tjilaka.

Njonja itoe ada familie dari kaoem Tio dan bernama Giok-go. Katjantikannja itoe soeda membikin si kolot djadi tjinta bener-bener. Tida ada satoe apa jang tida dibeliken, kaloe sadja istri itoe maoe. Tapi maski poen makan dan pake ada serbah tjoekoep Giok-go masi belon merasa senang.

Tapi Kwa-eng roepanja tida taoe, kaloe oemoernja jang banjak ada mendjadi halangan boeat kasenangannja itoe njonja jang lagi sedeng beraoes dengen kaplesiran. Saban-saban kaloe liat moeka istrinja jang seperti berdoeka, ia soeka menanja: apa jang njonja itoe lagi pikiri. Tjoba kaloe ia taoe, brangkali ia tida tanjaken itoe.

Giok-go memang satiap hari ada berdoeka sadja, kaloe ia sedeng berada sendirian di dalem roema. Boekan djarang ia seseli orang toeanja jang mata doewitan, jang soeda rangkepi djodonja pada ini pembesar kolot, jang tjoema bisa membri sadja rasa alot.

Tapi sekarang apa ia bisa berboeat? Ia soeda menikah dan telah mempoenjai soeami, tap kaloe liat laen-laen orang moeda jang mempoenjai pasangan tjakep, pikirannja djadi kalangkaboet dan niat-niatan jang sabenernja tida haroes ada dalem hatinja saorang prampoean jang bersi, poen djadi timboel. Ia merasa rindoe !......... Tapi sama siapa ? Ia merasa tjinta !............ Tapi siapatah jang ditjintaken ? Boekan soeaminja, hanja orang-orang moeda jang ada dalem ingetannja.

Tjoba kaloe dalem itoe gedong ada banjak pake penggawe moeda, brangkali lebi siang Giok-go soeda terdjeroemoes ka dalem perdjalanan tersesat, lantaran menoeroeti perasahan hati jang ia soeda tida bisa kemoediken lagi. Tapi beroentoenglah lelaki itoe ada, maka sabegitoe lama ia masi ternama bersi.

Tapi blakangan satelah meliat soeaminja pakerdjaken Touw Hin dalem itoe gedong, hatinja djadi girang dan api birahi poen berkobar lagi. Betoel Touw Hin tida terlaloe tjakep, tapi badannja jang tegap dan roepanja jang gaga, ada lebi menang sapoeloe kali dari ia poenja soeami jang soeda lojoh.

Tambahan Touw Hin ada saorang jang manis boedi dan sagala pembitjaraan-pembitjaraannja ada meresepken hati, hingga Giok-go djadi katarik betoel. Inilah ia rasa ada waktoe jang baek boeat bikin perhoeboengan rasia, kerna Lie Kwa-eng satiap hari kaloe siang ada di kantoer, maka apa jang diperboeat tentoe tida kataoean.

Pada soeatoe hari, waktoe Touw Hin lakoeken pakerdjaannja sabagimana biasa, Giok-go ada kaloearken perkatahan memaen: tapi Touw Hin tjoema djawab sadja sabiasa, dan sekali-kali ia tida doega kaloe ini njonja telah djato hati padanja. Laen harinja Giok-go kasiken djoega makanan-makanan enak. Touw Hin trima itoe dan oetjapken trima kasi atas si njonja poenja kabaekan hati. -- Lebi dari itoe, tida !

Blakangan ini njnja jang meliat lakoenja Touw Hin begitoe roepa, kombali soeroe Touw Hin beli apa-apa, jang dilakoeken dengen djoedjoer. Dan lantaran ini, membikin Giok-go djadi terlebi aoes.

Kerna api birahi samingkin hari tamba berkobar, sekarang ini nonja tida merasa maloe-maloe lagi. Saban-saban kaloe ia menjoeroe atawa membriken barang, tangannja jang begitoe poeti, aloes dan montok tentoe dibikin tersenggol dengen badannja itoe lelaki gaga. Tapi Touw Hin jang boekan saorang pemoloran, tida gampang djadi tergioer.

,,Ah, goblog bener itoe orang, kaloe sabegitoe djaoe ia belon mengatahoei akoe poenja maksoed." kata Giok-go dalem hati dengen roepa sengit: ,,masatah ia tida taoe ? itoe toch tida boleh djadi, boekan ? ---Apa bener-bener ia tida taoe, atawakah tjoema belaga sadja ?"

Tapi sabenernja memang Touw Hin tida ada pikir sampe di sitoe. Kerna ia poen ada satoe Hohan jang gaga dan djoedjoer. Saorang jang djoedjoer memang tida pikir djahat atas dirinja laen orang. Katjoeali orang-orang jang djahat dan bertabeat boeroek, jang bisa mendoega laen orang poen ada boeroek dan djahat.

Itoe hari sahabisnja melakoeken pekerdjahan dalem gedong, kendati badannja soeda tersenggol, toeh ia berdjalan sadja dengen biasa kaloear roema, menoedjoe ka saioe waroeng arak. Kerna begitoelah memang djadi kabiasahannja, jang sahabisnja melakoeken pakerdjahan, soeka pergi ka itoe waroeng boeat ilangi tjape sambil minoem-minoem sedikit.

Sigra djoega ia telah sampe. Tapi sabelonnja masoek, di dalem itoe waroeng ada satoe tetamoe jang lagi doedoek minoem, dan satelah meliat padanja jang lagi mendatengi lantas berseroeligengen socara girang:

..Hola ! Touw Twako, kabetoelan kaoe dateng !

- Marilah!

Satelah denger itoe soeara, Touw Hin laloe menengok dan sigra djoega ia kenalin, bahoewa orang itoe ada Kimpahtjoe jo Liem, ia poenja sobat lama. Maka dengen girang ia laloe menghamperi sambil angkat-angkat tangan.

Sasoedanja berhadepan sato pada laen laloe membri hormat dan Jo Liem silaken sobat itoe berdoedoek di satoe medja bersama-sama padanja. Panggil djoeroe pelajan dari itoe waroeng arak, dan prenta soeroe ambil lagi satoe gelas.

,,Soenggoe akoe tida doega sekali bisa bertemoe kaoe di sini, Touw Twako," kata poela Jo Liem dengen paras berseri:,,wakioe meliat padamoe, djaoe-djaoe akoe soeda awasi dari djendela, njatalah bener-bener kaoe adanja." Touw Hin laloe kaloearken bebrapa perkatahan sabagi djawaban.

,,Sadari kapanlah kaoe ada di sini ?" tanja poela itoe Kimpahtjoe: dan ada kaperloean apatah kaoe berdiam di ini kota, Twako ?

Njatalah kaoe tida taoe," kata Touw Him:,,datengkoe ka mari ada bocat mendjalanken hoekoeman, jang kamarin soeda bebrapa boelan lamanja.

,,Apa? djalanken hoekoeman? Kaoe tenboe omong nemaen, sobatkoe ?" kata Jo Lien dengen roepa heran.

,,Tida. Akoe bitjara dengen sabenernja." saoet Toiw Hin, jang lantas toetoerken satoe persatue, bagimana ia telah diprenta oleh Lie Eng boeat anterken barang ka kota Radja, di tenga djalan antara goendeng Hoentengsan ia soeda bertemoe pada Suen Liep., jang lantas seraliken sato sueña! boeat ditrimaken pada Gak Ho; dan lantaran itoe, ia ditangkep lantaran ditoedoch ada bersarikar pada toe orang jang soeda boeron. Kamoedian atas poetoesannja pengadilan jang manereksa perkaranja, ja dihoekoem boewang ka ini kota.

Lebi djaoe la tjeritaken bagimana Lie Kwa-eng ada sajang padanja, hingga dalem pakerdjalianaja sabagi orang hoekoeman, ia tjoema disoeroe sadja lakoeken pakerdjahan di dalem gedongnja itoe pembesar, hingga ia dapet banjak kamerdikahan dan kalaloewasaliat ampir tida bedah seperti orang preman. ,,Oh. oh, begitoe ?" kata Jo Liem pada sasoedanja mendenger itoe tjerila jang pandjang: ,,soenggoe aloe tida taoe sekali. tapi toch akoe merasa beroenteng djoega jang ini hari kita-orang bisa bertemoe."

Sambil minoem iaorang bertjerita teroes.

Kamoedian Touw Hin menanja: sekarang ini sobat bersama Fwe Soan tinggal di lemmatjwan, ada melakoeken pakerdjahan apa. Bagimana keadahannja itoe sobat laara, dan laen-laen poela perta- njahan jang biasa dioetjapken pada sobat jang sakean lama baroe dikatemoe.

Sambil menarik napas Jo Liem kasi tane dengen sabenernja bahoewa pakerdjahan jang dilakoeken poen masi sabagimana doeloe djoega.

Touw Hin mengawasi dengen tida berkata-kata. Roepanja seperti tida menganti, kenapa sabegitoe lama ini sobat belun toekar haloean. Tapi ini Kimpahtjoe jang dapet bade apa jang sobatnja ada pikir, laloe tjerita lebi djaoe: bahoewa sasoedanja tinggal di femmatjwan sakean lama, sedikit oewang simpenannja soeda terpake abis goona ongkos sahari-hari. Maoe berdagang, tida taoe apa jang moesti didjoeal. Maoe hekerdja, belon ada tempat jang kabetoelan, dan lantaran begitos, maka terpaksa ia lakoeken feroes itoe pakerdjahan jang doeloe.

Dan datengkoe ka mari poen ada boeat goena itoe oeroesan," kata poela Jo Liem: „,sebab terkabar ada bebrapa socdagar jang bakal liwat de ngen nembawa banjak barang-barang berharga, maka akoe toenggoe liwatnja di sini."

Touw Hin manggoet-manggoet.

Kamoedian ia berkata:

Kaoe tentoe bisa doega, jang akoe di sini tida ada mempoenjai sobat bocat diadjak bitjara dari apa jang ada terkandoeng dalem hatikoe. Maka: kaloe soeka, marilah mampir di pondokkoe boeat beromong-omong."

Jo Lien memanggoet.

,,Tapi, oh,..............." kata poeta Touw Hin. ,,baeklah kita-orang dahar sadja di sini, sebab di pondokkoe puen akoe tila bisa sadiaken barang hidangan apa-apa."

Sahabisnja kata begitoe, ia laloe prenta itoe djoeroe pelajan bikin bebrapa roepa barang makanan, dengen zonder monoenggoe lebi doeloe jo Liem poenja djawaban. Dan sahabisnja santap doea orang ini laloe berdjalan kaloear.

Sakalocarnja dari itoe waroeng arak, Touw Hin dapet inget apa jang baroesan Gink-go telah soeroe padanja. Maka ia laloe pergi ka satoe waroeng dan beli benang soetra, jaitoe jang memang si njonja ada prenta.

Satelah sampe, Touw Him tinggalken ia poenja sobat di pondoknja, sedeng ia masock ka gedong, boeat serahken itoe benang soetra jang Giok-go prenta beli.

Itoe njonja lagi berdoedoek, dan aer moekanja jang manis ada kaliatan sedikit asem. Roepanja seperti orang lagi berpikir, hingga ia tida liat kaloe Touw in imendatengi dari pintoe samping.

Sasoenggoenja djoega memang hatinja lagi melajang-lajang memikiri ini lelaki jang gaga, jang kaliatan begitoe tawar dengen pertjintahan, hingga sampe diangsong-angsongken begitoe, kaliatan masi belon banjak mengarti.

Dan lebi lagi ia tida menganti, ka mana Touw Hin itoe socda pergi begitoe lama, hingga sampe sekarang belon balik. Berbareng itoe ia dapet djoega saloe pikiran boeat menggertak, soepaja Touw Hin djadi takoet dan socka toeroet sagala kahendaknja.

Begitoelah satelah denger soearanja orang, Giok-go jang lagi berpikir djadi terkesiap, dan laloe menengok dengen tjepet.

Satelah liat orang jang dateng itoe ada Touw Hin, ja lantas bikin roepanja djadi seperti orang goesar dan Jantas membentak dengen perkatahan penkatahan keras, jang ia soeda begitoe teledor dan alpa, hingga disocroe ka waroeng sadja sampe begitos lama.

Touw Hin jang kira si njonja sasoonggoenja ada goesar, laloe mendjoera dengen hormat dan kasi taoe dengen teroes terang. lantaran katemoe sobatnja, maka ia mampir doeloe sabentaran di waroeng arak aken makan minoem. Dan boeat itoe kasalahan ia harep dimaafken.

,,Akoe boekannja goesar lantaran itoe," kata Giok-go dengen soeara keras jang dibikin-bikin, tapi maski bagimana djoega, kadengerannja masi lemboet: „tjoema akoe heran kaoe poenja bodo dan tida mengarti orang poenja maksoed.”

Touw Hin djadi heran dan pikiri apa artinja itoe perkatahan. ―Sasoenggoenja ia tida mengarti dan dengen braniken hati ia tjoba angkat moeka boeat memandang, seperti ingin dapet taoe apa maksoednja itoe perkatahan.

Dalem sabegitoe lama, boleh bilang baroe ini kali Touw Hin memandang istrinja Lie Kwa-eng begitoe deket dan njata. Kerna dalem ini roema ia tjoema sabagi orang soeroe-soeroehan, maka dalem sabegitoe banjak kali dateng mengadep, ia tjoema berlakoe seperti boedjang dan tida brani pandang moekanja sang madjikan.

Tapi sekarang, ada lantaran boeal ia mengawasi moekanja itoe njonja moeda.

la heran sekali, jang Giok-go tida kaliatan goesar, hanja itoe moeka jang didoega lagi berengoet, ada kaliatan terang dan manis. Matanja jang tadjem ada mengawasi padanja dengen sorot begitoe tadjem.

„Kaoe mengarti?” tanja poela itoe njonja eilok jang amat birahi.

„Soenggoe akoe tida dapet pikir atawa artiken itoe perkatahan,” saoet Touw Hin dengen soenggoe-soenggoe.

„Ah, goblog bener!” kata si njonja sambil bersenjoem: „kaloe kaoe masi djoega tida mengarti, baeklah akoe terangken. Akoe poenja maoe poen boekan laen hanja saban hari sasoedanja soeamikoe pergi ka kantoor, kaoe moesti dateng ka mari boeat temení akoe minoem arak doea-tiga gelas; begitoe akoe poenja maksoed, mengarti ?”

„Oh, itoelah ada satoe kahormatan besar jang akoe tida bisa trima,” kata Touw Hin sambil memanggoet dan lantas permisi boeat berlaloe.

Meliat begitoe, Giok-go mengelah napas sambil mengawasi djalannja Touw Hin, jang ia anggap bener-bener ada terlaloe bodo. Kerna dengen itoe perkatahan-perkatahan jang dioetjapken baroesan soeda sampe njata, bahoewa dirinja ada ditjintaken. Tapi masalah tida mengarti?

„Apa brangkali itoe orang baroe bisa djadi mengarti,” kata poela ia dengen menggerendang : „kaloe akoe bilang: he lelaki moeda jang gaga, akoe soeka dan tjinta padamoe, marilah ikoet akoe ka dalem kamar aken tidoer sama sama. ― Begitoe brangkali baroe ia mengarti dan taoe maksoedkoe. Ah, itoelah terlaloe.........”

Touw Hin tida denger itoe perkatahan dan berdjalan teroes. Sasampenja di dalem pondok, kerna ia poen memang boekan tinggal di pendjara, laloe berdoedoek deket itoe sobat boeat beromong-omong.

Sabagi permoelahan bitjara, Jo Liem tanjaken bagimana pakerdjahannja Touw Hin di sini. Dan waktoe Touw Hin kasi taoe, jang ia tjoema bekerdja sabagi orang soeroe-soeroehan, Jo Liem laloe berkata poela: „Kaloe begitoe, apa tida lebi baek Hengtiang tinggal sadja padakoe sama-sama di lemmatjwan, dari pada lakoeken ini pakerdjahan jang renda ? Boeat kaoe toeh tida pantes lakoeken ini pakerdjahan boedjang ?”

„Boeat pergi, memang gampang,” saoet Touw Hin: „tapi, tidakah dengen akoe poenja boeron, bisa membikin soesa pada Tongdjin Lie Eng?, dan laen dari begitoe, Lie Kwa-eng jang begitoe baek, djoega djadi menoeroet soesa, boekan ? ― Akoe tida tega boeat menjoesaken padanja.”

Jo Liem tida maoe memaksa, hanja tjoema pesen biarlah ini sobat soeka berhati-hati sampe di waktoe abis mendjalanken hoekoeman.

Kamoedian, Touw Hin menanja bagimana pikirannja ia poenja sobat, dengen perboeatannja Giok-go. la tjeritaken dengen terang, bahoewa Lie Kwa-eng poenja istri jang masi moeda ada djato birahi padanja, dengen kalakoean dan perkatahan njonja itoe soeda oendjoek kaserongan hatinja. Dan lebi djaoe Touw Hin tjeritaken djoega, bahoewa njonja ini ada istri jang moeda, tapi ada seperti istri toea, kerna istrinja Lie Kwa-eng jang doeloe telah meninggal doenia.

„Tjoba kaoe pikir, sobat,” kata Touw Hin sabagi penoetoepnja: „bagimana akoe moesti berboeat pada orang prampoean jang begitoe?”

„Kaloe begitoe Lie Kwa-eng poenja istri masi moeda?" kata Jo Liem: „dan ia soeda oendjoek kalakoean jang demikian padamoe, dan apa kaoe tida kliroe artiken lagi ?”

„Mana bisa kliroe!” kata Touw Hin, jang lantas tjeritaken, bagimana tadi waktoe ia anterken benang soetra dengen perkatahan itoe njonja soeda njataken terang, jang satiap hari kaloe soeaminja pergi ka kantoor, ia disoeroe dateng boeat temeni minoem arak.―Tapi orang moesti mengarti apa artinja jang betoel itoe perkatahan „minoem arak”.

„Hm !......... hm !......... kaloe begitoe ?......” kata Jo Liem sembari toendoek, dan kamoedian memandang Touw Hin sambil berkata:

„Kaoe toeh tida soeka toeroet kahendaknja itoe njonja doerdjana, boekan ?”

„Tentoe !”

„Ja, itoelah memang adatnja orang-orang gaga; jang boekan sadja tida soeka berdjalan serong, hanja boeat plesir pada prampoean, sedikit poen tida mempoenjai hati. Itoelah haroes dipoedji.”

„Tapi itoelah boekan djawaban jang akoe ingin, Joheng ?”

Jo Liem tjoba berpikir. Sedeng Touw Hin berkata poela:

„Akoe maoe tanja kaoe poenja pikiran, bagimana akoe moesti berlakoe. Sebab kaloe sateroesnja Giok-go bawa ia poenja kalakoean jang begitoe tida taoe maloe, akoe koeatir.......ja, akoe koeatir,.......satoe waktoe kaloe akoe tida tahan sabar boleh terbit perkara jang tida enak?” Sabelonnja Jo Liem bisa menjataken pikirannja, satoe boedak dateng membri taoe, bahoewa di loear ada dateng satoe tetamoe jang minta bertemoe pada Touw Hin. Satelah denger begitoe, Touw Hin laloe berbangkit dan permisi pada sobatnja boeat kaloear sabentaran aken katemoeken itoe orang.

Tida lama Touw Hin soeda berada di loear pondoknja.

Bener sadja di sitoe ada berdiri satoe lelaki moeda, jang katjakepannja membikin Touw Hin djadi amat kagoem. Ia tida kenali siapa adanja itoe tetamoe. Dari pakean dan dandanannja ada menjataken, kaloe boekan anak orang bangsawan, sedikitnja ada orang-orang hartawan.

Siapa? Siapatah ?? ― Itoelah ia tida kenal!

Lelaki itoe, ada saorang moeda jang berkoelit aloes dan poeti. Sapasang matanja ada tadjem dan bersorot terang. Idoengnja bangir, bibirnja mera, pengawakannja poen bagoes. Ditamba dengen pakeannja jang perlente, membikin parasnja djadi amat tjakep, betoel seperti Phoa An di djaman doeloe.

Sambil memandang itoe tetamoe, Touw Hin berpikir di hati sendiri:

„Ah, kaloe Giok-go dapet liat ini orang, tentoe hatinja boleh djadi berlompat. Orang jang tjakep soenggoe! Tapi siapalah dia, akoe tida kenal ini orang dan ia maoe, apalah bertemoe padakoe ?”

Kamoedim Touw Hin memanggoet dan tanja apa hadjatnja itoe tetamoe. Tapi ini orang moeda laloe kaloearken salembar kaartjis boeat disampeken pada Lie Kwa-eng. Sebab begitoelah memang biasanja, kaloe orang maoe bertemoe pada pembesar, lebi doeloe moesti kasi kaartjis nama, dan Touw Hin poen ada orangnja itoe pembesar jang bekerdja di kantoor terseboet.

Djadi itoe tetamoe. boekan maoe katemoeken Touw Hin.

Touw Hin trima itoe dan laloe bawa pada pembesarnja, jang tatkala itoe soeda poelang dan berada di gedong.

Kwa-eng satelah liat itoe nama, lantas prenta Touw Hin silaken tetamoe itoe masoek, dengen berkata:

„Dia itoe ada akoe poenja Siauwtit jang baroe dateng dari kota Radja.”

Selang sedikit waktoe Touw Hin soeda anterken tetamoe itoe ka roewangan gedong tempat dimana Lie Kwa-eng ada doedoek menenggoe. Orang moeda itoe sabetoelnja ada poetranja Pang Phioe jang bernama Pang Pek-hoa, satelah katemoe pada Lie Kwa-eng, ia laloe membri hormat dan toean roema laloe silaken doedoek.

Tapi Pek-hoa djalanken doeloe atoeran adat istiadat sabagimana pantesnja kaloe bertemoe pada familie jang toea, ia berloetoet sambil berkata:

„Lama sekali Siauwtit soeda berpisa pada Lopehoe. Dan harep dalem itoe sepandjang waktoe Lopeh ada di dalem kaslamatan dan beroentoeng.”

Kwa-eng dengen girang bangoeni itoe tjoetjoe. Sedeng Pek-hoa kasi taoe, bahoewa ajahnja poen ada kirim hormat dan mengirim djoega barang- barang anteran sabagi tanda mata, harep Lie Kwa-eng soeka trima dengen senang hati.

„Ah, boeat apatah moesti mengirim sagala barang-barang, sedeng perkatahan sadja soeda tjoekoep,” saoet Kwa-eng sambil bersenjoem, dan titahken Touw Hin boeat trima dan bawa masoek. Sakalian kasi taoe pada istrinja atas kadatengannja ini tjoetjoe.

Kamoedian itoe tjoetjoe disilaken berdoedoek, dimana Lie Kwa-eng laloe menanjaken apa-apa atas Pek-hoa poenja ajahanda dan koelawarga.

Sedeng Touw Hin sambil membawa itoe barang-barang berdjalan masoek, ada berkata dalem hatinja:

„Achir-achir itoe orang tjakep katemoe pasangannja. Ah, kaloe Giok-go dapet liat parasnja Pang Pek-hoa, tentoelah...... tentoelah. Ja, kasian akoe poenja Lie Kwa-eng jang toea dan baek, la tentoe tida kaoemanan lagi. Djangan kata......... djangan kata.....hm !, boeat tjioem djoega brangkali ia tida kabagian lagi.”

Waktoe ia sampe ka dalem, Giok-go lagi moengsang-mangsing pada diri sendiri, lantaran meliat lakoenja Touw Hin jang dianggap begitoe goblok. Tapi satelah liat itoe orang gaga dateng kombali dengen membawa apa-apa di tangan, moekanja djadi terang lagi dan berkata dengen soeara memaen.

Touw Hin tida ladeni dan laloe berkata:

„Di loear ada satoe familie jang baroe dateng, dan ini barang-barang ada bawahannja sabagi bingkisan. Maka Naynay dititahken kaloear boeat katemoe.”

Giok-go rasa mendongkol jang ia poenja lakoe gagenitan tida tersamboet.

Njonja itoe laloe masoek ka kamar boeat toekar pakean, kamoedian kaloear kombali pada sasoedanja berias.

Sedeng Touw Hin jang menganter dari blakang, ada merasa tida enak boeat pertemoeannja Giok-go pada itoe familie moeda. la rasanja seperti dapet firasat jang tida baek bagi dirinja itoe pembesar kolot.

Tapi lantaran ia ada saorang gaga jang djoedjoer dan salaloe inget orang poenja kabaekan, maka sambil berdjalan, dalem hatinja ada meminta pada Allah, biarlah Toehan lindoengken kaslamatannja Lie Kwa-eng, soepaja ia poenja kasenangan roema tangga tida terganggoe. Atawa lebi terang kaloe dibilang maksoednja ada mengharep, soepaja pertemoeannja ini njonja tjantik pada itoe djedjaka tjakep, tida menerbitken birahi di hatinja masing-masing.

„Tapi apa itoe boleh djadi ?” menanja ia dalem hati sendiri: „apa sasoenggoenja ini api jang bakal deket pada minjak, tida nanti djadi berkobar?........”

Giok-go berdjalan dengen pelahan. Waktoe menengok ka blakang Touw Hin soeda tida ada dan orang gaga itoe telah balik ka pondok sendiri.

Kerna njonja ini belon taoe bagimana roepanja itoe tetamoe, maka ia berdjalan dengen antel sambil pikir apa-apa. Sasampenja deket pertengahan ia tida lantas pergi ka itoe roewangan tempat dimana soeaminja lagi doedoek beromong-omong, hanja djalan ka blakang sakosol dan mengintip lebi doeloe

Kabetoelan Pang Pek-hoa ada berdoedoek madep ka dalem. Djoestroe omongan-omongan jang lagi dibitjaraken oleh si kolot ada sedikit loetjoe, hingga Pek-hoa jang dengeri djadi bersenjoem-senjoem.

Giok-go jang mengintip dan dapet liat dengen terang bagimana tjakep adanja itoe tjoetjoe, apapoela itoe mesem jang manis dan pakeannja jang perlente, soeda bikin si njonja rasaken dara jang mengalir di saloeroe oerat-oeratnja djadi mandek.

Giok-go ampir tida pertjaja pada matanja. Dengen hati berdebar ia memandang lebi tegas dan..... ja, bener itoe orang lelaki tjakep sekali.

Dalem itoe saat-saät jang berlaloe si njonja djadi seperti kasima. Soemangetnja melajang, toeboehnja gometer. Oerat-oerat sendiri djadi menggeremang seperti djalannja semoet, hatinja berdebar-debar dan berbareng itoe, api birahi jang memang belon padem sadari katemoe Touw Hin, djadi berkobar.

Berkobar begitoe besar, hingga koerang sedikit membakar seantero anggotanja.

Sasoeda inget pada diri sendiri dan taoe bahoewa apa jang diliat ini boekan ada dalem impian, ia lantas meliat kombali pada pakean sendiri, seperti maoe taoe: apa dirinja ada sampe eilok ?

Kamoedian dengen tangan kiri ia meraba pada kondenja, seperti koeatir kaloe-kaloe katjantikannja nanti djadi koerang, djika lebi doeloe tida dipreksa.

Achir-achir dengen badan jang masi bergoemeter ia bertindak ka loear, sedeng hati tida karoean rasanja.

Pang Pek-hoa lantas berbangkit dan membri hormat pada Lopehoenja poenja istri, jang lantas dibales oleh Giok-go dengen lakoe bingoeng-bingoeng.

Si njonja memandang itoe tjoetjoe. Pek-hoa djoega meliat pada ia poenja Pehim, hingga masing-masing poenja mata lantas djadi beradoe......

Sorot matanja itoe Kongtjoe menarik keras hatinja itoe njonja genit. Sabaliknja Giok-go poenja pemandangan menikam keras djantoengnja Pek-hoa, hingga itoe orang moeda djadi terkesiap dan rasa hatinja ampir maoe berlompat.

Katjantikannja Lie Kwa-eng poenja istri di bagian sebia atas telah ditoetoerken, maka di sini tida perloe dioelangken kombali. Tapi dengen ringkes boleh dibilang, bahoewa itoe waktoe hatinja masing-masing djadi tergerak.....

Dalem itoe saät koenjoeng-koenjoeng Pek-hoa djadi merasa djeloes pada ia poenja Lopehoe, kerna masatah saorang jang soeda beroesia ampir anampoeloe taon, masi mempoenjai satoe istri jang begini moeda, tjantik dan manis ?

„Adoe illah !, tobat-tobat!, sajang amat !” kata Kongtjoe itoe dalem hati sambil menelan-melan loeda jang soęda djadi entjer: „ah........ ah........ sajang betoel, sajang betoel.”

Dengen soeara goemeter Pek-hoa oetjapken bebrapa perkatahan sabagimana biasanja orang jang baroe bertemoe. Dan oleh Giok-go perkatahan-perkatahan itoe didjawab dengen satoe-doea perkatahan sambil bersenjoem.

Itoe soeami kolot jang sekali-kali tida doega kaloe pertemoeannja sang istri pada ia poenja kaponakan, ada membikin hatinja masing-masing djadi katarik, dengen moeka manis laloe berkata:

„Apa kaoe soeda prenta boedjang sadiaken barang hidangan, istrikoe, boeat mendjamoe kita poenja tjoejoe jang baroe dateng, sabagi tanda katjintahannja sanak soedara ?”

„Sigra akoe nanti prenta sadiaken,” saoet itoe Naynay dengen soeara goemeter, kerna hatinja jang masi berdebar-debar."

Pang Pek-hoa tjoba menjega dan kata: boeat apa bikin banjak soesa. Sedeng moeloet kata begitoe, matanja meliat ka samping dan dapet liat jang Giok-go ada memandang padanja. Dan ini bentrokkan mata jang kadoea kalinja, masing-masing moesti „taoe sendiri”.

Tapi si kolot jang berhati djoedjoer, manatah bisa liat itoe ?

Waktoe Giok-go masoek kombali ka dalem, marika teroes beromong-omong.

Selang satoe djam itoe tiga orang soeda hadepi medja perdjamoean.

Marika makan minoem dengen hati girang. Lie Kwa-eng teroes omong-omong tentang hal familie, dengen tida dapet liat kaloe sang istri sama itoe kaponakan sabentar-bentar saling melirik dan bersenjoem.

Kwa-eng djadi lebi girang waktoe meliat istrinja ada begitoe manis boedi pada sanak jang baroe dateng, kerna sabentar-bentar kaloe gelasnja Pek-hoa kering, si njonja jang toewangi sambil bersenjoem.

Pek-hoa djoega djadi birahi, djadi amat senang hati dengen itoe kalakoean jang dioendjoek oleh si eilok. Bahoe tangannja Giok-go jang poeti, boelat dan montok, jang toewangi arak ka gelasnja, membikin rasanja itoe alcohol djadi samingkin sedap dan aloes.

Marika minoem teroes dengen senang.

Tatkala perdjamoean dimoelai, Touw Him soeda balik ka pondoknja sendiri; dan dengen soeara berbisik Jo Liem kasi taoe, bahoewa dialah adanja itoe orang jang lagi diserepin dan boeat dirampas barangnja.

„Oh, dia ?” kata Touw Hin: „tapi ia toeh boekannja soedagar ?”

„Bener. Tapi ia toeh ada mempoenjai banjak barang-barang.”

„Tapi ia ada Lie Kwa-eng poenja Siauwtit, harep kaoe tida toeroenin tangan.”

„Kwa-eng poenja Siauwtit ?"”

„Bener. Tadi Lie Kwa-eng sendiri telah bilang padakoe, bahoewa itoe tetamoe ada bernama Pang Pek-hoa jang baroe dateng dari kota Radja dan ada pernah Siauwtit padanja. ― Maka lagi sakali akoe harap, pandanglah kaoe poenja sobat jang soeda trima boedinja Lie Kwa-eng, djangan ganggoe kaslamatannja itoe Kongtjoe.”

„Baeklah, Moestail amat akoe tida toeroet Touw beng poenja kahendak.”

Touw Hin hatoerken trima kasi dan minta ini sobat menginep padanja di sini boeat satoe-doea malem. Tapi boeat ini Jo Liem bilang tida bisa, kerna kaloe ia moesti menginep, pasti membikin Pwe Soan jadi menoenggoe-noenggoe dengen koeatir.

„Kaloe begitoe, akoe poen tida brani menahan,” kata Touw Hin sambil kaloearken sapoeloe tail perak dan briken pada itoe sobat goena ongkos di djalan. Tapi Jo Liem soeda tampik dan kata, ada lebi baek kaloe ini oewang Touw Hin sadja goenaken boeat ongkos kerna ini sobat sendiri poen ada perloe.

„Betoel begitoe,” saoet Touw Hin: „tapi dari Tongdjia di sagala waktoe akoe bisa dapetken.”

Jo Liem tida menampik lagi, hanja sasoedanja trima itoe pembrian, ia laloe berpamitan boeat poelang kombali ka lemmatjwan, dengen berdjandji jang begitoe ada tempo senggang ia bersama Pwe Soan nanti dateng lagi boeat tengoki ini sobat.

Doea hari telah berselang.

Dalem ito tempo ampatpoeloe delapan djam jang berlaloe, tida apa jang penting boeat difoeterken. Tapi pada hari jang katiga, dari pembesar jang sebla atas ada dateng satoe prenta boeat Lie Kwa-eng lakoeken satoe oeroesan jang berhoeboeng dengen perkara negri, di bilangan provincie Sansee.

ltoe prenta tida bole dibanta. Maski Kwa-eng merasa berat boeat tinggalken istrinja, toch sabagi ambtenaarnja negri, ia haroes lakoeken itoe kawadjiban.

Dalem itoe hari-hari jang berikoet, djoestroe Giok-go lagi kesel dan berdaja aken dapetken satoe akal boeat singkiri soeaminja dari hadepannja Pang Pek-hoa, maka ia girang sekali waktoe denger kabar jang si kolot diprenta lakoeken kawadjiban di laen bilangan.

Kaloe tida takoet jang perboeatannja nanti ka kataoean, brangkali njonja itoe soeda berdjingkrak lataran kagirangan.

„Soenggoe iblis ada berkoenia padakoe,” kata itoe njonja dalem hati sendiri: „ja, iblis djoega merasa kasian dan sajang akoe poenja kamoedahan, jang dalem oesia begini tida dapet kaplesiran dan kasenangan tjoekoep. maka mendadak boleh ada ini djalan jang membikin si kolot berlaloe dari dampingkoe. ― Apa ini boekan kahendaknja iblis dan bantoeannja setan, boeat akoe mendapetken kasenangan hati ?”

Kerna prenta itoe moesti dilakoeken dengen tjepet, maka Kwa-eng tida berajal dan printa boedjang sadiaken barang-barang jang bakal dibawa. Giok-go membantoe dan taro badjoenja si kolot ka dalem peti. Kaloe sang istri jang sadari menikah tida maoe open dengen pakeaanja itoe soeami, dan sekarang mendadak maoe bantoein bikin persadiahan, itoelah boekan lantaran sajang atawa bebalik hati, hanja kaloe ia soeda bantoe-bantoein, itoelah maksoednja soepaja barang jang perloe lekas sadia dan lekas djoega si kolot itoe berangkat. Kerna lebi lekas satoe hari si toea tida ada di dampingnja, tamba satoe hari lagi ia poenja kasenangan.

Itoelah sebabnja kaloe moea taoe.

Sasoeda barang-barang itoe tersadia. Lie Kwa-eng laloe panggil Touw Him boeat dipesen liat roema tangga salama ia tida ada di roema. Djoega pada sang istri ia pesen berhati-hati dan salama ia tida ada, si njonja djangan loepa merawati Pek-hoa sabagi sanak sendiri.

Boeat ini sabetoelnja troesa djoega dipesen, Giok-go tentoe bisa lakoekan lebi baek dari sabagimana jang orang mendoega.

Kamoedian sasoedanja membri slamat tinggal, Kwa-eng itoe lantas berangkat.

Dalem sepandjang hari dan malem Pang Pek hoa rasaken hatinja tida karoean. Pikirannja bingoeng dan saban doedoek omong-omong pada Lie Kwa-eng, koetika pembesar itoe belon berangkat hatinja merasa djeloes.

Tapi kaloe ia berada sama-sama Giok-go, badannja jang lesoeh djadi merasa segar. Dahar poen djadi napsoe. Apapoela kaloe meliat lirikannja itoe Peh'm jang genit, adoeh illah!

Begitoe poen sabaliknja boeat si njonja.

Sebelon soeami itoe berangkat, ia amat bentji kaloe meliat moekanja si kolot. Setiap hari dan malem ia soeda berdaja boeat dapetken akal boeat bikin perhoeboengan rasia. Tapi bagaimana moesti dilakoeken, kaloe itoe soeami salaloe ada didampingnja sadja?

Achir-achir dalem itoe tempo doea-tiga hari kadoeanja djadi menanggoeng rindoe.

Katjintahannja pada Touw Hin soeda tida ada lagi di hatinja, sadari itoe hari Giok-go dapet pandang parasnja itoe Kangtjoe jang tjakep.

Dan apa jang sekarang ada dalem pikirannja jalah Pang Pek-hoa sadja. Di sagala saät dan waktoe roepanja itoe orang moeda sadja jang berbajang-bajang.

Hatinja Giok-go djadi amat doeka, kaloe inget: djangan-djangan ini Siauwtit djoega nanti berlakoe sabagi Touw Hin.

„Ah, kaloe sampe terdjadi begitoe,” kata ia dalem hati: „betoel-betoel leher goea boleh jadi kakeringan. ― áoeslah ...!”

„Tapi, ah, masalah Pek-hoa jang tjakep ada begitoe goblog seperti Touw Hin, itoe banteng,” pikir ia lebi djaoe: „akoe kira tida: ia ada saorang moeda jang tjakep, jang sedeng soeka sama plesiran doenia; maka boleh diharep jang maksoedkoe ini aken kasampean. Kendati tida tjepet, tapi toch lambat-laoen.”

Hatinja jang berdebar djadi memoekoel samingkin keras. Parasnja itoe orang moeda djadi berbajang-bajang samingkin njata.

Kasian Giok-go jang lagi bimbang, jang lagi berkoeatir tida kaoeroesan.

Tapi kaloe ia taoe jang itoe Siauwtit di kota Radja ada ternama Sektionggokoei, tentoe lebi siang ia soeda oendang sadja ka dalem kamar, masalah moesti poesingken otak boeat berpikir dan berdaja ini itoe.

Pendoedoek di Tongking membri itoe gelaran pada Pang Pek-hoa, ada dengen sapantesnja. Gelaran Sektionggokoei, jang berarti „Setan kalaparan”, itoe poen ada satimpal dengen peranginja. Di kota Radja tempatnja tinggal memang Pek-hoa ada satoe Kongtjoe toekang jari prampoean, kaloe liat konde litjin alawa pipi aloes, lah illah laganja soeda kajah setan jang kalaparan sadja. Dengen tida perdoeli antjak apa, hajoe sadja disamber dengen tida pili boeloe.

Itoe hari poen pada waktoe pertama kali meliat parasnja Giok-go, hatinja soeda berdebar-debar.

Tapi ia bisa berlakoe sopan dan menghormat sabagimana pantesnja, soepaja djangan sampe tertjela.

Tjoba kaloe ia djoega dapet taoe, jang istrinja itoe Lopehoe ada birahi padanja; masatah ia moesti menanggoeng rindoe-rindoe sampe di ini hari. Djangan-djangan itoe malem djoega ia telah dateng ka kamarnja si tjantik dan lemparken si kolot dari atas randjang soepaja bisa gantiken berbaring.

Koetika denger si kolot dapet prenta pergi ka Sansee„ —sabagimana Giok-go, —ia djoega djadi girang dan lantas memikir sagala akal boeat tarik hatinja itoe djiwa manis. Roepa-roepa niatan laloe timboel dalem hatinja, jang boeroek. Bermoela Pek-hoa maoe boewang-boewang kata sedikit dan soande dari itoe perkatanan tida menarik hati, ia niat maoe semboeni di kolong randjang dan malem sasoedanja si njonja tidoer, baroelah ia gerajangin.

„Ja, kaloe semioca daja dan akal soeda dikaloearin abis, lapi tida djoega berhasil, baroelah akoe lakoeken ini perboeatan,” pikir si kaparat dalem hati: „djadi ini tipoe semboeni di kolong randjang, tjoema boleh dilakoeken boeat jang pengabisan, kaloe soeda tida akal.”

„Tapi djoega moesti hati-hati,” pikir poela ia lebi djaoe:„toenggoe kaloe ia soeda tidoer dan poeles betoel, baroelah ! Nah, kaloe soeda begitoe, kendati kataoen djoega boleh apa ?, ibarat makannan akoe soeda dahar. Dan malah kaloe ia soeda rasaken jang akoe lebi bisa membri kasenangan, lebi bisa niembri kasedepan dan lebi besar membri katjintahan dari si kolot, djangan-djangan ia djadi njadik dan katoemanan, masatah ia maoe berontak atawa bertreak, itoe toch tida boleh djadi, boekan ?”

Begitoelah di itoe satoe sore, waktoe kamaren aja Lie Kwa-eng berangkat, kadoea orang ini masing-masing ada berpikir ka itoe djoeroesan. Apa jang lagi dipikir oleh Giok-go, ada diniat djoega oleh Pek-hoa.

Djadi sama-sama ada menipoenjai itoe saroepa napsoe dan saroepa Ingetan. Tjoema satoe pada laen masi merasa sangsi dan takoct-takoet. Tapi Giok-go jang amat keras birahinja, sahabis berpikir laloe prenta boedjang bikin makanan dan sasoedanja sadia, barang hidangan itoe ja prenta atoer di dalem kamar, deket tepi pembaringan.

Satoe botol arak jang back ada ditaro di atas medja. Doea mangkok, doea sendok dan doea pasang soempit gading soeda teratoer beres di kiri kanan.

Dengen membraniken hati dan tida maloe-maloe lagi si njonja laloe pergi ka kamarnja Pang Pek hoa, jang berada di disebla blakang. Dan waktoe ia sampe, djoestroe si kaparat baroe abis berpikir.

Maka terkedjoetlah waktoe meliat itoe Peh'm jang lagi dipikiri dateng menghampiri ka tempatnja, maka dengen goegoep ia boeroe-boeroe membri hormat dan menanjaken kadatengnja.

„Belon taoe ada oeroesan apa jang membikin Peh'm dateng ka mari ?" kata itoe orang moeda sambil angkat tangan.

„Ah, tida apa-apa, Siauwtit," saoetnja si eilok sambil bersenjoem: „tjoema maoe oendang Siauwtit makan minoem sedikit, kaloe soeka, sabagi tanda kita-orang poenja katjintahan sanak soedara."

„Oh, Peh'm ada baek sekali. Boeat itoe katjintahan Titdji haroes hatoerken banjak trima kasi," kata Pek-hoa dengen girang.

Sasoedanja berkata-kata sedikit, kadoeanja itoe laloe berdjalan menoedjoe ka kamar, tempat dimana perdjamoean itoe disadiaken.

Satelah sampe, Giok-go laloe silake: Pek-hoa masoek dan doedoek di tempat jang dioendjoek. Hatinja ini orang moeda djadi amat girang, kerna ini poen memang memang ada djadi kainginnan dan kahendak hatinja.

Sasoedanja masoek, sigra djoega moeilinja pintoe ditoeroenken dan masing-masing laloe moelai makan dan dengen sagala soeka hati. Dalam ini perdjamoean tida dilajani oleh boedjang, hanja Giok-go sendiri jang menoewangken arak.

Sasoedanja minoem tiga atawa ampat gelas, Giok-go jang soeda keras birahinja lantas kasi oendjoek dengen kalakoean, bahoewa hatinja ada tjintaken itoe orang moeda, Ia taro sebla tangannja di poendaknja Pek-hoa, jang lantas disamboeti dan digenggam keras.

Dalam itoe saat, plesiran makan minoem lantas terganti dengen plesiran peloek tjioem. Pek-hoa jang memang birahinja soeda berkobar dan taoe apa artinja ini oendangan, lantas sadja mameloek dengen kentjang.

Giok-go djoega bales mameloek dan achirnja ........... gedoebrak!, kadoea toeboeh jang sedang bertjangkam tergoeling ka atas randjang dan kakinja jang menggelewang bentoer piring mangkok dan gelas-gelas sampe menggerompiang.

Soepaja tida oesah menoetoer sampe di itoe bagian-bagian jang menjelip, maka di sini kita liwatken, kerna itoe waktoe koelamboe soeda ditoeroenin dan apa jang itoe waktoe bisa kaliatan, tjoema menggedarnja randjang.

Brangkali ada linoe?..............