Pembalesannja Kawanan Liangsan/Djilid ka-satoe/Bab 1

by Tong Th. Fuctriorider

I.

LANTARAN TERKENANG PERKARA LAMA,
WIE SIAUW-TJHIT PERGI SEMBAJANG
KA LIANGSAN. ― HENDAK TANG-
KEP ORANG GAGA, THIO
KAN-POAN DATENG AN-
TERIN DJIWA.

Matahari moelai lingsir ka-Barat, soeatoe tanda jang itoe waktoe telah mendjadi lohor. Aer di rawa Tjiokkiat-ouw jang pernahnja ada di doesoen Tjiokkiat-tjhoan, tatkala itoe djadi menggebiar seperti mengkeroetnja soetra jang ditioep angin.

Di tepinja itoe rawa ada berdiri satoe poehoen Janglioe jang berdaon gempiak dan mirip seperti pajoengnja Sri Makota, di bawah mana ada berdoedoek sa-orang lelaki jang bersikap gaga lagi hadepken segendoel arak.

Pemandangan di ini tempat ada bagoes sekali. Anging aloes jang berkesioer dari itoe rawa ada dirasaken begitoe seger, hingga membikin itoe orang moeda djadi goembira dan saban-saban menoewang kombali araknja ka-dalem tjawan jang soeda djadi kosong.

Tatkala itoe ada di boelan Sigwee, dimana hawa oedara jang memangnja panas, djadi seperti dibakar, lantaran kerasnja matahari jang mamentjarken tjahajanja. Dalem keadahan begitoe, orang-orang pakerdjahan tida nanti bisa kerdja teroes meneroes dengen zonder mengaso, apa-poela di waktoe lohor, dimana orang boleh djadi mengantoek lantaran bersilirnja angin jang aloes.

Demikianlah itoe orang gaga jang lagi menedoch sambil minoem arak, roepanja lagi tjaii hawa segar boeat liangken lesoenja bandan. Kerna sasoenggoenja djoega dalem waktoe begitoe panas kentjang; siapatah jang bisa tida merasa lelah dan ingin tjari tempat adem bocat menjenangken badan?

Ini orang jang kita liat di alas, ada sala satoe pendoedoek di doesoen Tjokkiat-tjhoan pakerdjahannja memperoesahaken penangkepan ikan di rawa terseboet, bersama bebrapa orang jang djadi pembantoenja. Pakerdjahan itoe membri pengasilan tjoekoep boeat mamelihara iboenja jang soeda toea, kerna ia poen tida mempoenja laen soedara jang boleh diandelin.

Pendoedoek di doesoon tempat di mana ia tinggal, telah panggil dan seboet namanja Oah Giam Lo, sedeng namanja jang sadjati adalah Wie Siauw-tjhit.

Jang mendjadi lantaran orang namaken demikian, sebab ia salaennja bertenaga koeat dan berhati besar, adatnja poen amat kasar dan aseran, hingga satoe perkara ketjil tjoekoep membikin djadi goesar. Oleh kerna sifat-sifatnja jang kasar itoe, tida ada satoe apa jang boleh membikin hatinja djadi takoet.

Tapi toch kendati peranginja tida aloes, ia ada mempoenjai bati jang djoedjoer.

Pada itoe lohor dimana ini tjerita moelai, sahabisnja memberesken pakerdjahannja jang biasa, kerna merasa di roema ada terlaloe gerah, Siauw-tjhit lantas bawa sagendoel arak menoedjoe katepi rawa Tjiok kiat-ouw. dan docdoek berangin di bawah itoe poehoen Janglioe sambil toewang minoemannja.

Sembari minoem ia memandang di sapoeternja itoe tempat dengen haii senang. Aernja itoe rawa jang menggebiar-gebiar dan saban-saban mengganti warna, kaliatan indah sekali. Sinarnja matahari jang bajangannja berkredep di moeka aer, ada mirip seperti leboerannja perak. Daonnja poehoen-poehoen jang kaliatan dari kadjaoean dan saban-saban djadi tergojang lantaran ditioep angin, membikin hatinja djadi terkenang perkara jang doeloe-doeloe. Kamoedian ia angkat kapala memandang daonnja poehoen langlioe di bawah mana sekarang ia lagi sedeng menedoeh.

„Daonnja ini poehoen soenggoe bagoes sekali,” kata Siauw-tjhit dengen soeara sedikit gerogolan, kerna sabelonnja ka-mari, di roema poen ia minoem ampir sagendoel arak dan hawa ini tjoekoep membangoenken otaknja.

„Soenggoe senang sekali orang minoem-mi noem di bawah ini pochoen jang daonnja seperti pajoeng radja,” kata poela ia sembari menoewang kombali arak ka-dalem tjawan.

Sasoeda isinja mangkok ini dibikin kering dan toewang lagi, selang brapa saät kamoedian arak jang ada dalem itoe gendoel ampir mendjadi abis.

Bidji matanja Siauw-tjhit tatkala itoe djadi bersemoe mera, soeatoe tanda jang hawanja alcohol telah naek di otak. Sambil mengawasi itoe gendoel jang ampir djadi kosong ia bengong terlongong-longong seperti orang lagi memikiri soeatoe apa, hingga sakean lama ia tida berkata-kata, dan kamoedian seperti orang jang merasa lelah ia senderken badannja di pongkot itoe poehoen jang besar.

Achir-achir aer mata kaliatan berlinang di kadoea pipinja. Dan dari sini kita bisa dapet kanjatahan, bahoewa hatinja lagi menginget perkara-perkara doeloe jang membikin orang djadi ber- sedi.

Sasoenggoenja djoega ada demikian. Kerna sahabisnja membikin kering isinja tjawan jang ditoewang paling blakang, hatinja djadi ingetpada kadoéa soedaranja, jaitoe Wie Siauw-dji dan Wie Siauw-ngo; tjoba kaloe ini soedara toea masi ada; brangkali ia masi djabat teroes pangkatnja sampe sekarang dan tidalah memperoesahaken penangkepan ikan di ini rawa Tjiokkiatouw.

Lebi djaoe ia inget, bahoewa kamatiannja itoe doea soedara tidalah boleh terlaloe disediken, kerna Siauw-dji dan Siauw-ngo telah mati di paperangan, djadi kamatian itoe haroes dipoedji, sebab bocwang djiwa goena membela negri.

Ja, benerlah boeat itoe tida boleh terlaloe diseselin, kerna binasa di medan paperangan poen ada sadjamaknja sadja bagi orang jang memangkoe djabatan negri," kata ia dalem hati: ,,tapi apa ada begitoe djoega bagi Song Kong-beng, Louw Tjoen-gie dan laen-laen soedara angkat?"

Menginget sampe di sini hatinja jang sedi djadi berbalik goesar, kerna itoe saratoes delapan soedara angkat, brapa antaranja soeda mati di tangannja dorna Tjoa Keng dan kawan-kawannja, jang tatkala itoe ada bikin perdjamoean dan telah oedang Louw Tjoen-gie dateng makan-minoem. Tapi dalem itoe minoeman ada ditarokan ratjoen jang bekerdjanja pelahan, dan orang jang diratjoenin itoe baroe merasa, sasoeda berada di dalem praoe jang berangkat ka-kota Lotjioe, jaitoe waktoenja poelang.

Lantaran ini membikin itoe Giok Ki Lin jang doeloe ada djadi Djiko dari Liangsan, sakaloearnja dari kota Radja tida bisa peelang kombali ka-roemanja, kerna di tenga perdjalanan sasoeda ratjoen itoe oendjoek pengaroenja, Tjoen-gie djato ka-dalem aer dan binasa tida lama kamoedian.

Begitoe djoega dengen dirinja Song Kang dan Lie Koei, jang soeda djadi binasa lantaran kena makan arak tertjampoer ratjoen, jaitoe perboeatannja kawan dorna di kota Radja djoega. Oleh kerna binasanja ini doea soedara, hingga Gouw Jeng dan Hwa Eng djadi memboenoe diri lantaran terlaloe kesal.

Sedeng soedara-soedara angkat jang laen tida kadengeran lagi kabarnja, kerna tempat kadiamannja ada berpentjar. Tjoema terkabar, sasoeda Keizer Song Wie Tjong koerniaken pangkat, masing-masing itoe dititahken mendjalanken kawadjibannja di loear kota Radja. Tapi blakangan marika telah letaken djabatannja aken poelang ka-kampoeng sendiri, ada djoega jang mejakinken ilmoe kasaktian di pagoenoengan dan laen-laen tempat, kerna kaloe sateroesnja mamegang pangkat, boleh djadi ia-orang koeatir jang dirinja djoega nanti terbinasa di tangannja Tjoa Keng, atawa laen-laen dorna.

Ini semoea kadjadian jang doeloe-doeloe, Siauw-tjhit rasaken seperti baroe terdjadi di hari kamaren. Samingkin menginget itoe hatinja djadi bertamba sedi dan aer mata jang mengoetjoer ada deres sekali.

Achirnja seperti kaliatan baginiana itoe bebrapa soedara angkat jang dipitena, melepasken napasnja dengen amat sangsara, la merasa gemas betoel pada itoe kawanan dorna, hingga matanja djadi beringas dan dari sedi bebalik moerka.

,,Ah, kaloe akoe bisa katemoe pada ini kawanan dorna", kata Siauw-tjhit sambil geraken tangan aken memoekoel: ,,akoe nanti poetes!, akoe poetes betoel-betoel lehernja!"

Sembari oetjapken itoe perkatahan paling blakang ia berlompat dan memockoel, seperti djoega bener-bener orang jang lagi memoekoel itoe kawanan dorna.

Kakinja menendang dan belompat. Kadoea tangannja didjalanken begitoe tjepet, kerna itoe waktoe dengen tida terasa lagi ini orang gaga soeda djalanken satoe poekoelan jang diseboet Beng Ho Pok Jang, samatjem silat Harimau terkam kambing", sedeng moeloetnja saban-saban bersoeara keras.

Kerna tenaganja ada begitoe koeat, maka itoe gendoel jang masi ada berisi satenga mangkok arak, telah kena kaindjek dan petja.

Dengen kaget Siauw-tjhit brentiken poekoelannja dan mengawasin itoe petjahan dengen tida berkata-kata, sekarang baroe ia taoe, bahoewa ia soeda memoekoel orang jang tida ada. Tapi tadi ia tida merasa begitoe.

Keadahannja itoe betoel seperti orang jang baroe tersedar.

,,Haha!, inilah bagoes sekali," kata ia sambil mengawasi pada itoe petjahan tempajan arak: ,,akoe nanti bikin petja kapalanja itoe dorna-dorna, sabagimana petjahannja ini gendoel. Sasoeda begitoe, baroelah akoe poenja hati merasa poewas."

Tatkala itoe matahari soeda moelai toeroen ka Barat, hawa boemi poen soeda tida begitoe panas lagi sabagi di waktoe Johor. Dengen tindakan pelahan orang gaga ini lantas berlaloe dari bawahnja itoe poehoen Janglioe jang besar, aken poelang kombali ka-roemanja.

Di sapandjang perdjalanan poelang sambil toedoeki kapala Siauw-tjhit djadi terkenang poela pada itoe soedara-socdara angkat jang telah marhoem.

Bebrapa kali kedengeran ia menarik napas pandjang, soeatoe tanda jang kadoekahannja ada begitoe sanget. Achir-achir sasoeda berpikir sakoetika lama, ia laloe ambil poetoesan boeat pergi ka-Liangsan aken sembajangin pada itoe soedara-soedara jang tertjinta. Tapi dalem ini hal ia moesti minta perkenannja orang toea. Sigra djoega ia telah sampe di roema.

Tatkala itoe hari telah djadi, menggerip dan di dalem mema soeda dipasang api. Pada waktoe bersantap, Siauw-tjhit laloe kasi taoe pada iboenja apa jang dipikir baroesan, dengen harep djoega jang itoe orang toea nanti bri perkenan.

,,Kaloe di-inget bagimana Kong-beng Koko poenja katjintahan pada kita-orang, soenggoe akoe merasa sedi sekali atas ia poenja kamatian, iboe," demikianlah Siauw-tjhit teroesken bitjaranja: ,,begitoe djoega Djiko Louw Tjoen-gie dan laen-laennja. Maka apakah iboe soeka perkenanken boeat akoe pergi ka Liangsan aken bikin sembajangan pada rohnja itoe soedara-soedara almarhoem?""

,,Oh, itoelah ada satoe perniatan jang baek sekali, anak," menjaoet sang iboe, jang njata ada satoedjoe betocl atas pikiran anaknja: ,,boeat itoe maksoed jang baek boekan sadja akoe tida halalangan, malah akoe perkenanken djoega pantah kaoe maoe pergi boeat bikin itoe sembajangan?"

„Kaloe iboe soeda membri idjin begitoe," djawab Siauw-tjhit dengen girang: ,,di hari esok djoega ako boleh lantas berangkat, dan ini malem akoe nanti sediaken barang-barang jang perloe."

,,Baeklah," kata itoe orang toea. Sahabisnja dahar, Siauw-tjhit laloe sediaken itoe barang-barang goena sembajang, sedeng arak, lilin, hio dan sabaginja tida katinggalan.

Sasoeda ini semoea ditaro dalem tampat kerandjang, Siauw-tjhit bersama doea orangja jang biasa membantoe dalem pakerdjahan menangkap ikan, Sore-sore lantas tidoer, soepaja di hari esok bisa bangoen lebi pagi.

Satoe malem telah berlaloe.

Esok pagi sabelonnja terang tana ini orang gaga lantas bangoen, dan itoe barang sembajang jang ditaro dalem ampat kerandjang laloe dipikoel oleh doea pengikoetnja kadalem praoe. Dan sabelonnja berangkat, Siauw-tjhit bri taoe doeloe pada iboenja, kamoedian baroelah ia kaloear pintoe.

Dari sini ternjatalah, maski Siaw-tjhit itoe ada saorang aseran jang beradat kasar, toeh pada orang toea ia amat berbakti. Sagala perboeatan ia tida brani melantjangi, sabelon dapet perkenannja itoe iboe.

Satenga djam telah berlaloe.

Tatkala itoe soeda terang tana. Sinarnja matahari jang baroe naek di djoeroesan Timoer, ada kaliatan sabagi bola-bola ani jang menggeboer-geboer menjinarken tjahajanja ka-saloeroe doenia. Papoehoenan dan goenoeng-goenoeng jang kaliatan dari kadjaoean, terpandang indah sekali. Halimoen di rawa Tjiokkiat-ouw jang soeda moelai boeiar, membikin pemandangan di itoe teaga djadi bagoes sekali kaliatannja. Aernja jang diliwati praoe djadi bergojang lantaran kena gerakannja dajoeng-dajoeng, hingga saban-saban di dalem aer kaliatan sinar mas jang berlegot seperti oelar. Jaitoe bajangannja penggajoe.

Itoe orang jang berada di praoe boekannja laen dari pada Siauw-tjhit bersama doea pengikoetnja. Djalannja kandaran aer ini ada menoedjoe kadjoeroesan Liangsan dengan ladjoe.

Sambil memandang kaindahannja alam Wie Siauw-tjhit tida merasa lagi jang praoenja telah masoek di moeara Kimshoa. Kaloe djalannja ini praoe ada begitoe tjepet, inilah tida heran, sebab orang jang mendajoeng, teroetama itoe Oah Giam Le sendiri, memang ada pande maen di aer.

Sigra djoega itoe praoe telah sampe katempat jang ditoedjoe, dimana orang-orang jang mendajoeng laloe brentiken penggajoenja. Dari tepi ini moeara Siauw-tjhit bertiga laloe naek ka-atas itoe goenoeng, jang sekarang soeda tida begitoe bagoes sabagimana doeloe masi ditinggalin oleh Song Kang dengen ia poenja saratoes delapan soedara angkat.

Di sapandjang itoe tempat telah djadi soenji. Apa jang kadengeran tjoema soearanja boeroeng dan binatang-binatang ketjil jang lagi bersaling saoet satoe pada laen. Djalanan-djalanan jang doeloe bagoes, sekarang soeda beroba djadi oetan alang-alang dan penoch doeri, sabagimana biasanja tempat jang tida dirawat.

Siauw-tjhit poenja hati djadi amat terharoe.

Meliat kamahmoerannja Liangsan jang doeloe, siapa doega kaloe sekarang bisa djadi begini matjem. Dengen tida dirasa lagi matanja ini orang gaga djadi mengembeng aer, kerna inget pada itoe soedara-soedara jang telah binasa, teroetama pada itoe Kongbeng Koko, pada siapa ia ada menanggoeng boedi besar.

,,Soenggoe akoe gemas sekali pada itoe kawanan dorna, kaloe menginget bagimana ia telah pintenah pada akoe poenja soedara-soedara angkat jang telah mewakilin Allah boeat djalanken keadilan," menggerendeng ia dengen soeara gergetan: ,,soenggoe!, soenggoe akoe gemas sekali!"

Sigra djoega ia telah sampe di atas itoe goenoeng dan bersama itoe pengikoet jang memikoel barang-barang marika ambil djalan jang menoedjoe ka-roewangan Tionggitong.

Tatkala sampe di ini tempat, matahari baroe naek belon sabrapa tinggi.

Meliat keadahan di itoe tempat, hatinja djadi lebi terkenang pada perkara jang doeloe-doeloe dan merasa piloe sekali. Apa jang tadinja diloe

diloepa lantas teringet. Sagala apa lantas djadi berbajang depan matanja.

Ia inget djoega begimana pada sabelonnja Song Kang trima fjiauwan dari Keizer, keadahan di ini goenoeng ada amat mahmoer dan menjenangken pikiran. Betoel seringkali ia dan soedara-soedaranja angkat sendjata aken mengadoe djiwa, tapi itoc semoca ada bocat membikin madjoenja Liangsan masoehoerin nama.

Tapi sekarang itoe semoga telah beroba djadi sabaliknja, hingga beroclang-oelang ia mengelah napas dan tepas aer mata jang moelai berlinang di seantero pipi

,,Keadahan dan pengidoepankoe tentoe tida djadi seperti sekarang, kaloe tida lantaran Tjoa Keng dan kawan-kawannja," kata poela ia dengen rasa mendongkol: ja, sekarang apatah akoe moesti berboeat, dari pada minta sadja rohnja Kong-beng Koko dan jang laen-laen bantoe membriken tenaga boeat akoc bikin pembalesan pada itoe kawanan dorna."

Satelah sampe di roewangan Tionggitong, doea pengikoetnja laloe brenti dan taro itoe pikoelan sambil menjelingoek kan sana sini, kerna di sitoe tida kaliatan satoc korsi atawa medja. Tegesnja tida ada satoe perabot lagi jang tertampak di itoe roewangan besar, di mana doeloe Song Kang dengen saratoes delapan soedara angkatnja biasa berhimpoen.

Siauw-tjhit laloe angkat dan toeroenin itoe sakalian barang-barang sembajang dari kerandjang ka tana. Sasoęda atuer selesih samseng dan tjangkir-tjangkir, lantas ia pasang lilin dan bakar doepa aken moelai sembajang, sedeng doea pengikoetnja menoenggoe di samping.

Sasoedanja sodja tiga kali dan sambil berloetoet ia berkata: ,,Sakalian Tjiongwi Koko dan Hengte, jang sekarang telah djadi orang aloes dan ada bersenang di tempat jang bakali, ini taon, ini boelan dan ini bari, akoe Wie Siauw-tjhit, satoe di antara itoe saratoes delapan soedara jang masi katinggalan sekarang, dengen hormat dan dengen soedjoet hati akoe mengoendang pada soedara-soedara sakalian, bocat ijoba dan dahar ini barang-barang hidangan jang akoe soegoeken."

Sahabisnja berkata ia tantjep hio itce di dalem satoe mangkok jang berisi penoeh beras, dan sasoedanja menoewangin arak ka dalem itoe tjangkir-tjangkir jang kosong, ia berkata poela: ,,Trimalah soedara-socdara ini arak jang akoe baroe toewangken. Dahar sakalian apa-apa jang ada dan minoem araknja dengen senang, sabagimana di waktoenja idoep kita-orang biasa berkompoel dan minoem-minoem dalem ini roewangan sambil meroendingken banjak perkara-perkara besar. Sekarang kaoe poenja rob jang soetji soeda bersenang di tempat jang kekal, maka kaloe akoc djoega kamoedian poelang ka tempat jang bakah, tentoe nanti berkoempoel padamoe sakalian, sabagimana doeloe kita-orang biasa berkoempoel makan minoem."

Sasoeda oetjapken itoe perkatahan jang paling blakang ia lantas berloetoet ampat kali dan kamoedian bangoen berdiri.

Dalem sakoetika lamanja ia tida berkata-kata. Sabagi orang jang sakean lama ada kenangken banjak perkara, boeat menoenggoeken sampe itoe persembajangan selesih ia memandang ka sana sini dan liat ini itoe. Tapi sagala apa jang terpandang, semoea ada sanget mengantjoerken hati dan membikin aer matanja jang baroe kering djadi toeroen kombali.

Sasoedanja arak ditamba tiga kali, sabagimana biasanja orang-orang jang sembajang, baroelah ia ambil kertas gintjoa dan taro itoe di sebla depan aken dibakar.

Sekarang ia panggil itoe doea pengikoet aken diadjak dahar itoe sakalian barang-barang bekas sembajang. Tapi waktoe kapala babi dan ajam samseng maoe dipotong, baroelah kataoean jang piso atawa golokuja kaloepahan dibawa.

,,Ah, lantaran tadi terlaloe terboeroc-boeroe, hingga golok sampe akoe kaloepahan bawah, kata ia sambil tertawa;,,tapi, soedalah! begini sadja........."

Sembari oetjapken itoe perkatahan jang paling blakang ia pegang ka doea kakinja itoe ajam dan beset djadi doea belah, kamoedian tjotjol sama ketjap dan kaijloa boeat djadi temennja arak.

Itoe doea kawan poen toeroet sabagimana lakoenja Siauw-tjhit. Marika. itoe makan dengen senang, tapi zonder arak, kerna ini minoeman jang tjoema sagendoel maoe dihantem sendiri oleh itoe Oah Giam Lo jang dojan minoem.

Sambil bersantap itoe doea pengikoet dengerin dengen kagoem tjeritanja Wie Siauw-tjhit jang rienoetoerken keadahannja di wakioe doeloe, dimana ia bersama Song Kang, jang sama sekali djoembla saratoes delapan soedara angkat, berdiam di ini goenoeng.

,,Ini bekas roewangan Tionggitong," kata Siauw-tjhit sambil menoendjoek tempat di mana sekarang ia bersama itoe doea pengikoet lagi doedoek makan minoem: di sinilah doeloe Kong-beng Koko biasa berhimpoen pada sakalian soedara-soedara."

Pengikoet itoe memanggoet sambil menjataken kaherannja jang besar.

Lebi djaoe Siauw-tjhit tjeritaken bagimana keadahannja Liangsan di tatkala itoe, bagimana roekoen ia orang bersoedara, jang maskipoen betoel soedara angkat, tapi melebihi dari soedara poetoesan peroet.

Kamoedian ia toetoerken kakerenan dau kagagahannja itoe sasoeatoe soedara, hingga siapa jang denger pasti djadi mengkirik. Oleh kerna Song Kang poenja kalakoean jang adil dan kagagahan jang tersiar, maka Baginda Song Wie Tjong soeda kirim firman tjiauwan boeat panggil itoe sakalian orang-orang gaga dari Liangsan dateng di kota Radja, bocat bekerdja pada negri.

Bersama itoe firman, begitoe Wie Siauw-tjhit teroesken tjeritanja, baginda ada kirim bebrapa leger arak boeat dibriken pada socdara-soedaranja, dan kamoedian bagimana ia orang telah berboeat pada itoe arak anteran.

Satoe persatoe ia tjeritaken dengan terang, hingga itoe doea pengikoet djadi kagoem betoel-betoel.

Boekan sadja itoe kawan jang mendengeri, tapi Siauw-tjhit djoega djadi tamba bernapsoe aken menjeritaken lebi djaoe keadahan-keadahan sasoedanja marika trima tjiauwan. Ia kata: sasampenja di kota Radja ia bersama itoe sakalian soedara-soedara lantas dikasi pangkat. Tida lama kamoedian dengen angkatan perang besar marika telah diprenta maloemken perang di negri Taij-liauw. Dalem ini paperangan pada bangsa Poeilap, banjak soedara-soedaranja telah binasa, antara rana kadoeanja Kokonja poen, jaitoe. Wie Siauw-dji dan Wie Siauw-ngo, soeda boewang djiwa dalem itoe paperangan djoega.

,,Tatkala itoe akoe sendiri ada mamegang pangkat Kaijthiankoen Tothongtji," djawab Siauw-tjhit dengen angkoe, waktoe itoe doca pengikoet menanja, djabatan apa jang ia pangkoe: ,,tapi sasoedanja poelang dari paperangan dan menginget keadahan ibockoe jang socda toea, akoe lantas letaken djabatan itoe dengen hormat dan poelang sadja ka kampoeng sendiri, soepaja salama- lamanja akoe bisa merawati pada orang toea."

Kawan itoe poedji atas orang gaga ini poenja kabaktian.

Sasoeda meletaken djabatannja jang terseboet baroe ia memperoesahaken kerdjahan penangkepan ikan di rawa Tjiokkiat-ouw, sabagimana adanja sekarang.

Tjerita, ini ada terlaloe pandjang boeat ditoetoerken satoe persatoe, sedang hal-hal blakangan jang ditjeritaken tida ada begitoe penting boeat dikatahoei. Maka sekarang, dengen meninggalken doeloe itoe Oah Giam Lo jang lagi mengobrol pada pengikoetnja, haek kita adjak pembatja meliat keadahannja kota Tjetjioe, jang letaknja tida sabrapa djaoe dari Liangsan.

Doeloe ini kota ada di bawah penilikannja satoe pembesar jang berpangkat Thaijsioe dan bernama Thio Siok-ja. Pembesar ini salaennja gaga perkasa, djoega adil dan namanja terpoedji betoel oleh pendoedoek jang berdiam di itoe tempat.

Tapi blakangan, waktoe baginda naekin pangkatnja ka tingkatan lebi tinggi, Thio Siok-ja itoe dipindaken ka laen tempat, dan sabagi gantinja laloe diangkat Thio Kan-poan, jaitoe Tjoa Keng poenja orang kapertjarahan. Djadi keangkatannja Thio Kanpoan itoe ada atas kahendaknja itoe mantri besar jang djadi kapala dari kawanan dorna.

Roepanja Thio Kan-poan itoe ada teramat djelek, hatinja pengetjoet dan tida sekali ada mempoenjai peladjaran boeat bisa mamerenta sabagi satoe Thaijsioe. Tapi, sabagimana di atas telah dibilang, lantaran dapet Tjoa Keng poenja toeloengan, kerna ia poen ada sala satoe dari itoe moerid-moerid dorna, maka djabatan itoe ia bisa pangkoe djoega di loear taoenja Sri Baginda Song Wie Tjong.

Sadari in Thaijsioe kaparat pangkoe itoe djabatan, keadahan dalem kota Tjejioe djadi sanget beroba. Banjak rahajat djadi mengeloeh, lantaran ini pembesar jang boekan sadja tida melakoeken pakerdjahannja dengen betoel, malah telah peres djoega kantongnja pendoedoek dengen lida merasa kasian.

Dalem sagala perkara-perkara ketjil, Kan-poan itoe tida merasa segan bocat trima sogokan. Dan kaloe orang jang ada tersangkoet perkara tida sediaken itoe bingkisan jang djadi kadojanannja, maka hati-hatilah orang itoe, tentoe perkara jang enteng djadi lebi berat, atawa toedoehan jang tida-tida mendjadi ada.

Bagimana soesa keadahannja orang ketjil kaloe dapetin di tempat kadiamannja ada doedoek pembesar jang begini, inilah soeda tida oesah ditjeritaken lagi. Dan oleh kerna tida bisa mengatoer pamerentahan, achir-achir itoe kota jang doeloenja ada aman, djadi beroba tida santausa.

Perkara tjoeri, kamalingan dan sabaginja lantas terdjadi sahari-hari. Kerna pendjahat-pendja-hat soeda tida menaro indah, hingga di waktoe siang hari poen sang maling brani lakoeken pakerdjahannja.

Betoel di bawah prentanja Thio Kan-poan ada bekerdja bebrapa orang politie sabagi pembatoe, tapi tentoe sadja itoe orang-orang jang berpangkat ketjil djoega tida melakoeken kawadjibannja dengen betoel, sebab orang jang di sebla atasan poen tida mengenal apa jang dinamaken kawadjiban.

Oleh kerna itoe kalakoean rakoes smeer dan memidjit kantong, achir-achir soeda menimboelken kabentjiannja pendoedoek. Maski djoega ia menggantiken pangkat Thaijsioe di sitoe belon sabrapa lama, tapi namanja soeda djadi djelek sekali.

Tjelahan-tjelahannja pendoedoek negri dapet didenger djoega oleh Thio Kan-poan; dan soepaja orang tida menjatji teroes-terocsan, maka ia rasa baek kaloe oendjoek sedikit kakerenan pada itoe sakalian pendjahat-pendjahat jang sering mengganggoe miliknja pendoedoek. Sebab ia pikir, maling-maling itoe tentoe taknet djoega padanja, kaloe ia belaga maoe tjari atawa tangkep.

Lantaran ini pikiran, maka ia djadi brani djoega boeat meronda, maski sabenernja ia sendiri takoet boeat bertanding pada orang djahat.

Tapi sabelonnja pergi, lama djoega ia berpikir, di mana adanja itoe sarang maling.

Sasoedanja bengong sakoefika lama, achir-achir ia berkata: Oh, ja-ja, boleh djadi itoe bangsat-bangsat bikin sarang di Liangsan; sebab di sitoe poen memang bekas sarangnja begal. Tapi boeat pergi ka itoe tempat akoe troesa koeatir, sebab itoe maling-maling begitoe liat akoe dateng bersama sakalian orang politie, marika tentoe lari toempangsioer, hingga troesa dilakocken pertempoeran apa-apa. Dan seandenja moesti bertanding djoega, akoe poenja orang-orang soeda tjoekoep boeat madjoe dan bekoek kapalanja aken dimasoekin ka dalem boei."

Begitoelah sasoedanja berpikir tetep ia laloe prenta orang selain koeda, dan dengen mengadjak doeapoeloe pengikoet jang terdiri dari oppas-oppas, ia lantas berangkat menoedjoe ka Liangsan dengen lakoe jang keren.

Dalem ini perdjalanan Thio Kan-poan bikin tingkanja lebi kosen dan tjongkak. Itoe barisan oppas-oppas semoea ada membawa sendjata, sedeng ia sendiri menoenggang koeda dan satoe orang di sebla blakang mamegang pajoeng, hingga roepanja kaliatan seperti pembesar agoeng.

Tida selang brapa lama Thaijsioe in soeda sampe di itoe goenoeng, sembari djalan penoedjoe ka roewangan Tionggitong, ia menoleh ka sana sini dan achir-achir ia dapet liat di itoe tempat ada tiga orang jang lagi angkatin barang apa-apa dari tana ka dalem krandjang.

Orang itoe pembatja tentoe soed: bisa doega siapa adanja, jaitoe Wie Siauw-tjhit bersama doea pengikoetnja, jang sahabisnja makan-makan lantas angkat-angkatin itoe barang sisah boeat dibawa poelang kombali.

Tapi dengan heran orang gaga itoe liat ada banjak orang jang lagi mendatengin. Dan sebab tida kenal pada itoe orang-orang, maka ia tinggal berdiri sambil mengawasi.

Koenjoeng-koenjoeng itoe orang jang toenggang koeda dan dipajoengin dengen pajoeng kabesaran jang bewarna idjo, menoeding padanja sambil membentak:

,,Oh, oh, bangsat! Betoel kaoe ini koerang adjar dan brani mati sekali!"

Siauw-tjhit djadi bengong, kerna tida taoe mengapa orang boleh memaki padanja jang zonder mempoenjai sala.

Kadoea pengikoetnja jang soeda sedia boeat berangkat, djoega djadi heran dan mengawasi dengen tida berkata-kata.

Koedanja Thio Kan-poan soeda madjoe samingkin deket, dan pembesar ini jang memang beradat sombong dan kira orang boleh djadi takoet lantaran dirinja ada mendjadi Thaijsioe, djadi samingkin goesar satelah meliat Siauw-tjhit dengen doea kawannja tinggal berdiri, tida maoe berloetoet atawa membri hormat.

,,Bangsat! Bangsat jang koerang adjar dan brani mati!" berseroeh poela ini Thaijsioe sambil menoeding: ,,soeda lama memang akoe doega jang kaoe ada bersemboeni di ini tempat, dan sekarang njatalah doegahankoe tida kliroe."

,,Hajo tangkep lekas ini tiga bangsat!" kata poela Thio Kan-poan dengen soeara mamerenta pada itoe oppas-oppasnja: ,,tangkep dan iket ini semoea begal, kaloe laen-laen kambratnja djoega soeda kena katangkep, baroe akoe nanti djatoken hoekoeman sama sekali."

Siauw-tjhit jang satelah dengar itoe perkatahan-perkatahan tida enak, teroetama itoe bebrapa makian jang ditoedjoeken pada dirinja, telah membikin ia djadi amat moerka. Maka baroe sadja Kan-poan kalocarken itoe prenta dan oppas-oppasnja maoe bergerak, orang gaga ini lantas berlompat dari itoe roewangan Tionggitong ka pelataran tempat di mana ini Thaijsioe ada menoenggoe.

Dengen socara menggereng jang seperti matjan, bockan sadja itoe oppas-oppas jang maoe menangkep djadi tida bisa bergerak, hanja Thio Kan-poan sendiri poen djadi teramat kaget dan ampir djato dari koedanja jang mendjimprat lan- taran terkedjoet denger soearanja itoe Oah Giam Lo jang seperti matjan mengaoeng.

,,Apa kaoe kata, binatang jang koerang adjar?" menjentak Siauw-tjhit sambil mamegang tangannja Thio Kan-poan: „kaoe brani menista akoe dengen perkatahan bangsat"? --O, oh, njatalahlah matamoe ini boeta dan tida kenalin kaoe poenja toean."

Thio Kan-poan djadi katakoetan, sedeng maoe berontak tida ada itoe tenaga. ,,Hm! kaoe maoe soeroe orang tangkep padakoe?" kata poela Siauw-tjhit sambil memandang itoe sakalian oppas-oppas: djangan poela baroe kaoe dan ini sakalian koertjatji, kendati Tjoa Keng sendiri kaloe dateng ka mari, tentoe tida oeroeng akoe bikin poetoes batang lehernja. Apa kaoe poenja mata boeta dan tida kenalin pada Gah Giam Lo?"

Satoe dari itoe bebrapa pengikoet, jang roepanja mace tjoba toeloengin madjikannja, baroe sadja sampe di hadepannja Siauw-tjhit, lantas terpental. Dan koetika dateng lagi bebrapa orang, djoega pada mengglepak. Tapi satelah itoe doeapoeloe orang dateng mengeroeboelin dengen berbarang, Siauw-tjhit lantas hantem kalangkaboet dengen satoe roejoeng jang ia dapet rampas dari itoe kapala oppas.

Salagi melawan pada ini orang-orang, Thio Kan poan jang memang pengetjoet soeda beroentoeng bisa melariken diri, sabelonnja mendapet laen-laen poekoelan jang lebi heibat. Boeroe-boeroe ja petjoet koedanja aken lari dari wates bilangan Liangsan aken halik kombali ka kota Tje-tjioe, dengen tida ambil perdoeli lagi apa jang terdjadi pada pengikoetnja. Asal sadja dirinja bisa idoep.

Itoe doeapoeloe oppas satelah meliat kawannja dihantem begitoe roepa, lantas djadi katakoetan satenga mati. Mana jang belon dapet loeka lantas melariken diri, sedeng jang soeda mengglepak, dengen merangkang lantas tjari gagombolan boeat selesepin diri, soepaja dirinja tida djadi binasa di tangannja itoe Oah Giam Lo, jang bermoela ia tida sekali kira, ada mempoenjai tenaga begitoe besar.

Pada sala satoe oppas jang soeda kapoekoel kapalanja dan badannja penoeh dengen loeka-loeka, Siauw-tjhit laloe hamperi, dengen maksoed boeat indjek lagi satoe kali batang lehernja. Tapi satelah denger itoe orang meratap minta-minta ampoen, soepaja djiwanja tida dibinasain, Siauw-tjhit lantas membentak:

,,Kaloe kaoe begitoe takoet mati, mengapatah kaoe begitoe koerang adjar brani dateng ka mari aken maen gila padakoe?"

,,Itoelah bockan salanja kita-orang, djawab itoe oppas dengen soeara merinti: sebab kita-orang diadjak, manatah boleh tida menogroet. Dan akoe harep hohan poenja moera hati aken mengasi ampoen."

,,Baek, akoe nanti kasi ampoen padamoe," djawab Siauw-tjhit sambil oeroengken niatnja boeat toeroen tangan lagi: tapi kaoe moesti mengakoe teroes terang dan kasi taoe apa jang sabenernja. Bila ada sadja satoe perkatahan jang tida betoel, — hati-hatilah djiwamoe!" ,,Akoe nanti mengakoe teroes terang, dan apalah jang hohan maoe tanja?"

,,Siapatah adanja itoe pembesar jang tadi?"

,,Oh, ia iloe Thaijsioe di kota Tjetjioe, jang belon lama djabat pangkatnja di itoe tempat dan bernama Thio Kan-poan."

,,Tapi mengapatah ia boleh panggil akoe ,,bangsat dan maoe tangkep djoega padakoe?"

,,Sebab, ia kira hohan ada itoe orang-orang jang bikin roesak prikeamanan di kota Tjetjioe. Sebab dalem waktoe jang blakangan di sakiternja itoe tempat ada terdjadi banjak sekali pentjoerian.”

,,Bagimanatah ia bisa doega begitoe pada akoe poenja diri? Sedeng padakoe toch itoe Thaijsioe belon kenal?"

,,Beginilah, hohan, kaloe kaoe mane taoe sebab-sebabnja, mengapa itoe Thaijsioe lantas bikin penangkepan pada dirimoe, jaitoe: menoeroet sapandjang ia poenja doegahan, itoe maling-maling jang biasa mentjoeri baranguja pendoedoek negri, tentoelah ada bersemboeni di ini tempat, sebab di sini poen ada djadi bekas sarangnja begal. Begitoelah dengen menetepken doegahannja, itoc pembesar laloe berangkat ka mari dengen mengadjak kita-orang poenja kawan-kawan.

Tapi dengen tida dikira akoe poenja madjikan jang bermata tida awas dan tida bisa kenalin orang, lantas toedoeh hohan ada itoe pendjahat jang lagi sedeng ditjari, maka dengen zonder tjari taoe lebi djaoe bener atawa boekan, ia laloe prenta menangkep, sabagimana jang tadi kita-orang poenja kawan-kawan telah lakoeken."

,,Nah, begitoelah sabenernja," kata poela itoe oppas dengen soeara meratap: ,,sekarang akoe soeda tjerita barang jang bener, harep hohan poenja moera hati dan soedi aken lepasken padakoe ini."

,,Baeklah, sekarang kave boleh berlaloe," kata Siauw-tjhit jang laloe balik kombali ka-roewangan Tionggitong, tempat dimana doea pengikoelnja masi berada, sedeng itoe oppas dengen tindakan tockiak-teklok lantas melinjapken diri aken balik kombali ka dalem kota.

Itoe kadoea pengikoet jang memang soeda bersedia, satelah liat Siauw-tjhit balik kombali, lantas angkat pikoelannja kaloear dari itoe roewangan. Sasampenja di loear tiga orang ini laloe toeroen dari goenoeng Liangsan dan teroes ka moeára Kimshoa, dimana praoenja ada tertambat di sebla pinggiran.

Sigra djoega itoe kandaran aer soeda didjalanken poela dengen ladjoe. Di sapandjang djalan bila menginget hal-hal jang tadi, Siauw-tjhit djadi tertawa jang tertjampoer dengen rasa mendongkol.

Sabeloanja sore marika ini soeda sampe di doen Tjiokkiattjoan, maka waktoe sang iboe meliat anaknja poelang, ia laloe menanja: apa Siauw-tjhit soeda lakoeken itoe persembajangan di Liangsan.

,,Soeda, iboekoe," djawabnja sambil bersenjoem. Kamoedian ia tjeritaken djoega apa jang tadi telah terdjadi antara dirinja pada pembesar dari kota Tjetjioe.

,,Soenggoe itoe Thio Kan-poan ada satoe penbesar jang berpikiran gelap dan tida bisa meliat orang." kata poela Siauw-tjhit sambil tertawa: ,,masatah dengen zonder tjari taoe lebi djaoe, dengen lakoe begitoe memboeta ia prenta oppas-oppasnja menjerang dan menangkep padakoe. Boekantah itoc terlaloe sekali?"

Sasoeda ia toetoerken sagala apa jang terdjadi dan bagimana ia telah labrak itoe pembesar, ini iboe djadi amat katakoetan dan kata: kaloe begitoe tentoelah Thio Kan-poan nanti bikin pembalesan.

,,Ah, lagi-lagi kaoe soeka bawa adat jang aseran, Siauw-tjhit. Oh, inilah ada tida baek sekali, anakkoe," kata itoe njonja toea dengen hati penoeh rasa koeatir dan takoet:,,apa kaoe tida taoe bagimana itoe pembesar di kota Tjetjioe poenja djahat?"

,,Boekantah seringkali akoe soeda kasi inget padamoe," kata poela itoe iboe: ,,djanganlah kaoe pake lagi itoe adat jang berangasan dan maen gampang-gampang sadja pockoel orang.—

Ja, kaloe doca Kokomoe masi ada, iloc tida mengapa. Tapi sekarang, sasoeda ia tida ada di doenia dan kaloe kaoe djoega masi maoe bawa adat begitoe, sama siapatah akoe moesti, toempangken diri, anak?"

Sabelonnja Siauw-tjhit bisa berkata-kata, itoe iboe teroesken poela perkataannja:

Soenggoe, soenggoe akoe koeatir kaloe ini perkara djadi berboeloet pandjang. Dan kaloe sanipe djadi demikian, bagimanatah nanti djadinja dirikoe ini jang soeda mendeketi pintoe koeboer. Ah, Siauw-tjhit, Siauw-tjhit, soenggoe kaoe ini koerang pikir sekali anak?"

,,Hahaha, mengapatah kaoe boleh djadi begitoe takoet, iboe?" kata Siauw-tjhit sambil tertatawa dan roepanja sedikit poen tida merasa koeatir: ,,djangan kaoe takoet, maski bagimana djahat djoega adanja Thio Kan-poan, akoe kira ia tida nanti brani boeat bikin soesa lebi djaoe pada kita.

— Senangken sadja hatimoe, iboe, senangkenlah. Pendek akoe tanggoeng jang iboekoe tida bakal koerang soaatoe apa."

Mendenger itoe perkatahan-perkatahan jang dioetjapken oleh Siauw-tjhit ada begitoe tetep, maka hatinja ini orang toea djadi senangan djoega.

Itoe malem sahabisnja bersantap iaorang tida mengomong begitoe banjak, hanja sasoedanja doedoek-doedoek sabentaran, anak dan iboe masing-masing laloe masoek kakamarnja aken tidoer, soepaja badannja itoe orang toea djadi senang dan tida memikiri lebi djaoe apa jang dibitjaraken baroesan.

Esoknja pagi, sabangoenja tidoer Siauwthjit laloe pergi ka rawa Tjiokkiat-ouw bersama-sama itoe doea pengikoet jang djadi pembantoenja, aken melakoeken poela pakerdjahannja jang biasa.

Tiga bari telah beselang.

Dalem itoe hari-hari jang berikoet tida ada apa-apa jang penting boeat ditjerilaken, maka pada itoe hari, sahabisnja dahar sore, sabagimana biasanja hari-hari jang laloe, sabelonnja tidoer Siauw-tjhit soeka doedoek omong-omong pada iboenja. Hal jang dibitjaraken poen ada oeroesan penangkapan ikan dan laen-laen jang koerang perloe, sedeng perkara memoekoel Thio Kan-poan, ia telah loepa sama sekali, sebab pikir: itoe perkara tentoe soeda abis sadja dengen begitoe.

Sahabisnja omong-omong Siauw-tjhit anter iboenja ka dalem kamer, kamoedian ia poen masoek ka kamar sendiri.

Tapi pada kira-kira djam doea di waktoe orang lagi sedeng enak tidoer, di locar roema ada kadengeran soeara rame-rame, hingga itoe Oah Giam Lo jang soeda poeles djadi mendoesin lantaran kaget.

la angkat kapalanja dari bantal aken memasang koeping.

Soeara itoe samingkin rame. Dari tindakan koeda dan sepatoe jang menggebrak-gebrak, bisa lantas didoega, jang itoe ada soldadoe atawa orang-orang politie.

,,He......" kata ia sambil berbangkit dan toeiren dari randjang.

Kamoedian dengen tindakan pelahan ia boeka pintoe kamar dan berdjalan ka pertengahan roema, boeat liat apa jang terdjadi.

Soeara rame-rame itoe ada terdenger njata di loear pelataran roemanja. Orang gaga ini lantas selipken satoe golok pendek di pinggang, sedeng di tanganja mamegang toembak jang biasa la goenaken di medan perang. Kamoedian ia liat dari renggangannja pintoe, rjatalan itoe ada soldadoe-soldadoe politie jang dateng dengen membawa obor, hingga kaliatannja sampe seperti siang hari.

Achir-achir ia dapet liat di antara itoe soldadoe-soldadoe ada berdiri Thio Kan-poan jang lagi menoenggang koeda sambil menitahken pada orang-orangnja boeat mendobrak dengen paksa roemanja. Dan sekarang baroe Siauw-tjhit dapet taoe, bahoewa dirinja maoe ditangkep. Kamoedian ia denger djoega itoe pembesar mengaloearken prenta boeat tangkep dirinja, jang katanja: Wie Siauw-tjhit itoe moesti dapet di-tangkep dan djangan kasi lari. Sebab ia itoe ada pendjahat besar.

Boekan maen goesarnja Siauw-tjhit, satelah denger itoe perkatahan. Soldadoe-soldadoe jang diprenta itoe lantas madjoe kadepan pintoe, tapi Thio Kan-poan sendiri jang memang pengejoet, tinggal berdiri dari tempat kedjaoean beat menoenggoe sampe orang-orangnja dateng serahen itoe korban jang dikeroepoekin.

Siauw-tjhit tida ambil perdoeli pada itoe orang-orang militair jang maoe dobrak pintoenja, hanja dengen hati panas ia laloe ambil djalan dari pintoe blakang, kamocdian pergi ka itoe pelataran, dimana Thio Thaijsioe ada berdiri.

Kan-poan tida sekali doega kaloe itoe. Oah Giam Lo jang maoe ditangkep soeda ampir ada di depannja Salagi ia mengawasi bagimana soldadoe-soldadoenja mendobrak orang poenja pintoe, dengen terkedjoet ia denger satoe soeara karas jang menjentak:

,,He, pembesar jang terkoetoek! Apa kaoe maoe malem-inalem dateng kemari?"

Satelah orang gaga itoe soeda ada di hadepannja, Thio Kan-pean poenja soemanget lantas boejar, sedeng badannja djadi amat lemas, lantaran kaget dan takoetnja hati. Kerna ia poen soeda kenal kagagahannja Wie Siauw-tjhit pada brapa hari jang laloe.

Salagi ampir terdjoengkel dari atas koeda, Siauw-tjhit jang sueda ada di depannja lantas djambak ia poenja leher dan dengen golok terhoenoes ia berkata poela:

,,Ah, kaoe ini betoel ada satoe manoesia jang tida taoe adat, Kaloe akoe taoe jang hatimoe ada begini djahat, tentoelah di itoe hari djoega akoe soeda tabas batang lehermoe, moestail akoe lepas kombali. Tapi sekarang akoe tida bisa kasi ampoen lagi, kerna kaoe ini betoel-betoel maoe menjoesaken padakoe."

,,Ampoen! ampoenilah akue, hohan!" treak itoe pembesar kaparat dengen soeara di tenggorokan, hingga speara itoe mirip seperti babi jang maoe dipotong.

Siauw-tjhit tida perdoeliken itoe ratapan, hanja lantas angkat goloknja dan tikemken itoe di badannja si kaparat. Ia sengadja tida maoe tabas boeat bikin djadi lantas mati hanja dengen menikem begitoe, soepaja Kan-poan bisa merasaken sakit lebi banjak sabelon djiwanja melajang.

Sasoedanja mendjerit dan merinti-rinti, baroelah Siauw-tjhit tabas lehernja itoe pembesar doerhaka hingga sakoetika djoega linjap njawanja. Itoe soldadoe-soldadoe jang baroe moelai masoek, satelah denger treakannja Thio Kanpoan, lantas kalocar lagi boeat menoeloeng. Tapi sabelonnja ia orang bisa berboeat speatoe apa, itoe Oah Giam Lo jang memang belon berlaloe dari sitoe, lantas pocter toembaknja madjoe menjerang, sedeng jang deket ditabas dengen golok.

Dalem samantara waktoe sadja itoe orang-orang jang maoe menangkep lantas djadi mengglepak soesoen tindi pada kawan-kawan sendiri ada jang poetoes kapala, ada jang ilang tangan dan somplak kapala, sedeng jng mendapet loeka dan bisa melariken diri, lantas merat dengan tida perdoeliken lagi pada kawan-kawannja.

Di itoe pelataran roema lantas djadi satoe tempat pemboenoehan jang heibat, tapi itoe waktoe lantas mendjadi soenji kombali, kerna soeda tida ada laen orang dari pada itoe toean roema sendiri.

Dengen panggoel toembak Lioeyaptjio jang berlepotan dara Siauw-tjhit masoek kombali ka dalem roemanja dengen hati berdebar, kerna koeatir iboenja nanti koerang apa-apa. Satelah sampe di kamarnja itoe orang toes ia lantas memang- gil-manggil, tapi tida ada satoe soeara jang menjaoet.

Iboe, iboe!" memanggil ia dengen hati jang bergontjang lebi keras, sebab dalem itoe kamar ia tida dapetken orang jang dijari.

,,Ah, tjilakalah, apa itoe soldadoe-soldadoe soeda tangkep akoe poenja iboe?" berkata ia dengen hati amat bingoeng. Beroentoeng sabelonnja ia kaloear, di kolong tempat tidoer ada kadengeran soeara orang, hingga ia djadi amat girang, koetika dapetken iboenja tida kocrang soeatoe apa.

,,Ai, hatikoe sampe rasanja tjopot, waktoe meliat kaoe tida ada di tempat tidoer," kata Siauw-tjhit dengen moeka terang: ,,bagimana, apa kaoe dapet banjak kaget, iboe?"

Kamoedian ia pondong itoe orang toea dan taro lagi di atas randjang sambil membri roepa-roepa hiboeran, soepaja hatinja bisa jadi lebi tetep.

Sang iboe tida bisa berkata-kata dalem itoe bebrapa, saät, kerna hatinja masi katakoetan.

Siauw-tjhit laloe melongok ka loear kamar dan seroeken pada doea kawannja. Tapi maski soēda memanggil beroelang-oelang, toch tida ada satoe soeara jang menjaoet.

ltoe doea kawan tida kataoean ka mana perginja.

Ini Oah Giam Lo tida ambil perdocli lagi pada itoe pengikoet, hanja hamperi kombali pada sang iboe sambil berkata:

,,Sekarang baeklah kita berlaloe sadja dari ini doesoen Tjiokkiattjoan, iboe, kerna di sini soeda tida santausa lagi boeat djadi kila poenja tempat kadiaman. Boengkoeslah kaoe poenja pakean dan barang-barang jang perloe dibawa, soepaja sabelonnja fadjar kita soeda berada djaoe dari ini kampoeng."

,,Salagi kaoe memboengkoesin barang-barang, akoe nanti masak nasi. iboe," kata poela ia sambil berlaloe.

Itoe njonja toea lantas toeroet perkatahan anaknja, dengen tida tanja ka mana maoe pergi.

Selang satenga djam nasi jang dimasak itoe soeda mateng, maka Siauw-tjhit laloe adjak iboenja dahar dan sahabisnja bersantap, kadoeanja itoe laloe berpake-pake boeat berangkat.

Tatkala itoe soeda ampir fadjar. Boelan jang toea soeda miring ka Barat, tapi sinarnja ada tjoekoep boeat menerangi djalanan. Sabelonnja berangkat dari soeatoe tempat jang tida sabrapa djaoe ada kadengeran soeara koeda berbenger, dan satelah ia hamperi, njatalah itoe ada koedanja Thio Kan-poan.

,,Nah, inilah kabetoelan sekali," kata ia sambil toentoen itoe binatang jang tjoekoep dengen selanja. Satelah sampe di depannja sang iboe, ia lantas naekin itoe orang toea ka atas toenggangan, kasi pegang selanja, sedeng ia sendiri nanti djalan di samping sembari menuentoen dan pikoel itoe boengkoesan dengen toembak Lioeyaptjio.

,,Eh, toenggoe doeloe," kata ia, koetika baroe berdjalan bebrapa tindak.

Kamoedian ia tinggalken iboenja di itoe djalanan dan balik lagi ka itoe pelataran, dimana ia lantas angkat dan lempar-lemparin maitnja itoe bebrapa belas soldadoe ka dalem roema. Sasoeda itoe, ia lantas ambilin api dan bakar roemanja jang maoe ditinggal, hingga apinja djadi berkobar-kobar.

Sasoeda itoe, perdjalanan, diteroesken lebi djaoe.

Tida kataoean ka mana ini Oah Gam Lo maoe adjak iboenja, kerna sampe di itoe waktoe ia masi belon dapet pikir soeatoe tempat jang baek. Tapi djalannja itoe menoedjoe ka djoeroesan Oetara.

Maski ia sendiri ada memikoel dan iboenja menoenggang koeda, tapi ia bisa djalan dengan berendeng sambil bantoe mamegangi tom koedanja. Dalem itoe sepandjang djalan bawanja masi dingin, hingga boeat saorang toea sabagi iboenja Siauw-tjhit jang memang soeda banjak oemoer, tambahan ada mempoenjai penjakit oeloehati, ada dirasaken amat melarat dan saban-saban napasnja merasa pendek, sabagi penjakit itoe maoe dateng menghinggapi.

Meliat bagimana sangsara adanja ini perdjalanan jang tida kataoean ka mana made ditoedjoe, brapa kali ini njonja toea sesalken perboeatan anaknja, jang membikin dirinja sampe menanggoeng ini kamalaratan.

,,Apa sala akoe bilang?" kata sang iboe dengen soeara menjesel: ,,jang perboeataamoe itoe moesti ada boentoetnja, —moesti ada boentoetnja; dan kaoe tida maoe pertjaja. Sekarang baroe kaoe liat jang doegahankoe berboekti."

Ja, sekarang apa maoe dikata, iboe." djawab Siauw-tjhit sembari tertawa, dan sedikit poen roepanja tida djadi menjesel boeat itoe perkara jang telah dilakoeken,

,,Kaloe kaoe maoe denger akoe poenja nasehat dan roba itoe adat jang berangasan, masatah ini hari iboemoe jang soedah toea dan berpenjakitan menampak ini katjapean dan kasangsarahan. —ja, ja, lantaran kaoe tida maoe denger moeloet orang toea, inilah sekarang diadinja, dari ada roema tangga sampe djadi terloenta-loenta. Dan soeda begitoe, tida kataoean di tempat mana jang kita maoe pergi."

,,Senangkenlah hatimoe, iboe. Maski bagimana dioega akoe tentoe nanti tjariken satoe tempat jang santausa dan senang boeat kaoe toempangken diri. Dari perkara-perkara jang akoe telah berboeat, soedalah djangan terlaloe dipikirin. bab perkara jang soeda kadjadian dan telah liwat, tentoe tida bis dibikin baek kombali."

,,Di mana-mana djoega kaloe kaoe tida bisa boewang itoe adat, tentoe tida bisa bener, Siauw-tjhit."

,,Akoe berdjanji padamoe, iboe, kaloe soeda dapet satoe tempat jang baek boeat toempangken dirimoe, akoe roba itoe adat ――― Soenggoe!, sabrapa bisa akoe nanti tjoba berlakoe sabar, kendati apa djoega akoe nanti diam dan mengala."

Begitoelah iaorang berdjalan teroes dari pagi sampe hari endjadi lohor, dan boeat ilangken tjapenja, Siauw-tjhit adjak iboenja brenti di bawah satoe poehoen besar, dan boeka boengkoesannja, dimana ia kaloearken nasi bekelan dan soeroe iboenja dahar. Kamoedian sahabisnja ilangin lapar, marika berdjalan kombali, ia tida brenti lama-lama di djalanan, kerna koeatir nanti dikedjar oleh seorang politie.

Sasoedanja melaloei lagi beberapa paal waktoe telah djadi malem dan lantas pergi ka soeatoe doesoen boeat noempang nginep di roema orang.

Besok pagi-pagi ia berdiam lagi, dan di sepandjang djalan ia denger orang tjeritaken halnja pembesar kota Tjetjioe jang diboenoe orang dan sekarang pemboenoe itoe lagi ditjari keras.

Soepaja bisa dapet katerangan bagaimana perkaranja, Siauw-tjhit laloe pergi pada itoe orang-orang jang lagi sedeng tjerita, boeat mendengerti lebi djaoe.

Tjeritanja itoe orang adalah begini:

Pembesar di kota Tjetjioe, Thaijisoe Thio Kan poan, soeda lama ada denger kabar jang di Liangsan ada mendjadi sarangnja begal-begal dan maling, jang salaloe mengganggoe prikaämanan dan bikin pantjoeriapentjoerian di sakiternja itoe tempat.

Pada soeatoe hari salagi pembesar itoe djalan ronda, sasampenja di Liangsan dapet dipergokk tiga begal jang lagi membagi dosa pikoel barang-barang tjoerian atawa rampasan, hingga Thio Kan-poan jang dapet liat itoe, lantas prenta orang-orangnja madjoe boeat tangkep. Tapi tidaa kira itoe begal ada gaga perkasa, maka bebrapa oppas politie jang maoe menangkep samoea kena dibabet dan dapet loeka-loeka berat, sedeng Thio Thaijsioe sendiri kaloe tida kaboerdie lari, tentoe dapet tjilaka.

Sebab itoe begal ada begitoe brani, maka sambil melawan orang politie ia kasi taoe djoega namanja, jaitoe Oah Giam Lo jang tinggal di doesoen Tjiokkoatjoan dan lakoeken pakerdjahan sabagi toekang tangkep ikan di rawa Tjiokkiat-ouw, sabenernja pakerdjahan itoe tjoema ada boeat samarken diri sadja. Selang tiga hari dari itoe kadjadian, dengen mengadjak brapa poeloe orang militair dari kota Tjetjioe, Thio Kan-poan pergi ka itoe doesoen boeat bikin penangkepan menggeroepoek, sebab dengen beterang dikoeatir soesa katangkep.

Tapi tida taoenja itoe Oah Giam Lo ada banjak mempoenjai kawan dan mata-mata, maka waktoe soldadoe politie dateng, kawannja lantas kasi taoe dan di sitoe lantas dilakoeken pertempoeran heibat, dimana salaenja ada bebrapa belas soldadoe jang binasa, Thio Thaijsioe djoega toeroet melinjapken njawa.

Sekarang, oleh pamerenta agueng soeda dikaloearken prenta boeat tangkep itoe Oah Giam Lo jang merat, dan disiarken djoega gambarnja di tempat-tempat jang rame, soepaja orang bisa kenalin dan tangkep padanja.

Pada orang-orang jang bisa menangkep itoe brandal, tentoe dapet persenan besar.

Demikianlah itoe tjerita.

,,Oh, oh, kaloe begitoe akoe lagi sedeng ditjari keras," kata Siauw-tjhit jang sasoedanja mendenger itoe tjerita, sembari hamperi kombali pada iboenja jang lagi menoenggoe. Tapi pada ini orang toea ia tida kasi taoe soeatoe apa, sebab koeatir sang iboe nanti jadi bertamba kesel.

Sebab koeatir bener-bener ada orang jang kenalin padanja, maka dari itoe doesoen ia lantas ambil djalanan di pinggir-pinggir goenoeng tempat jang soenji dan tida ada orang liwat, tapi djoega tida kataoean kamana teroesannja.

Kerna ini djalanan renda-rendoe dan salaloe ada menandjak, maka iboenja jang memang tida biasa berdjalan djaoe, djadi amat tjape dan aoes sanget.

Tatkala itoe di waktoe tengahari memang ada amat panas. Djangan poela di pagoenoengan jang begini, kendati di kampoeng-kampoeng dan padoesoenan tempat jang banjak poehoen, orang masi merasa gerah dan tida tahan.

Demikianlah lantaran terlaloe tjape, koenjoeng-koenjoeng itoe njonja toea dihinggapi penjakit oeloehati, dengen amat sakit ia djadi meringis dan menekan dada sambil merinti-rinti.

Siauw-tjhit djadi amat iboek dan laloe mendeketi, dan ampir sadja iboe ini djato dari koeda, kaloe tida kaboeroe anaknja tanggapin.

Siauw-tjhit lepas pikoelannja dan pondong itoe iboe, dengen hati amat bingoeng, kerna tida taoe di mana moesti toempangin ini orang toea jang sakit. Dan selagi iboe begitoe, dari kedjaoean ia dapet liat oewoengannja satoe roema, maka ia djadi girang dan lantas berlari-lari menghamperi itoe tempat.

Satelah sampe, njatalah roema itoe ada satoe gredja toea jang soeda lama tida dirawat, sedeng temboknja soeda banjak jang goegoer, keadahannja amat kotor dan patoengnja poen soeda deboeh dowangan.

Di dalem gredja itoe ada banjak galagasi dan kabang-kabang, sedeng sapotong perabot tida ada kaliatan di itoe roewangan. Sebla daon pintoenja soeda terpental dari engselnja, maka ini daon pintoe disapoe bikin bersi, boeat djadi tempatnja itoe orang toea berbaring.

Kamoedian Siauw-tjhit boeroe-boeroe balik lagi katempat jang tadi boeat ambil boengkoesannja bersama koeda jang ditinggal. Dan sekarang baroe ia dapet liat jang pemandangan di ini goenoeng ada amat angker dan menakoeti.

Bermoela ia kira di ini tempat tida ada orang jang tinggal. Tapi waktoe balik kombali, dari kadjaoean ada kaliatan mengeboel asep, soeatoe tanda jang di tepi itoe boekit ada roema orang.

Sambil taro itoe boengkoesan Siauw-tjhit lantas kaloearken satoe selimoet boeat toetoepi badan iboenja, kamoedian ia soeroe orang toea ini tidoer, soepaja bisa kaloear kringet dan enakan.

,,Tapi leherkoe aoes sekali, anak," kata iboenja dengen soeara merinti.

,,Kaoe tida boleh minoem aer dingin, iboe," kata Siauw-tjhit dengen hati kasian: ,,kaloe aoes, baek minoem aer mateng sadja dan akoe nanti tjari api boeat masak aer dan sedoeh thee.—Sebab kaloe paksa minoem aer dingin, penjakit itoe djadi lebi heibat dan berbahaja, boekan?"

,,Begitoe poen ada lebi baek. Tapi di mana kaoe maoe tjari api?"

,,Di sitoe akoe liat ada orang tinggal, maka baek akoe pergi ka itoe roema aken minta api, atawa kaloe ada, aer panas lebi baek."

Sasoeda pesen iboenja menoenggoe, ia lantas berlari-lari ka djoeroesan tempat dimana itoe asep ada kaliatan. Tapi sebab perdjalanan ka itoe roema di tepi goenoeng, orang moesti liwati beberapa tempat jang tinggi renda, maka sampe waktoe kombali moesti melaloei tempo ampir satenga djam.

Panasnja matahari itoe waktoe ada teramat keras, hingga seantero badannja ini Oah Giam Lo djadi berkeringet dan moekanja poen beroba mera. Di tenga perdjalanan sembari membawa api ia berkata sendiri-diri:

,,Mengapa hawanja ini panas begini keras sampe ampir seperti dibakar? Hawa begini akoe tjoema pernah rasaken doeloe waktoe masi berada di goenoeng Oeijnikong."

Sembari berkata-kata, sigra djoega ia telah sampe di itoe gredja.

Tapi alangkah terkedjoetnja ia poenja hati, waktoe meliat itoe daon pintoe tempat dimana tadi iboenja rebah, sekarang soeda djadi kosong; sedeng boengkoesan pakean jang ditaro di dekey sitoe, djoega tida ada. Begitoe djoega koeda jang dirambat di tiang, tida kaliatan.

,,He, ia kamanatah?" tanja Siauw-tjhit itoe pada hati sendiri.

Kamoedian ia menengok-nengok ia sakoeliling itoe tempat, dengen mendoega-doega: apatah iboenja itoe perg kentjinga atawakag boewang aer.

,,Ini boengkoesan djoega tida ada," kata poela ia ,,apa pergi dengen membawa djoega ini boengkoesan lantaran koeatir ditjoeri orang, begitoetah?"

,,Taro bener ia koeatir ditjoeri orang, dan ia bawa itoe boengkoesan," kata poela ia dengen soeara lebi heran dan tida mengarti: ,,masatah itoe koeda toenggang djoega moesti ditoentoen-toenoen?—Ah, bener-bener akoe tida mengarti sekali!"

Kamoedian ia taro itoe api jang dapet diambil dan lantas bertindak masoek dengen hati merasa amat tida enak, sembari memanggil-manggil:

,,Iboe!, iboe!,—kaoe ada di mana, iboe?!"

Tida ada satoe soeara jang menjaoet.

Siauw-tjhit masoek lebi dalem, tapi di sakiternja itoe gredja tida kaliatan bajangan manoesia.

Dengen hati memoekoel lebi keras ia berseroeh lebi koeat: ,,Iboe!!......... iboe!!!!......... Kaoe ada dimana??........"

Djoega ini seroehan jang beroelang-oelang tida kadengeran disaoetin.

Sekarang Siauw-tjhit djadi lebi koeatir dan lantas pergi ka blakang sambil bertreak-treak memanggil itoe orang toea. Sasampenja di pintoe blakang, ia boeka pintoenja dan meliat di sakoeliling tempat, dimana ada kaliatan oetan alang-alang sadja.

Melit itoe papoehoenan ketjil jang berdaon lebat, mendadak ia dapet satoe ingetan jang membikin hatinja djadi amat kaget, takoet dan boeloe badannja rasa mengkirik.

Begitoe lama ia idoep di doenia, baroe sekarang ia dapet rasa takoet. Itoe katakoetan boekan boeat diri sendiri, sebab kaloe boeat dirinja, siapa djoega ia tida takoeti, hanja takoet boeat tertjinta, koetika dapet inget bagimana doeloe waktoe Lie Koei djalan boeron sambil menggendong iboenja, di tenga perdjalanan boeat pergi ka Liangsan, lantaran aoes itoe orang toea lantas brenti dan soeroe anaknja pergi ambil aer.

Lie Koei toeroet itoe prenta dan lantas berlaloe, sedeng iboenja ia tinggalken di tempat pembrentian.

Satelah itoe Lie Thi Goe—demikianlah nama jang orang briken pada Lie Koei, jang berarti ,,Kerbo Besi", dan nama ini poen soeroep sekali, kerna moekanja itam dan tenaganja teramat koeat—, sasampenja di pinggir soember jang di sebla atasnya ada banjak toemboe alang-alang, ia dapetken sebla kaki iboenja soeda ada di sitoe; jang njata waktoe baroe sadja Lie Koei berangkat, iboenja soeda diterkam matjan jang dateng dari itoe tempat, dan kamoedian dengen membawa itoe korban, itoe binatang boewas soeda balik kombali ka itoe oetan.

Begitoelah lantaran menginget itoe kadjadian jang mengeriken hati, Siauw-tjhit djadi amat takoet jang kaloe-kaloe iboenja djoega nanti terdjadi demikian. Kaloe boeat ia sendiri masi tida mengapa, kerna ia poen tida takoet harimau.

Tapi itoe iboe?, itoe iboe??

,,Ai, soenggoe tjilaka betoel, kaloe iboekoe djoega menampak nasib demikian?" berkata ia dengen hati berdebar.

Kamoedian ia hamperi itoe alang-alang di matanja seperti soeda berbajang, jang di itoe gagombolan ada terdapet sapotong kaki dan tangan iboenja jang mendjadi korbannja binatang boewas.

Boekan maen hatinja poenja takoet, kaloe-kaloe bener ia nanti dapetken itoe potongan-potongan dari anggota badan.

Tapi sasoedanja ia memereksa sakoetika lama dan dapetken jang daonnja itoe alang-alang tinggal berdiri sabagimana biasa, hatinja jang berdebar djadi sedikit koerangan. Sebab kaloe betoel ada matjan, tentoelah itoe papochoenan jang bekas terindjek-indjek pada rebah.

Lebi lagi ia dapetken, jang di itoe tempat tida ada tanda-tanda dara. Maka sambil balik kombali ka tempat jang tadi, ia bisa menapas lebi legah, kerna sekarang ternjata jang itoe orang toea tida jadi korbannja radja oetan.

,,Djoega kaloe beloel matjan, moestail ia nanti tjaplok bersama-sama itoe boengkpesan dan koeda?" pikir ia: tapi kaloe maoe dikata iboekoe pergi kentjing atawa boewang aer, ini soeda ternjata lida bisa djadi; tapi kaloe ini boekan dan begitoe boekan, ia kamana? - Mane kata ia soeda berangkat lebi doeloe, inilah tida boleh djadi."

Maski hatinja bisa merasa senangan, sasoeda dapet kanjatahan jang iboenja tida mendjadi korban harimau, tapi toch doeka dan keselnja lantaran itoe orang toea tida ada, masi belon linjap dari pikirannja.

Dengen hati amat masgoel dan mata mengembeng aer ia berdiri di roewangan tempat toapek kong. Ia tida taoe bagimana sekarang moesti berboeat, kerna di sini tida ada satoe orang jang boleh ditanja dan dimintaken katerangannja. Sedeng ini tempat apa namanja, ia sendiri tida taoe. Achir-achir ia ambil poetoesan boeat pergi kaloear aken menjoesoel itoe iboe, jang tida kataoean kamana djalannja. Tapi sabelonnja ia angkat kaki, dari loear ada kaliatan saorang melangkahi pintoe mertindak masoek.

Orang itoe berbadan tegap, tingginja lebi-lebi dari delapan kaki. Koelit moekanja ada poeti bersi, sapasang matanja jang tjeli ada tertawoeng dengen alis jang itam dan kereng, hingga roepanja djadi tjakep sekali.

Njatalah ia ini ada satoe hohan jang gaga perkasa. Oesianja didoega kira-kira tigapoeloe taon. la tida memake kopia, hanja pelangi soetra jang hewarna idjo moeda, jaitoe pakeannja djago-djago di itoe djaman.

Ini orang masoek ka dalem itoe gredja dengen tindakan tetep, potongannja jang sigep, ada membri kanjatahan bahoewa ia ada saorang paperangan, atawa sedikitnja di Kangouw poenja orang gaga.

Siauw-tjhit jang memang lagi kabingoengan dan mara-mara lantaran iboenja dibawa orang, satelah meliat itoe orang jang baroe dateng, dengen zonder menanja lagi ia lantas berlompat menghamperi sambil bertreak, kamoedian pegang orang poenja tangan dengen lakoe mengantjem, seperti djoega saorang jang baroe dapet tangkep satoe maling. Dengen napas tersengal-sengal dan mata beringas ia mengawasi pada itoe orang, sedeng tangannja jang kanan ada sedia boeat menjerang.