Pembalesannja Kawanan Liangsan/Bagian kadoea/Bab 3

←

Pembalesannja Kawanan Liangsan oleh Tong Th. Fuctriorider
Bab 3

→

III
Liang Liang-sih pergi ka kota Radja mengadep Baginda. — Dengan persembaken politiek beroleh pangkat.
——————

Pada waktoe orang-orang gaga di lemmatjwan merajahken pesta menang perang, Thio Hiong dan Kwe Keng soeda lari djaoe. Tapi di satoe tempat marika itoe terpentjar dan Thio Hiong landjoetken perdjalanannja ka Pakkeng, dengen teriring oleh bebrapa ratoes soldadoe petjoendang jang dapet soesoel djalannja itoe panglima.

Di sapandjang djalan Thio Hiong mengoetoek pada diri sendiri. Hatinja merasa takoet, kaloe-kaloe poelangnja ka Pakkeng, oleh Tong Koan nanti didjatoken hoekoeman, sebab ia, jang soeda dipertjajaken boeat djadi pembantoe, soeda bikin ini kakalahan sampe abis-abisan.

Tapi sebab tida taoe ka mana moesti poelang, achir-achir Thio Hiong teroesken djoega perdjalanannja itoe ka tempat jang ditoedjoe. Setelah sampe, ia laloe prenta pengawal pintoe membri taoe pada Tong Djoebit.

Itow waktoe Tong Koan lagi sedeng kabingoengan, kerna belon lama ia dapet trima soeratnja Ma Tjhoen jang minta dikirim lagi soldadoe toeloengan. Permintahan itoe lagi ditimbang, sebab kaloe lantas dikirim, salempang bila orang-orang Tayliauw bergerak, disini poenja soldadoe djadi koerang, dan kaloe tida dikirim, Ma Tjhoen poenja soerat bilang, soldadoe jang soeda dibawa dan jang sekarang berada di sana, tida sanggoep lawan itoe kawanan brandal dari lemmatjwan.

Inilah sebabnja membikin ia djadi bingoeng.

Koenjoeng-koenjoeng pengawal pintoe dateng membri taoe, bahoewa Thio Hiong jang dari lemmatjwan soeda balik dan sekarang ada di loear pintoe, minta katemoe.

„He, mengapatah ia boleh balik?" kata Tong Koan dengen kaget.

Hatinja lantas merasa tida enak, kerna poelangnja Thio Hiong jang sendiri-diri itoe, ada sabagi mendatengken firasat, jang angkatan perangnja Ma Tjhoen dapet kakalahan besar.

Sigra ia prenta panggil itoe panglima, jang tida lama lantas dateng mengadep sambil membri hormat.

Tong Koan laloe tanjaken tentang itoe oeroesan perang, dan ini didjawab oleh Thio Hiong satoe persatoe dan kasi taoe djoega, jang Tothongtjie Ma Tjhoen telah binasa dalem paperangan dan soldadoe sabagian besar dapet karoesakan.

„Hai!, hai!, sampe begitoe poenja sial?!" treak Tong Koan dengen kaget dan moerka: „ boleh dapet karoesakan begitoe besar? Boekantal Lie Eng dan sadereknja itoe di lemmatjwan, tjoema ada kawanan begal sadja? Moestail boeat bertempoer pada kaoem brandal, sampe djadi abis-abisan begini?"

Thio Hiong tida bisa menjaoet.

Tong Koan berkata lagi:

„Apa Kwee Soetiang jang ada mempoenjai kasaktian, tida kaloearken ilmoenja boeat melawan moesoe? Dan tjobalah tjeritaken lebi djaoe, bagimana sebabnja Ma Thongtji sampe dapet itoe kamatian di tangannja Lie Eng?"

Thio Hiong laloe tjeritaken, bahoewa dalem angkatan perang moesoe ada toeroet djoega Oan Swie. dan lantaran itoe, Kwe Keng jang roepa-roepanja soeda taoe kasaktian sendiri ada djaoe di sebla bawah dari lawanannja, soeda tida brani kaloearken ilmoe apa-apa Sedeng ia sen- diri, jang dalem paperangan pertama ada bertempoer pada Lie Eng. soeda kena moesoe itoe poenja golok wasiat, hingga sampe sekarang poen loekanja belon tersemboel betoel.

Lebi djaoe ia kata, sahabisula kala dalem itoe paperangan jang pertama, Ma Tjhoen moendoerin soldadoenja sapoeloe li poenja djaoe, dan sebab itoe hari ia sedeng kasakitan dan tida bisa bantoe atoer pendjagahan, maka semoea oeroesan ada dioeroes sadja oleh itoe Tjoetjiang. Tapi Ma Tjhoen ada terlaloe alpa dan tida bikin persadiahan, hingga malemnja Lie Eng poenja soldadoe dateng menjerang, hingga balatentara jang sedeng tidoer poeles, djadi kalangkaboet.

Di sinilah Ma Tjhoen telah binasa, sedeng ia bersama Kwe Keng lantas melariken diri bersama itoe sadjoembla balatentara jang masi idoep. Sedeng ramsoem, alat sendjata dan koeda-koeda, telah dirampas oleh moesoe.

Sasoedanja mendenger ini semoea katerangan, boekan patcet goesarnja Tong Koan, ia lantas hanting kaki dan tepok-tepok medja.

„Oh. koerang-adjar sekali, itoe brandal-brandal di lemmatjwan!" treak Tong Djoebit dengen soeara sengit: „kaloe akoe tida siapken lagi angkatan besar boeat labrak padanja, itoe orang- orang terkoetoek tentoe tida taoe sampe di mana akoe poenja kakerenan!"

„Nah soeda! sekarang kaoe moesti madjoe kombali," kata poela pembesar itọe dengen paras moeka jang menjataken amaranja: siapken kombali satoe angkatan perang, sasoeda barisan itoe sadia, moesti lantas berangkat !"

Thio Hiong memanggoet dan lantas djalan ka loear.

Tapi baroe sadja Tong Koan maoe prenta orang sadiaken itoe barisan, satoe djoeroe kabar dateng membri warta, bahoewa panglima dikota Piankoan minta dikirim bala bantoean boeat melawan serangannja orang-orang Taylianw.

Mendenger ini warta jang blakangan, Tong Koan djadi melengak, dan itoe djoeroe kabar berkata lebi djaoe:

„Minta Taiya kirim bala bantoean itoe dengen tjepet, sebab kaloe tida, kota Piankoan boleh djadi petja."

„Apa, orang Tayliauw bergerak menjerang kota Piankoan?" menanja Tong Kaon dengen kaget: bagimana keadahan kota di sana?"

„Kota Piankoan boleh djadi petja, kaloe dari sini tida lekas dikirim bala bantoean," kata itoe orang: „lebi djaoe, baek Taiya preksa sadja ini soerat."

Tong Koan trima itoe soerat dan lantas dibatja, jang boenjinja ampir tida berbedahan sabagimana itoe warta, lantaran Ini, maksoed boeat geraken balatentara besar boeat membasmi kawanan brandal di lemmatjwan terpaksa moesti ditoenda.

Ampir di itoe saät djoega, dateng satoe oetoesan jang mengoendang Lie Liang-sih pergi ka kota Radja, kerna Baginda maoe damiken satoe oeroesan penting jang berhoeboeng dengen politiek negri.

Lebi djaoe itoe oetoesan membri taoe, bahoewa ia telah pergi ka kota Houwjokkwan, tapi wakil pembesar di sana membri taoe, bahoewa Liang-sih soeda berangkat ka Pakkeng, maka itoe firman dari Baginda Keizer lantas dibawa ka mari, aken oendang ini orang pande lantas berangkat.

Menerima itoe warta jang dateng beroentoenroentoen, Tong Koan djadi bingoeng betoel. Maka itoe waktoe djoega ia laloe kasi taoe pada Lie Liang-sih tentang datengnja itoe oetoesan, dan kabar ini ada menggirangken sanget hatinja itoe ambtenaar.

Sigra djoega Tong Koan prenta orang sadiaken satoe medja perdjamoean boeat oendang itoe oetoesan, dan sakalian membri djoega slamat pada Lie Liang-sih jang hendak berangkat ka Tongking. Sasoedanja rata-rata minoem araknja, Tong Koan angkat satoe gelas boeat membri slamat, sambil berkata:

„Ini oendangan dari Sri Baginda Keizer, ada menjataken satoe alamat baek bagi Tjamkoen poenja peroentoengan di kamoedian hari. Njatalalı Tjamkoen poenja pikiran jang loewas dan kapandean jang tinggi dalem hal memikir, telah dikatahoei, djoega oleh kita-orang poenja Baginda jang adil. Maka akoe harep, dengen berangkatnja Tjamkoen ka kota Radja, nanti beroleh gandjaran besar."

Lie Liang-sih manggoetken kapalanja sambil oetjapken trima kasi atas Tong Koan poenja poedjian dan pengharepan.

„Tapi ini semoea, haroes dibilang ada dari Djoebit djoega poenja pertoeloengan," kata Liang-sih jang bales memoedji: „boeat akoe jang berpengatahoean tjoepet, soeda bersender di atas Djoebit poenja keangkeran dan pengaroe besar, sebab kaloe tida Djoebit poenja pertoeloengan jang lapoerken dirikoe pada Baginda, tentoelah akoe tida nanti bisa dapetken ini kahormatan, besar."

Tong Koan djadi girang denger itoe perkatahan, maka boeat membales itoe, ia berkata lagi:

„Tapi Baginda jang berpemandangan loewas soeda taoe Tjamkoen poenja kapandean. Sedeng daja oepaja jang Tjamkoen njataken padakoe, kaloe kamoedian bisa berhasil, hingga itoe tana- tana jang terlepas dari pegangannja Tiongkok dalem sakean taon, bisa poelang kombali, akoe tentoe tida loepa boeat kirim lapoer pada Baginda, soepaja Tjamkoen mendapet koernia jang lebi besar."

Liang-sih oetjapken banjak trima kasi boeat pendjandjiannja Tong Koan itoe, kamoedian ia- orang bitjaraken hal angkatan perangnja Ma Tjhoen jang soeda djadi moesna, dan sabelonnja bisa kirim lagi laen angkatan boeat basmi brandal di lemmatjwan, dateng lapoer dari Piankoan, jang minta dikirim bala bantoean. Semoea itoe Tong Koan tjeritaken pada Lie Liang-sih.

Achirnja Tong Koan peringetken pada ini Tjam- koen jang maoe berangkat ka Tongking, bahoewa sasampenja di kota Radja, menoeroet ia poenja rasa, ada lebi baek kaloe sabelonnja dateng di singgasana, lebi doeloe Liang-sih mengoendjoengken Tjoa Keug, kerna ia itoe ada satoe mantri besar jang berpengaroe. Maka perloe orang kasi hormat dan indalıken, dengen begitoe brangkali bisa dapet toendjangannia dalem hal membri pikiran.

„Sabagimana Tjamkoen tentoe taoe," kata Tong Koan lebi djaoe: „bahoewa orang poenja pikiran itoe ada berbeda-bedah antara satoe dan laen. Boleh djadi pikiran jang Tjamkoen rasa baek, oleh laen ambtenaar dirasa koerang bergoena, dan kaloe sampe terdjadi begitoe, achirnja boleh djadi bertjektjok. Tapi kaloe lebi doeloe satoe pada laen soeda mendjadi sobat, perselisihan pikiran begitoe tentoe djarang terdjadi."

Lie Liang-sih oetjapken trima kasi boeat itoe nasehat, ia berdjandji nanti perhatiken betoel. Tong Koan jang memang ada mendjadi kambratuja Tjoa Keng, djadi girang denger naseliatnja ditrima baek.

„Tjoa Taysoe ada akoe poenja sobat baek," kata Tong Koan lebi djaoe: „sabagi mantri besar, akoe telah mengenal baek ia poenja adat dan kasoekalian, maka kaloe kaoe bisa ambil-ambil hatinja dengen berlakoe hormat, sigra djoega kaoe nanti dapetken ia poenja toendjangan jang besar. Dengen begitae, boekautah Tjamkoen poenja pi- kiran-pikiran salaloe nanti dihargaken oleh Baginda?"

„Lagi sakali akoe hatoerken trima kasi atas Djoebit poenja pesenan," kata Liang-sih:,,dan pergikoe ini ka Tongking, kaloe sampe bisa djadi beroentoeng, akoe tentoe tida loepaken Djoebit poenja pertoeloengan jang besar."

Sasoedanja berlaloe dari medja perdjamioean, Liang-sih laloe balik ka tempat sendiri dan sadiaken barang-barangnja jang bakal dibawa. Esoknja pagi-pagi ia mengadep pada Tong Koan boeat membri slamat tinggal, kamoedian bersama-sama itoe oetoesan iaorang berangkat ka kota Radja.

Sabagimana jang telah dipesen oleh Tong Koan, Liang-sih toeroet betoel, kerna ini ambtenaar ketjil maski bener ada mempoenjai kapinteran loewas, boekan ada itoe orang jang tida soeka pada kawanan dorna. Maka kaloe bisa dapet bantoeannja orang-orang begitoe aken mendapet- ken pangkat besar, ia poen tida soengkan boeat toendoek dibawah prentanja itoe ambtenaar-ambtenaar kaparat.

Begitoelah satelah sampe di kota Radja, hari telah moelai siang dan Sri Baginda Song 'soeda berlaloe dari singgasana, maka Liang-sil ada tempo boeat koendjoengi doeloe gedongnja Tjoat Keng.

Satelah sampe, ia laloe serahken tiapnja jang tertoelis nama dan pangkat pada itoe pendjaga pintoe. Tida lama kamoedian, pengawal itoe kaloear kombali dan titahken ia masoek ka dalem.

Sasampenja di satoe roewangan tempat menerima tetamoe, Liang-sih liat Tjoa Keng lagi berdoedoek, maka sabagi ambtenaar ketjil, ia lantas membri hormat dengen membongkokki badan dan oetjapken brapa perkatahan jang bisa menggirangken hatinja si dorna itoe.

Tjao Keng lantas silaken ia doedoek dan menanjaken sedikit apa-apa. Liang-sil kasi taoe, bagimana ia telah dapet firmannja Baginda, maka dari Pakkeng ia lantas berangkat ka mari. Dengen perkatahan-perkatahan merenda, Liang-sih itoe berkata:

„Kaloe brangkali ada perkara-perkara jang soeker, jang akoe tida bisa pikir, harep dapet Taysoe poenja bantoean boeat membri pikiran jang berfaedah. Maka atas Taysoe poenja boedikatjinta- han, lebi doeloe akoe hatoerken banjak trima kasi."

„Oh, itoelah soeda tentoe," kata Tjoa Keng dengen girang. Kamoedian sasoedanja bitjara-bitjara lagi sedikit, Lie Liang-sih laloe pamitan poelang.

Sasampenja di roema sendiri Lie Liang-sih itoe berkata:

„Tjoa Keng kaliatannja girang sekali jang akoe soeda membri hormat begitoe renda, maka itoe pertoeloengan jang ia djandjiken, akoe boleh harep. Sekarang akoe troesa koeatir jang perniatan boeat dapet pangkat besar, tida terkaboel.“

Itoe sore, lantaran tida ada kerdjahan apa-apa jang moesti dioeroes, maka siang-siang Lie Liang-sih soeda masoek kadalem kamar aken baringken diri, soepaja di hari esok pagi-pagi bisa bangoen.

Begitoelah satoe malem telah berlaloe.

Esoknja pagi, sasoedanja salin pakean. Liang-sih laloe pergi ka singgasana tempat di mana Baginda ada bermoesjawarat pada sakalian mantri-mantrinja. Ambtenaar civiel dan militair ada kaliatan berbaris di kiri kanan menoeroet tempatnja. Liang-sih jang satelah sampe, laloe madjoe berloetoet sambil menjeboet:

„Banswe! Banswe!“

„Pengsin,“ kata Baginda, jang memang soeda taoe siapa adanja ambtenaar itoe, kerna kamaren pada sabelonnja dateng mengadep, terlebi doeloe soeda dimasoeki satoe soerat boeat melapoer atas kadatengannja.

Lie Liang-sih laloe bangoen dan berdiri di pinggiran, kerna ia poen belon mendapet tempat kadoedoekan.

Baginda lantas moelai berkata:

„Keng poenja peroendingan tentang moendoerin gerakannja orang-orang Tayliauw. oleh Tong Koan soeda dilapoerken pada kami, maka apa jang keng bitjaraken itoe, soenggoe ada satoedjoe betoel dalem hati. Tapi kami kapingin dapet taoe lebi djaoe bagimana keng poenja pikiran, maka tjobalah toetoerken itoe.“

„Baeklah, dengen idjinja toeankoe, hamba nanti toetoerken itoe,“ kata Lie Liang-shi: „tapi toeankoe hendak menanjaken dalem hal oeroesan apatah?“

„Oeroesan pada bangsa Tayliauw,“ kata Baginda: „bagimana keng poenja rasa bangsa itoe poenja keadahan di ini waktoe?“

„Oh, keadahannja negri Liauwkok sekarang ada djelek eekali,“ kata Lie Liang-sih: „hal ini waktoe hamba masi mamegang djabatan di Haouwjok-koan poen hamba telah dapet taoe, maka djoega waktoe dateng ka Pakkeng, hamba soeda njataken itoe pikiran pada Tong Djoebit, sabagimana jang toeankoe telah mengatahoei.“

„Tapi, bagimana keng boleh bilang negri Liauw-kok poenja keadahan mendjadi djelek, dan apatah sebabnja?“

„Sebabnja itoe poen boekan laen, Sri Baginda, pertama: kerna radjanja ada berpemandangan gelap. tiada bisa pake ambtenaar-ambtenaar jang berpangatoean; kadoea: lantaran itoe, maka mantri-mantrinja banjak jang tida djoedjoer, sedeng di fihak ambtenaar militair, semoea ada males dan tida begitoe mengopenin pada soldadoe, hingga balatentaranja banjak jang males dan tida terpeladjar; katiga: lantaran itoe semoea, maka boekanlah perkara jang terlalee soesa, kaloe toeankoe maoe ambil kombali itoe tana-tana jang sakean taon lamanja soeda terlepas dari Tiongkok.“

„Sedeng keadahannja negri Tayliauw ada begitoe roepa,“ kata poela Liang-sih jang teroesken bitjaranja: „boeat negri Kimkok ada sabaliknja. Ini negri jang mendjadi tetangga dari Tiongkok, ada tegoe dan koeat. Dalem daktoe jang blakangan Liauwkok dan Kimkok ada terbit perselisihan, dan inilah ada waktoe jang baek boeat Tiongkok bikin peasariketan pada Kimkok, soepaja kita di sini bisa goenaken tenaganja aken bersama-sama menjerang negri Tayliauw, hingga dalem sakali poekoel sadja, pasti Liauwkok boleh djadi binasa.“

Sri Baginda djadi girang betoel denger itoe katerangan, maka boeat dapet mengarti, tjara bagimana persariketan itoe moesti dibikin, Baginda menanja poela Liang-sih poenja pikiran.

„Tjobalah keng toetoerken bagimana tjaranja persariketan itoe haroes dibikin, soepaja negri Kimkok tida toelak kita poenja kainginan?“

„Oh, itoelah ada gampang sekali.“ kata Lie Liang-sih: „dari sini toeankoe prenta satoe mantri jang pande bitjara pergi ka itoe negri dengen membawa barang-barang sabagi bingkisan, dengen satoe soerat dalem mana toeankoe boleh seboet, Tiongkok dan Kimkok sadari doeloe boekan sadja ada djadi tetangga negri, malah belon pernah bertjidra, dan itoelah ada djadi soeatoe tanda, jang kadoea negri ini bersobat rapet.“

„Kimkok dan Tiongkok haroes dibilang ada sabagi bibir dan gigi,“ kata poela itoe ambtenaar dengen pikiran lebi loewas: „maka pantes sekali kaloe di waktoe ada apa-apa, satoe pada laen soeka saling menoeloeng. Boekan seperti negri Liauwkok jang salaloe maoe angkat kapala dan tjari pertjidrahan sadja. Maka dalem ini persariketan toeankoe minta Kimkok soeka angkat sendjata boeat labrak pada Liauwkok jang memang ada mendjadi bekas moesoenja, sedeng dari sini kita nanti membantoe. Dan kaloe Liauwkok poenja negri soeda djadi binasa, boekan sadja ini doea negri djadi bersobat rapet, tapi djoega sateroenja tida bakal poesing lagi sama oeroesan perang. Dan pada negri Kimkok toeankoe boleh kasi satoe djandjian jang menjenangken, jaitoe, kasiken sabagian dari tana-tananja jang kita-orang telah dapet.“

„Hamba brani pastiken, kaloe radja dari Kimkok soeda batja toeankoe poenja soerat itoe, hatinja djadi amat girang dan sigra djoega satoe angkatan perang jang tegoe lantas disiapken,“ kata Liang-sih sabagi penoetoepnja.

Mendenger itoe peroendingan, Baginda djadi amat girang dan membriken poedjian besar.

„Oh, kaloe sampe ini maksoed jang besar bisa berhasil,“ kata Baginda: „kami tentoe tida loepa membri gandjaran besar pada keng.“

„Trima kasi boeat toeankoe poenja boedi katjintahan.

„Sekarang lebi doeloe kami angkat keng dalem djabatan Pisoeseng,“ kata Baginda, „kami harep keng tida soengkan boeat menjataken sagala pikiran jang dirasa berfaedah aken goenanja negri.“

Berbareng itoe, Baginda laloe kaloearken firma, dimana Lie Liang-sih boleh toekar nama kaoemnja, jang terakoeh oleh Baginda sabagi familie. Dan ini keangkatan membikin Liang-sih merasa dirinja djadi lebi tinggi sadepa, maka ia lantas djatoken diri di hadepan Baginda sambil mengoetjap banjak-banjak trima kasi, sedeng kapalanja tida brentinja memangoet-manggoet.

Begitoelah moelai itoe hari Lie Liang-sih boleh seboet dan toelis namanja Tio Liang-sih, dengen pegang djabatan sabagi secretaris particulier dari karadjahan Song.

Baroe sadja Tio Liang-sih berbangkit dari tempatnja berloetoet, dari sebla kiri kaloear satoe mantri besr jang memake badjoe mera, madjoe ka hadepan Baginda dengen membawa pertandahan dari kabesarannja jang terbikin dari tjaling gadja

Laen-laen ambtenaar pada mengawasi dengen tida sekali bisa mengatahoei apa maksoednja.

Ini ambtenaar besar boekan laen dari Lie Tay-hong, jang satadi telah dengerken peroendingannja Lie Liang-sih, dan satelah liat Baginda begitoe hargaken pikirannja, dengen membri itoe koerniahan jang besar, ia merasa tida satoedjoe kaloe politieknja Liang-sih itoe didjalanken teroes.

Sasoedanja membri hormat, lie Tay-hong laloe njataken ia poenja pikiran jang terseboet, dan minta Baginda tida lantas djalaken itoe maksoed.

„Tapi apatah sebabnja keng boleh menjega begitoe?„ menanja Baginda sambil bersenjoem: „apa keng bisa membri katerangan dan alesan-alesan, lantaran apa maka keng bilang tida baek boeat kita poenja negri bersarikat pada Kimkok?“

„Soeda tentoe hamba bisa membri katerangan dengen alesan tjoekoep,“ kata Lie Tay-hong dengen soeara tetep.

„Kaloe begitoe, tjobalah keng toetoerken,“ kata Baginda: „kaloe alesan itoe ada patoet, dengen senang kami nanti toeroet.“

Lie Tay-hong memanggoet dan kamoedian ia toetoerken, bagimana keadahannja Tiongkok pada negri Liauwkok, seperti orang jang bersoedara. Maski poen ini waktoe orang-orang Tayliauw maoe moelai bergerak tapi tida haroes kaloe Tiongkok jang besar moesti bersarikat pada Kim-kok.

Negri Kimkok betoel tegoe, kata poela itoe ambtenaar besar, tapi orang-orang itoe negri ada bangsa jang loewas dan tjoerang. Maka kaloe sekarang Tiongkok bikin persariketan padanja boeat membinasaken negri Tayliauw, ada tida bedah sabagi hendak matiken soedara, pergi mendeketi moesoe.

„Inilah jang hamba bilang sala,“ kata poela Lie Tay-hong sabagi penoetoepnja: „maka kaloe toeankoe teroesken djoega itoe perniatan, hamba koeatir nanti di blakang kali bisa datengken bahaja jang lebi besar, dari sabagimana bahaja jang dateng dari orang-orang Tayliauw. Sabenernja Lie Liang-sih boekan saorang pande, dan apa jang ia toetoerken itoe, menoeroet pemandangan dari lahir, sedeng batinnja jang bener ia tida taoe. Djoega ia tida mengarti bagimana selak-seloeknja dalem oeroesan politiek negri, tapi dengèn menoeroeti pikirannja jang tjoepet, ia soeda begitoe gegaba dan brani-branian mengasi pikiran pada toeankoe."

Mendenger ini katerangan, Baginda tida lantas menjaoet. Tapi Tio Liang-sil jang masi ada di sitoe, satelali denger perkatahannja Lie Tay-hong, ia lantas madjoe kombali ka hadepan Baginda dan berkata:

„Kenapatah djoega, kaloe Tiongkok bikin persariketan pada negri Kimkok, boleh djadi datengken bahaja? Boekantah sabegitoe djaoe soeda ternjata, salama negri Liauwkok rasaken perdamian, ada samingkin tida enak boeat Tiongkok, kerna itoe bangsa boekan maoe berdami dengen sasoenggoenja.”

„Sekarang sapoeloe laksa balatentaranja negri Tayliauw soeda mengantjem di wates-wates negri sebla Oetara, maka kaloe itoe perkara itoe ditinggal diam begitoe roepa, ada tida bedah sabagi orang jang menanem sajoer, maski poen siang ada mendjaga kebonnja, tapi satiap waktoe ada bernanti datengnja binatang kelintji,” kata Liang- sili lebi djaoe, jang ini kali kasi denger peroendingannja, dengen disertaken peroepamahan-peroepamahan: „,Betoel-di fihak kita ada menjega dan sadiaken balatentara, tapi apa itoe boekan djadi memboewang ongkos pertjoema-tjoema? Maka dari pada ongkos jang memang moesti kaloear, tapi tida mengaloearken hasil, apa tida lebi baek kaloe ongkos itoe kita briken sadja pada negri Kimkok, kerna dengen membri itoe padanja, kita toch bisa goenaken tenaganja, jang ada pengharepan, soepaja tana-tana dalem bilangan Janghoen jang sakean lama soeda terlepas dari pegangannja Tiongkok, bisa poelang kombali.”

„Ini daja poekoel jang deket bersariket pada jang djaoe,” kata poela ia: „ada membawa kaoentoengan di fihak kita. Maka inilah ada waktoe jang baek boeat kita-orang bikin itoe persariketan, di waktoe Kimkok poenja hati sedeng panas pada itoe negri. soepaja ia bisa lantas siapken satoe angkatan besar boeat perangin itoe moesoe jang salaloe mengganggoe kita poenja wates negri. Maka hal ini, harep toeankoe soeka timbang lebi djaoe, sebab satoe kali telah gagal, boeat mendapet lagi waktoe jang begini baek, soenggoe boekannja ada perkara jang terlaloe gampang. Sahabisnja berkata-kata, Tio Liang-sih laloe moendoer dan berdiri kombali di tempatnja jang tadi.

Sabelonuja Lie Tay-long sempet menjaoet, dari kanan kaloear Taysoe Tjoa Keng, jang madjoe ka hadepan Baginda.

„Bagimana keng poenja pikiran?” tanja Sri Makota pada itoe mantri besar.

„Kaloe tetaboean Kim dan Sek; jang sama-sama diboenjiken, tida bisa akoer, itoelah moesti lantas diroba,” kata itoe mantri dorna: „sabetoelnja menoeroet hamba poenja pikiran, Pisoeseng poenja pikiran ada lebi tjotjok dalem hamba poenja pikiran, sebab: apatah djahatnja kaloe sasoeda binasaken negrl Liauwkok jang salaloe mengganggoe pada kita poenja negri, kaloe kamoedian dibikin persobatan pada negri Kimkok?“

„Djoega toeankoe haroes pikir,“ kata poela dorna itoe: „kaloe sasoeda semoea perkara mendjadi selesih, kita djaga baek itoe persobatan, masatah bisa mendatengken penjeselan apa-apa di kamoedian hari, kaloe di fihak kita tida berlakoe tjoerang, tida ada alesan toch boeat negri Kimkok tida berlakoe satia dalem persobatannja pada Tiongkok, jang telah oendjoek itoe kabaekan- kabaekan?“

Baginda jang dari satadi soeda merasa satoedjoe dengen peroendingannja Tio Liang-sih, satelah denger penjaoetannja itoe mantri besar, pikiran itoe djadi samingkin tetep. hingga bitjaranja Lie Tay-hong jang hendak menjegah itoe perkara bersarikat, tida membikin oeroeng maksoednja Sri Makota.

„Doeloe toch Tje Oan Kong, jang maski ada mendjadi satoe radja dari negri ketjil, toch bisa membales laloehoernja poenja moesoe,“ kata Baginda: „hingga ia dapet perindahan di djaman Tjhoentjhioe. Dan kaloe radja-radja di djaman dahoeloe bisa berboeat begitoe, mengapatah djoega, perboeatan begitoe tida maoe diambil toeladan?”

„Kami ada mendjadi radja jang berkoeasa di ampat pendjoeroe laoetan,” kata poela Sri Baginda: „masatah moesti antepin sadja dibikin maloe oleh negri Tayliauw, dan maloe itoe tida maoe dibales? Dan sasoenggoenja kami merasa heran sekali bagimna keng, Lie Tay-hong. jang ada mendjadi kami poenja mantri besar, bisa djadi begitoe tersesat dalem hal membri pikiran?”

„Tida!” kata poela Sri Makota dengen soeara keras, sabagi katetapan jang maksoednja boeat bikin persariketan pada negri Kimkok tida bisa dibanta lagi: apa jang dibitjaraken oleh Tio Liang-sih, sasoenggoenja haroes ditoeroet. Pikirannja itoe poen telah ditetepken djoega oleh Taysoe Tjoa Keng. Maka dari wates ini, siapa di antara mantri-mantri jang brani membanta, kami nanti kasi hoekoeman jang berat.”

Mendenger perkatahannja Baginda jang paling blakang itoe, Tay-hong tida brani boeka soeara lagi. Maski poen ia rasa pikiranuja ada lebi bener dan apa jang dinjataken baroesan ada pekrara-perkara jang boeat djadi kabaekannja negri, tapi ia kata pengaroe pada kawanan dorna.

Sambil moendoer ka tempatnja, itoe mantri mengelah sadja napas.

Itoe waktoe hatinja Tio Liang-sih djadi amat girang, kerna pikirannja soeda ditoeroet oleh Baginda, soeatoe tanda dirinja terpandang tinggi.

Tjoa Keng madjoe kombali sambil berkata:

„Peroendingannja Tio Liang-sinh itoe sasoenggoenja ada berharga sekali. Maka sekarang, boeat angkat mendjadi oetoesan ka negrt Kimkok, hamba rasa tida ada laen orang jang nanti sanggoep mengadoe lida pada itoe radja, maka ada lebi baek kaloe toeankoe angkat sadja padanja. Sebab kaloe ia soeda bisa dapet pikir perkara tentoelah in bisa pikir djoega, bagimana itoe pembitjarahan haroes diatoer boeat djadi kabaekannja kita poenja negri. Belon taoe, apa toeankoe nanti satoedjoe hamba poenja poedjian ini?“

Baginda memanggoet, menjataken satoedjoenja.

Sigra djoega satoe firman lantas dikaloearken, jang mengangkat Tio Liang-sih djadi oetoesan boeat itoe perkara besar.

Sakalian mantri djoedjoer dan satia jang ada hadlir di itoe roewangan singgasana, tida ada satoe jang brani membanta apa-apa. Satoe pada laen tjoema saling liat-liatin sadja, kerna takoet pada pengaroenja Tjoa Keng.

Sigra doega harinja boeat oetoesan itoe berangkat laloe ditetepken, jaitoe boalan kadoea dari taon Swan Ho kadoea, oetoesan itoe moesti lantas berangkat ka negri Kimkok.

Tio Liang-sih djadi amat girang dan kombali hatoerken trima kasi.

Koetika soeda poelang ka tempatnja tinggal, Liang-sih jang sekarang telah memangkoe djabatan besar, laloe pergi pada Tjoa Keng, boeat hatoerken trima kasi atas itoe Taysoe poenja toendjangan bitjara di dalem permoesjawaratan, hingga Baginda djadi toeroet sagala advies-adviesnja.

Dan waktoe hari jang telah ditetepken itoe sampe, Tio Liang-sih membri slamat tinggal pada Baginda, dan begitoe djoega pada Tjoa Keng dan laen-laen mantri dorna, dimana ia sendiri ada teritoeng sala satoe kaoemnja jang paling baroe.

Dalem perdjalanannja Tio Liang-sih itoe ka negri Kimkok, tida perloe kita ikoeti, kerna tida ada apa-apa jang penting boeat ditoetoerken.

Sekarang kita berlompat lebi pesat, jaitoe selang anem boelan sadari berangkatnja itoe oetoesan.

Pada boelan kadelapan, Liang-sih soeda balik kombali ka kota Radja bersama-sama oetoesannja radja Kimkok. Tapi sebab itoe hari waktoe ia sampe, Baginda soeda moendoer dari tempat bermoesjawarat, maka Tio Liang-sih laloe adjak oetoesan itoe mampir sadja di roemanja.

Esoknja pagi, sasoeda menoekar pakean, Liangsih laloe adjak oetoesan itoe pergi ka singgasana, dimana laloe kasi masoek soerat lapoer tentang baliknja bersama-sama satoe oetoesan, jang sekarang ada di depan pintoe Ngoboen aken menoenggoe panggilan.

Mendenger itoe warta, Baginda djadi girang, kerna doega, kaloe Liang-sih soeda poelang dengen mengadjak itoe oetoesan, tentoelah permoefakatan boeat membikin itoe persariken pada radja Kimkok, telah ditrima baek.

Baginda laloe prenta orang panggil, jang tida lama Liang-sil soeda masoek ka singgasana.

„Koen Ong Banswe! Banbanswe!“ kata Tio Liang-sih sambil berloetoet: „radja dari negri Kimkok ada prenta oetoesannja dateng ka mari, boeat bertemoe pada toeankoe, dan sekarang ada bernanti toeankoe poenja panggilan.“

Baginda laloe titahken ia bangoen dan tanja, bagimana oeroesan jang ia djalanken. Apa berhasil.

„Dengen mengandel pada redjeki toeankoe jang besar,“ kata Tio Liang-sih, radja Kimkok soeda. lantas trima dengen girang apa jang hamba bitjaraken padanja, maka djoega, waktoe hamba maoe berangkat, dari sana ada dikirim oetoesan boeat mengadep pada toeankoe, jang maksoednja aken menetepken itoe perdjandjian.“

„Bagoes,“ kata Baginda dengen hati girang. „Silaken oetoesan Kimkok itoe dateng mengadep,“ kata Sri Baginda.

Tida lama oetoesan itoe dateng berloetoet sambil menjeboet perkataan-perkatahan manis boeat kaslamatannja Sri Baginda Song.

Sasoedanja oetoesan itoe bangoen, Baginda laloe menjataken bagimana maksoednja radja Kimkok, harep ditjeritaken dengen terang.

„Ja, hamba poenja radja soeda trima toeankoe poenja oetoesan dengen manis dan girang hati,” kata itoe oetoesan: „maka apa jang telah dibitjaraken itoe, semoea telah ditrima baek, dan sekarang hamba poenja radja soeda sadiaken satoe angkatan perang besar, boeat bersama-sama melabrak pada negri Liauw.”

Baginda djadi amat girang denger bitjaranja itoe oetoesan. Kamoedian Liang-sih toetoerken itoe perdjandjian satoe persatoe, sabagimana jang fdoeloean waktoe ia kasiken itoe pikiran telah dinjataken.

Datengnja itoe oetoesan ka mari tida ada bitjaraken laen-laen hal jang penting, katjoeali boeat menetepken sadja apa jang oetoesannja merk Songtiauw soeda bitjaraken pada radja, telah ditrima baek.

Esoknja oetoesan itoe lantas berangkat kombali ka negri Kimkok, dengen dapet persen oewang dan barang-barang, Sedeng Tio Liang-sih, lantas diangkat djadi Gisoe boeat membantoe pada Tong Koan.

„Sekarang kami dapet kanjatahan jang keng betoel ada berpikiran loewas,” kata Baginda: „maka betoel ada berpikiran loewas,” kata Baginda:

„maka sekarang kami angkat djadi Gisoe, dan boleh lantas berangkat boeat membantoe Tong Koan atoer pendjagahan di wates negri. Kaloe negri soeda djadi aman, troesa koeatir tida dapet pangkat jang lebi besar.”

Tio Liang-sih berloetoet oetjapken trima kasi jang dirinja telah diangkat ka dalem itoe djabatan jang tinggi.

Maski badan hamba mendjadi antjoer leboer, tida tjoekoep membales toeankoe ampoenja boedi,” kata Liang-sih sambil manggoet-manggoe: maka maski bagimana djoega, hamba tentoe aken bersoenggoe-soenggoe hati.”

Sasoeda persidangan ditoetoep dan mantri-mantri pada boebar, Liang-sih laloe pergi ka gedongnja Taysoe Tjoa Keng, aken oetjapken trima kasi sakalian membri slamat tinggal, jang ia hendak tlantas berangkat ka Pakkeng boeat lakoeken djabatannja.

„Apa brangkali Taysoeya hendak memesen apa-apa pada Tong Djoebit?” tanja Liang-sih pada itoe kapala dorna: „djika ada pesenan, hamba boleh sampeken.”

Tjoa Keng memesen sedikit perkatahan, kamoedian Liang-sih pamitan poelang dan itoe hari ia laloe bersadia-sadia boeat berangkat. Esoknja Liang-sih kaloear dari kota Tongking dengen keangkeran besa. bedah jaoe dari sabagaimana pada bermoelanja waktoe ia dateng. Pakeannja sekarng djadi kaliatan sedikit tinggi.

Begitoelah memang kaloe si boeta baroe melek atawa st pengkor baroe djadi lempeng, jang merasa diri djadi lebi agoeng. Maka sambil lariken koedanja, hatinja ada berpikir banjak hal jang boerhoebong sengen keadahan dirinja di ini waktoe.

"Ah, liatlah! , siapatah bisa doega, kaloe dalem waktoe begitoe tjepet akoe bisa mendjabat pangkat Gisoe" kata ia sendiri-diri: " kaloe waktoe begini tjepet, akoe soeda beroleh ini pangkat, tentoelah djabatan ini aken djadi lebi besar lagi, pada sasoedanja orang-orang Tayliaaw dapet dibinasaken."

Sasampenja di songei Hongho ia lantas prent pengikoetnja brenti aken prenta orang tjari praoe boeat menjebrang. Tapi hal itoe tida oesah ditonggoe lama, karena liwat sedikit waktoe, sigra djoega itoe kendaraan aer jang perlo, telah sadia.

V
Bertemoe Tio Gisoe.: Kor Keng djaja
kombali. Lantaran kasom-
bongannja, kombali me-
nampak bahaja.

Waktoe ia maoe berangkat dan baroe sadja kaloear dari roema, di samping pintoe ada kaliatan saorang lelaki jang berpangawaken koeroes, pakeannja mesoem, djongkok dengen mata kedap kedip mengawasi padanja.

Tio Liang-sih djadi terkesiap, kerna roepanja orang itoe seperti ia kenalin. Tapi apa boleh djadi, itoe orang jang doeloe begitoe diindahken, sekarang. sampe djadi begini roepa, hingga mirip sabagi pengemis?

Maka Liang-sih laloe masoek kombali ka dalem itoe roema tempat pembrentian dan panggil pengoeroes dari itoe Koan, aken diprenta pangeil itoe Pengemis, bawa masoek ka mari boeat ditanja.

„Tapi boeat apa Loya ambil perdoeli padanja, itoe orang toch ada satoe pengemis jang tramempoenjai roema tangga," kata itoe pengoeroes Koan, jang mendjadi heran bagimana satoe ambtenaar jang berpangkat Gisoe, maoe ambil poesing segala orang begitoean. „Troesa kaoe banjak rewel!“ kata Liang-sih:

„hajoe lekas panggil padanjan dan bawa masoek ka mari.’

Itoe pengoeroes lantas berlaloe.

Sasampenja di loear, ia laloe bawa itoe pengemis aken diadjak bertemoe pada Tio Gisoe. Itoe pengemis jang dari satadi memang soeda rasa-rasa kenalin, djadi girang dan rasa mendoega dengen pasti, bahoewa orang berpangkat itoe benerlah ada ia poenja kenalan lama.

Dan lantaran pikir begitoe, maka waktoe mengadep ia tida berloetoet, hanja mengawasi lebi tadjem, sampe itoe pengoeroes Koan membentak dan kata:

„He, apa matamoe petja dan tida kenalin pada Gisoe Loya, maka kaoe mengadep dengen tida berloetoet?“

Kamoedian, dengen tida merasa tjoekoep sama itoe perkatahan sadja, si pengoeroes Koan lantas katain jang pengemis itoe koerang adjar, tida taoe adat dan laen-laen poela perkatahan kasar.

Baroe sadja moeloetnja itoe brentt berkata-kata, Tio Liang-sih jang soeda dapet kenalin siapa adanja itoe pengemis, laloe berkata dengen soeara girang jang tertjampoer kaget:

„Ai!, ai!, sobatkoe! Mengapatah kaloe boleh ada di sini, dengen roepa sampe djadi begini matjem?”

Itoe pengemis djoega lantas berseroeh jang menjataken kagirangan, kerna sekarang poen ia telah kenalin siapa adanja itoe Gisoe. Maka dengen mengaloearken perkataan-perkahan sabagi satoe sobat lama jang baroe bertemoe kombali, itoe pengoeroes Koan djadi terkedjoet, hingga parasnja mendjadi poetjet.

„He. siapatah adanja ini pengemis ?” menanja ia dalem hati sendiri. „Ai!, ai!, apatah bangsat ada mendjadi kenalannja Gisoe Loya. dan kaloe boekan begitoe, mengapatah djoega marika satoe pada laen membahasaken sobat?”

Itoe waktoe Liang-sih lantas prenta si pengoeroes Koan lekas ambilin satoe korsi, boeat itoe pengemis, jang sampe sekarang masi tinggal berdiri. Tentoe sadja ini prenta dilakoeken dengen sigra, sedeng hatinja mendjadi koeatir dan berkata:

„He, orang apatah adanja itoe pengemis, maka satoe ambtenaar jang berpangkat begitoe besar maoe doedoek bersama-sama? ― Ai, ai, kaloe begini, akoe tentoe boleh djadi tjilaka, kaloe itoe orang mendendam hati jang akoe telah perlakoeken dengen kasar dan telah bentak-bentak padanjn?”

Tapi siapatah adanja itoe pengemis?

Itoe poen boekan laen dari Kwe Keng, jang sekarang soeda amat pajah dan liongpwe abis-abisan !

Pengawakannja jang memang koeroes, djadi bertamba gering. Pakeannja poen soeda amat mesoem, betoel sabagimana pengemis jang melarat Dalem keadahan begitoe, siapatah bisa kenalin padanja.

Tapi kenapa ia ada di sini?

Itoelah boekan laen, sabagimana jang pembatja. masi inget, pada itoe malem waktoe pasanggrahannja kena diserang oleh Lie Eng, ia bersama Thio Hiong soeda beroentoeng dapet melariken diri. Tapi di tenga perdjalanan Kwe Keng ini telah kasasar, dan waktoe maoe balik kombali, hatinja merasa koeatir dapet tegoran dari Tong Koan.

Oleh kerna merasa maloe, takoet dan sataoe apa lagi, maka ia soeda tida maoe ambil djalanan jang meneroes ka Pakkeng, hanja berdjalan teroes meneroes, dengen tida kataoean ka mana jang hendak ditoedjoe.

Itoe waktoe pakeannja tjoema samengga-mengganja satoe badjoe dan satoe tjelana jang ada dibadan, hingga berboelan-boelan jang dipake itoe- itoe djoega, maka apa heran kaloe dalem sakean waktoe itoe, djadi amat mesoem dan kotor?

Begitoelah waktoe katemoe pada Liang-sih, itoe pembesar jang doeloe uernah djadi moeridnja, ia tida bisa lantas kenalin, kerna sekarang poen Liang-sih soeda berpakean Gisoe, dengen berdjalan ada jang anter.

Waktoe Liang-sih mengakoe sobat, baroe ia kenalin betoel, bahoewa matanja tida kliroe apa jang baroesan ia telah liat. Tapi. waktoe satoe pada laen soeda oetjapken itoe perkatahan-perkatahan, Kwe Keng baroe inget jang dirinja ada dalem keadahan bagimana, maka ia merasa amat maloe, hingga tida brani angkat moeka lagi.

„Tapi bagimana Soetiang poenja keadahan boleh djadi sampe begini?“ menanja Liang-sih sambil mengawasi.

Kwe Keng masi tida bisa menjaoet, ia toendoek dengen tida berkata-kata. Ia maoe tjeritaken perkara jang sabenernja, hatinja merasa amat emaloe, tapi kaloe tida dibilang betoel-betoel, kaloe kamoedian Liang-sih dapet kabar jang sabenernja, pasti dirinja boleh djadi lebi maloe lagi. Dan lantaran ini djoega, ia tjoema gojang-gojang sadja kapala.

Tio Liang-sih taoe apa jang Kwe Keng ada tpikir dalem hatinja, maka sebelonnja menanjaken hal ihwalnja, ia lantas panggil pengikoetnja boeat adjak Kwe Keng ka dalem kamar, dengen ambiiken satoe stel pakean boeat toekaran.

Kamoedian, sasoedanja berdandan rapi, Kwe Keng kaloear kombali dan ini kali roepanja djadi kaliatan gaga, dengen ada sedikit sombong-sombongnja.

Liang-sih silaken ia berdoedoek, sedeng pada pengoeroes Koan disoeroe sediaken barang santapan. Itoe pengoeroes roema pembrentian djadi bertamba-tamba herannja. Dan sekarang tida ada jang brani menanja apa-apa lagi, hanja lantas sadiaken barang hidangan beserta arak jang baek.

Liang-sih bersama Kwe Keng lantas makan minoem dengen sagala soeka hati.

Kwe Keng roepanja soeda brapa hari tida dapet makanan, maka waktoe membaoeken itoe barang santapan jang lesat, sigra, djoega loedanja djadi mengatja dan peroetnja berboenji grioek-grioek.

Makannja poen djadi lebi napsoe. sabelonnja Liang-sih abis satoe mangkok, Kwe Keng soeda menamba doea kali, araknja poenja sakali minoem kering dan tamba lagi. Baek djoega itoe waktoe tida ada orang, tjobalah kaloe, ada jang liat, tentoe orang boleh djadi tertawa gelak-gelak.

Sahabisnja bersantap, baroelah Tio Liang-sih moelai menanja kombali, bagimana itoe angkatan perang jang pergi ka lemmatjwan, dan bagimana Kwe Keng sekarang boleh ada di sini dengen keadahan begitoe roepa.

„Ah, kaloe moesti ditoetoerken satoe persatoe, soenggoe aken poenja peroentoengan ada teramat djelek,“ kata Kwe Keng sambil mengelah napas:

„akoe poen merasa maloe kaloe moesti bitjaraken itoe.“

„Tapi pada kaoe, jang ada mendjadi kenalan lama,“ kata poela ia: „biar bagimana djoega tentoe akoe moesti kasi taoe dengen sabener-benernja.”

Kamoedian ia toetoerken, bagimana waktoe angkatan perangnja sampe di lemmatjwan, pada pertama kali kaloear perang, lantas dapet kakalahan. Dan malemnja dari itoe hari Lie Eng dateng menjerang dari ampat pendjoeroe, hingga soldadoenja jang mati boekan sedikit. Dan ia sendiri poen, kaloe tida kaboeroe lari, tentoe soeda binasa di tangan moesoe.

Thio Hiong begitoe Kwe Keng landjoetken tjeritanja, pada pertama kali berperang soeda kalanggar Lie Eng poenja golok wasiat, dan lantaran ini, maka Ma Tjhoen jang ada sabagi panglima besar, soeda djadi goegoep dan bingoeng, malemnja dari itoe hari, ia soeda loepa atoer pendjagahan.

Begitoelah ia tjeritaken satoe persatoe, bagimana angkatan perang negri jang poekoel lemmatjwan telah abis moesna tampakkrana, hingga ia bersama Thio Hiong lantas melariken diri, kerna tida sanggoep melawan lebi lama.

„Tapi kenapa Soetiang tida lantas balik kombali ka Pakkeng bersama-sama Thio Hiong?” tanja Tio Liang-sih: „boekantah kaoe bilang, itoe waktoe soeda bisa melariken diri bersama itoe panglima?”

„Bener,” saoet Kwe Keng: „tapi kamoedian kila-orang djadi terpentjar, sebab itoe malem, atawa lebi betoel kaloe dibilang soeda ampir fadjar, djalanan di sana sini masi gelap goelita kita-orang melarikan diri dengen tida dapet liat satoe apa, hanja lari sadja asroek-asroekan dengen memboeta.”

„Tapi besok siangnja toch kaoe bisa ambil djalanan jang betoel?”

„Oh, ja, bener Tapi waktoe soeda djadi siang, akoe oeroengken itoe niat boeat balik ka Pakkeng.”

„Nah kenapa?”

„Sebab akoe merasa maloe kaloe poelang dengen abis-abisan begitoe roepa. Dari sitoe akoe lantas niat maoe pergi sadja ka kota Radja aken tjari Lim Siansoe, brangbali dengen pertoeloengannja, akoe bisa madjoe kombali ka tempat jang baek. Tapi, ja, dasar peroentoengankoe jang tjilaka, mendadak baroe sadja sampe di sini, akoe dapet sakit, sedeng oewang boeat ongkos di djalan tida ada. Nah lantaran madjoe ka kota Radja tida bisa dan maoe poelang ka Pakkeng djoega tida bisa, akoe djadi begini roepa."

Mendenger itoe tjerita, Liang-sih kasian-kasiannja ada, dan gelinja poen ada, hingga ia djadi tertawa dan kata:

„Ah, bener-bener tjilaka neroektoek amat Soe ting poenja diri, hingga-menampak nasib begini roepa?”

Karoean, karoean,” kata Kwe Keng sambil gojang kapalanja: „tapi baek djoega akoe bisa bertemoe pada Tjoenkliwa.”

Kamoedian ia menanjaken halnja Liang-sih, bagimana ini sobat dalem samantara waktoe sadja telah beroleh ini djabatan jang besar. Liang-sih laloe toetoerken bagimana ia telah membri pikiran pada Tong Koan boeat moendoerin orang-orang Tayliauw, dengen menggoenaken taktiek bersarikat pada negri Kimkok; dan advies ini oleh Tong Koan, laloe dibertaoeken pada Sri Baginda.

Sabaliknja, Baginda Song jang satelah meliat itoe lapoeran, lantaran doega ia ada saorang jang mempoenjai pikiran loewas, lantas oendang ka kota Radja boeat ditanja lebi djaoe dalem oeroesan politiek negri. Atas pertanjahan mana ia telah djawab dengen terang dan diberikoeti alesan-alesan jang tegoe.

Djoega ia tjeritaken, bagimana perhimpoenan permoesjawaratan ia telah bertentangan pikiran pada Lie Tay-hong, tapi kerna pikirannja dapet toendjangan dari Taysoe Tjoa Keng, Baginda djadi toeroet ia poenja advies, hingga ia diangkat mnndjadi oetoesan aken pergi ka negri Kimkok boeat bikin persarikatan.

Itoe maksoed telah terkaboel dan negri Kimkok soeda kirim djoega oetoesannja dateng ka Tong-king boeat tetepken itoe perdjandjian, dan sekarang itoe negri pada siapa Tiongkok ada bersarikat, soeda bersadia boeat gerakan satoe angkatan perang jang tegoe aken memaloemken perang pada Liauwkok.

Lantaran pakerdjahannja jang sebat itoe, maka sapoelangnja ka kota Radja, oleh Sri Baginda ia dikoerniaken ini djabatan Gisoe boeal membantoe Tong Koan mendjaga Pakkeng, dan sekarang poen ia lagi maoe berangkat ka itoe tempat.

Djoega ia kasi taoe, jang oleh Sri Baginda ia dikasi masoek she Tio, hingga sekarang ia boleh toelis dan seboet naman a Tio Liang-sih. Satelah mendenger iioe tjerita jang pandjang lebar, Kwe Keng laloe menepok tangan sambil membri slamat.

„Hola!, kaloe begitoe Tjoenkhwa beroentoeng betoel!” kata Kwe Keng dengen soeara kagoem:

„jang dalem tempo toedjoe-delapan boelan sadja soeda beroleh ini pangkat jang besar.”

„Ah, sasoenggoenja djoega Tjoenkhwa haroes dapet itoe koernia dan pahala,” kata poela Kwe Keng dengen soeara memoedji: „kerna pikiranmoe jang loewas dan otak jang tadjem, memang pantes mendapet itoe. Maka sekarang, dengen ini akoe hatoerken slamat dan harep dalem sedikit tempo aken beroleh pangkat jang lebi besar.”

Sahabisnja kata begitoe, ia angkati satoe gelas arak boeat itoe sobat. Liang-sih trima itoe pembrian slamat dengen hati girang. „Tapi apa sekarang Soetiang maoe landjoetken perdjalanan ka kota Radja?“ tanja Tio Liang-sih kamoedian.

„Sekarang boeat apatahı akoe pergi ka sana?“ saoet Kwe Keng: „sebab akoe toch maloe moesti katemoe Liem Siansoe dalem keadahan begini roepa.“

„Djadinja, bagimana Siansoe poenja pikiran?“

„Inilah akoe sendiri belon dapet pikir.“ „Apa Soetiang maoe ikoet akoe sadja balik ka Pakkeng?“

„Sabetoelnja akoe memang soeka sekali ikoet pada Tjoenkhwa Tapi kaoe taoe sendiri, jang lantaran itoe kakalahan di lemmatjwan, akoe tida ada moeka boeat ketemoe kombali pada Tong Djoebit.“

„Abis bagimana? Kasana tida maoe, kemari maloe, ka mana jang Soetiang niat pergiken, masa maoe berdiam di sini sadja?“

„Tentoe tida.“

Liang-sih lantas berdiam sambil toendoeki kapala.

Sabelonnja ambtenaar itoe dapet satoe pikiran jang baek Kwe Keng telah berkata kombali:

„Ka mana jang Tjoenkhwa rasa baek akoe pergi? Tjobalah toeloeag tjariken satoe tempat boeat melindoengken diri, soepaja bisa dapet satoe pakerdjahan jang terpandang, sesab kaloe Tjoenkhwa jang poedjiken, tentoe akoe bisa dapetken itoe dengen tida sebrapa soesa, boekan?“ „Djoestroe inilah jang akoe lagi pikirin,“ saoetnja Liang-sih sambil memanggoet: „nanti, nanti akoe pikir,“

Kwe Keng mengawasi dengen berdiam.

Selang sasaät Liang-sih itoe berkata:

„Ja, ja, sekarang akoe inget, ada satoe tempat jang baek boeat Soetiang toempangken diri dan pegang satoe pakerdjahan. Belon taoe, apa kaoe soeka atawa tida?“

„Di mana?“

„Di kota Kiankong, pada Ong Tiauw-hin.“

„Siapatah itoe Ong Tiauw-hin?“

„Poetranja Ong Hwan.“

Kwe Keig berdiam sembari inget-inget itoe nama, tapi maski dipikir brapa lama djoega, nama itoe njata ia tida kenal.

„Akoe tida kenal itoe Ong Tiauw-hin.“

„Itoelah tida mendjadi satoe halangan, kaloe sadja Soetiang bawa akoe poenja soerat padanja, tentoe ia trima.

„ltoe Ong Tiauw-hin ada satoe anak moeda jang sopan dan manis boedi bahasanja,“ kata poela itoe Gisoe lebi djaoe: „pada ajahnja akoe ada kenal baek, dan kaloe kaoe bawa soeratkoe padanja. tentoe ia trima dengen senang hati dan briken satoe pakerdjahan jang bertimpal pada Soetiang poenja deradiat. „Soekoerlah kaloe begitoe,” kata Kwe Keng dengen girang.

Tio Liang-sih lantas prenta orangnja ambil kertas dan tinta, sigra djoega ia toelis satoe soerat jang dialamatken pada Ong Tiauw-hin di kota Kiankiong dan boenjinja begini:

„Sobatkoe jang terhormat,

„Sadari berpisa, soeda lama djoega kita orang tida bertemoe. Bagimana dengen keadahan kaoe dan ajahmoe sekarang ini, apa ada baek djoega?, ja, akoe harep dengen koernianja Toehan jang Maha Koeasa, kaoe dengen sakalian familie ada di dalem slamat dan beroentoeng.

„Lantaran repot sama oeroesan negri dan pakerdjahan jang akoe djabat di ini waktoe, maka akoe poen tida bisa sering-sering menoelis. dan boeat itoe kealpahan, harep kaoe dan ajahmoe tida djadi ketjil hati.

„Bersama ini akoe ada kirim djoega Sian seng Kwe Keng, saorang jang berilmoe dateng pada kaoe, jang akoe harep, kaloe ada pakerdjahan jang terboeka, soedilah kaoe briken padanja.

„Poedjian lebi djaoe atas kapandeannja Kwe Sianseng, akoe rasa tida perloe ditoetoerken kerna sigra djoega kaoe nanti mendapet boektinja, la salaennja ada mengarti baek dalem ilmoe soerat, djoega ada mempoenjai banjak kasaktian jang ada bergoena bagi djabatannja dalem oeroesan negri. Tapi kaloe akoe soeda kirim dia padamoe, kerna sabagi orang berilmoe, ia soeka djalan mengoembara, hingga kabetoelan sekali ini hari akoe katemoe padanja boeat dateng pada kaoe.

„Lebi doeloe akoe hatoerken trima kasi atas kaoe poenja katjintahan hati, jang tentoe tida nanti menampik kadatengannja ini orang berilmoe. Tertinggal hormatkoe;

Gisoe Tio Liang-sih."

„Nah bawalah ini soerat padanja," kata Liang sih pada sasoedanja menoelis. Tapi sabelonnja itoe soerat dimasoeki ka dalem envelop, ia kasiken doeloe pada Kwe Keng boeat dibatja.

Kwe Keng laloe samboeti dan batja itoe dengen girang. Kerna itoe poedjian poen ada bagoes sekali, sedeng kadjelekan-kadjelekannja, tida ada diseboet. Kamoedian ia serahken kombali itoe soerat sambil hatoerken trima kasi.

„Sebab akoe moesti berangkat ka Pakken dengen tjepet," kata Liang-sih pada sasoedanja toelisken adres di itoe envelop: „maka kita-orang tida bisa beromong-omong lebi lama dari sabagimana adanja sekarang. Ini hari djoega akoe maoe lantas berangkat, sedeng Soetiang poen boleh lantas pergi ka sana."

Kwe Keng memanggoet.

Tio Liang-sih laloe ambil satoe selimoet dan satoe stel pakean boeat toekaran, bersama oewang tigapoeloe tail perak boeat ongkosnja djalan Ini semoea laloe dibriken pada Kwe Keng, jang trima itoe pembrian dengen amat girang.

Kamoedian ini Gisoe prenta orangnja bawa kaloear itoe sakalian barang-barang dari roema Koan, aken ditoeroenin ka dalem praoe jang memang telah bersadia, sedeng Kwe Keng poen toeroet menganter sampe di tepi soengei.

Pada waktoe maoe berpisa, Tio Liang-sih pesen lagi sedikit apa-apa, sedeng Kwe Keng oetjapken poela trima kasi dan hatoerken slamat djalan.

Sasoedanja praoenja itoe ambtenaar tertoelak ka sebrang, baroe Kwe Keng balik kombali ka itoe roema Koan tempat dimana ambtenaar-ambtenaar brenti menginep. Dan sekarang laganja djadi lebi agoeng dan tinggi.

,,Hm, itoe orang terkoetoek, jang tida liat mata padakoe," kata Kwe Keng sambil berdjalan ka Honghoa Ekkoan: ,,sekarang ada dateng giliran boeat akoe kasi semprotan padanja, soepaja dia boleh taoe akoe ini siapa dan orang bagimana. Kaloe akoe belon damprat padanja, akoe belon merasa poewas."

Hatinja merasa girang, kerna inget bisa dapet bales sakit hati pada itoe pengoeroes Koan jang tadi soeda maki-maki dan damprat padanja. Begitoelah sasampenja di dalem, ia laloe doedoek di tempat mana baroesan Tio Liang-sih ada berdoedoek, sambil treaki itoe pengoeroes jang mendjaga ini roema.

Itoe pengoeroes laloe dateng dengen berloetoet, sambil berkata:

,,Harep Loya soeka membri ampoen atas kasalahankoe jang tadi, jang soeda tida bisa kenalin pada goenoeng Thaysan, hingga telah berlakoe kasar dan koerang adjar. Sasoen ggoenja akoe ini saorang renda, jang ada mempoenjai mata, tapi tida mengenalin pada orang besar. Boeat kasalahan mana, lagi sakali harep soedi diampoeni."

,,Sabetoelnja orang samatjem kaoe, bangsa kapala andjing. haroes dihoekoem rangket ampat poeloe rotan, boeat kaoe poenja koerang adjar dan tida taoe adat!" kata Kwe Keng dengen soeara bengis jang dibikin-bikin: ,,tapi sebab kaoe mengakoe teroes terang, jang maski matamoe melek tapi seperti boeta dan tida kenalin akoe siapa, — ja, baeklah akoe kasi ampoen dari itoe hoekoeman jang berat, tapi hoekoem rangket sapoeloe rotan, tida boleh tiada didjalanken."

,,Oh, Loya, Loya Taydjin, harep ampoenilah hambamoe ini!" treak itoe pengoeroes Koan dengen soeara meratap, lantaran kira şasoenggoenja ia maoe dihoekoem: „lagi sakali harep Loya Taydjin soeka membri ampoen dan bebasken hoekoeman itoe sama sekali, sebab kaloe Loya hoekoem djoega tentoelah akoe tida bisa merawati dan melajani lagi sabagimana pantesnja. Boeat itoe kamoerahan hati, akoe hatoerken banjak trima kasi, Dan djoega akoe berdjandji, jang boeat kadepanin akoe nanti berlakoe lebi hati-hati, soepaja bisa kenali goenoeng Thaysan jang besar.”

Mendenger diri ada dibahasaken „Loya Tay djin„, hatinja Kwe Keng djadi girang betoel, hingga dengen mendadak ia rasaken dirinja djadi lebi tinggi doea kaki dan kapalanja poen ada merasa sabesar gantang.

Lebi lagi djadi soeka hati. sebab liat itoe pengoeroes Koan sambil berloetoet tida brentinja manggoet-manggoet.

„Nah, baeklah akoe bebasken kaoe dari semoea hoekoeman,“ kata kamoedian: „tapi hajoe sadiaken akoe thee jang baek, leherkoe soeda terlaloe aoes, Dan kaloe ada koewe phia, kaoe boleh bawa djoega ka mari.”

„Akoe..... akoe..... nanti sadiaken dengen lantas!“ kata itoe pengoeroes Koan sambil berbangkit boeroe-boeroe, kerna merasa girang jang dirinja soeda dibebasken dari hoekoeman. Tapi djoestroe lantaran maoe boeroe-boeroe begitoe, kapalanja djadi kabentoer medja sampe djadi bendjoet. Tapi hal ini ia tida rasaken kerna hatinja amat girang dan lantas berlari-lari ka dalem aken sedoe thee.

Kwe Keng jang meliat kalakoeannja itoe orang, hatinja djadi amat senang. Kerna rasa dirinja soeda djadi tinggi dan kapingin dapet perindahan lebi besar, maka wakfoe itoe pengoeroes kaloear kombali membawn theekoan dan sapiring koewe phia, ia lantas berkata:

„Berdiri di sini, toewangi tjangkir-tjangkir jang kosong. Tapi, he, ini koewe phia apatah?”

„Oh, ini phia jang paling enak," djawabnja: „jang disadiaken boeat ambtenaar-ambtenaar, sabagimana jang tadi disoegoeken pada itoe Gisoe, Loya poenja sobat jang dateng mampir.”

„Apa kaoe bilang! Akoe poenja sobat itoe Gisoe!?” menjentak Kwe Keng dengen soeara keras.

„Oh, akoe tida taoe Loya poenja apatah Gisoe itoe?” kata si pengoeroes dengen soeara goegoep lantaran katakoetan.

„Itoe Gisoe jang tadi boekannja akoe poenja sobat,” kata Kwe Keng: „hanja akoe poenja moerid. kaoe mengarti?”

„Oh, oh, kiranja Loya Taydjin poenja moerid.”

Ja, lantaran itoe djoega, maka ia berlakoe hormat. Apa kaoe tida denger jang ia pangil akoe „Soetiang“, dan Soetiang itoe ada berarti Soehoe. Kaoe mengartitah, bantong?“

„Oh, oh!“

,,Dan kaloe ia soeda beroleh itoe pangkat jang besar, semoea ada dari pertoeloengankoe. Akoe soeda masoeki satoe soerat pada Sri Baginda, dan dengen soeratkoe itoe djoega, ia telah diangkat ka dalem itoe djabatan.“

„Oh, oh!“

Sekarang dia maoe pergi ka Pakkeng, kerna begitoelah memang akoe poedjiken pada Baginda, soepaja ia diangkat djadi Gisoe aken membantoe Tong Djoebit jang lagi mendjaga wates negri dari serangannja orang-orang Tayliauw.“

„Oh, oh!“

„Akoe telah adjarken ia roepa-roepa ilmoe gaib, dan dengen itoe kapandean jang ia dapet dari akoe. boleh dipastiken ia bisa moendoerin moesoe jang dateng ka itoe kota, kaloe sadja itoe orang-orang Tauliauw brani dateng lagi.“

„Oh, oh!“

„Dan akoe djoega ini hari maoe berangkat ka kota Kiankong, aken mamegang satoe djabatan penting di itoe kota. Kerna pembesar di sana, jang bernama Ong Hwan, soeda merasa kawalahan mengoeroes perkara-perkara jang soeker, hingga Baginda telah angkat akoe boeat bantoe pegang pamerentahan di itoe tempat.“ „Oh, oh!”

„Oh-oh oh-oh sadja, bantong!”

„Ampoen, Loya Taydjin.”

„Kaoe mengarti apa jang akoe omong?”

„Ja, ja!”

„Kaoe tentoe heran djoega, boekan, bagimana akoe boleh dateng ka mari dengen keadahan begitoe roepa, sabagimana jang bermoela kaoe telag liat, jaitoe memake badjoe petja roepa mesoem dan laga seperti pengemis?”

„Ja, ja, heran betoel.”

,„,Itoelah boekan laen dari pada memang akoe sengadjain. Akoe sengadja menjamar begitoe boeat selidiki dan intip pakerdjahannja sasoeatoe pembesar. Sebab kaloe akoe pake uniform dari djabatankoe, orang lantas bisa kenalin, hingga kasalahan-kasalahannja akoe tida dapet liat.”

„Ja, ja, itoe bener.”

„Sebab kaoe tentoe taoe, bagimana pembesar- pembesar kota jang kaloe denger kabar jang bilangannja ada ambtenaar jang maoe dateng preksa, ia lantas berlakoe lebi radjin dan bersadia-sadia lebi doeloe, hingga ia poenja kamalesan jang sabenernja, djadi tertoetoep. Tapi kaloe akoe menjamar sabagi pengemis, boekan sadja bisa liat ia poenja kerdjahan, hanja bisa tjoba djoega hatinja.”

„Ja ja, itoe betoel sekali.” „Nah, apa sekarang kaoe soeda membarti, apa maksoedkoe dateng ka mari dengen berpakean begitoe boeroek, tida pake kopia dan tida pake kasoet?„

„Ja ja, mengarti betoel.“

„Nah kaloe bener kaoe mengarti tjabalah bilang, apa akoe poenja maksoed begitoe?“ thug

„Maksoednja maoe menjamar.“

„Bener! bener! hahahaha! hahaha!“ kata Kwe Keng dengen girang: „hajoe toewang lagi itoe tjangkir- tjangkir jang kosong, kerna sahabisnja minoen thee akoe lantas maoe berang kata melakoeken lebi djaoe akoe poenja penjelidikan."

Itoe _pengoeroes Koan laloe toewang kombali semoea tjangkir jang soeda tida ada isihnja.

Sasoeda itoe sapotji thee dan sapiring koewe phia jang disoegoeken, dihamtem bersi, Kwe Keng lantas prenta panggil koeli boeat membawa boengkoesannja, jaitoe jang berisi satoe tjelana dan satoe badjoe pemberian dari Tio Liang-sih. Sabenernja ini boentelan ketjil boleh ditengteng sadja lantaran maoe belaga, maka ia meminta ditjariken koeli dan ogah membawa sendiri.

Itoe pengoeroes laloe kasi taoe, bahoewa di ini tempat djarang sekali ada koeli jang boeat disoeroe, katjoeali orang-orang hoekoeman. Dan apatah ini „Loya Taydjin“ maoe pake koeli jang demikian.

„Orang hoekoeman?“ tanja Kwe Keng dengen heran:„dan tida ada koeli jang betoel?“

„Tida ada,“ saoetnja.

„Nah kaloe tida ada lah apa-boleh-boeat. Pergilah panggil orang hoekoeman itoe kamari.“

„Brapa orang jang Loya perloe pake?“

„Satoe soeda tjoekoep.“

„Baeklah, sigra djoega akoe nanti bawa mengadep orang itoe ka mari.“

Sahabisnja berkata, pengoeroes Koan itoe berlaloe, sedeng Kwe Keng merasa senang dalem hati, kerna kira itoe pengoeroes Koan pertjaja apa jang telah dibilang. Tapi sabenernja itoe orang jang diobrolin, kendati moeloetnja berkata:„oh, oh,— oh, oh,“ dan “ja, ja,— ja, ja,“ tapi dalem hatinja merasa jang itoe omongan tida bener adanja.

Tida lama orang itoe telah dateng kombali sembari membawa satoe orang koekoeman jang dihadepken pada Kwe Keng, sambil berkata:

“Inilah adanja orang itoe. Loya.”

„Baek,” kata Kwe Keng, jang lantas prenta ambil boengkoesannja dan kamoedian ka loear dari itoe Koan bersama-sama itoe orang hoekoeman sabagi penganter.

Boeat pergi ka kotą Kiankong, dari ini tempat ada djaoe djoega. Maka sasoedanja melaloeken bebrapa hari dengen ambil perdjalanan jang melintasi Swatang, baroelah ia sampe di kota terseboet ampoenja bilangan. Tapi itoe waktoe soeda malem dan Kwe Keng bersama pengikoetnja laloe tjari tempat pembrentian di satoe doesoen.

Tapi di ini desa jang soenji tida ada roema menginep, djoega tida ada waroeng boeat orang boleh mampir dengen sekalian menoempang tidoer. Lantaran itoe, maoe atawa tiada kapaksa Kwe Keng pergi ka roema orang jang paling deket dengen maksoed seperti jang ditoetoerken di atas.

Roema-roema di ini doesoen, kaloe waktoe soeda liwat menggerib sadja, kabanjakan pada toetoep pintoe. Maka kadatengannja Kwe Keng itoe, tida ada jang taoe.

„Ah, baek akoe ketok sadja pintoenja,” kata Kwe Keng dalem hati.

Sigra djoega ia soeda mengetok, sambil memanggil orang jang poenja roema.

Tida lama, pintoe terboeka dan saorang toea jang dari parasnja kaliatan asem, mengawasi padanja dengen roepa heran.

„He siapatah?“ kata itoe orang jang poenja roema.

„Akoe ini moeridnja Liem Tjindjin, Koksoe dari Sri Baginda jang sekarang ada bertachta di kota Radja“‘ begitoelah Kwe Keng moelai kenalken dirinja, dengen seboet namanja itoe Koksoe boeat menambaken kakerenannja: „datengkoe kamari boekannja sengadja, tapi lantaran kamaleman di djalan, terpaksa dateng ka mari dengen pengharepan dibriken tempat menginep boeat samaleman.“

Sabelonnja orang toea itoe menjaoet. Kwe Keng telah berkata kombali:

„Akoe ini maoe pergi mendjabat pangkat di kota Kiankong, tjoema samaleman sadja akoe maoe nginep dan besok akoe nanti teroesken poela perdjalanankoe.‘’

Kaloe didenger dari omongannja itoe, njatalah Kwe Keng ada saorang jang amat mati-matian, kerna datengnja ka Kiankong sakedar boeat tjari pakerdjahan, jang belon tentoe aken ditrima, tapi pada toean roema ia mengakoe maoe pergi ka itoe kota boeat mendjabat pangkat.

Ah, bener-bener orang sombong dan toekang mengobrol jang tida kadoeanja lagi!

Tapi itoe obrolan njata telah berhasil sabagimana jang diharep. Kerna sasoeda mendenger itoe, sigra djoega roepanja itoe orang toea djadi beroba laen, dan lantas boekain pintoe silaken Kwe Keng bersama pengikoetnja masoek ka dalem.

Sasoedanja membri hormat, Kwe Keng laloe menanjaken toean roema itoe poenja nama dan oesia, dan djoega namanja ini doesoen.

Itoe orang toea bilang: ia sa orang she Tjian, jang sekarang telah beroemoer tjoekoep anampoeloe taon. Ini doesoen terkenal dengen nama Honglokbo, jang ada termasoek dalem daerah Tjengtjioe. Dan di ini tempat toean roema soeda tinggal bebrapa toeroenan, dengen oesahakens awa-sawa, kebon dan pemeliharaän heiwan.

Kwe Keng memanggoet, sedeng Tjian Hoangwe prenta orangoja sadiaken barang makanan, kerna ia doega, ini doea tetamoe jang dateng kasorean, tentoe belon santap.

Tida lama barang-barang hidangan telah sadia, dan Kwe Keng bersama pengikoetnja disilaken dahar. Dan makanan itoe maski tida terlaloe banjak roepanja, tapi toch ada tjoekoep, dan membri kanjatahan jang toean roema ada saorang hartawan.

Sasoedanja dahar, Tjian Hoangwe adjak doedoek minoem thee sambil beromong-omong, dan atas pertanjahannja Kwe Keng, Hoangwe ini kata, maski dirinja tida terlaloe hartawan, tapi dari pengasilannja kebon-kebon dan sawa-sawa, haroes dibilang ada lebi dari tjoekoep. Tjoema menjesel tida beroentoeng mempoenjai anak lelaki boeat samboeng toeroenan, dan lantaran inilah ia djadi berdoeka.

„Tapi kendati begitoe, toch akoe merasa senang djoega dengen mempoenjai sadja satoe anak prampoean“ kata poela Tjian Hoangwe: „jang maski roepanja tida terlaloe eilok, tapi tjoekoep mengarti boeat oeroes sagala pakerdjahan prampoean. Boekan sadja oeroesan roema tangga, hanja ini oesaha semoeanja poen ada dioeroes olehnja.“

„Itoelah baek djoega," kata Kwe Keng: “sebab dengen mempoenjai satoe anak prampoean toch tida boleh dibilang tida sekali ampoenja anak.- Dan brapatah oemoernja sekarang Hoangwe poenja siotjia?“

„Dengen ini taon masoek oemoer delapanbelas.“

„Oh, itoelah soeda tjoekoep bermantoe.“

„Ja, kaloe ada djodonja. Tapi dalem sabegitoe djaoe, belon ada orang moeda akoe penoedjoe, hingga sampe sekarang anakkoe itoe belon mempoenjai toenangan.“

„Ah, dalem sedikit tempo tentoe aken dapet orang jang dipenoedjoe. Maka boeat itoe; troesa Hoangwe terlaloe keseli hati.“

„Oh, sianseng tida taoe,“ kata Hoangwe sambil mengelah napas: „kakeselankoe boekan tjoema begifoe sadja.“

„Bolehtah akoe dapet taoe lantaran apa?“ menanja Kwe Keng: „kaloe-kaloe akoe bisa membri pikiran jang baek?“

Tjian Hoangwe mengela poela napas, jang ini kali ada lebi pandjang, sedeng parasnja djadi samingkin doeka, hingga ia rasa ampir tida sanggoep toetoerken itoe kadoekahan. Tapi sebab pikir, boleh djadi djoega ini tetamoe bisa membri pikiran-pikiran jang baek, maka dengen hati tergerak ia tjeritaken riwajątnja itoe anak prampoean, jang ringkesnja ana begini:

Sabagimana baroesan telah dibilang, bahoea gadisnja itoe ada satoe anak jang baek dan terpeladjar, tambahan denger kata. Dan lantaran itoe maka ia merasa dapet djoega satoe hiboeran.

„Tapi, ia, siapatah njana jang peroentoegankoe ada begini djelek,“ kata poela ia sambil soesoet mata dengen tangan badjoe: „pada tiga boelan jang laloe itoe anak seperti orang jang koerang beres pikiran. Kerna pada soeatoe hari diserang saroepa penjakit, hingga bebrapa hari beroentoen tida maoe makan atawa minoem.“

„Ja, orang sakit memang tida enak dahar,“ kata Kwe Keng.

„Oh, boekannja begitoe sadja,“ saoet itoe orang toea: „pada soeatoe hari, jaitoe selang kira-kira saminggoe sadari ia dapet sakit, lantaran satiap hari tida maoe dahar, maka akoe telah pergi ka kamarnja boeat menengoki. Di sitoe akoe liat ia soeda bangoen dan berias, memake pakean jang bagoes. seperti orang jang maoe pergi melantjong. Tapi sahabisnja berdandan begitoe, ia doedoek sadja, dan waktoe akoe tanjain dahar, ia tjoema gojang sadja kapala dan tertawa.

„Waktoe akoe soeda berlaloe, akoe denger ia mengomong bisik-bisik, hingga akoe djadi kaget, kerna pikir: apa brangkali ia ada semboeniken katjintahan. Kerna kaloe bener begitoe, akoe tentoe boleh dapet maloe.

„Dengen hati tjoeriga akoe laloe balik kombali ka kamarnja dan megintip dari lobang koentjian pintoe bersama-sama istrikoe jang akoe adjak dateng. Tapi di sitoe tida kaliatan ada orang atawa bajangannja. Tapi toch bitjaranja masi kedengeran sadja. Tempo-tempo sahabisnja mengomong ia soeda katawa seperti orang kagirangan.

„Dari itoe penjelidikan dan pengintipan jang akoe bikin beroelang-oelang, akoe dapet kanjatahan, jang anakkoe itoe boekan semboeniken katjintahan, hanja penjakitnja itoe telah beroba djadi penjakit otak. Sadari itoe waktoe hingga sekarang, jang soeda berdjalan tiga boelan lamanja, tida sekali ia maoe dahar atawa minoem. Kaloe dibawain apa-apa ia boewang dan teroes tinggal tidoer. Tapi saban pagi ia bangoen dan sore poen barias tida brentinja, hingga akoe tida bisa berboeat laen dari pada liatin sadja, sebab bebrapa thabib jang dioendang. tida bisa menoeloeng.”

„Soenggoe peroentoengankoe tjilaka sekali,” kata itoe orang toea sabagi penoetoepnja; „sataoe doeloe hari akoe ada berboeat kadjahatan apa, maka ini hari moesti menampak kadoekahan jang begini roepa, dan anak prampoean jang tjoema satoe-satoenja sampe diserang ini penjakit jang begini heibat."

„Oh, kaloe begitoe, njatalah Lohan poenja Leng-ay terkena pengaroenja siloeman,“ kata Kwe Keng pada sasoedanja mendenger itoe semoea tjerita: „tida sala, siotjia itoe terkena ganggoeannja siloeman. Dan mengapatah Lohan tida maoe minta pertoeloengannja satoe Hwatsoe jang mempoenjai ilmoe tinggi, boeat oesir itoe iblis djedjadian?“

„Soeda, Hwatsoe poen soeda dioendang, tapi tida bisa menoeloeng soeatoe apa,“ kata Tjian Hoangwe dengen amat doeka

„Begitoe? — Hwatsoe manatah jang Lohan telah minta pertoeloengannja?“

„Jang tinggal di gredja Tjiwikoan.“

„Apatah Hwatsoe itoe bilang?“

„Ia tida bilang soeatoe apa. Kerna dengen maoe menoeloeng anakkoe, bebalik dirinja sendiri djadi tjilaka. Kerna baroe sadja satoe kali ia dateng menengoki dan maoe obati, mendadak dirinja dihinggapi penjakit, jang sampe sekarang masi tinggal rebah di atas pembaringan hingga amat berbahaja bagi djiwanja.“

„Kaloe begitoe. tentoelah ilmoenja itoe Hwatsoe koerang tinggi dan tida tjoekoep sakti boeat laloeki itoe siloeman jang menggangoe siotjia. Sebab kaloe ia ada mempoenjai itoe kasaktian, pasti tida aken terdjadi demikian.”

Mendenger ini perkatahan-perkatahan jang paping blakang, Tjian Hoangwe lantas inget apa jang bermoela Kwe Keng seboet, waktoe ia terkenalken diri sabagi moeridnja Liem Tjindjin, Koksoenja Sri Baginda jang sekarang.

Koenjoeng-koenjoeng ini orang toea lantas dapet satoe pikiran, jang kaloe-kaloe Kwe Keng ada mempoenjai itoe kapandean boeat toeloeng semboelken anaknja dari godahannja itoe siloeman Begitoelah sambil berbangkit dari tempatnja doedoek, ini toean roema laloe berkata sambil angkat kadoea tangan:

„Apa jang sabegitoe djaoe sianseng poenja pembitjarahan, njatalah jang kaoe ini ada sa-orang pande jang mengenal ilmoe-ilmoe gaib. Sebab orang jang tida mempoenjai itoe pengartian, tida nanti bisa bilang, jang anakkoe ada diganggoe siloeman.“

„Dan baroesan, pada pertama kali sianseng kenalken diri,“ kata poela ia: „kaloe akoe tida sala denger, kaoe bilang dirimoe ada moeridnja Liem Tjindjin, Koksoe jang sekarang dari kita-orang poenja Sri Bagiada karadjahan Songtiauw. Dan kaloe bener begitoe, pastilah sianseng ada mempoenjai ilmoe-ilmoe jang sakti boeat oesir itoe siloeman jang mengganggoe Leng-ya.

„Maka ini, dengen hormat, tapi djoega sanget Lohan meminta dengen sagala kasoedjoetan pada sianseng, soedilah toeloengi anakkoe itoe. Dan kaloe sampe djadi tersemboeh, oh, soenggoe itoe boedi akoe nanti djoengdjoeng di atas kapala dan oekir salama-lamanja di dalem hati dengen tida diloepa.

„Boekantah kaoe tida menampik, sianseng ? ― Tidakah kaoe soeka aken loeloesken permoehoenankoe, boeat oesirin setan, itoe iblis atawa siloeman djadjadian jang mengganggoe gadisnja?“

Mendenger itoe perkataan-perkatahan jang dioetjapken oleh Tjian Hoangwe, dimana dirinja ada dipandang saorang berilmoe jang sakti, Kwe Keng djadi sanget girang, ia poen memang saorang jang sombong dan soeka membanggaken kapandean sendiiri. Maka satelah denger toean roema meminta toeloengannja dalem itoe perkara, maka dengen girang ia lantas loeloesken sambil berkata:

„Oh, tentoe sadja! Tentoe sadja akoe soeka aken menoeloeng Lohan poenja Leng-ay. kerna boeat oesir siloeman toch memang ada akoe poenja kasoekahan. Maka tida oesah diminta sampe doea kali, akoe lantas loeloesken. Tjian Hoangwe djadi amat girang, hingga koenjoeng-koenjoeng parasnje jang doeka djadi berseri-seri. Hingga dalem itoe saät, dirinja djadi kaliatan lebi moeda sapoeloe taon dari pada oesianja jang bener.

„Soekoerlah! soekoerlah;“ kata itoe orang toea dengen soeara kagirangan: „ah, soenggoe beroentoenglah akoe ini.“

Kamoedian ia djoengdjoeng kadoea tangannja di atas kapala, seperti orang jang memoedji pada Toehan, dengen mendadak, tida dipanggil dan tida dioendang, boleh dateng saorang berilmoe ka roemanja.

„Oh, akoe haroes mengoetjap beriboe-riboe soekoer pada Thian jang Maha Koeasa!“ kata poela Hoangwe: „kerna datengnja sianseng kamari, ada seperti Allah jang mengirim kaoe boeat toeloeng akoe poenja anak.“

„Ja, saorang jang berhati baek, memang salaloe dapet koernianja Thian,“ kata Kwe Keng: „sebab Lohan toch ada saorang toea jang dermawan dan moera hati, maka sagala kasoesahan dan katjilakahan, dengen sigra bisa dapet pertoeloengan“

Maski moeloet kata begitoe, toch dalem hatinja Kwe Keng merasa koeatir djoega, kaloe-kaloe ilmoenja ada koerang tinggi boeat taloeki ini siloeman. Dan kamoedian, kaloe sampe ini pakerdjahan gagal, bagimanatah nanti djadinja, apa tida maloe?, sedeng ia soeda boeka moeloet besar?

Begitoelah ia menanja beroelang-oelang dalem hati sendiri.

Tjian Hoangwe laloe menanja: barang apa-apa jang moesti dipake boeat itoe kaperloean. Bilang sadja, ia lantas sadiaken.

„Apa Soetiang maoe pake barang-barang sembajang?“ kata ini orang toea, jang tadi memanggil. Sianseng, tapi sekarang soeda lantas membahasaken Soetiang, jaitoe itoe satoe perbahasaän boeat orang-orang sakti dan orang-orang jang berilmoe, kerna ia poen rasa jang tetamoenja ini boekan orang sembarangan.

Kwe Keng jang lagi kabingoengan sendiri, tida lantas menjaoet, hanja kata:

„Toenggoe, akoe nanti pikir barang apa jang moesti digoenaken.“

Maski moeloet kata begitoe, tapi hatinja ingin meliat tampang parasnja siotjia. Maka sakoetika lama ia tinggal berdiam aken memikiri, tjara bagimana dirinja bisa berhadepan pada itoe gadis.

Pembatja djangan kira, lantaran Kwe Keng itoe ada moeridnja Liem Tjindjin dan mempeladjari ilmoe-ilmoe orang pertapahan, lantas hatinja djadi soetji seperti laen-laen orang berilmoe, Tida! Malah boleh dibilang, ia ada lebi gila basa dari laen-laen pemoloran. Maka kaloe denger sadja namanja gadis-gadis atawa prampoean eilok, hatinja lantas dat-dit-doet!, dan pikirannja jang memang boeroek, sigra djoega djadi orah karoean rasanja.

Demikianlah, satelah inget: orang jang dihinggapi lingloeng atawa beringetan tida beres itoe, ada satoe gadis, koenjoeng-koenjoeng ia poenja gila basa lantas timboel, dan sakean lama diam berpikir.

„Hm! hm! mengapa akoe begitoe bodo,” kata ia dalem hati sendiri: „boekantah sekarang akoe ada mempoenjai alesan boeat minta liat itoe siotjia, kaloe sadja akoe kata, lebi doeloe orang jang sakit itoe moesti dipreksa, apa bener ia terganggoe oleh ailoeman atawa boekan. Kaloe dengen membri alesan begitoe, Tjian Hoangwe toch tida boleh tjela padakoe, dengen membilang akoe tida sopan dan laen-laen?”

Sigra djoega apa jang telah dipikir baroesan laloe dinjataken, hingga ini orang toea jang tida taoe perniatarinja Kwe Keng, djadi amat girang, dan sambil manggoet-manggoet laloe berkata:

„Oh, baek!, baek!, akoe nanti adjak ia ka mari.”

Kaloe dalem itoe saät Tjian Hoangwe djadi timboel harepan besar, ini poen tida oesah diboeat heran, kerna sabagi ajah jang telah beroesia begitoe toea dan tjoema samengga-mengganja mempoenjai satoe anak prampoean, jang sekarang ada dalem sakit, tidakah ia nanti djadi girang amat, kaloe ada saorang jang bisa toeloeng semboelken?

Dan lantaran itoe, manatah ia ada mempoenja kasempetan boeat mendoega djelek atawa menjangka-njangka jang tida karoean?

Begitoelah ia berlari-lari ka dalem aken membri taoe sang istri. bahoewa itoe tetamoe jang sekarang noempang menginep, ada saorang berilmoe jang bisa toeloeng gadisnja. Maka hajoelah bawa itoe anak ka loear boeat dipreksa, kerna sabelonnja diliat, orang jang hendak mengobati tida taoe bagimana asalnja penjakit itoe.

Tjian Hoedjin djoega djadi soeka hati satelah mendenger itoe perkatahan, maka sigra djoega marika laloe pergi ka kamarnja siotjia, jang di itoe waktoe, sabagimana biasanja, soeda berias.

Tapi lama gadis itoe soeda dihadepken pada Kwe Keng, jang laloe mengawasi dari atas sampe ka bawah dan dari bawah memandang ka atas dengen tida merasa poewas. Betoel parasnja ini nona tida sabrapa tjakep, tapi toch haroes dibilang manis, terlebi poela ada berdandan rapi.

Siotjia itoe, tida toendoek atawa merasa maloe, waktoe diawasi oleh Kwe Keng begitoe roepa. Si gila basa ini mengimplang-ngimplang tida bisa soeda, sedeng loeda entjer ampir sasanja maoe mengatja, kerna amat napsoe dan kapingin. Tjoba kaloe itoe waktoe tida ditegor, brangkali si kaparat masi mengimplang teroes, kerna ia poen telah djadi loepa pada diri sendiri.

„Bagimana, soetiang?“ tanja Tjian Hoangwe dengen soeara palahan: „benertah anakkoe ini terganggoe siloeman ?“

„Ja, ja, ja, ja, ja,“ saoet Kwe Keng dengen soeara goegoep sambil manggoet-manggoet: „bener, bener terganggoe yaukwai.“

Tjian Hoangwe dan istrinja saling memandang dengen roepa koeatir.

Dan waktoe gadis itoe soeda dibawa masoek, Kwe Keng berkata poela:

„Lohan poenja Leng-ay diganggoe oleh siloeman Kioebwe Holi, oh, satoe siloenman jang amat djahat dan bandel.“

„Begitoe?, astaga!“

„Pantes djoega itoe Hwatsoe jang Lohan oendang tida bisa oesir padanja, kerna siloeman ini poen: tida sembarang-barang bisa ditaloeki“

„Astaga! Kioebwe Holi itoe siloeman apatah?“

„Jang berasal dari rase. Satoe rase jang bertapa di sembilan poehoen Bwe.“

„Abis bagimana, Soetiang?“

„Oh, Hoangwe troesa koeatir, akoe nanti oesir itoe siloeman jang djahat.“

„Soekoerlah! Soekoer alhamdoellilah !!“

„Nah sekarang sadiakenlah itoe barang-barang jang perloe dipake, soepaja akoe boleh lantas moelai goenaken ilmoekoe” Hoangwe djadi girang dan laloe tanja, barang apa-apa itoe jang dikata perloe.

Kwe Keng laloe kasi taoe, jaitoe: lilin, hio, doepa dan sabaginja, kerna ia moesti bikin sembajang.

Tjian Hoangwe memanggoet, kamoedian prenta orang-orangnja sadiaken itoe barang jang terseboet, sasoeda barang-barang itoe tersadia di satoe medja, toean roema laloe kasi taoe pada tetamoenja itoe:

Kwe Keng lantas bersiap boeat mendjalanken ilmoenja.

Tapi sekarang ia tida ada mempoenjai papan Lengpay, kerna doeloe waktoe bertanding pada Oan Swie, itoe hikmad telah dibikin poena. Dan boeat gantinja itoe, si kaparat laloe ambil sadjelébék batoe oebin dan pegang itoe di tangan.

Boedjang-boedjangnja Tjian Hoengwe ada djoega bebrapa orang jang berhati brani, dan sebab kapingin liat bagimana orang menaloeki siloeman, laloe berdiri di tempat jang sedikit djaoe. Dari sini marika mengawasi dengen roepa kagoem.

Kwe Keng kaliatan moenḍar mandir sembari pegang itoe batoe. Tangannja jang kanan sabentar menoendjoek ka Oetara dan sabentar menoeding ka Barat, sedeng moeloetnja kelihatan berkemak-kemik.

Di sini haroes djoega diterangken, bahoewa Kwe Keng tida ada mempoenjai itoe kapandean boeat mengoesir siloeman. Betoel doeloean waktoe bertanding pada Oan Swie ia bisa toeroenken oedjan dan angin, dan laen-laen kedjadian jang oleh orang biasa dianggap heran. Tapi itoe semoea sabenernja ada pengaroenja hikmad, boekannja djampe atawa dowa. Sekarang itoe djimat atawa barang-barang moestika soeda tida ada, maka ia tida bisa berboeat laen, dari pada batja sadja sedikit djampe-djampe jang boekan moestinja terpake dalem ini maksoed, kerna kaloe tida berboeat begitoe, ia merasa maloe, kerna di hadepannja Tjian Hoangwe ia telah menjombongi dari sabagi orang jang berilmoe.

Sasoeda batoe itoe dipoeter-poeter brapa kali, ia lantas tepok sambil menjentak dengen soeara keras, katanja:

„He, angkaoe siioeman Kioebwe Holi, lekas kaoe pergi dari sini, djangan mengganggoe lebi lama pada siotjia, kaloe dirimoe tida maoe djadi binasa, kerna akoe Kwe Keng Todjin soeda ada di sini boeat kasi hadjaran padamoe!”

Berbareng dengen abisnja itoe perkatahan-perkatahan jang paling blakang, dari djoeroesan Timoer-salatan lantas berkesioer angin jang amat sedjoek, hingga dinginnja sampe meresep ka toelang-toelang.

Kwe Keng ada takoet dan girang-girang sedikit, takoet itoe dari kerna koeatir, apa angin ini ada angin siloeman, jang brangkali telah djadi moerka padanja. Sabaliknja merasa girang, kerna doega brangkali djampeannja jang dibatja baroesan bener-bener djadi kabetoelan, hingga membikin itoe siloeman djadi lari dengen pindjam djalan di angin.

Ia harep ini doegahan jang blakangan nanti berboekti.

Tapi dalem itoe saät djoega, berbareng dengen abisnja angin sedjoek, lantas dateng angin keras jang lantas bikin padem semoea apinja lilin dan lampoe-lampoe jang terpasang di itoe tempat.

Orang banjak djadi kaget, terlebi poela meliat laganja Kwe Keng djadi seperti orang gila. Sekarang ini kaparat jang tjoema bisa menjombongken diri, boekan berdowa atawa menoendjoek-noendjoek sabagimana tadi, hanja dengen itoe djoebin ia poekoeli kapala sendiri sampe kadengeran ngebeletak-ngebeletoek.

Itoe boedjang-boedjang masi belon dapet mendoega, jang di itoe waktoe Kwe Keng soeda karangsokan. Marika kira, itoe perboeatan ada dilakoeken dengen sengadja. Tapi bagimana kaget hatinja, satelah dapet liat, jang tida lama kamoedian Kwe Keng itoe djato tjelentang dengen kapala beloemoeran dara.

Si kaparat tida inget lagi pada dirinja.

Tapi liwat sasaät ia bergerak-gerak sambil bertreak dengen soeara keras. Tapi soearanja itoe ada bedah dari pada tadi.

„Ha, toea bangka! toea bangka jang terkoetoek!” bertreak Kwe Keng sambil menoeding-noeding:

„kaoe tida kenal saratan, tida bisa meliat gelagat. Apa kaoe tida taoe, bahoewa akoe ini Pak Yoe Ong poenja poetra, jang soeda ditentoeken ada berdjodo pada kaoe poenja anak prampoean?”

Tjian Hoangwe dan semoea boedjang-boedjangnja djadi bergidig. Tapi tida ada saorang jang brani menjaoet.

Kwe Keng mendjerit lagi:

„Lantaran akoe ada berdjodo pada Tjian Siotjia, maka djoega akoe soeda dateng ka mari aken lakoeken prentanja Toehan. Tapi kaoe dengen zonder tjari taoe lagi, soeda lantas sadja dengeri moeloetnja kaoe poenja tetamoe, jang salaen hendak monjombongi diri, djoega ada mempoenjai perniatan-perniatan jang sanget boeroek aken padajai bakal istrikoe. Maka boeat perniatannja jang tida bagoes itoe, sekarang akoe moesti kasi bagianja, soepaja ia taoe rasa.”

Kwe Keng memoekoel kapala sendiri, sambil tjomeli djoega dirinja jang dikataken gila basa dan laen-laen poela.

„Sekarang akoe membri ampoen padamoe laki istri, sebab kaoe poen ada teritoeng akoe poenja mertoea, Tapi akoe tida boleh antepi sadja istrikoe di sini dan sekarang djoega akoe maoe bawa ka tempat kadiamankoe, di mana kita-orang nanti menikah dan idoep kekal boeat salamanja.”

Itoe laki istri djadi amat kaget. Sekarang marika taoe, bahoewa Kwe Keng itoe telalı karangsokan.

Sabelonnja marika bisa berpikir lebi djaoe, satoe boedjang jang mendiagai siotjia. lantas menghamperi pada Tjian Hoangwe aken kasi taoe; jang siotjia telah linjap dengen tida kataoean ka mana perginja.

Tentoe sadja ini kabar ditrima sabagi menjambernja gledek. Hoangwe laki istri laloe memberoe ka tempatnja siotjia, tapi nona itoe soeda tida ada.

Kadoea orang toea itoe djadi menangis sasambat Sekaraag Kwe Keng jang tadi terletak tida diperdoeliken lagi, kerna boedjang-boedjang semoea diprenta tjari itoe gadis jang ilang dengen koenjoeng-koenjoeng.

Tapi, maski ditjari bagimana djoega, gadis itoe tida dapet dikatemoeken. Di sagala tempat dan ploksok telah dipreksa, di kebon, di soemoer dan di mana sadja jang didoega brangkali siotjia itoe ada, tida djoega dapet dikatemoeken.

Sasoeda hari djadi terang tana, itoe semoea boedjang dateng mengadep aken membri taoe. bahoewa marika soeda tjari nonanja dengen siasia sadja.

Tjian Hoedjin tida bisa berboeat laen dari pada menangis segak-segoek Sedeng soeaminja seselin diri sendiri, mengapa dengen begitoe gampang ia maoe dengerin sadja moeloetnja itoe tetamoe.

Ah, tjoba kaloe ia oesah toeroet bitjaranja Kwe Keng. maski sakit-sakit toch itoe anak masi ada di roema. Kendati pikiran ja tida beres, toch mending djoega ada jang diliat-liat. Tapi sekarang?, sekarang apa jang maoe diliat, bajangannja poen tida ada.

Lantaran itoe, Tjian Hoangwe djadi gemes dan bentji pada Kwe Keng, hingga ia tida perdoeliken lagi pada itoe tetamoe.

Brapa besar kadoekahan jang menghinggapi itoe laki istri, inilah dengen kalam tida bisa diloekis dengen terang. Dan soepaja pembatja djoega tida oesah tatoeroetan doeka boeat memikiri itoe, baeklah kita tinggalken sadja ini orang toea dan mari liat si sombong itoe.

Pada waktoe hari moelai terang tana, Kwe Keng poen telah tersedar dari pangsannja. la bangoen dari tempatnja terletak dengen badan merasa amat sakit, sedeng tida taoe lantaran apa maka diri djadi begitoe.

„He, he, akoe mengapatah?” tanja ia pada pengikoetnja jang ada berdiri tida djaoe dari sitoe.

„Apa Siangkong tida inget?” demikianlah si pengikoet balik menanja.

„Tida. — Akoe mengapatah?“

„He adjaib soenggoe!“

„Tapi akoe kenapatah?“

„Boekantah samalem Siangkong menangkep siloeman?“

Kwe Keng djadi terkedjoet, tapi berbareng itoe, la lantas inget semoea perkara. Dengen tangan kiri ia sekah dara jang ada di sapandjang moekanja, sedeng dalem hati ada doega, balioewa itoe maksoed jang telah dilakoeken, maski tida dengen sabenernja, tentoe soeda djadi ka petoelan. Dan ia tentoe soeda bertaroeng pada itoe siloeman, dan ini dara di moeka, tentoelah kena siloeman itoe.

„Oh, tentoe itoe siloema: soeda kena akoe hantem kapalanja dan telah mampoes brangkali?" pikir Kwe Keng dalem hati: „dan sabelonnja ia mampoes, akoe kena kapoekoel hingga pangsan dan loepa pada itoe semoea. Begitoe, begiloe tentoe!“

Kamoedian ia menanja:

„Mana dia bangkenja itoe siloeman?“

„Siloeman apa?“ tanja si pengikoet dengen dieran.

„Jang samalem akoe hadjar,“ saoetnja.

„Apa Siangkong djoega telah djadi edan?“ kata itoe pengikoet.

Kwe Keng mengawasi dengen mendelong, kerna tida mengarti kenapa orangnja ini boleh kata begitoe.

„Sasoenggoenja akoe loepa sekali apa jang terdjadi,“ kata Kwe Keng jang sasoedanja mendelong sakean lama: „apa jang akoe inget jaitoe, akoe membatja dowa boeat panggil itoe siloeman dateng, dengen maksoed boeat ditangkep. Tapi itoe siloeman ada terlaloe djahat, hingga akoe moesti berklai padanja begitoe sengit. Kaoe toch liat dara di kapalakoe, boekan, bekas kena gegamannja itoe yaukwai“

„Tapi manatah Tjian Hoangwe, mengapa akoe dideminin begini roepa ?" menanja poela ia.

Itoe perkataan-perkatahan jang Kwe Keng oetjapken baroesan, tjoema menoeroet sadja doega-doegahannja. Sedeng ia sendiri tida taoe apa jang dirinja telah berboeat, ia kira itoe pengikoet djoega tida taoe apa-apa, maka ia kaloearken itoe perkatahan dengen tida dipikir lagi.

Tentoe sadja ini pengikoet djadi katawa dan lantas toetoerken satoe persatoe sabagimana jang ia telah liat. Dan sasoeda denger begitoe, boekan patoet Kwe Keng poenja rasa takoet dan ngeri.

„Ai, ai, sampe begitoe?“ kata ia: „soenggoe akoe tida taoe sekali ada perkara demikian roepa?“

„Djoestroe lantaran begitoe dan lantaran ilangnja siotjia dengen koenjoeng-koenjoen,“ kata si pengikoet: „maka Hoangwe djadi gemes pada Siangkong, kerna Lohan itoe kata, kaloe tida lantaran kaoe poenja perboeatan dan kebisahan, gadisnja itoe tentoe tida djadi linjap lantaran moerkanja siloeman."

„Dia kata begitoe?“

„Ja.“

„Wah, tjilaka!“

„Maka menoeroet pikirankoe, baek kita lari sadja sekarang, soepaja Siangkong tida oesah mendapet maloe lebi besar. Hoangwe laki istri sekarang lagi berada didalen sedeng tangisi anaknja, maka baek kita merat dan tida oesah katemoeken lagi padanja. Bagitoe ada lebi baek, boekan?“

Kwe Keng rasa bitjaranja itoe pengikoet ada bener, maka sigra djoega ia njataken moefakat dan prenta itoe pengikoet lekas ambil boentelannja, soepaja boleh lantas lari.

Selang bebrapa saat iaorang soeda kaloear dari roemanja Tjian Hoangwe.

Marika itoe djalan seperti dioeber setan, dan djalannja itoe baroe djadi sedikit pelalanan, sasoedanja berlaloe djaoe djoega.

Di sapandjang djalan itoe Kwe Keng berpikir dan merasa amat menjesel, mengapa ia berlakoe begitoe gegaba, sedeng sendiri tida mempoenja kapandean dalem itoe hal.

„Ah, beroentoeng djoega akoe tida mati,“ kata ia dengen soeara pelahan: „soenggoe akoe tida doega, kaloe itoe siloeman bisa mendjadi moerka.“

Sasoedanja berlaloe djaoe djoega dan sampe di satoe kali ketjil, Kwe Keng laloe brenti boeat ilangi tjape. Di sini ia boeka pakeannja dan tjoetji itoe badjoe jang dara dowangan, kamoedian djemoer di atas roempoet.

Sembari menoenggoeken badjoenja kering, Kwe Keng beromong-omong pada pengikoetnja dan menanjaken lebi djaoe dari apa jang si pengikoet belon tjerita tentang itoe kadjadian.

Itoe pengikoet laloe toetoerken lebi djaoe satoe persatoe, bagimana boedjang-boedjang semoea merasa heran meliat Kwe Keng poenja kalakoean waktoe memoekoel-moekoel kepala dengen hatoe.

„Soenggoe, orang semoea kira kaoe lagi tjhio-tang,“ kata itoe pengikoet sabagi penoetoepnja ia poenia penoetoeran: „sebab kira begitoe memang biasanja kaloe orang maoe tangkep siloeman.“

„Ah, akoe tida doega kaloe itoe siloeman ada begitoe djahat,“ kata Kwe Keng dengen merasa djenga. Tapi maski soeda rasaken maloe dan sakit dari kasombongannja, toch itoe adat ia belon djoega bisa roba, hanja lantas bilang: doeloe-doeloean memang ia biasa tangkep siloeman, dan laen-laen poela obrol jang meninggiken diri.

„Tapi biar bagimana djoega,“ kata si pengikoet „toch perboeatanmoe itoe haroes dibilang sala, kerna salaennja itoe siloeman tida dapet ditangkep, itoe Hoangwe poenja anak djadi linjap. Dan laen dari begitoe, sekarang kita djadi kalaparan. Tjoba seandenja Siangkong tida tjoba menoeloeng, tentoe ini pagi kita berangkat pada sasoedanja disoegoeken barang daharan.“

„Ja, sekarang apa maoe kata,“ djawab Kwe Keng sambil mengelah napas: „tapi, eh,... sadari berangkat akoe belon tanja kaoe poenja nama, dan siapatah namamoe?“

„Akoe bernama Nge-kho, ada toeroenan jang katiga dari familie Ong.“

„Djadi namamoe Ong Ngo-kho?“

„Bener“

„Tapi perkara apa jang membikin kaoe dihoekoem?“

„Oh, kaloe moesti toetoerken itoe semoea soenggoe ada terlaloe pandjang.“

„Tapi masa kenapa?“

„Baeklah kaloe Siangkong maoe denger djoega.“

Kamoedian si pengikoet itoe lantas moelai menoetoer. la kata: doeloe ia tinggal di kota Tintjoe, sadari engkongnja, sampe pada toeroen ajalinja, semoea ada djadi orang-orang dagang. Demikianlah pada taon jang laloe, bersama ajahnja Ngo-kho pergi ka Hopak aken berniaga, tapi tida lama di itoe tempat ajahnja meninggal doenia hingga ia moesti bekerdja sendiri boeat mengoeroes dagangan.

Tapi, sebab oesiauja ada amat moeda dan oewang ada banjak, maka di Hopak ia ada mempoenjai bebrapa kawanan bangsa pemoloran, jang satiap hari adjak pergi ka roema-roema plesiran, berdjoedi dan sabaginja, hingga dalem bebrapa boelan sadja, dagangannja jang memang tida besar, djadi abis dipake begitoe sadja.

Boeat berdagang lebi djaoe soeda tida ada poenja modal, sedeng maoe bekerdja, di sana sini tida ada jang maoe pake, dan achirnja ia telah bikin oetang pada sala satoe langganan ajahnja, dengen perdjandjian: jang oewang itoe aken dibajar dengen barang-barang.

Temponja pembajaran itoe ada pendek. Dan satelah hari boelan jang ditetepken itoe sampe dan barang jang didjandjiken belon dimasoeki, itoe langganan laloe mendakwa, jang achirnja lantaran ditoedoeh lakoeken penipoehan, maka pengadilan telah djatoken hoekoeman tiga taon boewang ka laen tempat.

Dalem pehoekoeman ia ada bekerdja baek. Pembesar jang berkoeasa padanja tida berlakoe terlaloe bengis, begitoelah lantaran merasa kasian, maka waktoe Kwe Keng minta satoe koeli, itoe pembesar dari orang-orang hoekoeman telah kirim ia boeat penganter, jang sekarang hoekoeman itoe soeda didjalanken sataon lebi.

„Demikianlah adanja akoe poenja hal,“ kata Ngo-kho kamoedian.

„Ja, kaloe begitoe pantes,“ kata Kwe Keng: „akoe poen liat kaoe poenja moeka boekannja seperti moeka pendjahat.“

Lebi djaoe Kwe Keng kata, beroentoeng sekali jang Ngo-kho telah katemos padanja, kerna dengen djadi ia poenja pengikoet, salaennja troesa djalanken pakerdjahan seperti orang hoekoeman, djoega, kaloe ia beroentoeng dapet pakerdjahan jang baek, ia tida nanti loepa boeat toeloeng padanja, asal sadja Ngo-kho bekerdja baek dan satia.

Ong Ngo-kho oetjapken trima kasi boeat itoe perdjandjian bagoes.

Koetika itoe badjoe jang didjemoer soeda kering, kombali doea orang ini berangkat djalan menoedjoe ka kota Kiankong.

Waktoe lohor baroelah iaorang katemoe satoe waroeng, dimana marika laloe masoek dan minta nasi, kerna sadari pagi memang kadoeanja ini belon dahar, maka peroetnja djadi lapar sekali, hingga nasi jang disoegoeken bersama sajoer kangkoeng, marika itoe hantem bersi dengen amat bernapsoe.

Esoknja pagi-pagi iaorang berdjalan kombali Tapi di sapandjang djalan jang ka depanin itoe; tida ada perkara-perkara penting boeat ditoetoerken, maka sasoedanja berlaloe lima hari, di waktoe lohor marika telah sampe di bilangan kota Tian-tiangkoan, dan dari sitoe boeat pergi ka kota Kiankong soeda tida sabrapa djaoe lagi

„Dalem ini bebrapa hari jang blakangan, hawanja teramat panas, dan kita poen soeda berdjalan dengen tida brenti-brentinja,“ kata Kwe Keng: „hingga kaki rasanja ampir maoe pata, dan sekarang baeklah kita brenti sadja doeloe di ini doesoen, boeat tanja pada orang, masi brapa djaoe lagi ka kota Kiankong.“

Ngoklio manggoetken kapalanja menjataken satoedjoe, kerna ini pengikoet poen memang soeda amat tjape.

Di ini tempat jang baroe disampeken, Kwe Keng liat ada kira-kira berdiri tigapoeloe roema, jang pendoedoeknja masing-masing ada memperoesahaken pakerdjahan tani. Dengen pengoendjoekannja satoe anak ketjil, Ngo-kho bersama Kwe Keng pergi ka satoe waroeng. Tapi hatinja djadi amat heran, waktoe meliat itoe roema jang si katjoeng tadi kataken waroeng nasi jang ada trima djoega boeat tetamoe-tetamoe dateng menginep.

„Masatah ini roema penginepan?“ kata Kwe Keng sambil memandang pada pengikoetnja: „brangkali itoe katjoeng soeda ngebohong, apa tida?“

Tapi toch tida ada lantarannja boeat ia mendjoesta,“ saoet Ngo-kho: „baeklah kita tjoba menghamperi dan tanja jang poenja roema.“

Sigra djoega Kwe Keng soeda memanggil-manggil dari loear. Tida lama dari dalem kaloear saorang toea, jang kapalanja ada diboengkoes dengen tjoekin, parasnja poetjet dan sedakepi tangan.

Dari pertanjalian-pertanjahannja Ong Ngo-kho orang toea itoe bilang: betoel ia ada ngewaroeng dan trima djoega tetamoe-tetamoe jang dateng bermalem. Tapi ini hari, lantaran dapet sakit, maka ia tida bikin barang-barang hidangan.

„Kaloe mane nginep, boleh,“ kata poela orang jang poenja roema itoe: „makan poen boleh, tapi moesti masak sendiri, kerna akoe lagi mariang dan tida bisa sadiaken barang hidangan, sedeng anakkoe jang biasa membantoein mengoeroes, lagi tida ada di roema.“

Lantaran tida ada poela laen waroeng, terpaksa Kwe Keng bersama pengikoetnja mampir djoega di itoe tempat, kerna boeat berdjalan lebi djaoe, kakinja soeda tjape. Toean roema silaken masoek ka dalem, di mana ada kaliatan satoe tetamoe jang djoega lagi atoer barang hidangan. Dan sajoer jang dimasak oleh itoe tetamoe laen, ada berbaoe begitoe sedep, hingga membikin Kwe Keng dan pengikoetnja djadi lapar.

Tida lama itoe orang toea kaloear kombali sambil membawa satenga batok beras sama saiket koetjai, dan oendjoeki pada Ngo-kho dapoer tempat masak. Sahabisnja kata begitoe si toea itoe masoek kombali dalem kamar sambil menggetget-getget kadinginan.

Ngo kho jang di pendjara biasa bekerdja masak dan menjapoe, bisa djoega matengin ini beras dan koetjai boeat mengisi peroet, sedeng, Kwe Keng tinggal rebah di pembaringan sembari toenggoein nasi jang lagi dimasak.

Tida selang lama si pengikoet dateng membri taoe, bahoewa nasi dan sajoer soeda mateng.

Marika itoe laloe, doedoek bersantap.

„He, apa ini?“ tanja Kwe Keng sembari toendjoek samangkok daging ajam jang dimasak tjauw: „dari......“

„Ssst!“ kata Ngo-kho dengen soeara pelahan sambil kedipken mata.

Kwe Keng berdiam, tapi hati merasa heran dan girang djoega.

Kadoeanja itoe laloe bersantap dengen amat bernapsoe. Masing-masing sendok nasi maen penoe-penoehan, jang satoe tida kala pada jang laen. Sedeng Kwe Keng poenja rasa heran masi belon linjap, kerna tida abis mengarti, dari mana ini pengikoet dapet ajam masak tjauw, sedeng tadi apa jang ia liat itoe orang toea kasiken, tjoema sajoer koetjai sadja.

Sabelonnja abisan dahar, di laen roewangan kadengeran itoe tetamoe jang tadi riboet kailangan sajoer.

„He, siapatah telah ambil akoe poenja samangkok ajam masak tjauw?“ kata itoe tetamoe dengen soeara keras: siapa soeda masoek ka akoe poenja kamar?“

Itoe perkataan-perkatahan jang kadengeran, Kwe Keng lantas mengarti, bahoewa Ngo-kho soeda tjoeri itoe makanan, dan pantes djoega, waktoe ia maoe tanja, itoe pengikoet membri tanda aken ia berdiam.

Itoe tetamoe jang kailangan ajam masak tjauw masi tinggal riboet achirnja djalan ka loear, di mana kamarnja Kwe Keng moesti diliwatin. Tapi sebab kamar itoe tjoema satoe roewangan jang tida terdingding atawa terpedeng, maka apa ada di sitoe orang bisa dapet liat. Begitoe si tetamoe telah liat djoega toelang-toelangnja ajam di atas medja dan batoe.

Si tetamoe djadi bertjekat dan lantas melongok ka dalem itoe mangkok, dimana ia dapet liat koewanja dan lantas kenalin. bahoewa itoelalı ada masakannja.

„Ah bangsat, soenggoe koerang adjar sekali, kaloe begitoe kaoe soeda makan akoe poenja barang,“ kata itoe tetamoe sambil menoeding.

„He, orang apatah kaoe ini, beg toe koerang adjar brani menoedoe dengen memboeta?“ membentak Kwe Keng. Ngo-kho djoega bangoen berdiri dan memaki, seperti djoega orang jang sasoenggoenja tida bersala.

Itoe tetamoe jang memang ada kenalin mangkoknja, dan djoega masakannja, masatah maoe soeda dengen begitoe sadja, satelah toedoehannja itue dibanta, ia djadi amat goesar dan lantas memaki terlebi keras, hingga dalem tempo sabentaran sadja, dalem itoe waroeng telah penoeh dengen orang, jang maoe liat ada terdjadi perkara apa.

Itoe orang toea jang lagi terserang demem poen djadi ka loear kombali.

„Ada perkara apatah jang membikin kaoe djadi riboet?“ tanja itoe orang jang poenja waroeng.

„Kaoe poenja doea tetamoe jang baroe dateng ini ada bangsat-bangsat, kaoe taoe?“ kata itoe orang sambil menoed ng pada Kwe Keng dan Ngo-kho: „marika telah tjoeri akoe poenja ajam masak tjauw dan gegares itoe dengen enak, dengen tida sekali merasa maloe. Soenggoe akoe baroe mendapet orang jang begini matjem!“

Kwe Keng laloe tjoba membanta, bilang itoe ajam ia telah beli di djalanan, hal ini ditetepken djoega oleh Ngo-kho, jang bilang memang betoel ini ajam kapoenjahannja sendiri, dan bagimana orang brani toedoe begitoe.“

„Dia djoesta! dia djoesta!“ saoet orang jang poenja itoe: „kaloe betoel kaoe ada beli ajam di djalanan, nah oendjoekilah akoe boeloenja, di mana kaoe soeda tjaboet dan potong itoe?“

„Akoe soeda potong ini di kali, dan boeloenja djoega akoe soeda tjaboet dan boewang di soengei,“ begitoe Ngo-kho tjepetin menjaoet, pada sabelonnja Kwe Keng bisa membri djawaban: „apa kaoe kira akoe poenja Siangkong tida mampoe beli saekor ajam?, dan kaoe kenalin siapa adanja akoe poenja Siangkong?“

„Akoe ini moerid dari Liem Tjindjin, kata Kwe Keng dengen tjepet, sambil menoendjoek pada diri sendiri dengen lakoe jang amat sombong, kerna kira, dengen seboet namanja itoe Koksoe, orang nanti djadi takoet: „kaoe taoe siapa adanja itoe Liem Tjin-djin, jaitoe Keizer jang sekarang bertachta di karadjahan Song ampoenja Koksoe sedeng akoe ini ada moeridnja?“

„Dia djoesta! dia djoesta!" kata poela sorang laen: „djoega akoe tida perloe taoe siapa adanja kaoe. Tapi akoe tjoema maoe bilang, jang katerangan itoe tida bisa dipertjaja, kerna tida boleh djadi kaoe soeda potong itoe ajam di kali. Atawa lebi betoel dibilang bahoewa ajam itoe memang ada kapoenjahankoe jang kaoe telah tjoeri, bangsat!„

„Apa, tida boleh djadi?„ saoet Ngo-Kho, jang memang ada pande bitjara dan lantas kasi taoe apa sebabnja itoe ajam ia telah potong di soengei Sebab itoe adalah begini: kerna itoe ajam salaloe maoe terbang sadja, dan ampir-ampir djadi terlepas, maka ia soeda djadi djengkel dan lantas potong di waktoe mandi! kerna ini ajam jang dibeli poen memang ada boeat dimakan, maka mengapatah ia tiada boleh potong.

„Selaennja dibawa tida djadi seraka, djoega sasoedanja dipotong, akoe troesa koeatir nanti djadi terlepas,” kata poela itoe pengikoet: „apa poela di waktoe mandi, akoe liat aer soengei ada begioe bening, hingga gampang dibersiken isih peroetnja. maka djoega sasampenja di sini, ajam itoe soeda tida boeloenja, kerna soeda sadia tinggal dimasak sadja.”

Kwe Keng djadi girang denger pengikoetnja poenja kapandean bitjara. Tapi itoe tetamoe tida djoega maoe mengarti, laloe tanja: mana kakinja, mana kapalanja, dan laen-laen bagian anggotanja. Tapi Ngo-Kho jang pande bitjara, kata: itoe sabagain soeda masak lebi doeloe di laen tempat pembrentian, dan apa jang ada sekarang tjoema satinggalnja sadja.

„Oh, ini orang bangsat besar jang pande bitjara dan bisa omong poeter balik,” kata saorang laen: „liatlah moekanja ada tanda hoeroef ”Djat”, itoe ada menjataken dirinja ada satoe perantean atawa orang hoekoeman jang minggat.”

„Benerlah! benerlah!” kata jang laen-laen dengen soeara riboet.

Adoeken sadja pada politie ledi baek, dari pada kita-orang bereboet omong padanja,” kata temennja itoe tetamoe jang ajamnja tertjoeri. Itoe perkatan jang paling blakang, Ngo-Kho tida bisa banta, kerna memang djoega di moekanja ada tanda tjap dari besi panas, sabagi mana biasanja orang-orang jang dapet hoekoeman bilang taon, moekanja ditjap dengen hoeroef Djat”. dan begitoe djoega itoe tanda jang tida bisa ilang, ada di moekanja.

Sabelonnja orang jang mampoenjai ajam madjoeken dakwahan, koenjoeng-koenjoeng dari rombongan orang banjak jang lagi menonton, laloe dateng saorang moeda jang berkalakoean sopan dan boedi bahasa manis, laloe menanja, perkara apatah jang membikin riboet sampe begini.

Sasoedanja denger apa jang orang kasi taoe, itoe orang moeda laloe kaloearken oewang dan briken itoe pada orang jang poenja ajam, dengen perkatahan manis ia minta soepaja ini perkara dibikin abis sadja.

„Akoe harep ini perkara ketjil tida ditarik pandjang,” kata ia lebi djaoe: „kerna ini doea tetamoe ada orang dari laen tempat, maka kaloe ini perkara moesti tertoentoet, boekantah djadi menjoesaken djoega dirinja?”

Itoe orang trima penggantiannja itoe orang moeda, dan begitoelah perkara lantas djadi beres, hingga Kwe Keng dan Ngo-Kho tida oesah berkenalan pada politie di itoe tempat.

Kwe Keng liat orang itoe poenja kamoerahan hati, ia lantas oetjapken trima kasi dan kamoedian menanja: siapatah adanja sobat ini poenja nama.

„Bolehtah akoe dapet taoe siapa adanja sianseng poenja nama jang terhormat?” menanja Kwe Keng dengen membongkokki badan: „apatah sianseng pendoedoek di ini tempat, tapi kaloe tida sala, kaliatannja seperti orang pelantjongan djoega, boekan?”

„Bener,” saoet itoe orang: „akoe jang renda ini bernama len Boen-ho, jang maoe pergi ka kota Kiankong, pada sala satoe sobatkoe di sana.”

„Oh, kaloe begitoe, sianseng maoe pergi ka itoe kota?” kata Kwe Keng dengen girang: „ja, akoe djoega hendak pergi ka itoe tempat, tapi lantaran terlaloe tjape, maka soeda brenti di sini sabelonnja hari mendjadi sore. — Kaloe begitoe, apa tida baek kaloe besok kita-orang berdjalan sadja sama-sama?"

„Dengen senang hati," saoet orang itoe sambil memanggoet.

„Apatah sianseng taoe, masi brapa djaoe pernahınja kota Kiankong dari ini tempat?“

„Dari sini soeda tida brapa djaoe lagi, hanja tjoema melintasi satoe kali sadja.“

„Oh, kaloe begitoe soeda tida brapa djaoelagi? Itoelah ada baek sekali."

„Bolehtah akoe menanja, sianseng hendak koendjoengi siapa di itoe kota?“

„Ja, tentoe sekali," saoet Kwe Keng sambil bersenjoem, jang kamoedian lantas tjeritaken, bahoewa datengnja ka Kiankong ada dioendang oleh poetranja pembesar di itoe tempat.

Kendati len Boen-ho tida tanja, apa perloenja Swan-wie mengoendang Kwe Keng,toch ini orang sombong dan biasa meninggiken diri, laloe kasi taoe bahoewa ia dioendang, kerna poetranja itoe pembesar hendak bergoeroe dalem berbagi-bagi ilmoe. Lebi djaoe Kwe Keng itoe kata: ia ada moeridnja Liem Tjindin, jang sekarang ada mendjadi Sri Baginda ampoenja Koksoe, dan aen-laen poela obrolan kosong, jang maksoednja sakedar soepaja orang boleh pandang ia tinggi.

Kaloe diliat begitoe, bener-bener Kwe Keng ini boekan sadja orang jang tida taoe maloe, tapi djoega tida kenal mampoes!

Tjoba kaloe laen orang, jang maski bagimana sombong djoega, tentoe soeda djadi kapok dan tatobatan lantaran berkali-kali telah rasaken boeanja ia poenja obrolan. Jang pertama soeda dapet maloe 'di hadepan orang banjak, waktoe mengadoe ilmoe pada Oan Swie. Kadoea, djoega lantaran mengagoengken kapandean dan waktoe ikoet bawa balalentara, ampir ia mampoes di tangannja Lie Eng. Katiga, djoega lantaran itoe kasombongan dan mengakoe ada mempoenjai kasaktian, boekan sadja dapet maloe, malah djiwanja poen ampir linjap di roemanja Tjian Hoangwe.

Tapi Kwe Keng roepanja soeda tida inget itoe semoea, maka sekarang lagi-lagi ia kaloearken itoe pengomongan-pengomongan djoesta dan ka Jakoear tjongkak.

Tapi len Boen-ho tida begitoe tanggap, hanja dengeri sadja apa jang dibilang, tapi tida memoedji atawa menanjaken halnja ilmoe-ilmoe, maka achirnja terpaksa Kwe Keng jang soeda djadi katjapean ngobrol, djadi brenti sendirinja, pada sabelon hari mendjadi malem. Tjoba kaloe laen orang, jang djoega soeka ngomong dan maoe tanjaken ini itoe lebi djaoe, atawa ada pertjaja apa jang dibilang olelinja, tentoelah ia poenja ngebrahoel ada lebi besar lagi.”

Satoe malem telah berlaloe.

Esoknja pagi-pagi len Boen-ho soeda bangoen, sedeng Kwe Keng bersama pengikoetnja poen, pada sasoedanja membajar oewang menginep dan beres jang dibriken kamaren sore, laloe berangkat djalan sambil beromong-omong.

Sasampenja di pinggir kali katiga orang itoe laloe menjebrang dengen praoe, dan waktoe naek ka darat, iaorang telah berada dalam bilangan kota Kiankong.

Ini kota maski tida besar, tapi toch ada rame. Banjak sekali pemandangan jang indah-indah, orang dagang poen ada banjak, djoega kaliatan roema-roema berhala jang dirawat bagoes dan netjis.

Kwe Keng laloe hamperi satoe gredja, dan pada pengoeroesnja ia kenalken diri dengen berbagi-bagi obrol, hingga si pengoeroes jang tida taoe, dan kira apa jang dibilang itoe bener adanja, lantas sadiaken barang makanan dan oendang Kwe Keng bersama kawannja doedoek bersantap.

Boen-ho djoega toeroet bersama-sama.

Sahabisnja santap Kwe Keng laloe kaloearken sedikit perak antjoer dan kasiken itoe pada Ong-Ngo-Kho boeat goena membeli pakean, sebab pakean jang sekarang ada di badsnnja itoe pengikoet, terialoe djelek, hingga ia rasa pantes boeat diadjak ketemoeken Ong Swan-wie jang hendak dikoendjoengken.

Ngo-kho trima itoe, lantas berlaloe. len Boen-ho djoega itoe siang djalan-djalan sakalian serep-serepin roema sobatnja jang maoe di koedjoengi. Sasoedanja dapet keterangan, ia balik kombali ka itoe gredja, tempat di mana Kwe Keng ada menoenggoe.

Tida selang lama Ngo-kho telah komabli dengen membawa satoe stel pakean dan oendjoekki itoe pada si kaparat jang djadi pemadjikan,

„Ja, itoe poen bagoes djoega,“ kata Kwe Keng: besok pagi kaoe boleh pake ini pakean baroe." Ngo-kho manggoetken kapalanja dan lantas berlaloe.

Sorenja dari itoe hari, kombali si pengoeroes gredja sadiaken barang hidangan dan oendang tiga orang itoe doedoek dahar. Di waktoe santap Kwe Keng tida bitjara banjak, kerna taoe jang omongannja itoe tida ditanggap oleh len Boen-ho, sedeng pada itoe pengoeroes jang boleh diobrolken, tida ada toeroet doedoek sama-sama.

Sahabisnja sautap Ngo-kho lantas betoelin tempat tidoer jang itoe pengoeroes gredja oendjoeki boeat djadi kamarnja bertiga Sasoedanja sadijaken djoega tekoan dan tjangkir-tjangkir, pengikoet itoe kaloear kombali.

Itoe sore iaorang tida bitjara banjak. Sasoedanja minoem bebrapa tjangkir thee, Kwe Keng berdoewa Boen-ho tidoer di satoe randjang, sedeng Ngo-Kho di papan jang terales tiker kasar.

Esoknja pagi ini tiga orang hatoerken trima kasi pada pengoeroes dari itoe gredja, jang soeda briken tempat menginep dan makan pertjoema.

Kamoedian Boen-ho membri slamat berpisa pada Kwe Keng, jang sekarang ada menoedjoe ka roemanja Ong Tiauw-ien.

Tida lama kamoedian, sigra djoega iaorang telah sampe ka itoe tempat jang dikoendjoengi, dan pada pengawal pintoe Kwe Keng serahken satoe kaartjis nama bersama soeratnja Tio Liangsih. jang memoedjikem dirinja.

Ong Tiauw-ien tatkala itoe djoestroe lagi herada di roema, satelah itoe pengawal serahken soerat bersama tjap, ia laloe batja lebi doeloe itoe kaartjis nama, jang ia tida sekali merasa kenal

„Kwe Keng?, siapatah Kwe Keng?” berkata Tiauw-ien dengen soeara menggerendang.

Kamoedian ia boeka itoe socrat, jang boenjinja sebagimana pembatja telah taoe. Dan sahabisnja membatja itoe ia djadi girang dan lantas silaken Kwe Keng itoe dateng mengadep.

Tiauw-ien sendiri laloe kaloear menjamboet kamoedian, sasoedanja mendjalanken peradatan dan kahormatan sabagimana biasanja toean roema menjamboet tetamoe, ia prenta orang sadiaken thee di itoe roewangan.

Pada boedjangnja ia prenta sadiaken makanan, boeat oendang Kwe Keng makan minoem dan membri slamat atas kadatengannja.

„Soeda lama akoe ada denger Siansoe poenja nama sabagi orang berilmoe,” kata Ong Tiauw-ien: „soenggoe akoe merasa beroentoeng sekali, jang dari tempat begitoe djaoe siansoe bisa sampe di sini”

„Swanie poenja nama jang moelia dan arif bidjaksana poen ada membikin akoe djadi kenang kenangan, begitoe Kwe Keng bales memoedji; „njatalah itoe poedjian jang orang sering oetjapken, bener adanja. Soenggoe tida sala kaloe orang bilang: ada lebi beroentoeng katemoeken oranguja, dari pada denger sadja namanja.”

Ong Tiauw-ien merasa girang denger dirinja dipoedji saorang moelia dan arif bidjaksana, maka sembari silaken tetamoenja mtnoem thee, ia berkata lagi:

„Dalem ini soerat Gisoe Tio Liang-sih ada memoedjiken Siansoe poenja kapandean jang tinggi, dan akoe harep, sasoędanja ada di sini Siansoe soeka toeroenken roepa-roepa peladjaran jang bergoena bagi saorang moeda seperti akoe, jang memang ada beraoes sekali pada peladjaran.”

„Sabetoelnja akoe sendiri tida ada mempoenjai kapandean begitoe tinggi,” kata Kwe Keng dengen soeara merenda, — tapi toch dengen sobenernja ia tida ada mempoenjai soeatoe kamanpoean, aen dari tingka jang sombong dan tjongkak tapi dengen omong merenda begitoe, ada seperti djoega jang dirinja bener-bener saorang berilmoe: „tapi boeat Swanie poenja boedi katjintahan jang begitoe besar dan manis, jang telah menerima kadatengankoe begini hormat, tentoe sadja sagala apa jang ada dalem dirikoe, akoe nanti kaloearken,„ (Apa jang ada dalem dirinja Kwe Keng, oesoes besar jang berisi ampas makanan, dan itoe brangkali jang maoe dikaloearken?, kaloe benar demikian, lebi doeloe orang moesti tekap idoeng. Letter Zetter).

Begitoelah sambil minoem thee masing-masing kaloearken roepa-roepa omongan merenda, kamoedian ditanjaken hal ini atawa itoe, jang tida lama kamoedian, satoe boedak dateng membri taoe, bahoewa barang makanan telah sadia.

Tiauw-ien laloe oendang tetamoe itoe doedoek berdjamoe.

Meliat kelakoean dan bitjaranja toean roema jang begitoe menghormat, Kwe Keng memoedji dalem hati sendiri, jang Ong Tiauw-ien sasoeng goenja ada saorang moeda jang manis, bener sabagiman katanja Liang-sih dalem ia poenja poedjian.

“Oh, kaloe ini orang moeda bisa djadi akoe poenja Tjoekong, soenggoe beroentoenglah dirikoe ini,„

Sigra djoega kadoeanja itoe telah doedoek hadepi medja. Sembari minoem, kombali liauw-ien menanjaken roepa-roepa hal, sampe pada prihalnja Tio Liang-sih dan bagimana Liang-sih telah beroleh itoe pangkat Gisoe dengen masoep she Tio.

Kwe Keng lantas tjeritaken satoe persatoe, tapi sabagimana kabiasahannja, kombali ia kata: semoea pangkat jang didapet oleh Liang-sih dan anoegrahan dari Sri baginda, ada dari pertoeloengannja. Tjeritaken djoega bagimana sakean lama Tio Liang-sil ada ambil peladjaran padanja, dan boeanja itoe peladjaran adalah pangkat Gisoe jang sekarang itoe pembesar beroleh

Itoe omongan kosong Kwe Keng karang begitoe roepa, hingga maoe atawa tida, terpaksa Ong Tiauw-ien djadi pertjaja, Hingga hatinja ini orang moeda djadi girang, kerna anggap Kwe Keng bener-bener ada saorang berilmoe tinggi.

„Akoe harep Siansoe nanti soeka toeroenken seantero peladjarannja padakoe dengen soenggoe hati,“ kata Tianw-ien: „dan moelai dari tni hari, akoe angkat kaoe djadi goeroe dan jakini sagala peladjaran jang ditoeroesken pada dirikoe.“

„Oh, itoelah tentoe sekali,“ kata Kwe Keng: maski djoega tida diminta, akoe tentoe nanti toeroenin seanteronja, sabagimana tadi akoe telah bilang.“

„Trima kasi boeat Siansoe poenja katjintahan, kata Tiauw-ien sambil membri hormat sabagimana biasanja satoe moerid jang mengangkat goeroe. Dan ini kahormatan laloe dibales oleh Kwe Keng, jang berkata:

„Ah, boeat apatah Swanie djalanken itoe kahormatan, hingga membikin itoe boedi djadi lebi berat boeat akoe sanggoep pikoel,“

Sahabisnja makan minoem, Tiauw-ien kata: sekarang lebi baek tinggal sadja di sini. Kamoedian prenta satoe boedak boeat bersiken itoe gedong ketjil jang berada di taman boenga, sedeng laen boedak diprenta ikoet Kwe Keng pergi ka gredja boeat ambil barang-barangnja, aken dipindaken ka mari.

Bermoela Kwe Keng menampik, ia kata: ia sendiri poen ada poenja pengikoet jang boleh diprenta membawa itoe, djadi boeat apatah bikin soesa boedaknja toean roema. Tapi sabenernja, ia sendiri merasa maloe, lantaran tida ada poenja banjak pakean jang moesti dibawaken oleh itoe boedak.

Sigra djoega Kwe Keng itoe telah berlaloe dan pergi ka gredja tempat semalem ia mengnep.

Satelah sampe, ia dapet liat Boen-ho jang tadi kaloear bersama-sama, soeda berada kombali dalem itoe bio. Maka ia lantas menanja, bagiman dengen itoe sobat jang ditjari.

"Ah, tida beroentoeng,„ kata Boen-ho dengen mengelah napas: „dari tempat djaoe akoe dateng, tapi, itoe sobat jang ditjari roepanja soeda pinda ka laen tempat, hingga ditjari di sana sini, tida djoega dikatemoeken. Tapi bagimanatah dengen sianseng, beroentoengkah?“

„Ja, akoe soeda katemoe pada Ong Swanie,“ kata Kwe Keng dengen roepa girang dan bangga: „poetranja Ong Loya itoe betoel ada saorang moeda jang beradat aloes, berkalakoean sopan dan berboedi bahasa manis, kerna maski poen baroe katemoe, ia soeda oendang akoe makan minoem dan menanjaken banjak hal, sabagi satoe sobat lama jang baroe bertemoe“

Boeat membikin dirinja kaliatan lebi mentereng, Kwe Keng kata, itoe Ong Tiauw-ien ada menghargaken betoel orang-orang jang pande, dimana dirinja telah diangkat djadi Swanie itoe poenja goeroe, Dan sekarang ia disoeroe tinggal dalem satoe gedong moengil di taman boenga, soepaja sembarang waktoe bisa membri peladjaran-peladjaran jang bergoena.

Dan laen-laen poela obrol jang maksoednja tida laen dari pada boeat mengagoengken diri sadja.

„Njatalah sianseng ada lebi beroentoeng dari akoe,„ kata len Boen-ho sambil mengelah napas: „den boeat itoe kaberoentoengan, panteslah akoe hatoerken slamat, dengen harep djoega jang dalem sedikit tempo aken beroleh pahala apa-apa.”

„Akoe hatoerken trima kasi boeat kaoe poenja poedjian,„ kata Kwe Keng dengen girang.

„Tapi mengapa kaoe balik lagi ka mari?“ tanja Boen-ho.

Sebab akoe maoe ambil barang-barangkoe dan adjak djoega akoe poenja pengikoet.“

Boen-ho tida menjaoet lagi, hanja tinggal toendoeki kapala dengen tarik napas seperti orang jang menanggoeng doeka.

Tida lama Ong Ngo-kho soeda bawa itoe boenkoesan badjoe dau berdiri di samping, aken menoenggoe itoe madjikan jang lagi mengomong.

Melijat keadahannja Boen-ho, Kwe Keng inget djoega bagimana ini orang moeda soeda menoeloeng padanja di roema menginep. Tjoba kaloe itoe waktoe tida ada dia, jang lantas damiken dan bajarin harganja itoe ajam jang Ngo-kho tjoeri, tentoe dirinja soeda diserahken pada politie, dan maski belon tentoe dihoekoem, tapi tjape hati dan boewang tempo, itoelah lebi doeloe soeda bisa didoega.

Lantaran menginget begitoe, maka ia merasa kasian djoega pada Boen-ho. Koenjoeng-koenjoeng satoe pikiran lantas timboel dalem hatinja, hendak angkat Boen-ho djadi moerid dan adjak tinggal bersama-sama.

Apatah Kwe Keng poenja kapandean ada lebi tinggi dari Boen-ho, maka ia kapingin diri diangkat mendjadi goeroenja itoe orang. moeda? Tapi kaloe diliat dandanan, kalakoean dan gerak gerakannja, kepandeannja itoe orang moeda tida kala pada si toekang ngobrol.

„Kaloe akoe bisa boedjoek padanja mendjadi moerid,“ kata Kwe Keng dalem hati: „boekan sadja itoe kabaekan jang ia telah oendjoek di roema penginepan, djadi bisa terbajar, hanja padakoe poen ia djadi bebalik beroetang boedi. Laen dari begitoe, kaloe akoe ada mempoenjai doea moerid seperti Ong Tiauw-ien len Boen-ho dirikoe bisa terpandang lebi tinggi di matanja pendoedoek kota Kiankong.”

Sahabisnja berpikir ia berkata:

„Kaloe itoe sobat jang kaoe tjari tida ketemoe, apa tida lebi baek kaloe kaoe tinggal sadja bersama-sama akoe di itoe kebon blakang? Di sitoe akoe rasa ada lebi enak dari pada berdiam di ini gredja.”

„Trima kasi boeat kaoe poenja katjintahan dan tawaran, sianseng,„ kata Boen-ho: lagi pada itoe Ong Swanwie akoe belon pernah beladjar kenal, hingga maski kaoe sendiri soeka adjak, tapi belon tentoe ia maoe trima.”

„Oh, itoelah akoe tanggoeng,„ kata Kwe Keng: „sabagimana baroesan akoe telah bilang, Ong Swanwie itoe ada saorang moeda jang beradat-aloes, berkalakoean hormat dan soeka bergaoelan pada orang-orang berilmoe dan gaga, maka kaloe padakoe jang berilmoe ia maoe boeat goeroe, moestail amat ia tida soeka bertjampoeran pada kaoe, jang ada begini gaga perkasa?”

Boen-ho tida menjaoet, hanja tinggal toendoek sarajah berpikir.

„Akoe harep kaoe tida menampik, sobat, kata poela Kwe Keng.

Boen-ho masi tinggal berdiam. la tida maoe lantas trima tawarannja Kwe Keng, kerna dari itoe kariboetan di roema menginep, ia lantas bisa taoe Kwe Keng dan Ngo-klo ada orang bangsa apa. Tapi kaloe dari itoe tempat ia maoe toeroet berdjalan sama-sama sampe di sini, itoelah ada dari lantaran, sebab ia djoega memang maoe ka mari.

Itoe Ong Tiang-ien, soeda lama ia denger banjak ditjeritaken kabangorannja, sabagimana biasanja anak-anak moeda dari orang-orang jang berpangkat dan ada mendjadi kaoemnja dorna.

Jang soeka permaenken orang poenja anak perawan, istri-istri jang mempoejai soeami dan orang-orang prampoean baek², dengen mengandel sadja pada orang toeanja poenja kabesaran dan pengaroe. Inilah sebabnja jang membikin Boen-ho djadi merasa sangsi.

„Kaloe ditimbang betoel-betoel, memang tida moesti akoe tjampoerken diri pada Kwe Keng dan Ong Tiang-ien,“ kata Boen-ho dalem hati sendiri: „tapi keadahankoe jang sekarang, memaksa boeat akoe trima tawarannja. Kerna sobat jang akoe tiari itoe tida ada, hingga boeat samantara waktoe pada sabelonnja dapet tempat jang lebi baek boeat semboeniken diri, biarlah akoe merenda dan angkat ini orang kaparat mendjadi goeroe, maski kapandeannja padakoe. sabetoelnja belon tentoe akoe ada di sebla bawah.“

Sasoedanja tetep pikir begitoe, Boen-ho laloe oetjapken banjak trima kasi, dengen poera-poera girang ia kata: ia merasa beroentoeng betoel bisa mengangkat Kwe Keng sabagi goeroe. Dan ini omongan membikin si Kwe Keng djadi teramat girang, begitoelah bersama-sama Ngo-kho dan Jen Boen-ho, marika laloe pergi ka gedongnja Ong Swanie.

V

Plesiran di Jantjoeki menimboelken

banjak kagirangan — Doea

prampoean eilok, terbitken

permoesoean.

Pada sabelonija sampe di gedongnja Ong Swanwie, Kwe Keng pesan bagimana Boen-ho haroes mengakoe pada itoe toean roema, kerna pada Tiauw-ien ia niat maoe perkenalken sobat ini sebagi moerid.

Boen-ho manggoetken kapala, menjataken ia nanti toeroet sagala apa jang ini goeroe bangpak pesen.

Sigra djoega ia telali sampe di itoe gedong, dan Tiauw-ien jang telah denger goeroenja telah balik, lantas boeroe-boeroe kaloear menjamboet.

Di sitoe Kwe Keng lantas perkenalken sobatnja ini pada toean roema, dengen membilang, orang moeda ini ada len Boen-ho, jang memang soeda lama ada mendjadi moeridnja, hingga Ong Tiauw-ien jang mendenger itoe, djadi amat girang, sebab liat itoe soedara sapergoeroean, ada berparas tjakep dan gaga.

„Inilah adanja Ong Swanwie, moeridkoe,” kata Kwe Keng pada Boen-ho: „saorang moeda jang boediman, bangsawan dan dermawan, jang namanja sakean lama banjak dikenang-kenangken, dan sekarang beroentoeng kaoe djoega bisa bertemoe.

Boen-ho mendjoera dengen hormat, jang lantas disamboet oleh Tiauw-ien dan disilaken masoek. Kamoedian ini toean roema laloe anter goeroenja ka kebon boenga di blakang, dimana ada satoe gedong ketjil, jang sedeng betoel boeat ditinggal oleh tiga orang.

Kwe Keng djadi amat girang meliat itoe tempat. Demikianlah sedari ia tinggal di kota Kian-kong, kaparat ini rasaken ada lebi banjak senang dan beroentoeng, sedeng Ngo-kho, bekerdja teroes salakoe soeroe-soeroehannja Kwe Keng, tapi Boen-ho ambil pakerdjahan djadi pelajannja Ong Tiauw-ien.

Pakerdjahan jang dioeroes oleh Boen-ho itoe ada begitoe rapi dan menjenangken, hingga Tiauw-ien bjadi soeka dan sajang betoel, maka lama-lama dirinja telah dapet djoega kapertjajahan.

Begitoelah sadari iaorang tinggal di sini, saminggoe doea-tiga kali Kwe Keng adjarken ilmoe-ilmoe jang masi ada katinggalan padanja, tapi jang diadjarken itoe kabanjakan Tiauw-ien sendiri, kerna Boen-ho tjoema namanja sadja moerid, dan ia ada lebi perloeken oeroes pakerdjahan jang mendjadi kawadjibannja, dari pada bergoeroe pada si kaparat jang banjak kali telah dipetjoendangin orang.

Pakerdjahan jang Boen-ho lakoeken itoe, boekan sadja menjenangken hatinja itoe Swanwie, hanja semoea orang saisih roema poen ada merasa soeka padanja, kerna salaen bisa merenda dan manis boedi bahasa, djoega amat radjin.

Kaloe tida ada kerdjahan, Boen-ho djarang sekali kaloear melantjong atawa djalan-djalan, sabagimana laen-laen orang jang bekerdja di itoe gedong, sering tjari kasenangan hati. Dalem sagala waktoe Boen-ho tida loepa berhati-hati boeat mendjaga diri.

Mengapatah ia moesti berhati-hati? Siapatah sabenernja ini Ien Boen-ho?

Ia poen boekan laen dari pada Gak Ho. Sedeng nama-nama Ien Boen-ho sakedar dipergoenaken boeat menjamar.

Sabagimana di bagian kasatoe pembatja telah taoe, bahoewa Gak Ho itoe soeda lari dari gedongnja Ong Hoema, jang sampe sekarang masi ditjari teroes, dan lantaran koeatir katangkep, maka dalem perdjalanan boeron itoe ia tida brani seboetken nama sadjatinja,

Jang mendjadi lantaran boeronnja ini orang gaga, kerna ia poen soeda denger bagimana Soen Liep, jang mendjadi Tjihoenja, ada terbitken kariboetan di kota Tengtjioe. Kendati kariboetan itoe tida berhoeboeng padanja dan sekali-kali ia tida taoe atawa tjampoer, tapi lantaran ada terhoeboeng familie, toch ia koeatir nanti terembet djoega.

Doegahan ini poen ada dengen sabenernja. Kerna tjobalah kaloe ia tida kaboeroe lari, tentoe soeda lama dirinja tertangkep

Tapi sabelonnja bahaja besar itoe dateng menimpa, Gak Ho jang ada bergelar Thiatkiauwtjoe, lantas singkirken diri ka laen tempat. Dalem perdjalanannja ini tida ada soeatoe halangan atawa sangkoetan jang memberati, kerna istrinja soeda lama meninggal doenia. Dengen itoe nama samaran ia berdjalan teroes, dan boeat samentara waktoe ia inget pada Lioe Pwe-tong, sala satoe sobat baek jang tinggal di kota Kiankong.

Tapi sasampenja di ini kota, Lioe Pwe-tong jang ditjari itoe tida ada, hingga terpaksa ia moesti trima tawarannja Kwe Keng dan tinggal dalem gedongnja Ong Tiauw-ien sabagi djoeroe pelajan.

Demikianlah orang gaga ini poenja riwajat dan asal-oesoel jang sebenernja. Maka djoega, di waktoe sempet atawa menganggoer, ia djarang sekali kaloear, kerna selempang ada orang kenalin. Tapi, kendati soeda tinggal di ini gedong, ia tida loepa boeat denger-denger kabar di mana adanja ia poenja sobat-sobat, dan kaloe soeda taoe pasti kawannja poenja tempat tinggal, tentoe djoega ia lantas tinggalken ini gedong dan pergi samperi itoe kawan.

Djoega Gak Ho masi belon taoe, kaloe wie Siauw-tjhit bersama sakalian orang-orang gaga, antara mana ada teritoeng djoega itoe Tjihoe Soen Liep, soeda ada di goenoeng Tenghoensan.

Tjoba kaloe siang-siang ia dapet, taoe, moestail amat ini Thiatkiauwijoe jang gaga perkasa maoe djadi pelajannja Ong Tiauw-ien.

Tentang katjilakahan jang didapet oleh Touw Hin, berhoeboeng dengen soerat jang Soen Liep kirim padanja, ia belon dapet taoe. Djoega soldadoe negri jang soeda menjerang orang-orang gaga di Iemmatjwan, ia belon denger.

·

Liwatnja hari ada begitoe tjepet, tida lama soeda boelan Tjapdjigwe, dimana orang aken rajahken taon baroe.

Itoe waktoe, boekan sadja Kwe Keng, hanja Gak Ho poen, jang masi terkenal dengen nama Ien Boen-ho, oleh Tiauw-ien ada dibeliken pakean dan laen-laen barang kaperloean boeat sahari-hari. Sabaliknja Ngo-kho, oleh Kwe Keng tida diloepaken, hingga itoe orang hoekoeman sekarang toeroet djoega merasaken kesenangan.

Sahabisnja taon baroe, sigra djoega dateng boelan Tjhingbing.

Boeat samboet datengnja perajahan Tjhingbing, sadari djaoe-djaoe hari Tiauw-ien soeda sadiaken roepa-roepa barang kaperloean boeat plesir, dan menoeroet katanja, ini taon poenja Tjhingbing ia maoe bikin ongkos lebi rojal dari taon² jang soeda. Boleh djadi hendak membanggaken pada goeroenja, maka ia maoe kasi oendjoek itoe karojalan.

Biasanja plesiran itoe dibikin di Jantjoeki, jaitoe satoe tempat jang terdiri dari batoe dan bangoennja seperti boeroeng Jan. Itoe Jantjoeki berada di tenga-tenga kali, dan pada harian Tjhingbing, banjak sekali orang jang dateng ka itoe tempat aken djalan-djalan dan poewasken pemandangan mata.

Sigra djoega hari jang ditoenggoe itoe telah sampe. Dan itoe pagi dari harian Tjhinbing, boekan sedikit djoemblanja pendoedoek di kota Kiankong jang mengoendjoengi Jantjoeki, jaitoe orang-orang lelaki dan prampoean' toea moeda, ketjil besar, dari deradjat jang paling renda sampe jang hartawan dan berpangkat, semoea ada dateng bersenang-senang di itoe tempat dengen memake pakean baroe dan bagoes, jang satoe poenja pakean dan dandanan, tida kala bagoesnja dari jang laen. Teroetama orang-orang hartawan dan anak-anak perawan, wah, semoea riasken diri betoel-betoel, hingga seperti djoega, hendak dapetken prijs dari katjantikannja.

Pembatja bisa doega sendiri, kaloe tempat-tempat di mana ada banjak orang-orang prampoean dan anak perawan, tentoelah djoemblanja orang-orang lelaki, djedjaka-djedjaka, teroetama pamoeda idoeng poeti, idoeng mera dan belentong, dari segala sarang, podjok atawa ploksok, pada kaloear dan dateng di sini.

Demikian poen soeda terdjadi pada itoe hari Tjhingbing di tempat terseboet, Tiauw-ien bersama Kwe Keng dan Gak Ho, jang mengadjak bebrapa pengikoet, sadari pagi telah sampe dan laloe prenta orangnja berdiriken tenda boeat djadi tempatnja plesir makan minoem, sembari memandang konde-konde jang litjin, pipi eilok dan idoeng bangir jang lagi berdjalan-djalan dengen satoeroenja.

Nona-nona dan njonja-njonja jang berpakean mentereng dan berbaoe haroem berdjalan ka sana sini sambil memandang dengen girang. Sabagimana orang-orang lelaki jang ngora, marika poen ada mempoenjai djoega itoe hati dan mata boeat memandang si djedjaka jang tjakep dan gaga perkasa.

Saban-saban Tiauw-ien angkat tjawannja dan silaken goeroenja minoem. Dan baroe sadja gelas itoe kering, sigra djoega ditoewangken kombali.

Kwe Keng kaliatan girang betoel, Di itoe waktoe, laganja ini kaparat ada sabagi tjatjing jang kena aboe. Kerna menengok ka sana ada si konde litjin jang tersimpoel kembang, pandang ka mari ada si pinggang langsing jang lentik dan lemah lemboet. Adoe!, adoe!, hatinja Kwe Keng Liong soeda merasa dat-dit-doet seperti dikedoet, hingga laganja jang tengik dan menta poen soeda lantas kaloear.

la liat ka depan, ada banjak sekali anak-anak perawan jang tjantik dan eilok; satelah menoleh ka blakang, kombali terliat koempoelan njonja-njonja moeda dan gadis-gadis jang manis dan geulis, Wadoe!, wadoe, ini kali Kwe Keng Liong tida bisa tahan lagi ilernja jang mengatja, dara jang mengalir di oerat-oerat sendi djadi menggeremeng sabagi djalannja semoet gatel. Hatinja berdebar dan kadoea matanja jang sipit, ditoedjoeken betoel-betoel dengen tida berkesip.

„Toewang Allah, toewang ampoeng!....“ kata Kwe Keng itoe dalem hati: „soenggoe kota Kiankong ini sorga bener-bener; sedari akoe ketjil, ja malah sedari akoe ditêtêsin, akoe belon pernah liat mét begini banjak seperti di ini tempat,“ Ah, dasar si dogol. Masatah orang poenja nona-nona, orang poenja anak perawan dan Tjiankim siotjia, dikataken mét?, itoe toch dogol bener,

Sedeng hati ada memoedji-moedji, tangan tida brentinja menepok nepok menandaken kagirangan besar.

Gelas-gelas jang telah kosong laloe ditoewang kombali.

Boeat menambaken kaplesiranja, Gak Ho jang ada mempoenjai kapandean dalem ilmoe moesik, laloe kaloearken soelingnja dan moelai tioep itoe, hingga soearanja soeda membikin terkedjoet sekalian orang-orang lelaki dan prampoean jang lagi berseliwer di sakiternja itoe tempat. Semoea orang pada menengok dan memandang ka tendanja Ong Tiauw-ien dengen kagoem, kerna soearanja itoe soeling jang merdoe, betoel-betoel bisa membikin orang djadi ilang semanget. Dalem sabegitoe banjak mata, tida ada satoe orang jang tida memandang padanja dengen memoedji.

Tiauw-ien dan Kwn Keng poen djadi amat girang, hingga lebi doeloe marika tida doega, kaloe Ini orang moeda ada mempoenjai itoe kapandean jang tinggi dalem ilmoe menjoeling. Maka sabagi poedjian atas kapandeannja itoe ini Swanwie laloe toewangken satoe gelas arak boewat membri slamat; Begitoe segelas dengen segelas telah diminoem kering, hingga dengen tida merasa lagi, alcohol telah moelai berdansa di otak. Dan Kwe Keng jang soeda moelai sinting djadi loepa pada dirinja, sambil berdjingkaak-djingkrak ia menoendjoek ka satoe djoeroesan sambil berkata dengen soeara gerogokan:

„Hola, hola, itoelah bener-bener baroe bidadari!“

Tiauw-ien dan pengikoetnja lantas pada menengok ka tempat jang dioendjoek, sedeng Gak Ho jang lagi menjoeling poen, balikken lehernja, tapi soeling itoe masi teroes tertioep.

„Liat! liat itoe bidadari jang tjantik lagi sedeng ka mari,“ kata poela itoe goeroe bangpak jang sembari menoendjoek-noendjoek dengen girang: „hola! hola! eilok soenggoe dia itoe.“

Tiauw-ien dan Gak Ho djadi menengok meliat kalakoeannja Kwe Keng itoe. Betoel sadja di tempat jang dioendjoek, ada kaliatan doea orang prampoean jang lagi mendatengi, dengen teriring oleh saorang moeda jang beroesia kira-kira anam atawa toedjoebelas taon, dan bebrapa boedak ada mengikoeti di blakangnja.

Satoe di antaranja ada beroemoer kira-kira ampir tigapoeloe, tapi toch parasnja masi tinggal eilok; sedeng jang satoenja baroe beroemoer doeapoeloe satoe atawa doeapoeloe doea taon. Marika lagi mendatengi ka Jantjoeki dengen tindakan-tindakan aloes dan lemes, dari pakean dan gerak-gerakannja, ada membri kanjatahan bahoewa marika itoe ada orang-orang prampoean bangsawan.

Parasnja itoe njonja jang beroemoer toeahan, ada sabagi kembang jang soeda megar, sedeng jang moedahan ada sabagi boenga jang masi koentjoep. Doea-doea amat tjantik dan eilok, hingga membikin kagoem bagi siapa jang liat.

Ong Tiauw-ien jang memang amat genit dan soeka sekali pada paras tjantik, tida poewas kaloe tjoema memandang begitoe sadja, hanja laloe mengimplang sambil angkat sebla tangan aken tedengin alisnja, soepaja djangan silo da bisa terliat lebi njata.

Kwe Keng jang liat begitoe, lantas dapet doega, bahoewa itoe moerid tentoe ada katarik hati. Maka ia jang djoega memang gila basa, lantas sadja panggil Ngo-kho aken diprenta tjari taoe siapa adanja itoe doea njonja tjantik.

Gak Ho jang denger itoe perkatahan, lantas brentiken soelingnja dan boeroe-boeroe menjega, sambil berkata:

„Ah, boeat apatah kita tjari taoe orang poenja familie, kerna itoe toch tida ada perloenja, boekan?“

„Oh, kaoe tida taoe, moeridkoe,“ kata si parat sambil tertawa: „kaloe akoe prenta: Ngokho tjari taoe, tentoe ada maksoednja."

„Tapi itoe tida baek," kata poela Gak Ho jang merasa tida satoedjoe: „sebab kaloe itoe orang moeda jang mengiringken dapet taoe kita poenja kalakoean, tentoe bisa menerbitken rasa-rasa koerang senang."

„Ah, perdoeli apa ja koerang senang," kata Kwe Keng dengen membandel, apapoela liat Tiauw-ien tinggal berdiam sadja, seperti ada moefakat dengen perboeatannja jang tjeriwis itoe, hingga kalakoeannja jang memang tịeriwis, djadi lebi diadi lagi.

„Hajoe lekas pergi tjari taoe siapa adanja itoe doewa orang prampoean mauis," kata poela ia dengen soeara memerenta.

Tapi Cak Ho jang memang saorang sopan dagaga perkasa, tida soeka meliat pada perboetan-perboeatan tida patoet, tetep menjega dan tjela kerna atas kalakoeannja Kwe Keng itoe. Ong Tiauw-ien jang denger tjelahannja itoe pelajan ada dengen alesan pautas, djadi berdiam sadja. Tida bilang bener atawa sala.

Ngo-kho jang meliat itoe Swanwie tida berkata apa-apa, djadi bingoeng dan tinggal berdiri sabagi patoeng.

Kwe Keng merasa tida senang betoel jang kahendaknja soeda dibanta oleh itoe noerid, Maka dengen tida mengaloearken satoe perkatahan, ia laloe berbangkit denge moeka merengoet dan laloe pergi ka itoe djoeroesan dimana si njonja tjntik berada.

Orang begitoe banjak, sateialı ia sampe di sitoe, Kwe Keng tida dapet liat lagi itoe Bidjin (prampoean eilok), maka dengen mendongkol ia lantas menoedjoe ka pinggir kali, kerna doega. njonja tjantik itoe teitoe belon berdjalan djaoe.

Betoel sadja sasampenja di sitoe ia liat itoe doea njonja lagi toeroen praoe bersama sakalian pengikoetnja. Kwe Keng berdiri dari pinggiran sambil mengawasi, dan pandang djoega moekanja si toekang praoe, seperti orang jang hendak kenalin betoel-betoel boeat ditanja dan serep-serepin.

Sigra djoega praoe itoe telah tertoelak, jang Namingkin ka tenga, hingga Kwe Keng djadi melongo-longo, seperti orang jang soemangetnja kena ditarik oleh itoe paras tjantik.

„Soenggoe manis! manis betoel!" kata ia sambil balik kombali ka Jantjoeki.

„Bagimana, apa kabar? tanja Tiauw-ien, waktoe itoe goeroe kaparat soeda balik kombali.

„Akoe maoe tanja, tapi tida kaboeroe," djawabnja.

„Kenapa tida kaboeroe?"

„Sebab ia soeda toeroen praoe." „Oh iaorang berkandaran?"

Ja, tapi akoe kenalin toekang praoenja."

Gak Ho tida tjampoer bitjara, waktoe Kwe Keng dan Tiauw-ien, berosnong-omong, denger poen ampir ia tida kasoedian. Dari itoe kalakoean, ini orang gaga lantas dapet kenjatahan jang tjoekoep bahoewa orang apa adanja itoe goeroe.

Tapi apa-boleh-hoeat, ia tida brani njataken dengen teroes terang rasa koerang senangnja, kerna menginget berhoeboeng dengen keadakannja ia poenja diri di ini waktoe.

Pesta dilandjoetken lebi djaoe.

Gah Ho poen tioep kombali soeingnja. Kwe Keng dan Tiauw-ien minoem teroes berganti-ganti, hingga sampe sore, baroelah perdjamoean itoe ditoetoep. Ngo-kho lalaoe bena-benaken itoe barang perabot, kamoedian satoe pengikoet pikoel itoe bawa poelang. Tida lama iaorang soeda berada kombali di gedongnja Ong Swanwie, jang tatkala itoe, seantero roewangan soeda dipasangin api.

Tapi sebab tadi di Jantjoeki marika mimoem banjak, maka sasampenja di roema Kwe Keng dan moeridnja tida bisa minoen lagi hanja sasoeda bersiken badan dau toekar pakean, masing- masing laloe masoek ka kamarija masing-masing.

Kwe Keng maski soeda jpoesing, tapi hatinja masi inget sadja pada itoe doea njonja dan memoedji dalem hati sèndiri tida abisnja.

„Ah soenggoe tjantik betoel itoe sapasang kembang, kaloe akoe bisa dapet padanja, maski boleh mati sekali poen, akoe tentoe tida ogah,“ kata ia sendiri-diri sambil taro kapala di atas bantal jang tersoesoen tinggi.

„Sataoe siapa poenja anak bini itoe,“ kata poela ia sambil meremken mata.

Tapi dengen merem begitoe ia djadi seperti meliat itoe sepasang Bidji, jang dịadi berbajang-bajang kombali depan matanja. Itoe djanggoet jang tiroes dan roengi, itoe idoeng jang bangir dan bibir jang mera dalima, semoea djadi kaliatan lebi njata, lebi tedas. Lenggangnja jang lema lemboet dan tindakannja jang aloes, semoea djadi tergambar, dan berbareng itoe, hatinja nerasa berdebar keras.

Tapi waktoe matanja melek konbali, itoe paras jang eilok lantas terlinjap, tapi kaloe ia merem, lantas seperti kaliatan kombali.

Dan lantaran amat soeka memandang itoe paras jang tjantik, maka. kombali ia meremin lagi kadoea mata sampe sakoetika lama.

Brapa lama ia telah nerem begitoe, itoelah tjoema Kwe Keng sendiri jaing taoe. Sampe koenjoeng-koenjoeng pintoe kamar terboeka, dan waktoe ia menengok, kaliatan itoe doea Bidjin jang tadi ada di hadepannja.

Kwe Keng jang memang lagi pikirin tida bisa soeda, dịadi aat girang dan lantas sadja berbangkit dari tempatnja doedoek, sámbil membri hormat.

Itoe njonja jang toealian tinggal berdiri sambil bersenjoem-senjoem, sedeng jang moedahan ada melirik sambil bermesem. Kwe Keng merasa itoe waktoe daranja djadi mandek dengen koenjoeng-koenjoeng. Dengen lakoe biugoeng-bingoeng, tapi ada merasa enak, ia laloe angkatin korsi boeat itoe doea iona manis.

Njouja itoe lantas berdoedoek di sampingnja, sedeng Kwe Keng lantas sedja bertoetoet dan pegangi orang poenja tangaın sanıbil berkata:

„Oh, dịanganlah Hoedjin djadi goesar, jang akoe soeda tida menjamboet terlebi siang, sebab tida taoe jang Hoedjin berdoea Siotjia naoe ka mari"

„Boeat apa bikin Siansoe banjak soesa,“ kata itoe. njonja sambil bersenjoem: "djoestroes lantaran tida maoe ada orang dapet taoe kadatengankoe berdoea, maka akoe toenggoe sasoedanja hari mendjadi malem.

„Soenggoe akoe ini beroentoeng betoel," kata Kwe Keng sambil manggoet-nanggoet: „tida taoe angin apa jang telah bawa kaoe berdoewa ka mari, njonja eilok dan nona tjantik, jang djoestroe akoe lagi pikiran tida bisa soeda?"

Itoe njonja dan Ona tida menjaoet, tapi dari senjoemnja ada menjataken bagimana hatinja ada amat girang dengen ini pertemoean rasia.

„Tapi, tapi," kata Kwe Keng dengen, soeara terpoetoes-poetoes: „bagimana, kaoe bisa taoe, bagimana kaoe bisa taoe akoe tinggal di sini, sedeng tadi akoe belon sempet menanjaken atawa membri taoe nama sendiri ?"

„Moestail amat Siansoe poenja nama jang termasoehoer akoe tida kenal,“ kata itoe njonja sembari silaken ia bangoen: „boekantah kaoe ada moeridnja Liem Tjindjin, Sri Baginda jang sekarang poenja Koksoe ?".

„Bener! Benerlah!" saoet Kwe Keng itoe dengen girang:„oh, kaloe begitoe kaoe kenal djoega akoe poenja goeroe ?" Kadoea Bidjin itve memanggoet.

Kwe Keng poenja hati djadi samingin berdebar. la menengok ka kiri dan meliat ka kanan, tapi di.sana sini ada kaliatan soenji, hingga birahinja djadi berkobar, dan itoe. waktoe, dengen amat tịeriwis, iantas sadja ia pegang tangannja itoe nona jang noedahan, dengen maksoed maoe ditjioem.

Tapi sabelon idoengnja menempel di pipi, itoe njonja jang toeahan soeda toelak dengen tangannja jang aloes, sambil berkata dengen soeara keras: „Lelaki koerang adjar!"

Kwe Keng ditoelak begitoe keras djadi kadjengkang, dan lantas djato di afas djoebin sambil bertreak:

„Ampoen!..............ampoen!.........."

................................................................................................

Kwe Keng boeka kadoea matanja matanja dengen kaget, tapi ia merasa amat heran satelah dapet taoe jang dirinja itoe ada di atas randjang.

Boeroeng-boeroeng jang biasa berboenji waktoe pagi di atas papoehoenan, soeda kadengeran rame. Di roema blakang ada terdenger soearanja boedak-boedak jang menimba dan menjapoe, sedeng sinar terang soedamoelai kaliatan dari lobang-lobang djendela kamarnja.

Hawa ada dirasaken sedjoek sekali.

Lama djoega Kwe Keng memandang ka djoeroesan djendela, dengen tida berkata-kata. Hatinja masi berdebar-debar, nenginget pertemoeannja jang baroesan pada itee doea Bidjin.

„Kaloe begitoe akoe mengimpi ?" kata ia dengen soeara pelahan.

„Ai, ai, akoe mengimpi ?" kata poela ia: tapi akoe liat betoel padanja dan denger terang sasoeatoe perkatalhan jang daoetjapken ?"

Si kaparat masi tida pertjaja jang kaloe itoesemoea ada dalem impian belakah. Maski poen soeda mendoesin, toeh ia masi tjoba inget-inget apa jang terdjadi baroesat.

Dale hatinja merasa menjesel, mengapa ia begitoe terboeroe napsoe boeat lantas nienjioem dengen zonder perkenannja itoe Bidjin lagi. Tjoba kaloe ia berlakoe. letbi aloes, brangkali dalem itoe impian ia bisa dapet menjijoem lebi baujak, atawa boleh djadi djoega itoe doea njonja tjantik nanti toeroet dịoega sagala kalendaknja.

Begitoelah ia berpikir dan beringet-inget bagi orang gila.

„Ah, sajang sekali, sabelounja akoe, menania di mana ia tinggal dan siapa namanja, akoe soeda kaboeroe tersedar, kata ia sambil menoemboek kapala sendiri: „mengapa akoe boleh djadi loepa hoeat menanja ini itoe, boekantah kamaren di Jantjoeki akoe paranin dengen maksoed boeat tjari taoe namanja?

Berkata sampe di sini, ia djadi inget pada Gak Ho, bagintana kamaren telah menjega ia poenja maksoed, bingga Ngo-kho jang soeda diprenta, djadi moendoer madjoe dan tida maoe lantas toeeoet prentanja.

Tịoba kaloe Gok Ho tida melarang, tentoe lebi siang Ngo-kho soeda pergi dan tentoelah namanja Bidjin itoe ia soeda taoe. Menginget hal jang kamaren itoe, Kwe Keng djadi mendongkol pada Gak Ho, jang dikata mendjadi lantaran, sampe ia tida taoe siapa namanja itoe nona eilok.

„Akoe tida doega itoe lein Boen-ho brani menjega akoe poenja maksoed," kata ia dengen gergetan:boekanta akoe ini ada sabagi goeroe, masatah satoe goeroe brani ditjega kahendaknja oleh si noerid ? Betoel! betoel-betoel koerang adjar sekali itoe Boen-ho, ia loepa bagimana akoe tolah menoeloeng dan adjak ia tinggal di sini.“

Itoe waktoe ia tida bisa poeles lagi, terpaksa lantas bangoen dengen hati merasa amat tida enak. Roepa-roepa pikiran djadi mengadoek dalem otaknja, pertama: kerna itoe impian, jang membikin hatinja dịadi samingkin inget sadja pada itoe njonja dan nona tjantik, jang amat kapingin bisa didapetken.

Kadoea: mendongkol pada Gak Ho, jang lantaran jtoe sampe ia tida taoe siapa namanja itoe Bidjin. la poenja maoe, kendati tida lantas dapet, tapi kaloe soeda taoe siapå namanja dan dimana tempat tinggaluja, tarolah tida begitoe soesa boeat satronin.

Sasoedanja berdoedoek sakean lama di korsi deket tepi pembaringan, baroelah ia tjoetji moeka dan kannoedian boeka pintoe, di mana Ngokho baroe dateng membawa thee.

„Oh, kabetoelan sekali," kata Kwe Keng: „apa kaoe inget jang kemaren di Jantjoeki, Ngo-kho?" „Hal apatah?„ tanja itoe pengikoet.

„Halnja itoe Bidjin?"

„Ja, itoe doea prampoea soenggoe eilok sekali. Akoe belo! pernah liat orang jang begitoe tjantik dan manis."

„Kapalamoe bedjat!" kata Kwe Keng dengen soeara menjentak.

Ngo-kho dịadi terkedjoet, kerna tida mengarti mengapa ia dimaki lantaran nnemoedji itoe prampoean tjantik. Maka ia laloe berdijasn sembil mengawasi.

„Kaloe kaoe taoe itoe Bidjin ada amat tjantik, kenapa kaoe tida anaoe lantas lakoeken akoe poenja prenta?" kata Kwe Keng jang belon ilang mendongkolnja: ,hanja tinggal berdiri djoeblak- djoeblek?"

„Prenta apatah jang akoe tida lakoeken ?" kata itoe pengikoet dengen herat.

„Bantong! Apa kaoe loepa akoe soeroe tjari taoe siapa adanja marika itoe ?"

„Oh, ja, tapi........."

„Soeda! soeda!......... troesa seboet lagi perkara jang kemaren, hanja sekarang kaoe moesti pergi tyari taoe. Kaloe ini prenta kaoe bikin gagal, hm! hati-hati ja ?"

Ngo-kho mengarti, jang iui kali Kwe Keng maoe soeroe ia dapeiken djoega itoe katerangan jang di-ingin, dan boeat bisa menjenangken hatinja si kaparat jang telal menoeloeng padanja, maka Ngo-kho soeda lantas sanggoepin, dan kamoedian lantas berlaloe.

Waktoe Ngo-kho ka loear Kwe Keng tinggal berdoe doek dalem kamar sambil minoem thee dengen hati berpikir:

Sabelonnja matahari naek tinggi. Ngo-kho telah konbali dan dapetken Kwe Keng imasi berada dalem kanarnja, lagi moenga-mangoe.

„Bagimana ? tarnja Kwe Keng pada itoe pengikoet:„soedatah kaoe dapetken itoe katerangan jang akoe prenta ?"

„Soeda, tapi brangkali tida lengkap," saoetnja.

„He, bagimana begitoe ?"

„Tapi maskipoen tida tjoekoep, akoe kira ada perloe djoega boeat dikatahoei."

Kwe Keng tida sabaran denger bitjaranja Ngo-kho jang dikaloearken satoe-satve, hanja denegin soeara nenbentak, lantas ia prenta toetoerken, bagimana adanja itoe keterangan.

Ngo-kho laloe kasi taoe, balhoewa sakloearnja dari sini ia soeda lantas pergi ka kota. Dengen banjak soesa, baroelah ia dapetken orang jang maoe bijara dan ada kenal pada itoe doea Bi-djin:

„Itoe Hoedjin ada koelawarganja saorang bangsawan di ini kota Kiankong," kata Ngo-kho lebi djaoe: ,„ia ada mendjadi istrinja saorang she Hwa, dan tinggal di kampoeng lehwahay, jang pernahnja dari sini tida sabrapa djaoe."

„Begitoe sadja ?" tanja Kwe Keng.

„Ja, saoet Ngo-kho.

„Dan kaoe tida tjari taoe siapa adanja itoe toekang praoe ?"

„Oh, ja, itoe toekang praoe ada bertempat di Tjoesemoey, jang djoega ada dalem ini bilangan."

„Dari siapa kaoe soeda dapet ini keterangan ?"

„Boekan laen dari itoe toekang praoe djoega."

„Baeklah," kata Kwe Keng dengen merasa enak di hati.

Kamoedian dengen membri sedikit persen, Ngo-kho. itoe. lantas berlaloe.

Tapi sebelonnja itoe pengikoet bertindak djaoe, Kwe Keng lantas panggil kombali. Dengen soeara berbisik ia berkata:

„Toenggoe sabentaran. Sahabisnja santap kaloear kombali bersama akoe, kerna itoe katerangan jag kaoe dapet baroesan, masi koerang sampoerna."

Ngo-kho menoeroet prenta sambil memanggoet.

Tida lama satoe boedak dateng bawaken barang-barang makanan, jang lantas sadja didahar oleh si kaparat dengen terboeroe-boeroe, kerna hatinja itoe waktoe. soeda tida inget laen dari pada itoe njonja eilok sadja.

Kamoedian ia toekar pakean, dan di loear taoenja Ong Tiauw-ien dan Gak Ho, Kwe Keng laloe kaloear dari godongnja Swanwie, menoedjoe ka kota.

„Kita moesti ambil djalanan di manatah kaloe maoe pergi ka lehwahay ?" tanja Kwe Keng pada pengikoet itoe.

„Moesti liwati djembatan Tongtjiakkio," saoet Ngo-kho.

Sambil berkata begitoe, Ngo-kho menoedjoek ka satoe djoeroesan.

Kwe Keng tida menanja lagi, hanja berdjalan sadja sambil memandang poehoen-poelioen, batoe-batoe dan sabaginja jang berada di sapai djang djalanan. Kerna bagoesnja penandangan laam jang tertampak di sana sini, maka Kwe Keng tida merasa tjape, kendati djoega soeda berdjalan djaoe djoega.

Achirnja iaorang telah sampe di satoe rimba ketjil. Poehoen-poehoen di sitoe kaliatan berdaon idjo dan segar. Soearanja boeroeng ada kadengeran rame di atas papoehoenan, jang lagi sedeng menjanjt memoedjiken Toehan.

Kerna katarik hati dengen itoe pemandangan, maka Kwe Keng tida menengok laen dari pada ka itoe djoeroesan rimba sadja. Maka koenjoeng-koenjoeng ia djadi terkedjoet, waktoe dapet liat dari samping poehoen besar ada kaloear saorang moeda jang berpakean perlente.

la kenalin bahoewa djedjaka itoe boekan laen dari pada jang kemaren berdjalan sama-sama dengen itoe Bidjin.

Ini djedjaka maski baroe beroemoer bebrapa belas, tapi roepanja gaga perkasa. Dari pakeannja jang serba soetra, ada menjataken bahoewa ia ada saorang bangsawan.

la djalan di itoe rimba dengen membawa boesoe dan gandewa, njatalah ia baroe abis memana atawa lagi maoe mémata.

„Tapi ia berdjalan sendiri sadja dengen tida bawa pengikoet," kata Kwe Keng dalem hati sendiri.

Sambii mengawasi itoe orang moeda, Kwe Keng lantas dapet pikiran, ada lebi baek kaloe ia tanja padanja, tentoelah ini djedjaka bisa kasi katerangan siapa adanja itoe Bidjin jang hatinja ada gilain. Tapi ia loepa, bahoewa kaloe orang gaga ini ada bersamah pada itoe njonja eilok, dirinja boleh digoesarin.

Sasoedanja tetep pikir begitoe, Kwe Keng laloe menghampirken sambil angkat kadoea tangan membri hormat, jang sigra djoega dibales oleh itoe orang moeda dengen merasa sedikit heran.

„Kamaren akoe katemoe Kongtjoe di Jantjoeki, boekan ?" kata Kwe Keng sambil tarik moeka manis: „itoe waktoe akoe sebetoelnja ingin sekali beladjar kenal, tapi Kongtjoe soeda kaboeroe toeroen praoe.

„Oh, ja," saoet itoe orang moeda, jang merasa tida kenal pada Kwe Keug. Tapi lantaran orang membri hormat dan seboet itoe plesiran dimana ia ada teoroet, ia laloe memanggoet, kerna pikir, boleh djadi jang di hari, kamaren ini orang telah katemoe padanja.

„Bener kamaren akoe ada djalan-djalan di Jantjoeki," kata poela itoe orang moeda dengen kalakoean manis dan hormat: „kaloe begitoe, sianseng djoega ada djalan-djalan di sana ?"

„Ja, akoe bersama bebrapa orang ada plesir sampe sore baroe poelarng. Sabagimana baroesan akoe telah bilang, jang di itoe waktoe akoe ingin sekali beladjar kenal, tapi Kongtjoe soeda kaboeroe toeroen praoe aken poelang. Tapi beroentoeng sekali jang ini hari kita-orang bisa bertemoe kombali."

„Ah, sajang sekali akoe tida dapet taoe lebi doeloe sianseng jang moelia ampoenja maksoed. Tjobalah kaloe akoe taoe sianseng ingin berkenalan, tentoe dengen senang akoe bernanti kadatenganmoe."

Kwe Keng kaliatan bingoeng-bingoeng, kerna tida taoe bagimana moesti moelai omong boeat dapet taoe siapa adanja itoe doea njonja manis. Kaloe dateng-dateng lantas tanja siapa adanja

itoe doea njonja, dan Bidjin itoe ada Kongtjoe ini poenja apa, tentoe bisa menerbitken orang poenja koerang senang.

Beroentoeng salagi ia kabingoengan begitoe, itoe Kongtjoe telalı kata kombali:

„Sianseng tentoe ada dapet banjak pelesir ?"

„Oh, ja!" saoet Kwe Keng sambiktertawa: ,,tapi mengapatah Kongtjoe soeda poelang begitoe boeroe-boeroe, sedeng waktoe masi begioe siang dan rame ?"

„Sabetoelnja kamaren -akoe bersama Boetjin dan Khonio boekan niat boeat plesir," saoet itoe orang moeda: „hanja abis dari koeboerannja akoe poenja Sianhoe (almarhoe ajahanda). dan kaloe akoe soeda sampe di Jantjoeki, itoelah tjoema kabetoelan liwat sadja, boekan sengadja dateng ka sitoe aken tjari kasenangan hati."

„Oh. oh, pantaslah," kata Kwe Keng sambil manggoet-manggoet:

„bolehtah akoe dapet taoe Kongtjoe ini tinggal di mana ?"

„Akoe tinggal di ini tempat djoega, jang tida sabrapa djaoe dari sini."

„Akoe. merasa senang sekali kaloe bisa dateng koendjoengi aken beladjar berkenalan pada Kongtjoe jang moelia.'"

„Oh, itoelah ada satoe kahormatan besar. Akoe tentoe tida brani bikin sianseng banjak soesa.

Baroe sadja Kwe Keng maoe berkata labi djaoe, boeat nemaksa aken beladjar kenal. Koenjoeng-koenjoeng dari satoe djoeroesaı ada kedengeran soeara orang memangil-mangil itoe Kongtjoe, dan kadoea orang jang lagi mengomong ini, lantas menolah dengen heran.

Tida dịjaoe dari itoe tenpat ada kaliatan satoe boedak jang lagi menoentoen saekor koeda, jang soeda diselaken. Dan orang moeda ini lantas kenalin, bahoewa itoe ada boedaknja.

„Hoedii soeroe soesoelin pada Kongtjoe dan dititaken lekas poelang," kata itoe boedak, sambil kasiken koeda itoe pada madjikannja.

„Oh, ada oeroesan apatalh ?" tanja si Kongtjoe.

„ltoelah tida dibilang," saoetnja: „hanja tjoema diprenta soeroe lekas poelang sadja."

Orang moeda ini tida banjak bitjara lagi, hanja lantas menbri hornat pada Kwe Keng, kamoedian ia toenggang itoe koeda dan lariken dengen tjepet menoedjoe ka tempatnja tinggal, sedeng boedaknja mengikoet dari blakang.

Maski si Kongtịoe soeda berlaloe, toeh Kwe Keng masi tinggal berdiri terlongong-longonk. la menjesel sekali jang katerangan ini didapet kapalang tanggoeng. Tapi dari itoe sedikit djawaban, toeh ada menjatakek: bahoewa itoe njonja eilok ada si Kongtjoe poenja iboenda jang soeda djanda; sedeng itoe njonja atawa nona jang moedahan, ada almarhoem ajahandanja poenja adinda. Tapi apa itoe kho masi. perawan atawatah soeda bersoeami, itoelah ia belon taoe dan maoe tjari taoe lebi djaoe.

„Tapi, hm! kendati jang ioedaian itoe ada mempoenjai soeami, " kata Kwe Keng sembari telan-telan loedanja: „itoe njonja jang toeahan toeh soeda djanda":

Mendadak ia, dapet inget, kendati njonja itoe soeda djanda, tapi anaknja soeda besar. Dan ia koeatir, kaloe lantaran itoe si njonja tida soeka menika kombali. Lantaran ini pikirannja djadi bingoeng.

Kaloe itoe waktoe tida ditegor oleh Ngo-kho, brangkali Kwe Keng masi tinggal ngedjoeblak sabagi patoeng.

„Oh, ja, hajoelah, kata ia kamoedian, waktoe denger tegorannja. si pengikoet: „maoe ka mana sekarang, akoe djoega tida taoe."

Apa brangkali maoe poelang sadja ? kata Ngo-kho.

„Poelang ?" mengoelangken Kwe Keng: „ah, baek kita djalan-djalan lagi, kerna hari toch nasi belon sabrapa siang.

Sababisnja oetjapken itoe perkatabat, Kwe Keng laloe landjoetken tindakannja lebi djaoe, dimana achirnja ia telah sanpe di satoe gredja.

Di depan itoe gredja Kwe Keng dapet liat tiga hoeroef jang berboenji: „Hie Giap Sie“, sedeng toapekkongnja diseboet Phek le Thaysoe, jang ada banjak dipoedja oleh pendoedoek di sitoe.

Salagi Kwe Keng mengawasi itoe, dari dalem kaloear satoe padri prampoean, jang satelah liat ada orang dateng, laloe menjamboet dan silaken masoek, dimana ia soegoeken djoega thee boeat ilangken aoes.

Kwe Keng trima itoe oendang dan minoem theenja dengen senang hati.

Ngo-kho tinggal menoenggoe di sebla loear. Itoe padri prampoean laloe menghamperi dan menanja dengen hormat:

„Bolehtah pinto dapet taoe Siangkong ini orang dari mana, dan ada berhadjat apa dateng ka mari ?

„Tida ada bermaksoed apa," saoet Kwe Keng: „hanja djalan-djalan sadja di waktoe hari jang begini bagoes."

„Ja, oedara ini, hari ada terang dan langitpoen bersi," saoet itoe niko.

„Bolehtah akoe dapet taoe. Losoebo poenja Hwatho jang terhoniat ? menanja Kwe Keng pada itoe padri.

„Pinto ini poenja nana terkenal dengen panggilan Souw Siem, saoetnja padri prampoean itoe.

„Boeat ongkos merawat ini gredja, dari manatah didapet oewang boeat membli hio dan minjak ?" „Itoelah ditrima dari pembriannja orang-orang dermawan. Siangkong djoega kaloe soeka menderma, tentoe aken ditrima dengen senang hati."

„Kaloe begitoe, akoe nanti kasi taoe pada Swanwie, kerna dia itoe ada moeridkoe."

„Trima kasi,"

„Apa tida ada orang jang membri bantoean tetep ?"

„Bebrapa orang bangsawan di ini tempat ada membri bantoeanjang tentoe, antara mana ada teritoeng djoega kaoem Hwa jang tinggal di ini kota."

„Oh! ltoelah tjoekoep betoel."

Kamoedian Kwe Keng menanja lebi djaoe, itoe orang bangsawan kaoem Hwa ada mamegang dịabata apa di ini kota. Pertanjahan ini niko itoe djawab, bahoewa itoe kaoem Hwa doeloe ada mendjadi Liangsan poenja pahlawan jang gaga perkasa, jang blakang telah nenerima Tjiauwan dari Sri Baginda, dengen koerniaban besar. Tapi mamegang pangkat apa, itoelah ia koerang taoe, sebab orang bangsawan itoe sekarang telah meningal doenja.

Djoega atas pertanjahannja Kwe Keng, padri itoe tjeritaken, bahoewa Hwa Hoedjin ada poenja satoe poetra lelaki, iang maski baroe beroesia bebrapa belas taon, tapi ada gaga perkasa dan pande sekali bersilat.

Pembalesan Kawanan Liangsan

22

Kwe Keng dengerken itoe sambil manggoet-manggoet. Sasoeatoe pertanjahan jang dioetjapken, semoea ada oedjoenguja. la menanja dengen melit, apa ajahnja itoe Kongtjoe jang baroesan si nikoh poedji gaga perkasa, tida ada mempoenjai soedara, dan laen-laen poela jang boleh membikin orang djadi djengkel.

Tapi itoe nikoh jang roepanja ada saorang sabar, laloe djawab semoea pertanjahannja Kwe Keng dengen terang dan tjoekoep. la kata: ajah nja itoe Kongtjoe tjoenia mempoenjai satoe soedara prampoean jag manika pada familie Tjin, tapi sekarang soeda djadi djanda.

„Dan imarika itoe, enso bersama kho, „kata si nikho jang toetoep bitjaranja: „ada tinggal di satoe roema bersama-sama itoe Orang moeda jang pinto seboet baroesan. Tapi boletah pinto dapet taoe, apa maksoednja Siangkong menanja begigitoe banjak ?

Oh, tida. bermaksoed apa-apa," saoet Kwe Keng dengen girang, kerna sagala katerangan jang perloe telah didapet.

Sababisnja beromong-omong si kaparat ini lantas berlaloe sambil oetjapken trima kasi. Hatinja amat girang, sasoedanja mendenger jang kadoea njonja itoe doea-doeanja ada djanda.

„Hm, doea-doeanja tida mempoenjai soeami,“ kata Kwe Keng dalem hati, sambil berdjalan poelang: „itoelah kabetoelan sekali, sabagi djoega jang ini semoea ada koernianja Allah pada akoe poeuja peroentoengan bagoes."

Oleh kerna girangnja hati, tindakannja poen djadi lebi gantjang. Maka tida selang lama kamoedian ia felalı sampe di tempat kadiaman sendiri.

OngTiauw-ien jang meliat pagi-pagi Kwe Keng soeda kaloear, waktoe ia poelang orang moeda ini lantas meinanja:

„Hola, goeroekoe dari manatah?"

„Wah!........." 4 kata Kwe Keng sambil tertawa-tertawa.

Tiauw-ien djadiheran meliat lakoenja itoe goeroe begitoe girang, hingga ia lantas nenanja:

„Ini pagi akoe liat goeroekoe banjak senang hati, Bolehtah akoe dapet taoe, hal apa jang membikin kaoe djadi begitoe girang ?"

Satoe katerangan jang tjoekoep dan sampoerna betoel," saoet KweKeng dengen tida brentinja tertawa.

„Satoe keterangan jang tịoekoep dan sampoerna betoel ? mengoelangi Ong Swanwie dengen terlebi heran: „apatah adanja itoe ?

„Apa Swanwie loepa itoe doea njonja manis jang kanaren ?" begitoe Kwe Keng balik menanja.

„Oh, itoe doea Bidjin jang kaoe prenta Ngo-kho tjari taoe ?"

„Nah, achir-achir Swanwie inget djoega. Hahaha! hahahaha!"

„Dan, mengapatah dia itoe ?"

,„Apa kaoe tida napsoe liat itoe kembang berdjiwa ?"

„On, kalae begitoe itoe doea Bidjin ada boenga berdjiwa ?"

„Boekan boenga berdjiwa, tapi doea kembang jang berdjiwa!"

„Ah, akoe tida mengarti goeroekoe poenja omongan. – Kaoe bilang kembang berdjiwa, dan waktoe akoe tanja: apa dia itoe boenga berdjiwa, kaoe bilang boekan. Bagimanatah akoe bisa artiken omongan begitoe ?"

„Akoe nanti kasi mengarti, sobat, hahahaha!“ kata Kwe Keng sambil tertawa gelak-gelak:,Tapi lebi doeloe akoe maoe tanja, apa kaoe soeka dan maoe dapetken itoe njonja manis ?, nah djawablah doeloe pertanjahankoe ini ?"

„Oh, tentoe sekali!" kata Tiauw-ien dengen girang, maski djoega ia belon mengarti maksoednja itoe goeroe kaparat.

„Nah kaloe begitoe, dengerlah!" kata poela Kwe Keng: „djika maoe dapetken dia, tida sabrapa soesa, hanja seperti orang petik kembang di taman sendiri. Ja, begitoe gampang, begitoe gampang."

„Ah, goeroekoe, djanganlah kaoe menggirangken akoe dengen siasia," kata Tiauw-ien dengen hati berdebar: „kaloe bener begitoe, tjeritakenlah lekas, kerna sadari kamaren waktoe dapet liat padanja, hatikoe ada ierasa katarik betoel-betoel. Dan siapatah adanja itoe doea njonja ?"

Di sitoe Kwe Keng laloe kasi taoe, hahoewa ia djoega, lantaran dapet liat itoe paras jang tjantik, ada merasa katarik betoel. Tapi hal impiannja tadi pagi, atawa lebi betoel kagilahannja jang sanpe djadi kasemsem-semsęm, ia tida tjeritaken. Hanja kata: lantaran itoe baroesan ia telah tjari keterangan, dimana ia dapet taoe, bahoewa itoe njonja jang beroemoer kira-kira tigapoeloe lebi, ada istrinja Hwa Eng, sedeng jang nioedahan ada Hwa Eng poenja ade prampoean, jang menikah pada Tjin Beng.

„Oh, djadi doea-doea itoe ada bekas Hohan di Liangsan poenja istri ?" tauja Tiauw-ien, pada sasoedanja meudenger itoe semoea penoetoeran:

„tapi bagimanataih kita bisa dapetken padanja dengen begitoe gampang, sabagimana baroesan Siansoe teiah bilang, inilah jang akoe tida mengarti ?"

„Ja, tentoe Swanwie tida taoe, kaloe akoe belon tjeritaken," kata Kwe Keng: „jang mendjadi gampang poen boekan laen, hanja lantaran marika itoe ada istrinja orang-orang gaga di Liangsan, jaug sekaraıg ada terbitkin kaonaran di sana sini, dan inilah ada waktoe jang paling baek boeat kita goenaken."

Lebi djaoe Kwe Keng tjeritaken, bagimana sekarang Sri Baginda telah kaloearken firman boeat taagkep sekalian kawanan Liangsan jang masi berada di koeliling tempat, berhoeboeng dengen kadjahatan-kadjahatan jang dilakoeken dalem waktoe blakangan di Tjetjioe, Tengtjoe dan laen-laen tempat, Darn sebao itoe doea njonja ada djadi istrinja almarhoem Hwa Eng dan Tjin Beng, maka marika poen ada teritoeng orang-orang jang tersatngkoet dalem itoe perkara.

„Sekarang, dengen menggoenaken Swanwie poenja kakoeasaban dan ajahmoe poenja pengaroe, mengapatah kita tida bisa dapetke padanja ?" begitoe Kwe Keng toetoep bitjaranja: „nah, kaoe mengartikah sekarang bitjarakoe ?

Ong Tiauw-ien maski ada satoe pemoeda jang dojan plesir da pemogoran, tapi tida begitoe tjerobo seperti itoe goeroe kaparat Maka sasoedanja denger Kwe Keng poenja penoetoeran, ja merasa noefakat, tapi tida lantas toeroet, hanja maoe pikir dan timbang lagi.

Begitoelah sasoedanja berdiam lagi sakoetika lama, ia lantas berkata: bahoewa akal itoe memang baek dan boleh djadi djoega aken dapet itoe doea njonja, tjoema sadja, apatah itoe njonja nanti maoe lantas toeroet sagala kahendaknja, kerna martka poen ada istrinja orang-orang gaga.

„Tjoema ini jang akoe koeatirken," kata Tiauw-ien lebi djaoe: „dan kaloe sampe terdjadi demikian, boekan kita dịalanken fipoe dan boewang tenaga pertjoema-tjoema ?"

„Hoe! sagala begitoean dipikir!" saoet si kaparat jang maoe menggampangkern sadja: „itoe toeh ada perkara ketjil, kaloe soeda bisa dapet ia poenja diri, masatah tida dapet djoega hatinja ? Tentoe sadja kaloe naoe dateng-dateng berlakoe sembrono dengen satjara kasar, marika djadi takoet dan tida maoe toeroet. Tapi kaloe kita goenaken perkatahan manis, aloes dan memboedjoek, troesa koeatir jang marika tida serahken dirinja, hatinja dan dịantoengnja padamoe. Niatlah kaoe belon taoe adatnja prampoean, moeridkoe, hahaha! hahaha! prampoean noesti diboedjoek, diomongin manis-manis, dan boeat bitjara manis, akoe sampe pande, Djika soeda dateng temponja dain kaloe itoe doea Bidjin soeda ada dalem kamar. akoe nanti adjarin bagimana kaoe moesti belakoe dan bitjara. - Mengartikah ???"

Tiauw-ien jang ada berpikiran laen, maski pertjaja Kwe Keng poenja kapandean dengen menggoenaken laen djalan jang lebi baek dan aloes, jang tida menjoesaken pada itoe doea njonja, ia lebi soeka goenaken sadja jang laen. Dan ini pikiran siga djoega ia njataken pada si goeroe bangpak.

Kwe Keng tida bisa berpikir laen, dari itoe akal jang ielah ditoetoerken baroesan. Maka kaloe ini orang moeda tida satoedjoe, maka biarlah Tiauw-ien sadja jang tjari pikiran dan kaloe soeda dapet, ia nanti bantoe timbang. - Demikianlah ia kata pada itoe moerid.

Tapi Tiauw-ien sasoedanja memoeter otak sakoetika lauua, tida djoega dapet tipoe sdaja jang lebi sanpoerna sabaginana jang goeroenja itoe njataken, maka terpaksa ia toeroet sadja apa jang Kwe Keng telah adjarin.

„Memang tida ada laen daja jang lebi sampoerna dari ini" kata Kwe Keng dengen seoara bangga: „akoe poenja pikiran masa sala."

„Siansoe poenịa otak bener tadjem," memoedji itoe Swanwie.

„Ja, akoe poenja otak toch saban hari diasah sadja, boleh kata tída tadjein, heu!"

„Nah kaloe begitoe, dịalanken sadja itoe perniatan,"

„Baek, akoe nanti dịalankenitoe. Tapi lebi doeloe kiia moesti bikin perdjandjian toeh, baroelah bisa berkedja dengen enak."

„Perdjangdjian apatah lagi ?"

„Sabagimana kaoe telah liat, itoe Bidjin ada doea, boekan ?" „Ja, doea-doeanja sampe eilok dan manis."

„Dioestroe itoelalı jang sampe akoe maoe goenaken otak dan tjapeken kaki boeat pergi tjari katerangan."

„Dan ???........."

„Di antara itoe doea, maski doea-doeanja bagoes, tapi jang satoe ada lebi nnoeda dari jang laen, boekan ?"

„Nah abis ?"

„Djadi kaoe maoe ambil doea-doeanja sakali ?"

„Lah, ............ goeroekoe mah kaja heran ??

- Abis apa kaoe moesti siasiaken itoe jang satoe?"

„Jang satoenja boeat akoe."

„Boeat Siansoe? - Siansoe maoe itoe Bidjin ??"

„Loh, koedoe naja ?, apa akoe si kaoe kira.

„Kenapa ?"

„Boekangja lanang."

„He-he goeroekoe djangan maen-maen kajoe. Djangan gauwkoen, sobat!"

„Akoe bitjara dengen soenggoe, boekannja gauwkoen-gauwkoen:"

Ini perkatahan jang dioetjapken dengen soenggoe-soenggoe oleh Kwe Keng, dapet diliat dengen teges oleh Tiauw-jen, maka ia rasa tida baek kaloe menbanta terlaloe keras, hanja baeklah briken satoe ataranja jang toeahan. Dengen begitoe, sagala pakerdjahan bisa dilakoeken. dengen beres.

„Nah kaloe Siansoe bilang begitoe, baeklah," kata Tiauw-ien kamoediau: akoe nanti ambil itoe njonja Tjin Beng, sedeng kaoe iboleh poenjain istrinja ilwa Eng; nalı, kaloe begitoe bagimana?"

„Nah, begitoejah baroe beres," kata Kwe Keng sambil tertawa, sedeng parasnja jang boeroek djadi keliatan terang.

Tapi masi ada satoe apa lagi jang moesti dibitjaraken, moeridkoe," kata poela Kwe Keng itoe: ,,akoe merasa jang len Boen-ho ifoe bakal djadi rintangan dalen kita-orang poenja maksoed ini, kaloe dia itoe kaoe tida lekas kasi laloe. Dan soepaja pakerdjahan jang diatoer soesa-soesa tida nendjadi gagal, baek kaloe kaoe kaloearken sadja dari gedongmoe. Lebi lekas ada lebi baek."

Tiauw-ien tida noefakat dengen ini pikiran jang blakangan, kerna ia kata, Boen-ho itoe toeli ada bekerdja dengen baek dan satia, dan mengapatah dengen zonder sala nnoesti dikasi faloe.

„Kaloe dengen kaloearken dia, akoe kira goeroekoe amat kliroe, kata ini orang moeda kamoedian: „soenggoe akoe tida mengarti, bagimana djoeroe pelajankòe itae bisa djadi rintangan dalem kita poenja maksoed ini ?" "He,, he, apa kaoe loepa, begimana kemaren ia telah menjega akoe poenja prenta, waktoe akoe soeroe Ngo-kho pergi serepin siapa acanja itoe doea Bidjin?" begitoe Kwe Keng balik menanja:„nah, kaloe tjoema boeat menanja dan tjari taoe sadja orang poenja nana, ia brani menjega dan membanta, apa lagi kalkoe ia dapet taoe kita poenja maksoed jang hendak mengatoer ini tipoe,tentoelah ia halangin betoel-betoel."

Mendenger ini perkatahan. Tiauw-ien djadi merasa tida enak hati, hanja ia lantas mengawasi itoe goeroe sakoetika lama dengen tida berkata-kata. Tapi dalen hatinja ada berpikir banjak.

Pikiran itoe poen boekan laen, hanja kaloe lantaran boeat dapetin prampoean tjantik, Kwe-Keng tida segan mengoesir moerid, beginanatah nanti djadinja dengen ia poenja diri ? Tidakah kalakoean begitoe ada sanget kliroe? Pikirannja ini orang moeda poen betoel dịoega, kerna sebegitoe djaoe ia masi tida taoe, kaloe Boen-ho itoe boekannja moerid jang bener, hanja satoe moerid akoehan sadja.

„Megapatah?" tanja Kwe Keng pada itoe moerid, waktoe liat Tiauw-ien mengawasi padanjasakoetika lama.

Tiauw-ien laloe njataken apa jang telah dipikir baroesan. Bagimana kliroe adanja sang goeroe, kaloe boeat dapetken satoe prampoean, soeda noesti laloeken satoe moerid. Satelah denger ini perkatahan, Kwe Keng laloe tertawa dan tjeritaken dengen sebenerinja, bahoewa len Boen-ho itoe boekannja ia poenja moerid jang bener. hanja satoe kenalan sadja jang kebetoelan ketemoe di djalan.

„Dan lantaran merasa kasian jang ia tida poenja tempat tinggal,* kata si kaparat lebi djịaoe, boeat toetoep ia poenja kadjoestahaın: „akoe djadi bilang padamoe, bahoewa ia ada moeridkoe, soepaja kaoe soeka membri tempat boeat samentara waktoe. Nah begitoelah sabenernja kaloe kaoe maoe taoe."

„Oh, begitoe," kata Tiauw-ien: ,Tapi maski bagimana dịoega, akoe tida tega boeat oesir saorng jang tida bersala. Tapi boeat kasi laloe, biarlah akoe soeroe ia bawa soerat ka kota Radja, kerna akoe poen inemang kabetoelan naoe prenta orang pergi ka Tongking."

„Begitoe poen baek," kata Kwe Keng dengen girang, sebab dengen perginja Gak Ho ka mana djoega, soeda tida halangan boeat lakoeken jang boeroek.

Sigra djoega orang moeda ini lantas toelis satoe soerat boeat ajalnja, kamoedian panggil Gak Ho, jang kabetoelan lagi ada di blakang.

Waktoe orang gaga ini dateng mengadep, Ong Tiauw-ien laloe serahken itoe soerat dan pesen pada siapa moesti disampken. Kamoedian soeroe. lekas benaken barang-barang boeat beraegkat, dengen dikasi djoega ongkos goena di perdjałanan.

Gak Ho tida. brani bilang tida maoe, hanja lantas Iiemanggoet dai masoeki soerat itoe ka dalem sakoe. Sasoedanja ambil itoe oewang dan bawa barangnja, ia laloe berangkat djalan, tapi sasoedanja berlaloe djaoe djoega dari gedongnja Swanwie, ia doedoek di djalanan sanbil berpikir.

Berhoeboeng dengen pekaranja, apa-boleh-boeat ia djadi dịoeroe pelajannja Ong Tiauw-ien, tapi ini perkerdịahan toch boekan niat boeat salama-lamanja, hanja sakedar boeat toempangken diti sadja. Tapi kamaren, dari bebrapa orang di Jantjoeki ia denger kabar, bahoewa Lioe Pwe-tong, itoe sobat jang pada bebrapa boelan doeioean ditjari tida ketemoe, sadari brapa hari jang laloe telah balik kombali ka ini kota dan sekerang teiah tinggal di lehwahay, maka ada lebi baek kaloe sekarang ia pergi koendjoengi itoe sobat.

„Dengen membawa ini soerat ka kota Radja, ada tida bedah sabagi anterkeit diri ka pemboeian," kata ia lebi djaoe dengen soeara pelahan: „tapi akoe perdoeliapa ini soerat perloe atawa tida perloe, kasi masoek di api, abis perkara!" Salagi orang gaga ini berpikir, Kwe Keng bersama itoe Swanwie poen lagi sedeng berdami boeat djalanken itoe peruiatan boesoek. Sampe sore baroelah pembitjaraban itoe djadi selesih.

Esoknja pagi Kwe Keng lantas adjak Ngo-kho komendir satoe barisan soldadoe aken pergi ka lehwahay, sasampenja di gedong Hwa Eag, soldadoe itoe diprenta koeroeng seantero pekarangan, sedeng ia sendiri, dengen kalakoea: anat garang, lantas madjoe ka depan roema sambil berkata:

„Atas prentanja Ong Swanwie, jang mendapet firmannja Sri Baginda, akoe dititah dateng ka mari boeat tangkep Hwa Kiongdjin, dan. Tjin Kiongdjin, hersama Hwa Kongtjoe, berhoeboeng dengen perkaranja kawanan Liangsan!"

Mendenger ini warta, semoea boedjang djadi kaget dan katakoeran. Bebrapa antaranja djadi takoel dan lantas boeroe-boeroe benaken barang-barang aloes, kamoedian boengkoes itoe aken melariken diri dari pintoe belakang

Baek djoega itoe soldadoe jang dipimpin oleh Kwe Keng tịoema mengoeroeng di bagian depan, hingga itoe boedjang-boedjang bisa merat dengen zonder kataoean.

Kwe Keng dengen soeara keras laloe oelangken kombali itoe perkatahat-perkatalhan jang tadi, ia minta itoe orang-orang jang terseboet namanja lekas kaloear boeat serahken diri, soepaja tida digoenaken atoeran keras.

Tapi sakoetika lama tida saorang jang kaloear. Boedjang-beodịang jang tadi lari masoek, poen tida kaliatan lagi mata idoengnja.

Di gedongnja Hwa Eng djadi amat so enji.

Pendoedoek di lehwahay, jang tinggal berdekatan pada Hwa Hoedjin, semoea tinggal peloek tangan, tida saorang brani dateng meitanjaken apa-apa, kerna soeda denger sendiri bahoewa penangkepan ifoe ada atas firmannja Sri Baginda.

Meliat begitoe, Kwe Keng lantas mas oek dan katemoelken pada itoe doea njonja dan Kongtjoe, jang lantas dikasi taoe maksoed kadate ngannja dan di minta iaorang soeka lantas menoeroet dengen baek, dengen begitoe djadi boleh troesa ditaroken tali.

Kadoea Hoedjin dan Kongtjoe jang tida taoe kaloe itoe semoea tipoe neloeloe, lantas toeroet dan begitoelah deingen gampang iui orarng-orang dibawa ka gedongnja Ong Swanwie dan ditempatkein di Tanglauw, jaitoe Loteng Wetan.

Sasoedanja dikoetjiken pintoe, Kwe Keng lantas toeroen nembri taoe pada Swanwie, bahoewa maksoednja telah terkaboel. Dan sekarang itoe orang tawanan soeda ada di kamar loteng.

Mandenger begitoe, Tiauw-ien djadi amat girang dan lantas boeroe-boeroe pergi hampirken itoe doea njonja, dengen di-ikoet oleh Kwe Keng.

Waktoe pintoenja kamar diboeka, Kwe Keng laloe berkenalken pada itoe doea Hoedjin dengen kata begini:

„Taydiin ini ada Ong Swanwie, jang sasoeng-goenja amat menjesel moesti lakoeken ini prenta. Tapi apa maoe dikata, kerna begitoelah titalnja Sri Baginda jang tida bisa dibanta, kerna sabagi mantri, Swanwie toeh moesti lakoeken kawadjipannja.“

Lebi djaoe ia berkata poela:

„Harep Djiwi Kiongdjin tida djadi ketjil hati boeat ini kekagetan, dan tida salahken pada Ong Taydjin. Betoel Sri Beginda ada prenta tangkep sekalian Hohaı jang doeloe bekas djadi kaoemnja Liangsan, beserta sakalian kaoenn koelawarganja, tapi maski begimana besar djoega salanja itoe Hohan-holhan, Ong Taydjin taoe dengen baek, balhoewa Djiwi Kiongdjin tida ada toeroet bersala dan sabrapa boleh Swanwie ianti membri toeloengan, kaloe sadja Kiongdjin moefakat."

„Akoe haroes hatoerken trima kasi atas Taydjin dan Loya poenja pertoeloengan, "kata Hwa hoedjin dengen berlinang aer mata: „tapi akoe tida mengarti, begimana Taydjin atawa Swanwi nanti menoeloeng pada kita, sedeng baroesan Loya bilang, jang kita-orang tertawan ada atas firmanja Sri Baginda." „Maski poen bener atas titahnja Baginda," kata Kwe Keng: „tapi Ong Taydjin bisa menoeloeng itoe, kaloe sadja Dịiwi Kiongdjin soeka trima itoe partoeloengan dan moefakat dengen maksoed jang hendak dibitjaraken."

„Silakenlah kasi taoe," kata Hwa Hoedjin, jang sampe sabegitoe dịaoe belon mengarti orang poenja maksoed: „kaloe jang dirasa boleh tentoe kita-orang toeroet, tapi kaloe jang tida setoedjoe dengen kita-orang poenja pikiran, djangan ketjil hati katoe kita menoelak itoe pertoeloengan jang hendak dibriken."

„Akoe pertjaja Djiwi Kiongdjin nanti moefakat, kerna ini perkara poen ada boeat kabaekan dan kaslamatan Hoedjin sakalian," kata Kwe Keng dengen amat tida taoe maloe, jang lantas menjataken atas maksoed jang terkandoeng, dengen minta soepaja itoe njonja djanda soeka menikah pada Ong Swanwie.

Tapi sabelonnja perkatahan itoe abis dioetjapken, Hwa Hoediin djadi amat goesar dan lantas menjentak:

„Soeda! tida oesah kaoe banjak rewel, manoesia boesoek! Akoe tida soedi denger bitjaramoe lebi djaoe. Kaloe bener akoe ada bersala, biarlalh akoe bertiga dikirim ka kota Radja dan trima hoekoeman di sana, akoe lebi soeka korbanken djiwa boeat kasoetjian, dari pada taima permintahanmoe jang sanget biadab dan tida taoe maloe!

„Tapi, Kiongdjin," kata Kwe Keng dengen soeara memboedjoek: „kaoe toeh tida nanti katjiwa aken mendjadi....."

„Persetan sama kaoe poenja bitjara, menoesia boesoek !" membentak poela itoe njonja, pada sabelonnja Kwe Keng poenja bitjara djadi abis.

Itoe waktoe Ong Tiauw-ien jang ada berdiri di samping, tida sekali toeroet tjampoer bitjara. Satelah denger njonja itoe memaki-maki pada goeroenja, ia poen tinggal diam sadia, kerna dari bermoela poen ia teiah doega, bolelı djadi jang tipoe itoe aken dapet maksoednja, kaloe goenaken ia poenja kakoeasahan sabagi Swanwie, tapi maski poen dirinja itoe doea njonja dapet ditawan, apatah goenanja kaloe hatinja masi tida mao: nenjerah dan tida soeka denger boedjoekanınja?

Kwe Keng jang amat tida poenja maloe, maski soeda dimaki-maki toeh masi sadja maoe memboedjoek. Tapi Tiauw-ien jang kendati ada teritoeng bangsa pemogoran dan anmat soeka pada pipi litjin, toch sedikitnja ada dapet djoega didikan jang baek, maka batinnja tida begitoe boeroek seperti itoe goeroe kaparat.

Satelah liat Hwa Kiongdjin menangis, hatinja djadi kasian dan dengen tida bitjara satoe apa, ia lantas toeroen ka bawah dengen tinggalken Kwe Keng jang masi sadja membandel dan menebal.

Tapi Kwe Keng, satelah liat Ong Swanwie soeda toeroen, ia dịadi merasa dịeri boeat berhadepan lebi lama pada itoe doea njonja, maka sambil berlaloe ia berkata:

„Ja, akoe si tjoema kasi inget sadja begitoe, kerna tjoema dengern djalan demikian jang bisa menoeloeng Djiwi Kiongdjin poenja djiwa. Tapi kaloe nasehatkoe tida naoe didenger, kamoedian baroe menjesel tentoe kasep!"

„Tida! Akoe tida sekali dịadi menjesel!" membentak Hwa Hoedjin dengen sengit: „pergi! bangsat! Orang tjilaka doeraka!"

Sigra djoega piutoenja loteng dikoentjiken kombali, sasoedanja itoe baroe Kwe Keng toeroen sambil gojang-gojang kapala.

„Akoe tida doega, akoe tida doega hatinja begitoe keras, sedeng parasnja ada begitoe eilok dan lemboet, kata si kaparat dengen soeara menggerendeng.

Sasoedanja di loear tida ada kadengeran orang lagi, Hwa Hoedjin berkata pada iparruja itoe:

„Sabegitoe lama dengen hati poeti bersi kita telah pegang kasoetjian, tapi tida dinjana, sekarang boleh dateng ini bintjana ijang lebi doeloe tida didoega. Tapi maski bagimana djoega kita-orang tentoe lebi soeka mati dari pada tjemerken nama."

„Ja, tjoena karmatian sadịa jang bisa menoeloeng kita dari perboetannja itoe oraug-orang doerhaka!"kata Tjin Kiongdjin dengen soeara sedi.

„Itoe bener. Tapi boeat mati di sini, itoelah boekan pikiran bagoes, kerna itoe manoesia boe soek jang amat birahi pada kita, tentoe bisa berboeat apa-apa pada kita poenja mait."

Tjin Kiongdjin tida menjaoet lagi, ia rasa bitjaranja Hwa Hoedjin ada hener.

„Tapi, Boetjin, kaloe nieliat kalakoeannja itoe orang-orang doerhaka pada kita," kata Hwa Kongtjoe: „akoe seperti merasa jang ini semoea tjoema ada tipoenja sadja, boekau dengen sasoenggoenja ada firmannja Beginda,"

„Tapi apa boleh djadi, ada orang jang begitoe brani nati dan begitoe tida taoe maloe, kata Hwa Hoedjin: „boeat lakoeken satoe perboetan boesoek begini, telah goenaken namanja Sri Baginda ?"

„Ja, bernmoela poen akoe telah pikir, masa ada orang bagitoe tida taoe maloe“ kata sang amak „tapi kaloe diliat djalannja ini perkara, dimana akoe inget djoega, bahoea itoe orang doerhaka jang tadi dateng bitjara, pada bebrapa hari jang laloe akoe perna ketemoe di djalanan, dimana ia telah menanjaken ini itoe dan menjataken djoega kainginannjaaken berkenalan padakoe."

Lebi djaoe Hwa Kongtjoe tjeritaken begimana Kwe Keng soeda per nah iat marika bertiga di Jantjoeki, dan boleh djadi tni semoea perkara tida enak, soeda terbit lantaran di toe hari ia orang mampir di tenpat plestran terseboet.

Seblonja penbitjarahan itoe abis, pintoe kadengeran terboeka, hinga Hwa Hoedjin bersama iparnja djadi kaget kombali, kerna kira jang dateng itoe ada si kaparat jang baroesan, jang masi maoe tjoba memboedjoek-boedjoek, Tapi setelah iaorang menengols, kiranja doea djoeroe lajan ang dateng membawaken makanan.

Bermoela itoe doea njonja dan Kongtioe tida maoe trima dibawaken barang hidangan hanja begitoe itoe nenampan sampe, Hwa Hoediu laloe soeroe bawa kombali, Tapi, itoe dioeroe lajan dengen Soeara manis dan Lemah lemboet telan boedjoek, sampe achirnja int tiga orang tawaran dahar djoega barang-bạrang jang disoegoeken itoe,

Meliat jang itoe doea pelajan ada berlakoe manis, dan tida sekali ada seboet seboet ta poeia madjilkan, maka Hwa Hoedjiu rasa, marikan poenia dateng meloeloe boeat disoeroe bawa makanan, boekannja boeat menboedoek. Maka njonja ini djadi maoe adjak mengomong dan menaja sedikit apa-apa. Hoedjin itoe tanja, soeda brapa lama neninggal nja merika poenja njonja nmadjikan. Tapi ini pertanjalhan tjoema didjawab dengen tetawa sadja. Dan waktoe Hoedjin oelangken poela perkatahannja dengen manis boedi, itoe pelajan djawab, bahoewa njonja madjikannja sampe sekarang masi idoep.

Kerna Hwa Hoedjin ada berlakoe aloes, maka itoe doea pelajan djadi merasa kasian dan laloe tjeritaken apa jang bener.

la kata: marika taoe, bahoewa kedoea Hoedjin ini telah kena tipoenja itoe orang she Kwe, kerna di bawa loteng ada ditaro bebrapa pengawal boeat djaga-djaga, dịangan sampe kedoea njonja ini bisa lari.

Orang she Kwe siapatah itoe? tanja HwaHoedjin.

„ltoe Todjin jang mendjadi goeroenja Ong Swanwie," saoet itoe pelajan: "oh, dia itoe kaliwat disoeka, segala bitjaranja madiikaıkoe toeroet sadja. Sedeng kita- orang, boedjang-boedjang, merasa sebel liat kelakoeanuia."

„Orang nanatah itoe Todjin jang kau seboet ?"

„Orang dari kota Radja."

Kemoedian pelajan itoe tjeritakern tentang Kwe Keng poenja laga dan obrol jang amat banjak.

Sesoeda mendenger ini semoea tjerita, Hwa Hoedjin minta itoe pelajan anterken pada madjikkannja jang prempoean. Tapi itoe pelajan tida brani. Tetapi biar beginnan dịoega, marika kata, ia nanti tịoba toeloeng bitjaraken pada Swanwie soepaja pembesar itoe soeka lepasken ini doea njonja dengen poetranja.

„Tapi kendati begimana poen, paling perloe Hoedjin moesti djaga kawarasan," kata sipelajan itoe: „maka bilang sadja apa jang di-ingin, kita orang tentoe lantas bawaken dan djanganlalı Hoedjin bertiga terlaloe berdoeka.

Itoe waktoe Hwa Kongijoe tida bisa berboeat apa-apa, kerna naoe nengamoek, koeatir iboe dan khonja nanti dapet baliaja jang lebi heibat.

Maoe keloear dari ini loteng, pintoenja dikoentji dan ada orang jang djaga, hingga ia tida taoe begimana moesti berlakoe boeat loepoetken diri dari ini kabintjanahan.

„Iboe, bagimana kaoe pikir, kaloe akoe menjerang keloear dari ini tempat dengen hantenn segala orang jang berada di jni roenah?" menauja itoe Koigtjoe: „sebab akoe tida dapet pikir laen djalan jang lebih baek, boeat menoeloeng ibue bersaima kho dari ini bahaja ?"

„Oh, itoelah djangan kaoe berboeat, anakkoe," kata Hwa Hoedjin:sehab dengein perboeatan begitoe, sedeng bener ini penangkepan ada atas titahnja Sri Beginda, kaoe djadi melanggar atoeran dan seperti djoega hendak berbanta pada prentanja orang jang dipertoean. Sebaliknja kaloe bener ini penangkepan tjoena ada satoe tipoe boeat roesakin akoe berdoea kaoe poenja kho poenja kehormatain, dengen itoe perboeatan kau djadi bersala. Djoega apa degen begitoe kaoe kira bisa menoeloeng kita-orang, tida!"

Mendenger begitoe Hwa Kongtjoe djadi berdiam oadja, apapoela ia poenja kho poen ada bilang: orang jang tida bersala ada dilindoengken oleh Alah, maka biarlah bersabar boeat semantara waktoe, sesampenja di kota Radja.

Dengen itoe perkataban, ternjata jang Tjin Hoedjin kira bener dirinja bakal dibawa ka Tongkig.

Tatkala itoe Kwe Keng jang sesampenja dibawa, djadi nerasa amat kesel, sebab Ong Tiauw-ien tida. maoe berboeat apa-apa lebi djaoe. la maoe tjoba boedjoek itoe moerid boeat lakoeken sadja perkosahan, tapi ia tida brani njataken itoe pikiran.

Sekarang Kwe Keng rasa djadi serba sala, maoe oendoer dari apa jang dimaksoed, tipoenja soeda berdjalan djaoe. Sabaliknja maoe madjoe teroes, ja tida taoe bakal menoedjoe ka mana. Sebab kaloe nadjoe teroes, tentoelah itoe tiga tawanan moesti dibawa ka kota Radja. Tapi apata pembesar di Tongking nanti kata, kaloe ia anterken itoe tiga persakitan jang zonder sala ?

Sekarang biarlah kita tinggalken doeloe Kwe Keng jang lagi kabingoengan, kerna dengen perboeatannja itoe sedikitnja ia dịadi terbitken permoesoehan besar jang tida bisa djadi abis dengen begitoe sadja.

VI

Gak Ho mampir di gredja mendenger omongan. – Menipoe Ngo-kho, menoeloengi familie Hwa.

Sabelonnja ditoetoerken lebih djaoe apa jang bakal terdjadi dengen dirinja itoe Kongtjoe dan kadoea Kiongdjin, marilalı kita meliat kombali pada Gak Ho, jang sebagimana pembatja telah taoe, soeda ambil poetoesan boeat tjari kombali pada Lioe Pwe Tong, itoe sobat jang terkabar soeda balik ka ini kota dan tinggal di lehwahay.

Tapi boeat pergi ka itoe kampoeng jang terseboet, orang moesti liwatin satoe rimba ketjil, jang selang berapa hari telah dikoendjoengi djoega oleh Kwe Keng. Dan begitoelah sasanpenja di sitoe, hari telah moelai siang dan matahari poen telah pentjarken sinarnja jang gilang-goemilang ka saloeroe boemi

Gak Ho jang soeda berdjalan sedikit djaoe ada merasa tjape dan gerah. Maka satelah sampe di itoe rimba ketjil, hatinja merasa sedikit senang, waktoe liat jang di depan ada berdiri satoe klenteng.

„Ada gredja di dalem ini oetan ?" kata ia sendiri-diri sambil djalan menghamperi; „ah kaloe itoe hweshio-hwesio ada poenja samangkok thee boeat ilangken aoes, boekan baek djoega ?"

Kamoedian ia menghampirken dan djalan pelahan-pelahan di samping itoe roema berhala sambil memandang djoega ka dalemnja.

Sasampenia di depan ia lantas merendak dan brentiken tindakannja, kerna liat, di itoe pertengahan ada seorang toea, jang dari pakeainja ada mengoendjoek, kaloe boekannja penggawe negri, tentoe ada boedjangnja orang-orang hartawain. Dan orang itoe lagi bitjara pada padri prempoean.

Soepaja tida menggangoe orang poenja omongan Gak Ho laloe berdiri sambil dengerken si kolot itoe mengomong.

Apa jang telah dibitjaraken pada seblonnja ia dateng, itoelah ia tida taoe. Tapi toeh pertanjahannja itoe nikoh dan penjaoetannja si toea, ada menarik djoega hatinja boeat mendeageri lebih djaoe.

„Apatah akoe bisa berboeat," Begitoe kedegerran si kolot berkata: „Tapi maski beginana djoega, ako: toeh maoe tịoba sebrapa bisa boeat menoeloeng, tapi dengen djalan begmana, itoelah akoe belon dapet pikir."

„Apa kaoe soeda tjari taoe, begimana kamoedian talah terdjadi atas dirinja itoe Kongtjoe dan kadoea Hoedjin?" tanja itoe padri prempoeanTjari taoe si soeda - Doea hari beroentoen akoe soeda pergi serepin."

„Abis ?"

„Tida ada satoe kabar jang akoe dapet."

„Latjoer soenggoe "

„Tapi akoe belon poetoes harepan. Akoe nanti pergi serepi kombali."

„Kaoe moesti bisa berlakee. manis-nanis pada orang dalem itoe gedong, begitoelah akoe kira baroe bisa dapet keterangan."

„ltoelah bener. Tapi gedong Ong Swanwie ada besar dan pandjang, kerna sebagian poen ada mendjadi kantoran boeat oero esan perkara negri, Djoega orang sebagi akoe, manatah begitoe gampang bisa dapet masoek. Tapi kaloe kaoe soeka toeloeng, akoe kira bisa djadi."

„Kaloe kaoe tida di-idjinken masoek, apa lagi akoe?

„Tapi kaoe bisa nembriken alesan jang boleh dipertjaja."

„Alesan begimana ?

„Kane boleh bilang pada itoe boedjang-boedjang atawa pengawal. gedong, bahoewa dateng moe ada boeat poengoet oeroenan."

„Tapi kaoe toeh taoe, jang akoe ada satoe nikoh dan tida boleli mendjoesta ?"

„Bener. Tapi ini kadjoestahan jang akoe goenaken boekan boeaf menipoe, boekan boeat menpedajaken orang poenja oewang atawa barang, jang boleh disehoet kadjahatan atawa kadosahan, hanja tjoema boeat mentjari katerangaı sadja."

Itoe nikoh tida menjaoet, hasja toendoeki kapala sarajah berpikir.

Itoe orang toea derkata poela:

„Toeloengilah akoe poenja madjikan, Soebo, ja, toeloengilah......."

Ini soeara jang blakangan dikaloearken dengen soeara sedi dan meratap, hingga Gak Ho jang mendengerken itoe, djadi merasa piloe. Maski poen belon taoe siapa adanja orang toea itoe poenja madjikan, tapi rasa kasian telah timboel dalem hatinja, dan sigra djoega ia menengok, dimana djoestroe itoe nikoh lagi berkata:

„Sasoenggoenja akoe nanti merasa girang sekali, kaloe bisa berboeat sedikit apa-apa goena madjikanmoe. Kerna Hwa Hoedjin dan Tjin Kiongdjin, salaennja akoe kenal baek, djoega telah banjak menoeloeng pada kita-orang, hingga boedinja jang besar akoe inget betoel. Dan boeat menoloeng padanja, itoelah memarng ada kawadjibankoe. Tapi....."

Si nikoh brentiken perkatahannja sampe di sitoe kerna dapet liat kapalanja Gak Ho jang melongok.

Sedeng itoe orang toea poen balik moekanja dan djadi terkedjoet, satelah dapet taoe jang pembitjarahannja ada didenger orang. Satoe pada laen lantas berdiam, dengen marasa koeatir.

Itoe omongan jang brenti dengen koenjoeng-koenjoeng. Gak Ho lantas dapet taoe, bahoewa apa jang lagi dibitjaraken oleh si. kolot, tentoe rasia adanja. Tapi lantaran katelandjoeran soeda dapet diliat, maka orang gaga itoe tida oempetken lagi dirinja, hanja lantas masoek ka dalem itoe gredja, dimana itoe doea orang jang lagi beromong-omong laloe bangoen dan membri hornat.

Gak Ho samboeti hormatnja itoe padri prampoean jang boekan laen dari Souw Siem adanja, laloe silaken tetamoenja berdoedoelk dan toewangken satoe tjangkir thee.

„Kwadjin ini dari manatah ?" tanja itoe orang toea pada Gak Ho, sambil memandang djoega pakeannja itoe orang gaga.

„Oh, akoe tjoema kabetoelan sadja liwat disini," saoetnja: „lantaran panasnja matalhari terlaloe kentjang, maka akoe djadi mampir. Oh, soenggoe akoe merasa girang sekali dapet ini satoe mangkok thee, kerna leherkoe poen memang teramat aoes. Tapi sasoeda ilang geranja akoe nanti berdjalan kombali.

„Kwadjin hendak ka manatah ? tanja itoe padri.

„Akoe maoe pergi ka lehwahay, saoet GakHo. „lehwahay dari sini soeda tida sabrapa djaoe," kata itoe orang toea.

„Ja, itoelah akoe taoe," kata Gak Ho sambil memanggoet.

Sigra djoega thee jang ditoewagken lantas diminoem.

Sasoedanja tjangkir-tjangkir ditaro kombali, satoe pada laen tinggal berdiam. Gak Ho sengadja berdiam sadja dengen tida mengaloearken satoe perkatahat, dengen maksoed boeat denger lebi djaoe teroesannja itoe omongan jang tadi, tapi itoe otang toea tida berkata-kata lagi, dan begitoe poen si nikoh.

Gak Ho, rasa, satefoesnja berdiam sadja, tentoe ia tiada bisa dapet taoe apa jang lagi diomongi, sedeng hati ada merasa kapingin dapet taoe siapa adanja si kolot poenja madjikan.

Tapi kaloe ia tjoba menanja, tentoe djadi koerang baek, kerna dengen begitoe, orang nanti boleh anggep, baboewaia ada saorang jang soeka tjari taoe rasia orang djoega kaloe betoet hal jang dibitjaraken itoe ada satoe rasia, apatah orang nanti maoe toetoerken padanja?

Begitoelah ia berpikir sakoetika lama.

Sedeng itoe orang toea jang sasoedanja meliat pada Gak Ho, hatinja seperti ada inget tdan merasa pernah liat roepanja ini orang gaga. Tapi waktoe kapan dan di mana, itoelah ia loepa. Gak Ho moelai bitjar a dan menanįa pada itoe orang toea katanja:

„Lopeh, apa kaoe masi kenalin padakoe?"

„Akoe tida begitoe inget betoel," saoet si kolot sambil tertawa: „tapi kaloe tida sala, rasanja akoe soeda pernah liat waktoe kioe, ada bersama-sama akoe poenja Loya, bener tah ?"

„Siapa kaoe poenja Loya ?" tanja Gak Ho sambil tertawa, kerna kira jang si kolot soeda kasalahan liat,

Madjikankoe almarboem Hwa Titje, sedeng namakoe Hwa Sien, jarig soeda berhamba lama pada kaoem Hwa"

„Oh!... Tapi apa kaoe taoe djoega siapa namakoe ?"

„Itoelah akoe loepa, saoet si kolot: maski djoega akoe, soeda berpikir lama. Tapi siapatah sabenernja Kwadjin poenja nama?".

Waktoe Gak Ho seboetken namanja jang betoel, si kolot itoe lantas berdjingkrak dan kata, njatalah ia soeda tida kliroe dan sekarang, sasoeda nama ini diseboet, baroe ia inget, bagimana doeloe ini orang gaga ada mennpoenjai hoeboengan rapet pada adjikannja.

Si kolot kaliatan girang, sedeng itoe rasa koeatir jang tadi ada dalem hatinja, dịadi linjap dengen koenjoeng-koenjoeng. Sedeng Gak Ho poen lantas menanjaken, pertoeloengan apa jang Hwa Sien miuta padain i nikoh, kerna itoe pembitjaranhan jang maski poen sebagian ia telah denger, tapi ia belon dapet artiken.

„Lopeh troesa koeatir dan tjeritakenlah dengen terang hal itoe padakoe," kata poela Gak Ho: „sabagi satoe sobat lama, akoe tentoe ada sadia boeat membri pertoeloengan pada madjikanmoepoenja koelawarga."

Hwa Sien lantas oetjapken trima kasi. Kamoedian tjeritaken, bagimana katiga madjikannja jang sekarang telah ditangkep oleh Ong Swanwie.

Waktoe terdjadinja itoe penangkepan, dịjoestroe ja lagi ada dalem papergian, hingga tida taoe bagimana djadinja dengen itoe doea Hoedjin dan Kongtjoe.

„Ini katerangan akoe dapet dari bebrapa tetangga-tetangga jang tinggal di lehmahay," kata poela si kolot: dan sampe sekarang poen, kabarnja itoe tiga koelawarga Hwa masi ada dalem gedongnja Swanwie. Akoe soeda pergi ka sana dan dalem doea hari lamanja akoe soeda serep-serepin tapi tida bisa dapet satoe kabar. Maka pada Souw Soebo akoe minta ia toeloeng pergi ka itoe gedong dengen menjamar sabagi orang jang hendak minta oewang oeroenan tapi sabenernja ada boeat liat akoe poenja Hoedjin dan Kongtjoe."

Mendenger ini katerangan, Gak Ho poen djadi terkedjoet. Berbareng itoe ia djadi inget pada itoe doea njonjatjantik jang telah menarik matanja Kwe Keng. bagitoe keras. Dan apa boleh djadi --, begitoe ia berpikir --, jang dalem ini perkara ada tipoenja Kwe Keng, jang roepanja ada tergila-gila sanget pada itoe doea njonja eilok.

Boeat dapet taoe doedoeknja perkara, Gak Ho lantas. menanja: apa itoe doea njonja di harian Tjhingbing ada pergi djalan-djalan di Jantjoeki, atawa tda.

„Pada harian Tjhingbing ?" begitoe Hwa Sien oelangken pertanjahannja itoe orang gaga: „Ja, pada itoe hari Tiin Hoedjin dan Hwa Hoedjin bersama poetranja, sahabisnja dari Tjouwijoe menengoki koeboerannja Loya, ada mampir sabentaran di Jantjoeki, kerna katanja itoe hari di sana amat rame."

Mendenger ini djawaban, sigra djoega Gak Ho dapet taoe doedoeknja perkara jang bener. Sekarang ia mengarti, mengapa Ong Tiauw-ien prenta ia pergi ka kota Radja, kaloe begitoe, tentoelah Kwe Keng maoe atoer perkara boesoek boeat poewasken napsoenja hati. Dan kaloe Tiauw-ien soeda prenta ia bawa soerat ka kota Radja, tentoelah dengen maksoed, soepaja itoe tipoe boesoek bisa dilakoeken dengen tida tertjega oleh- nja.

„Oh! oh! orang kaparat jang terkoetoek!" kata Gak Ho deugen soeara gergetan. „Tida sala, jang ini perkara tentoe......."

Gak Ho tida landjoetken perkatahannja itoe, kerna koenjoeng-koenjoeng di loear gredja ada kadengeran soeara jang bertreak-treak, katanja:

„Losoebo! Losoebo!........ Mana Losoebo, ha ?!"

Gak Ho menengok ka dịoeroesan pintoe, dimana ia dapet liat saorang lelaki berdjalan masoek ka dalem itoe gredja, dan orang itoe ia kenalin ada Ong Ngo-kho.

„He, ada oeroesan apatah kaoe dateng ka mari ?" tanja Gak Ho pada itoe orang jang memang ia kenal.

„Oh, kaoe djoega ada di sini, le Siangkong ? kata Ngo-kho: „boekantah kaoe di soeroe ka Tongking ?

Gak Ho tida saoetin itoe pertanjahan, hanja laloe balik menanja:

„Boekantah dalenn ini bebrapa hari Swanwie ada tangkep familie Hwa poenja Kongtjoe bersama doea Hoedjin ?"

„Ja, bener," saoet Ngo-kgo: „tapi apatah lantaran itoe jang membikin kaoe oeroengin perdjalananinoe ka kota Radja dan dateng ka mari ?"

Ja, Swanwie soeroe orang soesoelin dan prenta akoe balik konmbali boeat damiken itoe oeroesan," saoet Gak Ho, jang soeda tida bisa mendjawab laen. „Nah kaloe begitoe, boeat apatah kaoe tanjaken lagi hal itoe padakoe ?"

„Tapi kaoe perloe apa dateng ka mari ?"

„Akoe diprenta oleh Kwe Siangkong boeat oendang Losoebo dateng ka sana."

„Perloe apa ?"

„Ah, masa perloe apa lagi ?"

Gak Ho tida mengarti itoe djawaban, maka dengen hati berdebar-debar ia laloe menanja lagi dengen baek, di mana achirnja dengen teroes terang Ngo-kho kasi taoe, tentoelah nikoh ini hendak diprenta memboedjoek itoe deea njonja tjantik, soepa- ja soeka toeroet kamaoeannja itoe doea orang boesoek.

Mendenger ini katerangan, boekan maen Gak Ho poenja goesar dan gemes. Tapi ia tahan hatinja dan tida kasi kentara amaranja itoe. Hanja dengen perkatahan-perkatahan manis ia soeroe Ong Ngo-kho doedoek, dan tanjaken djoega, apa ini sobat maoe minoem arak.

Sambil menanjaken begitoe, dengen zonder toenggoe orang poenja dịawaban, Gak Ho laloe kaloeraken oewang dan prenta Hwa Sien lekas beli arak beserta makanan bawa ka mari, kerna ia hendak minoem-minoem pada Ngo-kho.

Sasoedanja Hwa Sien berlaloe, Gak Ho menanja kombali pada ini orang jang maoe dibikin mabok, brapa lama ia soeda djadi pengikoetnja Kwe Keng! Ngo-kho menja0et dengen teroes terang, bahoewa belon lama ia djadi pengikoetnja Kwe Keng. Dan sabagimana ini sobat, ia poen kenal Kwe Keng salagi ada di perdjalanan.

Waktoe Gak Ho tanja lebi djaoe, apa Ngo-kho merasa senang djadi pengikoetnja itoe kaparat. Maka sambil tertawa si pengikoet itoe djawab : kaloe sabegitoe dịaoe ia soeda maoe hekerdja djadi pengikoet. itoelah ada dari lantaran terpaksa dan apa-boleh-boeat sadja, Sebab kaloe tida ada sangkoetan, tentoelah ia soeda tinggal. Sebab Kwe Keng itoe salaennja pelit dan maoe berlakoe agoeng-agoeng, djoega tida sekali mempoenjai rasa kasian. Liat sadja ini pakean jang sekarang ada di badannja, soeda brapa lama tida ditoekar-toekar, sedeng Kwe Keng jang mendjadi madjikan, maski saban hari makan enak dan berpake bagoes, toeh tida sekali mempoenjai ingetan padanja.

Djawabannja Ngo-kho itoe ada menjenangken hatinja Gak Ho. Maka waktoe ia tanja lebi djaoe,apa brangkali Ngo-kho niat berhamba salamanja, dengen tertawa pengikoetnja Kwe Keng itoe berkata:

„Berhamba salamanja ?, heu!-- Begitoe ada waktoe jang bagoes, tentoe djoega akoe lantas tinggalkein dengen tida berpaling lagi padanja. Sagala madjikan jang begitoean, boeat apatah di-ikoetin lama-lama ?" „Apa kaoe tida harep dapet pertoeloengannja?”

„Dapet pertoeloengannja Kwe Keng, itoe pengemis? Pertoeloengan apatah jang ia bisa briken?”

„Pengemis? Bagaimana kaoe boleh bilang pengemis?”

Ngo-kho lantas tjeritaken satoe persatoe tentang dirinja, bahoewa ia sebenernja ada orang hoekoeman jang diprenta menganter perdjalananja Kwe Keng ka kota Kiankong. Kerna Kwe Keng itoe sabenerja ada satoe pengemis. tapi pada soeatoe hari Gisoe Tio Liang-sih jang ka betoelan brenti di pasanggrahan tempat singganja ambtenaar-ambtenaar, dapet ketemoe pada Kwe Keng, dan lantas ditoeloeng.

Satoe persatoe Ngo-kho toetoerken dengen terang, bagimana pada sabelonnja ketamoe itoe ambtenaar, Kwe Keng ada teramat pajah. Pakeannja jang mesoem ada amat boesoek, sitiap hari minta-minta barang sisa makanan dari itoe pengoeroes Koan.

Gak Ho dengerken itoe tjerita dengen merasa senang di hati. Sedeng Ngo-kho tjeritaken lebi djaoe, bagimana Kwe Keng itoe bener teramat sombong, hingga sagala perkara jang ia tida mampoe lakoeken, toch ia brani mati-matian aken sanggoepian. Hal jang terdjadi di roemanja Tjian Hoangwe poen dikasi taoe, dan sahabisnja menoetoerken itoe, masing-masing lantas tertawa. Baroe sadja iaorang beromong sampe di sitoe, Hwa Sien jang diprenta beli arak soeda dateng kombali dengen membawa itoe barang-barang makanan, Gak Ho lantas adjak Ngo-kho doedoek minoem sambil beromong-omong lebi djaoe. Sekarang ia rasa, Ngo-kho ini tida perloe diloloh kerna dari bitjaranja poen telah ternjata, bahoewa ia tida bersatia pada Kwe Keng.

Sasoedanja ia dapet taoe di mana adanja itoe tiga orang tawanan, Gak Ho kaloearken lagi doea tail perak dan kasiken itoe pada Ngo-kho sambil berkata:

„Nah trimalah ini oewang boeat kaoe bikin plesir, sedeng pakerdjahanmoe akoe holeh talangin. Dan waktoe kaoe ka mari, Kwe Keng ada di mana ?"

„Kwe Siangkong bersama Ong Swanwie, pada sahabisnja prenta akoe panggil Losoebo, soeda lantas pergi," saoetnja.

„Pergi ka manatalı ?" tanja Gak Ho.

„Pergi pasang hio ka goenoeng Biauw-San."

„Apa kaoe taoe djoega kapan iaorang balik kombali ?

„Besok sore atawa noesa pagi."

„Kaloe begitoe kaoe boleh plesir sampe mabok poen tida kenapa,“ kata Gak Ho sambil tertawa:

„kerna Swanwie bersama Kwe Keng toeh tida ada di roema, sedeng pakerdjahanmoe ada akoe jang gantiken."

„Kaoe ini baek sekali, le Siangkong, soenggoe akoe merasa trima katjitaanmoe teramat besar"

Sahabisınja kata begitoe, Ngo-kho lantas minoem kombali, sedeng Gak Ho lantas menghamperi Hwa Sien dan berkata dengen soeara berbisik?

„Apa sadari madjikaninoe di tangkep, kaoe soeda nasoek ka itoe gedong?"

„Ja, kerna akoe poen memang tinggal di sitoe, saoetnja Hwa Sien.

„Dan boedjang-boedjang jang laen ?"

„Tida, iaorang soeda pada merat.“

„Djadi barang-barangnja madjikanmoe masi ada dalem itoe gedong ?"

„Ja, barang-barang semoeanja poen tida koerang satoe apa."

„Kaloe begitoe, baeklah. Dan sekarang kaoe pergi poelang, benaken barang-barangnja madjikanmoe jang berharga, seperti, nas inten dan sabaginja. Kamoedian kaoe boengkoes itoe djadi satoe bersama barang pakean. Sasoedanja beresitoe semoea, lantas kaoe sadiaken satoe praoe dan bawa itoe ka deket roemanja Ong Swanwie, kerna ini ada waktoe jang baek boeat toeloeng itoe doea Hoedjin dạn Kongtjoe."

Hwa Sien memanggoet dan lantas berlaloe.

Gak Ho laloe balik kombali ka medja tempat di mana Ngo-kho lagi herminoem, dan salagi orang gaga ini maoe toewangken kombali arak, Ngo-kho menjega sambil berkata:

„Ah, soeda tjoekoep, Siangkong, akoe tida bisa minoem lagi lebi banjak."

„Dan lagi satoe gelas sadja," kata Gak Ho sambil bersenjoem.

„Trima kasi, kaoe ini soenggoe baek sekali, Siangkong,“ `kata Ngo-kho jang trima itoe dengen tida menjega: „ah kaoe ini bener-bener amat baek, soenggoe! akoe ingin sekali bisa mendjadi hambamoe."

„Apa kaoe bitjara dengen soenggoe, sobatkoe?"

„Soenggoe mati !"

„Kaoe nanti bersatia padakoe ? Bersatia bener-bener."

„Baeklah. Tapi dengen zonder mendjadi hambakoe djoega, kaoe bisa oendjoek itoe kasatiahan, kaloe kaoe maoe.

Ngo-kho tida mengarti itoe perkatahan, hanja Jaloe minoemitoe arak jang ditoewang paling blakang, dan kamoediaı tengkoeroepi mangkoknja, sabagi tanda jang lehernja soeda tida bisa trima lagi toeroenja itoe minoeman.

Gak Ho laloe enghamperi pada Souw Siem, dan omong pada itoe pa dri prampoean bisik-bisik, apa jang dibitjaraken, itoelalı tịoema marika sadja jang taoe. Kamoedian doedoek kombali di hadepannja Ngo-kho.

„Hajolah sekarang kita brangkat," kata Ngo-kho sambil berbargkit.

„ Baek, kata Gak Ho, jang lantas adjak Souw Siem. Dan ini nikoh, jang memang soeda dipesen bagimana moesti berboeat, tida menampik lagi, hanja lantas sadja mengikoet. Tapi sekarang datengnja ka gedong. Swanwie tida oesah dengen belaga maoe ninca derma.

Tida lama tiga orang itoe telah sanpe. Boedjang-boedjang Ong Tiauw-ien, jang memang amat soeka pada Gak Ho, satelah liat itoe orang gaga soeda kombali, lantas pada mendeketi dan menanjaken ini itoe, mengapa ia soeda kombali begitoe tjepet, sedeng, boekantah ia ini teleh diprenta membawa soerat ka kota Radja.

Gak Ho kasl djawaban sabagimana di gredja ia menjaoet pada Ngo-kho.

Ini katerangan dipertjaja, maka semoea boedjang-boedjang tida ada jang bertjoer iga.

Sigra djoega Ngo-kho bawa itoe doea orang ka kamar wetan, tempat di mana Hoedjin dan Tjin Hoedjin bersama Hwa Kongtjoe ada tertoetoep.

Di djalan Ngo-kho itoe berkata dengen soeara pelahan pada Souw Siem:

„Tapi itoe doea. Hoedjin ada terlaloe keras hati, maka baek-baek boedjoek padanja, djangan sampe menerbitken marika poenja kamoerkaban. Sebab itoe doea njonja bangsawan, kaloe soeda goesar, tida gompang-gampang dibikin lemes,"

„Oh, itoelah akoe mengarti," saoet itoe nikoh: „kaoe troesa koeatir, akoe taoe bagimana moesti berkata-kata.

„Bagoes, kaloe begitoe kaoe bakal dapet persen besar," kata Ngo-kho: „kaloe Swanwie dan Kwe Siangkong poelang itoe njonja soeda terboedjoek, pastilalı ia nanti djadi girang sekali."

Sahabisnja kata begitoe, ia angkat tangannja dan menoedjoe ka satoe djoeroesan sambil berkata:

„Itoe jang kaliatan pintoenja, dan trimalah ini koentji.„

Gak Ho samboeti, sedeng Ngo-kho berkata poela

„Kaoe sadja berdoea Lusoebo jang masoek, Siangkong, akoe toch tida perloe toeroet, boekan ?"

„Ja, tida perloe," saoet Gak Ha.

Kadoeanja itoe lantas naek ka atas loteng, sedeng Ngo-kho balik kombali ka tempat djagahannja.

Tida lma pintoenja itoe loteng wetan soeda terboeka. Kadoea Hoedjin dan Kongtjoe kaliatan kaget, waktoe denger ada orang dateng, kerna kira jang masoek itoe Kwe Keng, orang koerang adjar dan tjeriwis jang marika trasoedi liat lagi bebangoesnja. Tapi satelah liat jang dateng itoe ada saorang lelaki jang berpotong gaga dan roepa tjakep, bersama satoe padri prampoean, ini orang-orang tawanan djadi merasa heran dan memandang dengen tida berkata-kata

Gak Ho laloe menghampirken dan lantas angkat tangan membri hormat, begitoe djoega Souw Siem. Itoe tiga orang tawanan lantas membales, sedeng hati ada merasa heran.

Gak Ho rapetin kombali itoe pintoe sambil meliat koeliling, seperti koeatir kaloe-kaloe ada laen orang jang denger bitjaranja. Tapi setelah ternjata jang dalem itoe kamar toetoepan tida aba laen manoesia dari pada marika berlima, baroe ia berkata:

„Troesa koeatir, Soso! Orang-orang jang baek, Allah poen memberkahken, hingga ini hari ada djalan boeat akoe bisa ketemoe pada Djiwi Soso dan Hiantit jang lagi berada dalem kasoesahan besar."

Hwa Kiongdjin dengen poetranja, begitoe poen Tjin Kiongdjin, djadi merasa heran dan tida taoe apa moesti djawab. Marika memandang Gak Ho dengen heran, kerna ini tiga orang poen belon perna katemoe pada ini orang gaga. Gak Ho landjoetken perkatahannja:

„Tentoe Djiwi Soso merasa hera dan tida taoe siapa adanja orang jang sekarang mengadep padamoe. Akoe ini boekan laen dari Thiatkiauwtjoe Gak Ho, dan namakoe ini Djiwie Soso tentoe soeda denger djoega.

„Dan lantaran sakean lama soeda berpisa dari ajahmoe," kata poela Gak Ho pada poetranja tida kira kaoe soeda begini besar."

„Oh, kiranja ini Gak Ho Sioksiok," kata Hwa Kongtjoe sambil berbangkit membri hormat, kerna ia poen soeda denger dịoega ini nama, di waktoe ajabnja masi ada. „Oh, Sioksiok, soenggoe akoe tida kenalin dan harep tida boeat ketijil hati.".

Kadoea Hoedjin poen lantas bangoen membri hormat dan oetjapken perkatahan sabagimana anaknja, menjataken kagirangan jang marika bisa katemoe soeaminja poenja sobat iama jang sabagi soedara.

„Beroentoenglah Sioksiok poenja dateng ini bagikoe," kata poela Hwa Kongtjoe.

„Ja, akoe poenja dateng ini poen boekan bermaksoed laen, dari pada hendak kaloearken kaoe dari ini toetoepan," kata Gak Ho: naka kaoe, Kongtjoe, bertiga Soso troesa koeatir, bersabarlah Sampe sabentar sore."

Doea Hoedjin menjataken kagirangan jang tida dapet dikata. Gak Ho lantas kasi taoe, bahoewa ia soeda atoer satoe itpoe boeat toeloeng kadoea Kiongdjin bersama Kongtjoe, maka dari sekarang, djanganlah itoe tiga orang djadi terlaloe berkoeatir atawa soesa hati, kerna sabentar djoega bisa berlaloe dari ini toetoepan.

Hoedjin mengoetjap banjak trima kasi.

Kerna kagirangan jang dateng begitoe mendadak, Hwa Hoedjin dan Kiongdjin djadi loepa menanja di mana Gak Ho itoe poenja tempat tinggal, dari siapa ia denger ini perkara dan laen-laen poela, hanja mengoetjap soekoer pada Toehan, jang telah dateng satoe penoeloeng boeat mendjaga kasoetjiannja.

Kamoedian Hoedjin itoe memandang pada Souw Siem dengen roepa heran, kerna tida taoe kenapa ini padri djoega toeroet dateng bersama-sama.

Souw Siem laloe tjeritaken, bagimana sasoenggoenja ada seperti Allah jang kirim Gak Ho ka mari boeat toeloeng ini doea njonja dan Kongtjoe, kerna niat boeat membriken ini pertoeloengan poen boekan telah dipikir lebi doeloe, hanja ada dengen kabetoelan.

Kamoedian ia tjiritaken dari bermoela, jaitoe bagimana tadi pada bebrapa djam jang laloe, Hwa Sien, boedjang toea dari ini orang bangsawan ada dateng ka gredja boeat minta ia toeloeng serep-serepin keadahannja ini doea Hoedjin, sebab Hwa Sien sendiri, maski soeda serep-serepin doea hari lamanja, tida djoega mendapet kabar jang betoel.

Lantaran begitoe ― kata Souw Siem lebi djaoe ―, Hwa Sien djadi koeatir dan laloe tjeritaken bagimana hatinja poenja koeatir. Tapi tida doega, waktoe salagi beromong-omong, di loear gredja ada brenti Gak Ho, hingga apa jang baroesan telah diomongken, Thiatkiauwtjoe telah denger sabagian.

Kamoedian, lantaran liat ada orang, pembitjarahannja pada Hwa Sien djadi terpoetoes, sedeng Gak Ho poen, jang lantaran dirinja soeda terliat olehnja berdoea itoe boedjang toea, djadi tida mengoempet lebi lama, hanja lantas masoek ka dalem gredja, dimana iaorang laloe minoem thee dan beromong-omong.

Achirnja, sasoedanja Gak Ho kenalken diri, baroelah Hwa Sien tjeritaken bagimana keadahannja ini doea Hoedjin bersama Kongtjoe, hingga Gak Ho lantas atoer satoe tipoe boeat dateng menoeloeng.

Satoe persatoe apa jang pembatja soeda liat di itoe gredja, Souw Siem toetoerken dengen terang, dan marika masing-masing laloe angkat kadoea tangannja ka atas kapala, seperti hendak membilang trima kasi pada Toehan Jang Maha Koeasa. „Njatalah ini bener-bener ada toeloengannja Allah," kata Hwa Hoedjin. „Kerna dengen tida disengadja, Sioksioe boleh mampir ka itoe gredja dan denger apa jang boedjangkoe lagi bitjara pada Losoebo."

„Itoelah memang ada gandjarannja orang-orang jang berhati baek," kata Souw Siem: „jang salamanja dapet perlindoengan.

Hwa Hoedjin merasa piloe menginget bagimana boedjangnja poenja kasatiahan, kerna tjoba, dengen zonder ada Hwa Sien jang omong-omong dan minta. toeloengannja ini nikol, tentoe Gak Ho tida dapet taoe ini perkara.

lioe waktoe Souw Siem laloe tjeritaken, bagimana ia telah dioendang oleh Ngo-kho boeat memboedjoek Hwa Hoedjin dan Kiongdjin, djoega kasi taoe, jang penangkepan ini meloeloe ada tipoenja Kwe Keng, boekan dengen kahendakınja Baginda Radja, sabagimana itoe orang djahanam telah kataken.

Mendenger namanja Kwe Keng, Hwa Hoedjin dan Kiongdjin djadi geines sekali, hingga dengen sengit ia mengoetoek :

„Oh, itoe orang tjilaka doerhaka! Orang tjeriwis jang terkoetoek!

Betoel-betoel ada manoesia jang amat kedji dan tida taoe maloe!"

Souw Siem laloe menghiboer dengen perkatahan-perkatahan aloes, soepaja ini kadoea njonja tida djadi terlaloe djengkel. „Tapi siapatah adanja itoe Ngo-kho, jang telah mengoendang Losoebo boeat memboedjoek kita-orang di sini ?" tanja poela Hoedjin.

„Oh, itoe ada boedjangnja Kwe Keng.

Lebi djaoe Gak Ho kasi taoe, bahoewa itoe doea orang kaparat jang menawan Hwa Hoedjin, ini hari tida ada di roema, hingga pertoeloengan boeat kasi ini tiga orang toetoepan lari, dịadi ada lebi gampang.

„Sekarang Djiwie Soso soeda taoe kadatengankoe berdoea Soebo," kata Gak Ho sambil berbangkit: „maka bersadia-sadialah boeat berangkat pada sabentar sore, sedeng pesenan lebi djaoe akoe rasa tida perloe. - Dan datengkoe ka mari poen boekan laen dari membri taoe lebi doeloe, soepaja Soso dan Kongtjoe bisa lakoekern persadiahan boeat ninggat."

Kamoedian ia ambil dari sakoenja saboengkoes kertas, dan hamperi pada Hwa Kongtjoe sembari pesen dengen soeara berhisik.

Hwa Kongtjoe trima itue sembari manggoet-manggoet, sedeng noeloet tida brentinja mengoetjap trima kasi.

Kamoedian marika pada berpisa.

Pintoenja kamar loteng jang mendjadi tempat tahannja itoe tiga orang, ditoetoep kombali, dan Gak Ho berdoea Souw Siem laloe toeroen ka bawah. Ngo-kho jang lagi berdjalan moendar-mandir di itoe roewangan, satelalh liat si nikolh soeda toeroen, lantas menghamperi dan menanja:

„Bagimana, Losoebo, berestah ?"

„Wah! soesa bener!" saoetnja si padri sambil gojang kapala.

„Mengapa ? Apa doea njonja itoe soeda tida bisa diboedjoek ?"

„Boeat kata tida bisa, itoelah. belon tentoe."

„Abis ?

„Boeat beroeroesan pada orang jang berhati begitoe keras, kita-orang moesti ada mempoenjai kasabaran jang tjoekoep," menjaoet Gak Ho, pada sebelonnja nikoh tida mendjawab: „kaloe maoe berlakoe boeroe-boeroe dan tida maoe goenaken kasabaran, dịangan harep bisa eiloek hatinja orang jang seperti batoe."

,,Ja, memang adatnja itoe doea Hoedjin ada keras seperti besi," kata Ngo-kho: „tapi Swanwie ada mengandel betoel padamoe."

„ltoelah boleh diharep," saoet Souw Siem Kamoedian nikoh itoe balik poela ka gredja.

Sorenja dari itoe hari, boedjang-boedjang gedongnja Ong Swanwie, jang memang ada ba pada Gak Ho, lantas sadiaken makanan beserta arak. Kaloe itoe boedjang-boedjang soeda berlakoe begitoe baek, itoelah soeda terdjadi, lantar

Pembalesan Kawanan Liangsan

Gak Ho berboedi balhasa manis, hingga semoea orang djadi merasa soeka.

Sasoedanja dahar itoe semoea barang sautapan, Gak Ho minta lagi sedikit makanan dan kamoedian bawa itoe sebotol arak ka loteng wetan, dimana ia dapet liat Ngo-kho lagi berdoedoek sembari melengoet-lengoet, kerna masi merasaken poesing bekas tadi siang minoem. di gredja.

„He, kaoe tidoer!“ kata Gak Ho sambil gojang-gojang badannja itoe orang pendjaga, jang berada di roewangan bawa dari itoe loteng toetoepan.

Ngo-kho tersedar dan lantas boeka matanja sambil berkata:

„Apa?.... apa?....."

„He, kaoe ngantoek ?" kata Gak Ho sambil tertawa: „begini sore soeda maoe tidoer ?"

„Boekan, boekannja ngantoek," saoetnja Ngo-kho sembari koetjak-koetjak mata: „hanja..... kapalakoe masi merasa......"

„Tapi, he, apa itoe ?" begitoe ia simpanken perkatahannja, waktoe liat Gak Ho poenja tangan memegang botol.

„lni masi ada lagi arak," kata Gak Ho sambil tertawa: „akoe .taoe kaoe bisa minoem banjak, maka minoemlah ini dengen senang"

„Oh, kaoe ini soenggoe baek sekali," kata Ngo-Kho dengem girang dan boeka kadoea matanja dengen besar: „soenggoe kaoe manis sekali, le Siangkong. Tadi siang kaoe soeda soegoeken akoe sampe poewas, dan sekarang, konbali kaoe bawaken lagi satoe botol ? Ah, dengen apatalh akoe moesti bales boedimoe ini ?"

„ltoe toeh perkara ketjil, memgapatah moesti dipikir ?"

„Soenggoe djarang ada orang jang seperti kaoe."

Sigra djoega botol arak bersama barang hidangan soeda ada di hadepannja Ngo-kho, jang dengen tida bertjoeriga laloe minoem sapoewasnja hati. la toeh t'da doega, kaloe Gak Ho ada mempoenjai laen niatan, maka ia toewang dan toewang lagi arak itoe ka dalem tjawan, jang saban-saban diminoem kering.

Sabelonnja arak sabotol diminoem abis, Ngo-kho soeda kaliatan melahak-melehek, dan kamoedian..... gabroek! ia djatodi korsi tempatnja doedoek, dengen moeloet berboesah.

Itoe pendjaga orang-orang tawanan soeda kaliatan seperti bangke, di itoe saat djoega lantas terdenger napasnja segar-segor.

„la soeda mabok betoel," kata Gak Ho dalem hati: „sekarang Soeda boleh akoe moelai bekerdja"

Kamoedian Gak Ho angkat-angkatin itoe piring dan mangkok jang bekas barang makanan, singkirken djoega itoe botol arak jang soeda ditaroken obat, kamoedian pindaken Ngo-kho ka soeatoe tempat sebla pingiran, pada sasoeda sarentjeng anak koentji jang ada di kantongnja diambil,

Dengen kalakoean sebat, Gak Ho laloe naek ka atas loteng dan boeka pintoenja itoe kamar toetoepan.

Di satoe podjok ada kaliatan doea orang jang lagi meringkoek. Tapi Gak Ho tida djadi heran meliat itoe, hanja membri tanda jang minggat soeda boleh dimoelai.

„Itoe obat boeboek jang tadi kaoe kasi, soenggoe moestadjep sekali, Sioksiok,“ kata Hwa Kong-tjoe sambil menoendjoek ka itoe podjok: „liatlah itoe doea djoeroe peat soeda meringkoek seperti mait.“

„Ja Ngo-kho poen, jang mendjaga di bawa dari ini loteng, akoe soeda kasi makan itoe obat tidoer jang terdampoer di dalem arak,“ saoet Gak Ho: „Tapi biarken sadja marika menggeletak di sitoe. Tapi sekarang hajoelah!“

Kamoedian ampat orang itoe laloe toeroen dari loteng dengen tindakan pelahan. Dan maski soeda ibilangin, jang di bawa tida ada satoe orang nanti menghalangken larinja, toch itoe doea njonja rasaken hatinja masi berdebar-debar.

Kerna itoe hari soeda tanggal bebrapa belas maka baroe sadja liwat menggerib, boelan telah pentjarken sinarnja ka saloeroe boemi. Dari pertengahan bawah, tempat di mana Ngo-kho jang poeles ada terletak, Gak Ho laloe adjak itoe tiga orang djalan ka belakang menoedjoe ka kebon kembang. Di sapandjang djalan marika tida katemoeken boedjang atawa pengawal, kerna matika itoe, sahabisnja melakoeken pakerdjahannja, soeda pergi senang-senangken hati di waroeng thee atawa di waroeng minoeman, begitoelah memang biasanja boedjang-hoedjang orang hartawan dan berpangkat, jang kaloe madjikannja tida ada di roema, sababisnja kerdja lantas tjari kesenangan.

Gak Ho jang memang soeda taoe kaädahanjna ini gedong, berdjalan teroes. dengen zonder merasa bingoeng, menoedjoe ka pintoe kebon. toe roema ketjil jang ada dalem kebon kembang dan ada mendiadi tempatnja Kwe Keng, kaliatan gelap.

Sasampenja di pintoe, Gak Ho laloe boeka koentjinya dan itoe tiga orang lantas ka loear dan kamoedian pintoe itoe dikoentji lagi dari loear.

Ampat orang lantas menoedjoe ka pinggir kali. Kerna soengei itoe pernahnja soeda tida sabrapa djaoe, maka berdjalan tida lama, sigra djoega ia orang telah sampe.

Di pinggir itoe kali ada kaliatan satoe praoe jang tertambat. Dalem itoe kandaran aer ada berisi banjak peti-peti dan boentelan-boentelan besar. Koetika meliat orang soca itoe orang jang ada di dalem praoe laloe berdiri mengawasi.

Orang itoe lantas berseroeh kagirangan. satelah dapet kenalin siapa adanja itoe ampat orang jang lagi menghamperi.

Hwa Hoedjin dan Kiongdjin, begitoe poen Kongtjoe, djadi amat girang satelah meliat Hwa Sien soeda menoenggoe dengen satoe praoe besar. Dan itoe boedjang toea jang satia laloe membri hormat pada katiga madjikannja, kamoedian pasangin tangga boeat iaorang naek ka dalem praoe.

Sasoedanja Gak Ho djoega berada dalem itoe kandaran aer, tangganja boeat menjebrang laloe diangkat.

Boekan maen girangnja Hwa Hosdnn satelah sasampenja di dalem itoe praoe, liat jang disitoe boekan sadja sagala barang-barang berharga, barang pakean dan barang jang perloe ada terbawa, malah boedjang-boedjangnja poen, jang berdjoembla brapa belas orang, lelaki dan perempoean, ada berkoempoel.

Marika itoe kaliatan girang dan membri hormat pada kadoea Hoedjin dan Kongtjoenja.

Sasoedanja menanjaken kawarasannja madjikan sendiri, itoe semoea. boedjang pada menghamperi Gak Ho dan hatoerken trima kasinja pada ini orang gaga.

Hwa sien laloe prenta anak-anak praoe djalanken kandaran aer, jane sasampenja di tenga, laloe dipasangken lajar, Soepaja djalannja djadi ladjoe.

Tatkala itoe Hwa Hoedjin menjataken ia poenja rasa trima kasi dan soekoer jang besar pada Gak Ho, jang ia kata: tida taoe sampe oe ini boedi bisa dibales.

"Tjobalah kaloe tida ada Sioksiok, pastilah ini hari kita tida bisa ketemoe lagi pada ini semoea boedjang-boedjang jang satia,” kata Hwa Hoedjin: "sebab kita berdoea poen soeda ambil poetoesan jang pasti, bahoewa tida ada laen djalan jang lebi baek boeat lolosken diri dari itoe bahaja, dari pada korbanken sadja djiwa. Itoelah tloema ada djalan jang satoe-satoenja boeat mendjaga kitaorang poenja kasoetjian dan kahormatan.”

"Apa jang akoe berboeat, itoe toch tida lebi dari kawadjipankoe, Soso,” kata Gak Ho dengen soeara menghiboer: "djangan poela Soso jang ada dalem ini bahaja, maski poen orang laen toch haroes ditoeloeng, kaloe dapetken kabintjanahan jang sebegitoe roepa. Tapi beroentoenglah akoe kaboeroe dapet taoe ini perkara, hingga tida membikin Djiwi Soso dan Hiantit menanggoeng kasangsarahan jang lebi heibat.”

"ooenggoe akoe tida loepa atas Sioksiok poenia boedi,” kata Hwa Kongtjoe dan kadoea Hoedjin dengen soeara berbareng. „Soenggoe akoe menjesel sekali jang akoe tida bisa lantas kenalken waktoe Soso ada di Jantjoeki," kata Gak Ho: ,,tjoba kaloe akoe bisa lantas kenalken di itoe waktoe, brangkali Djiwie Soso dan Hiantit tida oesah menampak perkara jang begini tida enak."

,,Oh, apatah Sioksiok taoe djoega, waktoe kita-orang djalan-djalan sabentaran di itoe tempat plesiran ?"

,,Boekan sadja akoe taoe, tapi djoega akoe telah liat Djiwie Soso bersama Hiantit ada berdjalan dengen teriring oleh bebrapa boedjang."

„Ja, benerlah. Memang pada itoe hari, sahabisnja pergi di koeboeran, kita-orang ada mampir sabentaran di Jantjoeki boeat djalan-djalan. Ah,akoe poen menjesel sekali tida bisa ketemoe Siok-siok terlebi siang."

Kamoedian, sasoeda bertjerita-tjerita lebi djaoe, Gak Ho berkata:

Sekarang ka mana Soso rasa lebi baek kita pergi?"

,,Ah, itoelah kita-orang serahken sadja pada Siok-siok, di mana jang kaoe rasa ada baek dan santausa boeat kita-orang berlindoeng," saoet Hwa Hoedjin: ,,maka tida perloe tanja kita poenja pikiran."

,,Kaloe Soso bilang begitoe, baeklah kita menoedjoe sadja ka Hangtjioe, kerna di sana nja tersoehoer bagoes,” kata Gak Ho: ,,sedeng boeat pergi ka Tengtjioe, itoelah tida bisa,”

,,Baeklah, kita-orang menoeroet sadja,” saoet Hwa Hoedjin dan Kiongdjin dengen soeara berbareng: "tapi, mengapatah tida bisa pergi ka tengtjioe ?“

,,Ja, Soso roepanja tida taoe apa jang dalem waktoe blakangan telah terdjadi dengen Tjihoe Soen Liep,” kata Gak Ho jang moelai toetoerken, bagimana Soen Liep soeda terbitken kariboetan di itoe kota, hingga boekan sadja itoe Tjihoe, ia sendiri poen, jang ada tersangkoet familie, djadi terpaksa moesti singkiri diri.

Hal ini ia tjeritaken satoe persatoe dengen terang. Dan datengnja di kota Klankong poen, ada dalem pengoembarahan. Tapi tida didoega, di sitoe ia bisa ketemoe ini kadoea Soso dan poetranja.

,,Tjoba, kaloe tida.ada terdjadi perkara kariboetan jang diterbitken oleh Tjihoe Soen Liep,“ kata poela Gak Ho sabagi penoetoepnja: "akoe tentoe adjak Soso ka Tengtjioe sadja. Tapi kaloe dibandingken antara Hangtjioe pada Tengtjoe, Hantjoe ada lebi bagoes dan mahmoer. Maka ini tempat jang sekarang kita maoe pergiken, boekan sadja nanti bisa dapetken satoe tempat jang pantas boeat Soso, tapi ada baek djoega boeat Hiantit, boeat menoenggoe satoe tempo jang bagoes aken kenalken diri pada doenia. „Anakkoe masi beroesia terlaloe moeda,“ kata Hwa Hoedjin: „harep Siok-siok toeloeng bri pimpinan, jang dengen pimpinanmoe, akoe pertjaja dirinja aken beroleh djadi orang jang bergoena.“

Salagi marika beromong-omong, boedak soeda sadiaken makanan, dimana marika itoe laloe makan minoem dengen sagala girang hati.

Praoe belajar teroes dengen ladjoe, dan taoe-taoe itoe waktoe soeda liwati tenga-malem. Gak Ho memandang ka koeliling. Dari Liong kangkoan ia prenta anak praoe ambil djalan jang menoedjoe ka Tienkang, dan dari sitoe belajar teroes.

Angin ada bagoes, maka djalannja praoe tida sekali mendapet halangan apa-apa. Saliwatnja di Kosouw prace itoe telah sampe di Pouwtekio.

Esoknja, di waktoe matahari soeda naek tinggi, baroelah kadoea Hoedjin itoe tersedar dari tidoernja.

Sabenernja ini doea njonja tida biasa bangoen sampe siang, tapi lantaran samalemnja mengomong-ngomong sampe liwat fadjar, maka ia bangoen djadi lebi siang sedikit dari waktoenja jang biasa.

Di waktoe siang dari ini hari, angin ada bagoes, hingga praoe bisa berdjalan ladjoe. Pemandangan di sapandjang djalan ada bagoes. Tapi di waktoe sore, kerna anak-anak praoe hendak boeroe tempo boeat sampeken Gouwkang, maka praoe tida dibrentiken, dan apa maoe mendadak itoe waktoe dateng angin keras.

Oedara poen kaliatan gelap, aer soengei djadi berombak-ombak dan anmat soesa boeat diliwatken praoe. Angin samingkin lama djadi samingkin keras, hingga orang-orang jang berada dalem praoe djadi merasa kedar.

Salagi orang kabingoengan begitoe, koenjoeng-koenjoeng dari satoe djoeroesan ada kaliatan doea praoe jang lagi mendatengi dengen tjepet. Saorang gaga jang mamegang gegaman ada berdiri di itoe kandaran aer, dan sasoedanja deket dengen praoenja Gak Ho, Hohan itoe berseroeh dengen soeara keras:

„Praoe jang berdjalan di depan, tahan!"

Anak-anak praoe djadi amat takoet.

Tida lama kamoedian : praoe itoe soeda ampir berendeng rapet, dan itoe orang gaga jang kaliatan berdiri di kapala praoenja, lantas berlompat ka praoenja Gak Ho, sambil poeter sendjatanja jang diseboet Samkodji-ih.

Meliat begitue, semoea anak-anak praoe djadi amat katakoetan. Sekarang marika mengarti, jag praoenja dioebar badjak. Hwa Hoedjin dan Tjin Kiongdjin jang ada dalem praoe dan liat jang kapala hadjak soeda ada di praoenja, djadi amat katakoetan. Gak Ho bersama Hwa Kongtjoe lantas bangoen berdiri dan bersadia boeat tangkis serangannja itoe begal laoet. Tapi satelah soeda ada do praoe orang, itoe badjak lantas lemparken gegamannja dan kamoedian tjaboet golok jang terselip di pinggangnja.

Tida ada saorang jang brani mendjaga. Itoe badjak poen tida, maoe lantas memboenoe anak-anak praoe jang tida melawan, hanja lantas memboeroe pada Gak Ho dan Hwa Kongtjoe jang soeda bersiap boeat melawan.

Tapi Gak Ho djadi sedikit heran, satelah liat badjak itoe tinggal berdiri memendang padanja, boekan lantas menjerang, sabagiannja jang bermoela ia telah doega.

,,He, siapakah kaoe?" menanja itoe badjak dengen soeara keras.

Gak Ho jang satelah denger itoe soeara, djadi terkesiap, kerna soeara itoe seperti rasa kesal.

Sigra djoega Gak Ho lantas dapet inget dan menjaoet:

,,Apa.kaoe ini boekannja Tong Wie, jang diseboet djoega Tjoettongkauw?"

,,Benerlah, sobat" berseroeh itoe badjak sambil masoeki kombali goloknja ka dalem saroenh, kerna denger namanja diseboet, ia poen lantas dapet kanjatahan, bahoewa orang jang ada di depannja, benerlah ada itoe kenalan lama dan tida kliroe lagi pengliatannja, sabagimana bermoela poen ia soeda lantas kenalin.

,,Oedara jang gelap, ampir sadja membikin akoe djadi kliroe," kata poela itoe badjak dengen girang: ,,kaoe hendak ka maaatah, Thiatkauwtjoe?"

Kamoedian satoe pada laen lantas menghamperi dan membri hormat, sedeng Hwa Kongtjoe djadi merasa heran.

Anak-anak praoe jang tadi soeda merasa katakoetan, sekarang djadi amat girang, satelah liat jang Gak Ho ada kenal pada itoe begal laoet. Sekarang marika troesa koeatir jang djiwanja djadi terbinasa.

Tong Wie laloe menanja, katanja:

,,Kaoe hendak ka manntah, sobat? Apa dalem sakean tempo tida bertemoe, koe soeda djadi orang dagang ?"

,,Tida, hanja masi tinggal sabagimana jang soeda djoega," saoet Gak Ho.

„Tapi sekarang dengen ini praoe jang moeat barang-barang, hendak belajar ka manatah ?" tanja poela Tong Wie.

Gak Ho lantas kasi tane, bahoewa belajarnja ini ada boeat menganter Hwa Soso ka Hangtjioe, dan ini Kongtjoe ada poetranja Hwa Eng.

Sigra djoega Gak Ho perkenalken Tong Wie pada itoe orang moeda, dimana sasoedanja itoe, diadjar kenal djoega pada sasoeatoe orang jang ada dalem praoe. Pada Hwa Hoedjin dan Kiongdjin, Tong Wie membri hormat, kamoedian berlaloe kombali ka tempat di mana baroesan marika berdiri.

Gak Ho silaken itoe sobat doedoek dan tanjaken hal-hal jang sakean lama telah berlaloe. Sasoedanja Tong Wie membri djawaban, iaorang lantas beromong-omong.

Tapi Tong Wie kata, di sini toeh boekan tempatnja boeat membitjaraken perkara-perkara besar begitoe, maka apa tida baek kaloe sekarang Gak Ho soeroe itoe anak-anak praoe brentiken praoenja dan ini sobat mampir sabentaran di tempatnja.

„Tapi di manatah kaoe tinggal ?" menanja Gak Ho.

„Itoe jang kaliatan dari sini," kata Tong Wie sambil menoendjoek satoe goenoeng jang berada di tenga-tenga itoe rawa besar.

„Di sana akoe mempoenjai banjak kawan," kata poela Tong Wie: „maka kaloe ini kali kaoe tida maoe mampir, belon tentoe di laen waktoe kaoe bisa dateng kombali dan liwat di ini telaga."

Gak Ho rasa bitjara itoe betoel djoega, maka sigra djoega ia prenta anak praoenja poeter itoe kandaran aer menoedjoe ka itoe goenoeng jang kaliatan.

VII

Lie Tjhoen dengen anam soedara bikin plesiran, dapet batoe menggeraken niatan doeloe.

Tapi sabelonnja itoe kandaran aer sampe katempatnja Tong Wie, baek kita moendoer sedikit dalem tjerita, soepaja bisa mengatahoei siapa adanja itoe badjak soengei, jang sekarang silaken Gak Ho mampir ka goenoengnja.

Di antara kawan-kawaneja Tong Wie ada terdapet djoega Lie Tjhoen, saorang gaga jang diseboet Hoenkangliong.

Dan kerna dalem ini fatsal jang hendak ditoetoerken, Lie Tjoen ada ambil bagian penting, maka lebi doeloe, biarlah kita tjeritaken halnja ini orang gaga, jang bermoela tjoema lakoeken sadja pakerdjahan penangkepan ikan di soengei Simyangkang, dan blakangan mengikoet pada Song Kang ka Liangsan dan waktoe Song Kongbeng mahloemken perang pada bangsa Poeilah, ia poen ada toeroet bersama-sama.

Tapi blakangan, pada sasoedanja paperangan itoe salesih, lantaran tida soeka mendjabat pakernjahan negri, ini Hoenkangliong bersama doea sobatnja laloe berpisa pada Song Kang.

Sobatnja Lie Tjhoen itoe ada bernama Tong Beng dan Tong Wie, djoega orang-orang gaga jang djarang ada bandingannja. Pada itoe doea kawan Lie Tjhoen kasi taoe maksoednja, bahoewa sekarang, sasoedanja tida memegang pakerdjahan negri, ia niat tjari ampat kawannja jang sakean lama ada asingken diri dari oeroesan negri. Tong Beng dan Tong Wie menjataken moefakat, maka sigra djoega tiga orang itoe laloe berangkat djalan.

Ampat sobat jang diseboet itoe jalah Djisiliong Hoei Po, Kwanmoho Lie Hoen, Thayohkauw Ko Tjeng dan Sioeliamhiong Tek Seng, jang menoeroet katerangan jang didapet, itoe waktoe ada tinggal di soeatoe desa deket telaga Thayouw.

Sigra djoega Lie Tjhoen bersama doea sobatnja telah sampe ka itoe tempat jang terseboet, dan kadatengannja ini tiga orang, disamboet oleh itoe ampat orang gaga dengen girang hati, dan masing-masing laloe menanjaken bagimana marika poenja kawarasan dan prikeadahan dalem waktoe-waktoe jang laloe.

Sasoedanja masing-masing dapet taoe iaorang poenja keadahan, moelai dari itoe waktoe Lie Tjhoen bersama Tong Beng dan Tong Wie laloe tinggal di itoe tempat, dan telaga Thayouw itoe djadi didiami toedjoe orang gaga, jang satiap hari liwatken temponja dengen makan minoem dan omong-omong boeat senangkeji hati.

Kerna Lie Tjhoen ada dipandang lebi tinggi dari itoe a am orang, maka ia diangkat sabagi kapala, atawa orang jang paling toea di antara sadereknja. Bermoela ini angkatan ditolak, tapi sebab masing-masing memaksa dengen sanget, maka achirnja Hoenkangliong trima djoega itoe angkatan sabagi Iwako atas dirinja.

Brapa lama telah berlaloe.

Pada soeatoe hari Lie Tjhoen rasa, bahoewa tempat kadiamannja jang sekarang ada terletak di soeatoe tempat jang koerang bagoes, kerna tananja tida bisa mengaloearken hasil apa-apa. Dan hal ini ia laloe njataken pada anam soedaranja dan tanja pada marika itoe, apa sala satoe dari itoe soedara-soedara ada dapet taoe, bahoewa di deket ini tempat ada tana jang bagoes boeat didiami.

Hoei Po jang ada taoe soeatoe tempat bagoes dan mahmoer, laloe kasi taoe, bahoewa di ini doea poentjak Goenoeng pertama letaknja di sebla wetan dan jarg laen di sebla koelon. Tapi doea-doea ada penoeh dengen pendoedoeknja, jang masing-masing ada mempoenjai pentjarian laen. Dan menoeroet pendapetan jang ia telah preksa, itoe goenoeng jang sebla welan pendoedoeknja semoea ada orang-orang jang mampoe, jang melakoeken pakerdjahan derdagang ka laen-laen tempat. Sedang goenoeng jang sebla Koelon, pendoedoeknja lakoeken pakerdjahan tani dan menangkep ikan.

Lebi djaoe Hoei Po kasi taoe, bahoewa di itoe goenoeng jang terseboet blakangan ada ditanem banjak roepa poehoen kembang, baboeahan dan sabaginja. Djadi tegesnja itoe ada satoe tempat jang mahmoer.

Mandenger ini katerangan Lie Tjhoen djadi amat girang, dan atas pertanjatahannja lebi djaoe, Hoei Po djawab:

„Laen dari begitoe, di itoe goenoeng Koeloen ada terdapet djoega satoe moeara jang diseboet Siauwhewan dan ada membri hawa amat sedjoek. Dan tida ujaoe dari itoe moeara, ada terdapet satoe gowa jang diseboet Liemohtong. Dan di loear dari itoe gowa orang bisa memandang ka koeliling tempat dengen njata sekali. Pemandangan alam di sitoe ada indah, betoel sabagi dewa-dewa poenja tempat kadiaman. Dan di laen tempat lagi, jang tida sabrapa djaoe dari sitoe, ada terdapet satoe tana bagoes, jang perna ditinggalken oleh Kak Lie sianseng, saorang pande jang termasoehoer di Djaman Hantiauw."

Boekan sadja Lie Tjhoen, hauja laen-laea soedaranja poen djadi amat girang sasoedanja mendenger ini tjerita. Maka hari boeat berangkat ka itoe tempat jang Hoe: Po seboet, lantas ditetepken, dan satoe praoe besar lantas disadiaken dengen membawa djoega barang-barang bekelan goena itoe perdjalanan.

Esoknja ini toedjoe orang gaga laloe toeroen praoe dan kandaran itoe ditoedjoeken, ka goenoeng Koelon.

Selang brapa hari praoe itoe telah sampe, maka katoedjoe orang gaga itoe lantas naek ka darat, dimana dia dapetken, bener sadja sabagimana katanja Hoei Po. Pemandangan-pemandangan ka tempat djaoe ada kaliatan indah, teroetama letaknja Siauwhewan ada begitoe bagocs. Pada ampat per djoercenja ada dikoelilingi dengen goenoeng-goenoeng jang kaliatan idjo, hingga pemandangan itoe seperti di gamlar.

Djoega ada kaliatan satoe rawa besar, jang di tenga-tengaja ada satoe lana dalar seperti poelo. Dan di itoe iana bisa d diriken beratoes-ratoes rooma dengen pekarangan jang loewas; di sakiter pinggirannja poelo itoe ada toemboe banjak poehoen-poehoen jang soeboer, hingga kaloe ada angin, aernja rawa itoe membri pemandangan bagoes sekali.

Dan waktoe ini toedjoe orang gaga dateng ka itoe, poelo jang tadi dipandang dari djaoe, kadapetan, jang antara itoe poehoen-poehoen ada banjak djoega poehoen baboowahan, seperti djeroek, boeacli dan banjak djoega poehoen bamboe. Brapa hari iaorang telah preksa itoe tempat, jang sasoedanja selesih Lie Thoen laloe balik kombali ka tempat sendiri dan berdami pada itoe anam soedara boeat bisa poenjaken itoe tempat jang mahmoer. Scedara-soedaranja semoea menjataken satoedjoe, dan dengen ichtiarnja marika itoe, laen harinja Lie Tjhoen soeda dapet beli itoe tana-tana jang terletak di tepi rawa terseboet.

Sasoeda tana-tana itoe djadi kapoenjahannja, Lie Tjhoen laloe panggilin toekang-toekang jang pande boeat diriken doeapoeloe roema. Kerna pakerdjahan dilakoeken dengen giat, maka selang bebrapa boelan, roema jang bagoes dan tegoe itoe telah berdiri.

Perabot-perabot jang perloe laloe disadiaken salengkapnja. Dan sasoedanja semoea barang-barang diatoer beres, Lie Tjhoen laloe adjak anam soedaranja pinda ka roema baroe, bersama sekalian masing-masing poenja familie, jang terdiri dari orang-orang lelaki, prampoean dan anak-anak.

Sabagi tanda kagirangan boeat itoe kapindahan di roema baroe, Hoei Po dan Lie Hoen laloe bikin perdjamoeran besar dan oendang sakalian tetangga-tetangga pendoedoek itoe tempat, jang trima oendangan itoe dengen girang dan makan minoem dengen sagala soeka hati.

Kerna orang-orang jang tinggal di laen kampoeng, deket itoe tempat, djoega ada dioendang, maka datengnja tetamoe boekan sedikit. Masing- masing laloe membri hormat pada Lie Tjhoen dan bahasaken dengen panggilan Lie Lokhwa, jaitoe soeatoe seboetan jang boeat di itoe tempat, ada sampe moelia.

Pendoedoek di kampoe: g-kampoeng jang berdeketan dengen itoe rawa, ampir semoea ada melak eken pakerdjalan tangkep ikan atawa djaring oedang, jang pengasilan ada tjoekoep boeat dipake mamelihara marika poenja familie dan koelawarga. Tapi bagi orang-orang jang ada mempoenjai kakoeatan tjoekoep, lakoeken pentjarian itoe dengen goenaken praoe besar jang memake anam lajar dan di bawahnja itoe praoe ada dipasangin djaring.

Dan praoe penangkep ikan begini diseboet kauwjoan, jang dalem satoe hari satoe malem, ikan jang diperoleh ada bilang riboe kati banjaknja.

Meliat, jang dengen goenaken kauwtjoan, pengasilan bisa didapet lebi besar, maka sasoedanja satoe orang jang mengarti kasi tjerita begitoe, selang sedikit waktoe kamoedian Lie Tjhoen soeda mempoenjani ampat kauwtjoan, dan boeat kerdjahan ini dipertjajaken pada bebrapa pengawe boeat mengoeroes

Tapi pakerdjahan ini joema bisa membri hasil jang bagoes di doea moesin, jaitoe di moesin Tjhioe dan thang, pada waktoe ada angin Oetara barat, dan dengen pertoeloengannja ini angini itoe anam lajar jang dipasang bisa dapetkan tenaga tjoekoep.

Pada soeatoe hari, betoel di pertengahan moesin Thang, waktoe angin Oetara-barat oendjoek pengaroenja, Lie Tjhoen adjak anam soedaranja berkandaran praoe boeat menjaksiken pengawe-pengawenja mendjaring ikan.

Praoe jang didoedoeki itoe toedjoe orang ada menoedjoe ka djoeroesan Oetara. Pemandangan di itoe telaga ada bagoes sekali, dan dalem plesiran ini, tentoe sadja arak jang baek dan makanan-makanan jang enak tida kaloepahan. Maka sambil minoem, praoe didjalanken teroes, dan kendati siang soeda moelai terganti malem, tapi ini orang jang bersenang-senang belon djoega balik poelang.

Kerna kaenakan berontong-omong, maka datengnja sang malem tida dirasaken. Begitoelah waktoe hari soeda djadi tengahmalem, koenjoeng-koenjoeng angin djadi berenti, hingga praoenja tida bisa ladjoe lagi dan terpaksa ini toedjoe soedara brenti di bawanja Biauwbiohong, aken bernanti datengnja fadjar, kaloe dateng angin baroe belajar poela.

Tapi sabelonnja waktoe jang ditoenggoe itoe dateng, saldjoe ada toeroen amat lebat, hingga dalem samantara waktoe sadja pemandangan di itoe tempat-tempat djadi beroba poeti. Meliat toeroennja saldjoe samingkin lama djadi samingkin keras, Lie Tjhoen laloe adjaki anam soedaranja itoe naek sadja di Biauwbiohong, dimana iaorang boleh landjoetken plesiran minoe-minoem sembari memandang ka bawah, jang tentoe pemandang ada bagoes sekali.

„Bagimana sakalian Hiante poenja pikiran ?“ demikianlah menanja itoe Twako, „di atas poentjaknja Biauwbiohong akoe rasa kita-orang bisa dapet kasenangan, jang di sini kita-orang ida aken dapetken?“

Sémoea soedaranja menjataken moefakat.

Sigra djoega orang-orang gaga itoe prenta peng koetnja bawa naek itoe barang-barang bekelan, seperti arak, makanan dah baboeahan, begitoe djoega thee dan koewe-koewe tida katinggalan.

Dari bawa naek ka itoe poentjak, dengen liwatken djalanan jang blengkak-blengkok, ada saperbjalanan kira-kira ampir tiga li. Dan sasampenja di atas marika laloe hampirken satoe poehoen Siong jang besar, di bawah mana ada satoe batoe besar ada rata, dan di sinilah itoe toedjoe orang gaga brenti.

Itoe batoe jang penoeh saldjoe laloe dibersiken, kamoedian diatoer gelas-gelas. Sedeng jang laen poengoetin tjabang-tjabangnja itoe poehoen jang djato katioep angin dan bakar itoe, boeat panasin arak dan barang-barang hidangan. Lie Tjoe dengen an am spedaranja soeda doedoek mengadepi barang makanan di sapoeternja itoe hatoe jang seperti medja, sambil memandang dan beromong-omong dengen senang.

Brapa saät telah berlaloe,

Koenjoeng-koenjoeng itoe Tw ako menoedjo k ka satoe djoeroesan dan berkata pada sakalian suedaranja:

„Tjobalah Tjiongwie Hengte liat itoe aer jang begitoe anteng dan diam, apa tida bagoes, seperti tana darat? Sedeng itoe saderek goenoeng-goenoeg jang diselipoeti saldjoe, ada seperti goenoeng perak dan kalialannja lebi tinggi dari biasa ?“

„Ja, sasoenggoenja djoega pemandangan alam jang terdapet di ini tempat, memang ada bagoes sekali," saoet Hoei Po sambil berpaling ka djoeroesan jang ditoendjoek oleh itue Twako: „, maka djoega, banjak orang-orang soetji jang soeka berdiam di ini pagoenoengan. Dan sadari doeloe, pemandangan di sini ada paling indah.“

„Sasoenge oenja moesti diakoeh,“ kata Lie Tjhoen sambil tertawa: „dalem sabegitoe banjak kali kita orang telah bikin plesiran, adalah ini kali jang paling menjenangken, hingga maski orang-orang jang bagimana hartawan dan berpangkat besar sekali poen, pastilah tida bisa saingin kasenangan kita di ini waktoe.“ Baroe sadja itoe Twako abis oetjapken perkatahan terseboet, dan sabelonnja ada satoe soedara jang menjaoet, mendadak di djoeroesan Oetara-barat ada kadengeran soeara membeledoer seperti petjanja goenoeng, hingga Lie Tjhoen dan sakalian soedaranja djadi terkedjoet dan menengok.

Di oedara dari djoeroesan dimana baroesan itoe soeara terdenger, ada kaliatan api berkobar-kobar jang toeroen ka goonoeng, hingga dalem sasaät itoe, sakoeliling tempat djadi bersinar terang.

„He, apatah itoe ?„ berkata Tong Beng dan Tong Wie dengen soeara berbareng: „itoelah boekan perboeatan manoesia.“

„Sasoenggoenja api itoe toeroen dari langit,“ kata Hoei Po dengen merasa heran sambil mengawasi pada Lie Tjhoen.

„Kaloe begitoe, tentoelah itoe ada soeatoe alamat“ kata satoe soedara jang laen: „satoe alamat apa adanja itoe ?“

„Tapi itoe api moedjidjat ada kaliatan dari oedara,“ saoet soedara jang laen sambil menoendjoek ka itoe djoeroesan: „tapi itoe soeara meledoek, seperti terdenger dari tana atawa petjanja goenoeng.“

„Sabelonja meliat, kita tentoe tida bisa dapet taoe apa adanja itoe,“ kata Lie Tjhoen: „maka akoe pikir, baeklah sekalian Hengte mari ikoet akoe pegi liat ka itoe tempat, baroe bisa dapet taoe terang”.

Semoea soedaranja menjataken satoedjoe. Begitoelah iaorang berbangkit dari tempatnja doedoek dan toenda samantara waktoe itoe plesiran. Tida lama kamoedian, sigra djoega itoe toedjoe soedara soeda sampe ka tempat terseboet.

Apatah jang terliat di sitoe?

Marika dapetken, tana jang tertoetoep saldjoe, telah djadi antjoer dan roesak kira-kira satoembak lebi lebarnja. Di tenga-tenga itoe ada terletak sapotong batoe jang seperti papan, pandjangnja batoe itoe satoe kaki dan lebarnja kira- kira lima dim, roepanja ampir seperti poewalam.

Tong Wie boeroe-boeroe poengoet batoe itoe dan kamoedian kasiken pada soedara-soedaranja boeat diliat. Sasoeatoe orang memandang batoe itoe dengen heran dan kagoem, dengen menanja pada hati sendiri: apatah itoe sorot api jang tadi toeroen dari oedara, ada bersama-sama dengen ini batoe.

Sasoedanja dipreksa dengen teliti, achirnja orang dapet liat jang di itoe batoe ada terloekis bebrapa hoeroef seperti ditatah. Tapi itoe anam soedara tida begitoe kenal mata soerat, katjoeali Lie Tjhoen jang ada mengarti djoega sedikit.

Meliat jang batoe itoe bener-bener ada terloekis soerat, Lie Tjhoen laloe memandang lebi teliti, tapi sakoetika lama tida berkata-kata.

Anam soedaranja itoe bernanti boeat denger apa boenjinja itoe hoeroef-hoeroef jang terloekis di batoc terseboet. Tapi lantaran liat Twako masi berdiam sadja sembari memandang, maka soedara-soedara itoe djadi tida sabaran dan berkata:

„Hajoelah terangken apa boenjinja itoe hoeroef- hoeroef jang terloekis, Twako, mengapatah kaoe berdiam sadja?“

Lie Tjhoen tjoema memanggoet-manggoet, sambil memandang teroes. „Apa goerat-goerat itoe boekannja soerat?“ menanja sala satoe dari itoe. anam soedara sambil memandang Twakonja, sebab liat itoe Twako berdiam sadja: tapi toch memang bener seperti hoeroef boekan?“

„Ja, memang soerat, jang semoea ada berdjoem- bla anambelas hoeroef,“ saoet Lie Tjhoen.

„Nah kaloe begitoe, terangkenlah pada kita orang, apa boenjinja soerat itoe,“ kata anam l soedara itoe dengen soeara ampir berbareng.

„Toenggoe,“ kata Lie Tjhoen: „tapi ini anambelas hoeroef, ja maski tjoema anambelas hoeroef, artinja amat loewas dan akoe lagi tjoba boeat artiken, tapi belon djoega bisa mengarti.“

„Troesa diartiken,“ kata Tong Beng jang soeda kapingin denger: „batja sadja, batja sadja, kita orang nanti dengerin.“

„Tapi kaoe tentoe tida mengarti,“ kata Lie Tjhoen sambil tertawa.

„Biar! biar! hajoe batja sadja, Twako,“ saoet jang laen-laen.

Kaloe tida sala, ini anamblas hoeroef ada satoe sairan jang ada berarti loewas. Dan kaloe dibatja, boenjinja, begini: Tjan Thian Heng To, Kioe Tjhoen Tiong Gie, Kiem Gho Pie Siang, Piat Joe Thian Tee. Nah tjobalah kaoe pikir, apa artinja begitoe?"

Bener-bener soesa,“ saoet itoe soedara-soedara jang tida mengenal soerat, dan tida mengarti sekali-kali bagimana moesti diartiken. Tapi lantaran soeda dibatjaken, marika merasa poewas djoega.

Tapi,.... eh!“ kata Lie Tjhoen sembari pegang-pegang leher sendiri: „ini..... ini..,. ada seperti......„

Seperti apatah, Twako?" menanja itoe anam soedara ampir dengen soeara berbareng: „mengapa?“

Ini ampat hoeroef jang berboenji: Tjan Thian Heng To,“ kata Lie Tjhoen: „akoe inget! ja, akoe inget,“

„Inget artinja?“ tanja itoe semoea soedara.

„Boekan,“ djawab itoe Twako: „hanja ada itoe hoeroef djoega, jang seperti doeloe ada terloekis di kaen bendera depan Tionggitong di Liangsan.“

„Benerlah: Benerlah; Tapi....“

„Dengen ini perkatahan, kaloe menoeroet akoe poenja doegahan dan djoega kaloe tida sala boleh djadi dengen adanja ini batoe dari langit, Allah maoe soepaja itoe pakerdjahan jang doeloe tertoenda, sekarang dilandjoetken oleh kita.“

„Boleh djadi bener ada begitoe roepa! Boleh djadi sekali, Twako!“

„Kaloe begitoe, baeklah kita simpen ini batoe," kata poela soedara jang laen-laen: „dan kaloe bener demikian, di kamoedian hari nanti bisa didapet kanjatahan.“

Lie Tjhoen moefakat dengen perkatahan soedara-soedaranja itoe: Kamoedian iaorang prenta pengikoetnja bena-benaken itoe perabotan minoem dan lantas balik kombali ka praoenja kerna itoe waktoe poen hari telah moelai pagi.

Di tenga telaga dimana praoe itoe berdjalan, Lie Tjoen dan sekalian soedara-soedaranja merasa amat girang. Marika pertjaja, bahoewa ini ada koernianja Allah jang soeda toeroenken itoe batoe adjaib.

„Sasoenggoenja kaloe dipikir betoel-betoel aneh sekali.“ kata Tong Beng. „jang di waktoe tida disengadja kita bisa sampe ka itoe tempat dan kamoedian dapetken ini batoe adjaib. Tidakalı bener begitoe Liatwie Hengtiang?“

„Ja, sasoenggoenja djoega ini ada satoe kagaiban,“ kata Hoei Po: „dan akoe moefakat bener dengen pendapetannja Twako, jang bilang, boleh djadi batoe ini telah ditoeroenken oleh Allah, boeat peringetken kita berame aken lakoeken poela itoe pakerdjahan jang doeloe dilakoeken oleh Song Kong-beng satenga djalan. Dan kaloe sasoedanja didapet kanjatahan bener begitoe adanja, haroeslah kita djangan ajal lagi."

Semoea orang ada merasa girang, dan sigra djoega dalem itoe praoe diatoer lagi gelas-gelas, dimana itoe toedjoe soedara kombali berminoem-minoem sambil tjeritaken halnja itoe batoe moedjidjat. Di waktoe pagi begini, pemandangan di sakiter itoe telaga ada amat bagoes. Di sana sini kaliatan daonnja papoehoenan djadi poeti seperti perak, lantaran bekas teroeroek saldjoe jang djato samalem.

Goenoeng-goenoeng poen kaliatan poeti meletak, hingga pemandangan alam di sitoe bener- bener tida ada saingannja.

Tapi waktoe matahari moelai naek dan sinar panas moelai pentjarken tjahajanja, sigra djoega saldjoe itoe djadi loemer kombali, dan pelahan-pelahan poehoen-poehoen djadi kaliatan idjo kombali.

Tida lama kamoedian sigra ini toedjoe soedara telah sampe di tempat sendiri. Marika laloe bawa itoe batoe ka dalem roema dan taro di atas medja jang bresi, dengen dihormatken seperti patoeng berhala. Sanak koelawarga dari itoe toedjoe orang gaga poen, semoea pada dateng meliat itoe batoe moedjidat, dan waktoe denger bagimana Lie Tjhoen dengen sadereknja toetoerken djatonja itoe batoe, masing-masing kaliatan djadi amat kagoem dan pandang lebi soetji dari jang soeda-soeda.

„Sekarang bagimanatah kita moesti berboeat, soedara-soedara?“ tanja Lie Tjhoen pada itoe anam soedara angkat.

„Sekarang biarlah kita berichtiar, boeat toenggoe sampe dateng temponja, saoet itoe soedara.

Lie Tjhoen rasa bitjara itoe ada bener. Begitoelah moelai dari itoe waktoe, tida brentinja iaorang roendingken perkara-perkara jang berhoeboeng dengen keadilan dan bersifat Tionggi, sabagimana doeloe waktoe masi di Liangsan telah dilakoeken oleh Song Kang dengen sadereknja.

Tapi sabelon ini pakerdjahan jang dimaksoed blakangan moelai dilakoeken, pakerdjahan tangkep ikan masi teroes sadja, kerna pakerdjahan itoe poen ada mendatengken kaoentoengån besar.

Demikianlah, lantaran dapetnja itoe batoe moedjidjat. jang sampe di itoe waktoe mas belon bisa diterangken apa boenjinja, marika poenja hati jang dingin dan tawar boeat Tjampoer dalem, oeroesan negri, sekarang telah timboel kombali.

VIII
Teng Tjoe-pian berboeat satjara
amat terkeboer. Membikin pem-
balesan tipoenja diatoer.

Sabelon maksoednja Lie Tjhoen itoe moelai kaliatan, baek sekarang kita menilik ka laen fihak, di mana itoe semoea tjerita-tjerita jang di atas nanti berhoeboeng.

Di tepi dari itoe telaga Thayouw bagian sebla Oetara, jang termasoek dalem daerah kota Siangtjioe, ada terdapet satoe doesoen jang terletak di lemba goenoeng, dan sala satoe pendoedoeknja jang paling hartawan ada bernama Teng Tjoe-pian, jang orang banjak kasi nama sabagi alias: Pahsantjoa.

Doeloe ini orang hartawan soeda pernah pangkoe djabatan sabagi ambtenaar dalem bilangan Hokkian. Peranginja amat boeroek, soeka sekali trima soewaban dari pendoedoek negri jang ada mempoenjai oeroesan apa-apa. Dan kaloe orang jang tersangkoet perkara loepa membri smeer, perkaranja tentoe djadi laen dari sabagimana adanja.

Kerna Teng Tjoe-pian ada mendjadi sala satoe moeridnja dorna Tjoa Keng, maka dalem djaba djabatannja itoe ia bisa djoega dapetken pengaroe. Dan lantaran begitoe, maka namanja amat ditakoe, kerna orang banjak poen sampe taoe, bagimana besar kaloe orang-orang jang mendjadi moeridnja itoe dorna.

Kampoeng di mana Teng Tjoe-pian bertempat, adanja di deket goenoeng Matjeksan, di bawa penilikannja satoe pembesar dalem kota Siang jioe, jang berpangkat Thaysioe dan bernama Lu Tji-kioe. Ini orang jang terseboet blakangan poen ada berkwaliteit sabagi Tjoe-pian sendiri, dan lantaran itoe maka tida heran kaloe kadoeanja itoe ada bersobat baek satoe pada laen:

Saban taon atawa satoe taon doea-tiga kali, ini orang hartawan tida loepa kirim anteran pada Lu Tji-kioe, hingga itoe Thaysioe jang djoega amat rakoes, djadi girang dan maski orangnja djaoe, tapi persobatannja djadi samingkin kekal.

Teng Tjoe-pian berboeat begini boekan persadja, hanja ia maoe pindjem pengaroenja itoe Thay sioe.

Begitoelah hal ini telah terdjadi, maka di itoe tempat ia laloe adaken saroepa atoeran di telaga dari wates goenoeng Tayloeisan sebla Oetara ada mendjadi ia poenja hak, laen orang, maski pendoedoek di sitoenja sekali poen, dilarang menangkep ikan kaloe dengen zonder idjinnja. Sabaliknja, bila si penangkep-penangkep ikan soeda dapet perkenan, baroe boleh ia tangkep itoe, tapi pendapetanja mesti dikasiken padanja saparo.

Satiap hari di itoe telaga ada ditaro orang djaga-djaga jang saban-saban mengider di sakiternja rawa, boeat liat-liat praoe ikan jang tida pake pertandahan soeda dapet itoe perkenan. Dan bila kadapetan ada praoe jang masoek kasitoe dengen zonder memake tanda idjin, orang-orang djaga itoe lantas tangkep, roesakin ia poenja djala dan lajar, sedeng penangkep ikannja diserahken pada Lu Thaysioe boeat dihoekoem. Sedeng itoe Thaysioe, jang memang ada djadi sobat kerasnja Teng Tjoe-pian, dengen tida paeksa lagi laloe djatoken hoekoeman menoeroet sabagimana soerat jang itoe bekas ambtenaar kirim padanja.

Lantaran ini; tida ada orang jang brani tangkep ikan dengen zonder minta idjin lebi doeloe. Ini atoeran jang ditetepken menoeroet samaoe-maoenja, tentoe sadja ada mendatengken rasa.

Tida senang di hatinja sakalian pendoedoek. itoe tempat, jang memang biasa mentjari ikan boeat pengidoepan sahari-hari. Tapi itoe rasa tida senang tinggal terkandoeng sadja dalem hati, kerna marika tida bisa berboeat apa-apa.

Maoe tjoba memaksa boeat langgar itoe atoeran, marika tentoe terhoekoem, sebab kaloe dibawa mengadep sadja pada Lu Thaysioe, soeda tida ada ampoennja lagi. Sabaliknja kaloe moesti toeroet itoe atoeran, ada dirasaken kaliwat berat, sebab saparo dari pendapetannja moesti dibagiken.

Sakean Isma itoe toeran berlakoe, tida ada orang jang brani langgar.

Achir-achir ini atoeran jang tida patoet, dapet djoega didenger oleh Lie Tjhoen, jang satelah dapet itoe kabar, djadi amat tida senang. Betoel Lie Tjhoen poenja praoe-praoe ikan belon ada jang dateng menangkep sampe ka itoe tempat, tapi toch ada menjoesaken pada orang banjak jang biasa melakoeken itoe pakerdjahan.

Kamoedian ini Twako prenta orangnja pergi ka itoe tempat boeat tjari taoe, apa betoel ada begitoe roepa. Tida lama orang itoe soeda kombali dan kasi taoe, bener sabagimana adanja itoe kabar.

Mendenger itoe katerangan Lie Tjhoen djadi amat moerka dan berkata pada soedara-soedaranja:

„Perboeatannja itoe djahanam Teng Tjoe-pian tida boleh diantep begitoe sadja, kerna dengen berboeat demikian, ada tida bedah sabagi hendak menjekek pendoedoek jang lemah. Kita moesti toeloeng itoe orang-orang ketjil jang tida berdaja, soepaja marika boleh terlepas dengen itoe atoeran gila-gila jang bersifat kedjem.“

„Bagimana Hiante poenja pikiran?“ menanja ia pada itoe soedara-soedara.

„Sasoenggoenja djoega itoe perboeatan tida boleh diantepin, saoet Hoei Po: „maka boeat toeloeng orang banjak, baek kita pergi ka sana dan bikin roesak ia poenja atoeran, atawa kita satroeken padanja.”

„Bener! hajoelah kita-orang pergi ka sana, Twa-ko!„ berseroeh Tong Beng sambil bangkit dari tempatnja doedoek dengen roepa goesar: „boeat apa bikin banjak-banjak soesa boeat roesakin itoe atoeran, hanja paling baek kita paranin dan bikin remoek ia poenja batok kapala, dengen begitoe, sakali sadja lantas beres.”

„Itoelah ada djalan jang paling baek dan gampang,” berseroeh jang laen-laen, djoega dengen roepa goesar.

Begitoelah, dengen tida oesah banjak bitjara boeat damikian ini oeroesan, itoe toedjoe orang gaga lantas berbangkit dari tempatnja berhimpoen dan laloe toeroen ka dalem satoe praoe jang memang telah disadiaken, dan lantas prenta anak praoe djalanken menoedjoe ka goenoeng Taylioesan.

Praoe ini ada besar, jang dipasangin lajar besar dan dilengkapi dengen berbagi-bagi sendjata, betoel seperti orang jang hendak bertaroeng pada moesoe.

Kerna angin itoe waktoe ada bagoes, maka tida lama kamoedian praoenja Lie Tjhoe telah sampe di itoe telaga dan lantas masoek ka wates jang dilarang.

Itoe waktoe di sakiternja telaga ada banjak praoe-praoe ketjil jang didoedoeki orang djaga-djaga. Satelah praoe pengawal itoe liat, jang satoe praoe besar, dengen zonder memake bendera perkenan, soeda masoek ka dalem wates jang dilarang, sigra djoega itoe banjak praoelaloe dateng memboeroe, mengandang di depan praoenja Lie Tjhoen sambil bertreak sakeras-kerasnja:

„Tahan! Praoe dari mana itoe?!“

Kamoedian dari laen-laen praoe poen kadengeran soeara treakan jang dikaloearken dengen bengis dan keren, kerna itoe orang-orang pengawal, dengen mengandel pengaroenja Teng Tjoepian, djadi amat sombong.

„He pendjahat, kaoe begitoe koerang adjar brani masoek ka mari!“ treak itoe orang-orang djaga sambil angkat tangan, dan ada djoega jang angkat toengket dan sambil memaki teroes:

„Apa kaoe poenja mata boeta, koeping toeli, hingga tida taoe tempat apa adanja di sini dan brani masoek sembarang-barang?!“

„He, kawanan andjing!“ membentak Hoei Po, jang itoe waktoe soeda berdiri di kapala praoe sambil menoeding: „akoe dateng ka mari boekannja maoe tangkep ikan, hanja maoe tangkep oeler Pahsantjoa, jang soeda mengganggoe pengidoepannja orang ketjil. Akoe maoe keset dia poenja koelit, boeat membikin poewas hatinja orang banjak!“ Itoe orang djaga-djaganja Teng Tjoe-pian belon kenal siapa adanja Hoei Po, maka satelah denger itoe perkatahan, marika djadi goesar dan lantan kasi pertandahan soepaja praoe-praoe jang laes lekas madjoe.

Begitoelah dalem sedikit tempo, bilang poeloe praoe ketjil soeda ada di hampirnja Lie Tjhoen poenja praoe, sambil mendesak marika goenaken roepa-roepa sendjata, seperti gaetan, tjagak dan sabaginja boeat menggaet orang poenja lajar aken dibikin roesak.

Tapi sabelonnja orang poenja lajar dapet diroesaki, itoe toedjoe orang gaga soeda bersiap dan kasi labrakan satoe persatoe pada siapa jang brani deket. Djoega kerasnja angin di itoe waktoe, membikin itoe praoe jang memake lajar djadi lebi ladjoe dan bentoer sasoeatoe praoe ketjil jang berhampiran padanja, hingga banjak jang pada kleboe dan orangnja katjeboer.

Sasoedanja meroesaki tiga boea praoe dan kasi labrakan pada itoe orang-orang, Lie Tjhoen prenta moendoerin poela praoenja dan balik poelang. Dan prenta ini ditoeroet, jang sebentaran sadja itoe praoe lajar soeda kaliatan djaoe.

Orang-orangnja Teng Tjoepian tida ada jang brani mengedjer lagi, hanja mengawasi sadja dengen bengong, sedeng sabagian membri pertoeloengan pada kawan-kawannja jang pada djoempalitan di aer.

Sasoedanja berada kombali dalem praoenja, itoe pengawal laloe naek ka darat dan lantas mengadep pada Teng Tjoe-pian, aken lapoerken dari hal jang baroesan terdjadi di itoe telaga.

Mendenger ini warta, itoe Pahsantjoa djadi terkedjoet jang tertjampoer goesar. Kagetnja, kerna dalem sabegitoe lama belon pernah ada orang jang brani langgar larangannja, dan heran sekali, siapa orang jang sekarang begitoe koerang adjar brani bikin maen gila ia poenja atoeran.

Goesarnja, sebab itoe praoe lajar soeda liat tida mata padanja, saorang jang berpengaroe dan ditakoetin.

„Begitoe? Begitoe koerang adjar?“ kata Teng Tjoe-pian dengen mata melotot: „siapatah adanja itoeorang-orang?“

„Menoeroet sapandjang katerangan jang didapet,“ saoet itoe orang djaga-djaga: „praoe itoe ada dikapalaken oleh Lie Tjhoen dan Hoei Po, jang sengadja dateng ka itoe telaga melanggar atoeran jang telah ditetepken.“

„Siapa, Lie Tjhoen?“

„Benerlah dia, Loya.“

„Oh, itoe bangsat kawanan penjamoen Liang-san!“ treak Teng Tjoe-pian dengen soeara keras: „njatalah ia itoe ada koerang adjar sekali, begitoe brani langgar akoe peenja atoeran.“

„Tapi, Loya, boekan tjoema begitoe sadja,“ kata itoe orang djaga-djaga, jang tadi telah denger apa Hoei Po berkata: „hanja ia apa berkata djoega apa-apa jang tida enak boeat Loya poenja diri.“

„Apatah ia bilang?“ tanja Teng Tjoe-pian dengen lakoe tida sabar.

„Ia kata, datengnja ka itoe telaga ada dengen sengadja. Ia maoe tjari pada Loya boeat dikeset koelitnja.“

„Begitoe dia bilang itoe bangsat?!“ treak Teng Tjoe-pian dengen soeara terlebi keras: „begitoe Lie Tjhoen bilang, dia maoe keset akoe poenja koelit?“

„Boekan Lie Tjhoen, tapi Hoei Po jang kata begitoe.“

„Ah, koerang adjar! Koerang adjar seriboe kali, itoe kawanan penjamoen Liangsan jang tida taoe adat!“ kata Teng Tjoe-pian dengen soeara gergetan, sambil banting-banting kaki. Kamoedian sambil moendar mandir kadengeran ia memaki-maki tida soedanja.

„Hm! hm! itoe Lie Tjhoen, Lie Tjhoen kapala brandal dari kawanan Liangsan!“ kata poela Pahsantjoa dengen soeara menggerang: „kaoe belon taoe akoe poenja pengaroe, bangsat! Kaoe liat! Liatlah bagimana akoe nanti bikin pada dirimoe.“

„Boeat itoe bangsat-bangsat jang begitoe roepa, tida perloe akoe goenaken tenaganja orang-orangkoe,“ kata Pahsantjoa sambil manggoet-mangoet: „dengen sapoetjoek soerat, tjoekoep aken bikin itoe kawanan penjamoen masoek dalem boei.“

Sahabisnja kata begitoe, ia lantas masoek ka dalem dan menoelis satoe soerat pada Lu Tji-kioe, jang boenjinja, membri taoe, bahoewa kawanan penjamoen Liangsan salaloe mengganggoe prikeamanan tempat-tempat. Dan sekarang ada bebrapa orang jang dikapalaken oleh Lie Tjhoen soeda berboeat roepa-roepa perkara jang melanggar atoeran, hingga kaloe tida lekas ditangkep, pasti bisa menerbitken kaonaran besar.

Maka satrimanja ini soerat, ia harep Lu Thay-sioe lekas commendir sadjoembla balatantara boeat pergi ka Siauwhewan, aken tangkep Lie Tjhoen dengen kawan-kawannja

Kamoedian ia prenta satoe orang pergi ka kota Siangtjioe. aken sampeken soerat ini pada Lu Tji-kioe.

Itoe pembesar, satelah sasoedanja membatja boenjinja itoe soerat, dengen zonder pikir dan tjari taoe lebi djaoe, laloe prenta satoe ambtenaar militair jang bekerdja di bawa prentanja siapken tigaratoes soldadoe boeat bikin pengerojokan. Tapi sabelonnja orang militair itoe bersiap, satoe penggawe jang bekerdja di bawa prentanja, lantas menanja:

„Bolehtah akoe dapet taoe, Loya siapken soldadoe aken goena apa?”

„Boeat tangkep Lie Tjhoen, itoe brandal jang doeloe dari kawanan Liangsan,” saoet Lu Thaysioe.

„Lie Tjhoen?” kata itoe penggawe: „ia toch tinggal di Siauwhewan, boekan?”

Bener. Dan ini soldadoe poen akoe siapken boeat pergi ka sana.

„Kaloe begitoe, boeat apa Loya siapken sendiri, sebab Siauwhewan toch boekan termasoek dalem bilangan kota Siangtjioe, hanja ada termasoek dalem daerah Souwtjioe. Maka lebi baek Loya toelis sadja satoe soerat dan kirim pada pembesar di sana, soepaja Thaysioe di Souwtjioe jang kasi adjaran padanja.”

Lu Thaysioe berdiam sabentaran, dan ia rasa bitjaranja itoe penggawe ada bener. Maka sigra djoega ia laloe toelis satoe soerat dan prenta orang bawa pada pembesar di itoe tempat, sedeng prenta jang baroesan dikaloearken, laloe dioeroengken.

Tida lama kamoedian itoe soerat telah sampe di tangannja itoe pembesar, jang satelah trima, lantas boeka dan batja.

Maksoednja satoe persatoe ia mengarti terang. Tapi sebab pembesar ini ada saorang jang bidjaksana, berboedi dan berpikiran terang, maka tida gampang ia lantas toeroet kahendaknja itoe kawan sadjabat.

Djoega ia taoe, bahoewa Teng Tjoe-pian soeda lama kaloearken itoe atoeran sawenang-wenang dengen dapet bantoeannja Lu Tji-kioe, boeat kaoentoengannja sendiri.

Menoeroet sapandjang penjelidikan, perboeatannja Teng Tjoe-pian itoe ada sanget menjoesaken pada orang ketjil, teroetama jang melakoeken pentjariannja tangkep ikan. Djoega ini pembesar taoe, bahoewa Lu Tji-kioe soeda djatoken hoekoeman pada banjak orang, atas kahendaknja Tjoe-pian, dan lantaran ini, membikin itoe orang hartawan jang djahat, djadi bertamba kedjem.

Perboeatan begini, Thaysioe di Souwtjioe rasa tida boleh di tinggal diam. Soeda lama djoega ia niat kasi hadjaran pada Teng Tjoe-pian, tapi sabaliknja, lantaran inget: dalem ini perkara ia djadi moesti bersatroe djoega pada Lu Tji-kioe, jang ada mempoenjai senderan tegoe di kota Radja, ia djadi merasa koeatir tida nanti sanggoep tempoer, dan kaloe terdjadi begitoe, diri sendiri bebalik boleh djadi tjilaka.

Lantaran ini djoega, maka sakean lama ia antep sadja, sampe dateng satoe waktoe jang baek boeat bermoesoe pada itoe orang hartawan jang djahat dan ambtenaar jang tida melakoeken betoel kawadjipannja.

Kerna soeda taoe bagimana kadjahatannja itoe Pasantjoa, maka tentoe sadja permintahannja Lu Tji-kioe tida diladenin, hanja lantas soeroe itoe orang jang membawa soerat balik kombali ka Siangtjioe, sedeng dalem hati sendiri ada poedji atas Lie Tjhoen poenja kabranian.

„Apa jang dilakoeken oleh Lie Tjhoen dan kawan-kawannja, itoelah ada pantas sekali,” kata itoe Thaysioe dalem hati: „kaloe Lie Tjhoen soeda berboeat begitoe, njatalah itoe orang gaga maoe satroeken kadjahatannja Pahsantjoa, aken goena orang banjak. Dalem ini perkara, boekan sadja akoe tida nanti salaken, hanja kaloe bisa, akoe poen maoe membri bantoean soepaja kakerenanja Teng Tjoe-pian djadi poena.”

Tida lama kamoedian itoe pembawa soerat telah sampe ka kantoor pembesarnja, dan lantes kasi taoe pada Lu Tji-kioe, bahoewa pembesar di Souwtjioe roepa-roepanja tida begitoe perhatiken boenjinja itoe permitahan.

Satelah denger ini kabar, Lu Tji-kioe djadi amat mendongkol dan lantas prenta orangnja pergi oendang Teng Tjoe-pian dateng ka kota, boeat bitjaraken itoe oeroesan lebi djaoe dan atoer bagimana baeknja.

Esoknja Pahsantjoa jang dioendang lantas dateng ka kota, kadatengan mana ditrima dengen girang oleh ambtenaar jang berkwaliteit boeroek, jang lantas diadjak ka blakang boeat berdami.

„Harep Liangheng tida ketjil hati, kaloe itoe oeroesan sabegitoe lama akoe tinggal diam, boekan kerna akoe tida maoe oeroes,” kata Lu Tji-kioe pada sobatnja itoe: „hanja kerna menginget jang Lie Tjhoen poenja tempat kadiaman ada termasoek dalem daerah Souwtjioe, maka akoe soeda kirim soerat ka sana, soepaja Souwtjioe poenja pembesar lakoeken kawadjibannja. Tapi siapa taoe, kaloe permintahankoe dibikin kapiran.”

„Ja, itoelah ada alpanja pembesar di Souw-tjioe,” saoet Teng Tjoe-pian: „tapi sobatkoe tentoe tida tinggal diam, boekan?”

„Oh, tentoe,” saoet ini pembesar kaparat: „maski bagimana djoega akoe nanti berdaja, soepaja itoe Lie Tjhoen bersama kawan-kawannja jang soeda berlakoe koerang adjar dan tida mengindaken pada Lianheng, dapet rasaken boeanja ia poenja koerang adat.”

„Trima kasi atas Lokongtjouw poenja katjintahan, jang njata ada perhatiken betoel akoe poenja oeroesan.”

„Ah, itoelah soeda djamaknja boeat satoe sobat.”

„Tapi salaennja itoe, dengen mengoeroes akoe poenja perkara, Lokongtjouw djadi melakoeken djoega kawadjiban jang aseli. Kerna itoe Lie Tjhoen dan kawan-kawannja memang ada kawanan Liangsan jang haroes ditangkep.”

„Djoestroe lantaran itoe djoega, maka akoe oendang Lianheng ka mari boeat berdami lebi djaoe.”

„Dalem hal apatah?”

„Bagimana sekarang kita berboeat, soepaja bisa tangkep itoe Lie Tjhoen. Lianheng tentoe bisa pikir dan atoer.”

Teng Tjoe-pian berdiam, sambil toendoek ia tjari pikiran, daja bagimana haroes digoenaken, soepaja Lie Tjhoen dan kawan-kawannja gampang terdjebak. Sebab itoe orang gaga, boekan seperti laen-laen pendoedoek jang biasa, jang dengen siapken sedikit soldadoe bisa lantas katjekel. Padanja, tentoe orang moesti lakoeken satoe pertempoeran jang seroeh dan sengit.

„Sebab akoe taoe pasti, jang Lie Tjhoen itoe tentoe tida gampang-gampang maoe menjerah,” kata poela Lu Tji-kioe, pada sabelonnja itoe sobat menjaoet: „sebab boeat tangkep itoe kawanan bekas brandal, orang tentoe tida boleh goenaken atoeran biasa.”

„Bener,” kata Palisantjoa sambil menangoet.

„Sekarang akoe dapet satoe tipoe,” kata poela ia: „ini penangkepan kita moesti lakoeken di waktoe pesta Goansiauw.”

„Bagimana boleh begitoe?” „Begini: pada sabelonnja pesta itoe dateng, Lokongtjouw boleh kaloearken prenta, bahoewa ini taon Goansiauw aken dibiken terlebi rame dari jang soeda-soeda. Semoea pendoedoek Siangtjioe rata-rata diwadjibken rajahken itoe pesta, dan masing-masing pintoe moesti pasang penerangan teng roepa-roepa, tapi jang satoe ada berlaenan dari jang laen.”

„Kamoedian?”

„Ini pesta jang rama tentoe ada mendjadi soeatoe lantaran boeat Lie Tjhoen dan kawan-kawannja dateng ka mari. Sebab itoe orang-orang koerang adjar jang tida taoe adat, dan jang salaloe membawa kabranian sendiri, pasti aken dateng djoega toeroet merajahken pesta terseboet.”

„Tapi dengen alesan apa pendoedoek Siang-tjioe kita prenta rajahken pesta lebi rame dari taon-taon jang soeda?”

„Oh, itoelah gampang sekali, hanja dengen membri alesan, jang ini taon pendoedoek dapet banjak senang, kota Siangtjioe dapet kamahmoeran, maka pesta ini dirajahken sabagi tanda kagirangan.”

„Bener Lianheng poenja pikiran dalem sekali. Dan, sasoedanja begitoe?”

„Dengen tida banjak soesa kita bisa dapet tangkep, dengen toedoehan jang marika maoe bikin roesoeh di laen orang poenja bilangan. Dan penangkepan ini bisa dilakoeken dengen goenaken tenaganja sedikit orang militair soeda tjoekoep, sebab di itoe waktoe marika tentoe tida bersadia.“

Lu Tji-kioe, satoe Thaysioe kaparat jang tramempoenjai kamampoean satoe apa dalem oeroesan mengatoer tempat jang mendjadi pegangannja, satelah denger tipoe jang itoe manoesia boesoek toetoerken, lantes memoedji sambil memanggoet-manggoet, dan berdjangdji nanti toeroet apa jang telah ditetepken.

Teng Tjoe-pian djadi amat girang, waktoe meliat si sobat soeka toeroet ia poenja kahendak. Sasoedanja beromong-omong, Tji-kioe prenta orangnja sadiaken sedikit barang makanan boeat mengoendang ini sobat baek.

„Ah boeat apatah bikin soesa pada Lokongtjouw," Teng Tjoe-pian sambil menjega: „troesa, menjoesaken, sobatkoe.“

„Ah, soesa apatah djoega,“ saoetnja.

Tida lama barang makanan telah sadia dan doea orang itoe laloe doedoek makan minoem, sembari omong ka Timoer dan Barat.

Sahabisnja minoem-minoem Pahsantjoa itoe pamitaan poelang. Hatinja amat girang dan sasampenja di roema ia berkata pada orang-orangnja:

„Kaloe akoe belon masoeki itoe brandal kawanan Liangsan ka dalam pendjara, belon poewas akoe poenja hati. Perboeatan koerang adjar jang marika telah oendjoek, liatlah akoe kasi pembalesan jang merasa betoel."

Sekarang biarlah kita tinggalken Pahsantjoa, jang lagi sedeng kagirangan bakal bisa membales, sakit hati, hanja mari kita liat kombali pada Lie Tjhoen, pada waktoe sasoeda moendoerken praoenja dari itoe telaga.

,,Apa jang baroesan kita telali lakoeken," kata Lie Hoen pada soedara-soedaranja: ,,akoe kira tida bakal abis dengen begini sadja, sebab itoe Oeler Berbisa, jang ada menpoenjai senderan pada Lu Tji-kioe, tentoe tida senang jang orangnja kita labrak begitoe roepa:"

,,Bolelh djadi," saoet Tong Beng: ,,tapi perdoeli apa ia koerang senang, kerna kita poeti memang boekan mage bikin itoe djahanam dapet kagirangan."

,,Ah, betoelnja tadi sabelonnja berlaloe, kita moesti dateng djoega ka roemanja itoe Pahsantjoa," kata Tong Wie: „aken kasi bebrapa kepelan di moekanja, sebab kaloe tjoema melabrak sadja pada orang-orangnja, ia tentoe tida begitoe rasaken."

„Kaloe begitoe, apa tida baek kita balik kombali?" kata Tong Wie.

Bebrapa soedara ada jang maoe, ada djoégal jang kata boeat apa. Sedeng Lie Tjhoen laloe berkata: „Boeat kasi labrakan pada itoe Pahsantjoa, sekarang toch belon perloe, hanja apa jang kita lakoeken tadi, tjoema maoe kasi oendjoek padanja, bahoewa ia peenja atoerang ila-gila, boekan tida ada orang jang brani langgar. Nah, sekarang, sasoedanja kita kasi tjonto, sedikitnja ia poenja kakerenan djadi koerang djoega di matanja orang banjak.”

Hoei Po menjataken satoedjoe dengen bitjaranja itoe Twako, maka niat boeat balik kombali laloe dioeroengken.

Brapa hari telah berlaloe.

Dan sigra djoega dateng harian taon barbe, jang lantes disamboet oleh sakalian pendoedoek dengen kagirangan.

Lie Tjhoen dan satoeroe soedaranja poen rajahken itoe dengen senang hati, satiap hari ada dibikin pesta makan minoem.

Selang brapa hari kamoedian, ini toedjoe soedara dapet kabar, ini taon pesta Goansiauw di kota Siangtjioe bakal dirajahken dengen terlebi rame, sedari malem tanggal 13 sampe maleman tanggal 18 baroe pesta itoe brenti.

„Kaloe begitoe tentoe bakal djadi rame betoel,” kata Lie Tjhoen pada itoe orang jang sampeken tjerita padanja.

„Tentoe sekali,” saoet itoe orang: „djoega kabarnja Thaysioe di itoe kota ada wadjibken pada sasoeatoe pendoedoek dari itoe kota, bahoewa pada maleman pesta, sasoeatoe roema moesti pasang penerangan jang berlaenan satoe dari laen.“

„Apa kaoe taoe, sebab apa pesta ini diadaken dengen terlebi rame dari taon-taon jang laloe?“ tanja Lie Tjoen.

„Katanja sebab kota Siangtjioe ini taon ada mahmoer,“ saoetnja.

Lie Tjhoen tida menanjaken lagi, hanja ini kabar ia kasi taoe pada soedara-soedaranja dan tanja, apa itoe sakalian soedara ada pikir djoega maoe pergi menonton, kaloe pesta dirajahken.

„Oh, kaloe tjoema boeat pergi menonton, kita orang moesti pergi ka kota Siangtjioe, itoelah akoe tida satoedjoe,“ begitoe Ko Tjeng njataken pi kirannja: „belon taoe bagimana laen-laen soedara poenja pikiran.“

„Tapi lantaran apa?“ tanja Lie Tjhoen.

„Siapa boleh taoe, kaloe itoe karamean loear biasa diadaken sakedar boeat pikat pada kita,“ saoet itoe soedara, jang njata ada mempoenjai doegahan amat djitoe: „sebab, sabagimana Twako taoe, itoe Teng Tjoe-pian pada Lu Tji-kioe, satoe pada laen ada begitoe rapet seperti soedara, dan boleh djadi djoega, lantaran kita soeda labrak orang-orangnja itoe Oeler Berbisa, si oeler itoe djadi sakit hati dan lantas berdami pada sobatnja itoe, boeat djebak kita berame.“ „Hengtiang poenja doegahan ada terlaloe djaoe," kata sala satoe soedara sambil tertawa: „masalah boeat djebak kita, moesti diadaken itoè pesta, hahaha!”

„Eh, siapa boleh taoe?" kata poela Ko Tjeng, jang tetep dalem doegahannja: „apa poela itoe pesta diadaken dengen, sasoeatoe pendbedoeknja diwadjibken moesti, hiasken penerangan di masing-masing poenja depan roema. Apa tida boleh djadi, jang itoe karamean sengadja diatoer meloeloe boeat tarik kitą poenja hati?"

Tek Seng jang djoega ada di sitoe, menjataken tida bisa satoedjoe dengen, pikirannja ini soedara. Atawa sekali poen jang itoe Thaysioe dan Teng Tjoe-pian adaken pesta jang begitoe rame, sekedar boeat memikat iaorang, toeh saharoesnja, — begitoe Tek Seng kata lebi djaoe — tida perloe dikoeatirken.

„Tjobalah soedara-soedara pikir," kata poela ia sabagi penoetoepnja: „doeloe waktoe kita masi berampat, kita toch brani malang melintang dengen tida merasa koeatir pada siapa djoega. Tapi sekarang, sasoedanja kita poenja soedara-soedara djoemblanja ada bertoedjoe, masa moesti djadi penakoet?"

Bebrapa antaranja ada menjataken satoedjoe dengen bitjaranja ini soedara jang aseran, hingga Ko Tjeng djadi berdiam sadja. “Pendeknja, sabagi satoe laki-laki, kita tida takoet boeat dateng di Siangtjioe”, kata poela Tek Se ig itoe: „laen dari begitoe, dalem iloe kota toch ada banjak sekali penonton, jang seande bener kita maoe dipikat, apatah, tentoe marika nanti bisa kenalken pada kita sakalian?“

„Kaloe begitoe, akoe tida bisa bilang apa-apa lagi“, kata Ko Tjeng: „tjoema belon taoe bagimana Twako poenja pikiran ?“

„Akoe satoedjoe boeat pergi," saoet Lie Tjlioen.

Kaloe dibandingken pergi ka kota Radja, sama pergi ka kota Siangtjioe, ada lebi berbahaja dateng ka tempat jahg baroesan akoe seboet doeloean."

„Ja, memang," saoet Tong Beng.

Lie Tjhoen berkata lebi djaoe:

„Doeloe waktoe kita orang masi di Liangsani, Kong-beng Koko soeda pergi nonton ka kota Radja, dimana Lie Kwie telah terbitken kaonaran besar. Tapi toch, achirnja tida koerang soeatoe apa.

„Djoega waktoe Nio Tiong-sih adaken karamean di kota Pakkeng, toch sekalian Hohan soeda bisa menoeloeng Louw Hoangwe, dengen loepoetken diri sendiri dari bahaja jang mengantjem. Sedeng tatkala itoe, bahaja jang dihadepken ada besar sekali.

„Dan tjobałali Tjiongliatwie Hengte pikir, manatah lebi berbahaja kaloe dibandingken perkara jang doeloe, sama jang sekarang kita pergi ka Siangtjioe, jang djoega tida sabrapa djaoe?"

„Akoe moefakat dengen Twako poenja bitjara," kata Tong Wie: „kaloe kita tida pergi, sadikitnja orang nanti katawaken dan bilang kita pengetjoet, boekan?"

Semoea orang, achirnja pada moefakat, hingga Ko Tjeng, jang masi tida satoedjoe, toch apa boleh-boeat, djadi menoeroet djoega, kerna begitoelah maoenja ia poenja laen-laen soedara.

Brapa hari telah berlaloe lagi.

Achir-achir datenglan itoe hari dimana pesta aken dimoelai.

Lie Tjhoen laloe adjak bebrapa orangnja jang boleh dipertjaja dan ada mempoenjai kabranian. Dengen membawa barang-barang bekelan marika laloe toeroen di praoe, jang kamoedian didjalanken dengen ladjoe menoedjoe ka Siangtjioe.

Dari Siauwhewan marika berangkat di waktoe pagi, pada waktoe lohor iaorang telah sampe di Siangtjioe poenja bagian pintoe sebla Koelen.

Sampe di sini, pada sasoedanja dahar dan toekar pakean, Lie Tjhoen bersama soedara-soedaranja laloe naek ka darat.

Tapi sabelonnja berangkat, Tong Wie menjataken pikirannja begini.

Sekarang biarlah itoe lima soedara sadja jang naek doeloean, sedeng ia berdoea Tong Beng tinggal mendjaga praoe. Kamoedian sabentar sore, marika berdoea nanti naek boeat liat dan amat-amati sasoeatoe geraken, dan seandenja ada perkara jang tida baek, sabagimana doegahannja Ko Tjeng, ia berdoea bisa dateng menoeloeng.

„Belon taoe bagimana Twako poenja pikiran?" tanja ia kamoedian. „Litolah pikiran jang bener,” saoet Lie Tjhoen: „tapi dengen begitoe, Hiante berdoea djadi koerang plesir toch?”

„Oh, itoelah perkara ketjil,” saoet Tong Beng.

„Djoega kita poenja dateng toch boekan tjoema meloeloe boeat plesir dan tjari kesenangan hati," menjamboeng Tong Wie „hanja soepaja djangan sampe orang kata kita pengetjoet.”

„Nah kaloe begitoe, baeklah,” kata itoe soedara-soedara.

Sigra djoega itoe lima soedara soeda berdjalan dan sasampenja di pintoe kota, djaoe-djaoe iaorang liat, banjak sekali pendoedoek dari tempat-tempat jang berdeketan dengen Siangtjioe, semoea pada dateng menonton.

Marika iteo kaliatan bergirang. Lelaki dan prampoean, toea dan moeda, semoea bertjampoeran djadi satoe dan masoek ka dalem kota dengen maen doeloe-doeloean. Lie Tjhoen bersama ampat soedaranja, laloe bertjampoeran pada itoe orang-orang dan masoek ka dalem kota dengen tida ada jang kenalin.

Pemandangan di dalem kota ada terlaloe bagoes dan menggirangken. Roepa-roepa teng ada tergantoeng di masing-masing poenja depan pintoe. Sedeng tetaboean poen ada terdenger rioeh sekali.

Meliat karamean itoe, Lie Tjhoen, dengen satoeroe soedaranja djadi goembira sekali. Boekan sadja di sasoeatoe roema orang mampoe hanja roemanja pendoedoek jang saderhana poen, ada kaliatan digantoengin teng jang bagoes-bagoes.

Roema-roema makan dan waroeng-waroeng thee dapet banjak tetamoe. Tapi sebab itoe lima Hohan, pada waktoe maoe naek, soeda bersantap lebi doeloe di praoenja, maka iaorang belon kapingin dahar lagi, hanja berdjalan teroes.

Boelan telah pentjarken sinarnja jang gilang-goemilang.

Itoe waktoe Lie Tjhoen denger orang mengomong jang di ranggon Tjiauwlo ada membri pemandangan jang betoel-betoel sanget mengagoemken bagi orang jang liat.

Mendenger itoe perkatahan, Lie Tjhoen laloe berpaling pada soedara-soedaranja dan kata, apa tida baek kaloe dari sini iaorang teroes pergi ka itoe ranggoon, boeat meliat baglmana kabagoesannja.

,,Ja, hajoelah," saoet jang laen-laen. Sigra djoega iaorang telah sampe di itoe tempat dan betoel sadja pemandangan di itoe ranggoon Tjiauwlo ada sanget mengagoemken.

Lie Tjhoen dapet liat, di tingkatan jang paling atas ada doedoek Lu Thaysioe bersama bebrapa penggawe negri jang lagi makan minoem. Sedeng tingkatan jang sebla bawah, ada djadi tempatnja toekang-toekang menari dan tetaboean. Penerangan dipasang sapoeternja ranggoon itoe, hingga terangnja djadi ampir seperti siang hari.

Lama djoega iaorang berdiam di sini kamoedian, lantas lantaran soeda bosen, Lie Tjhoen laloe adjak itoe ampat soedara berdjalan poela jang ini kali ambil djalanan ka djoeroesan Wetan, dimana banjak djoega orang-orang jang menonton karamean.

Tapi sebab di sini tida ada begitoe banjak tontonan jang boeat diliat, Lie Tjhoen dan sadereknja laloe masoek ka satoe waroeng arak dan minta disadiaken barang-barang makanan.

Marika itoe laloe minoem dengen senang hati sembari liat djoega orang-orang jang masoek dan kaloear.

„Sekarang soeda moelal malem," kata Lie Hoen dan Kotjeng dengen soeara pelahan: „maka baeklah kita kaloear sadja boeroe-boeroe, pada sabelonnja pintoe kota ditoetoep."

„Tapi perloe apa boeroe-boeroe ?" kata Tek

Pembalesan Kawanan Liangsan.

35

Seng, jang merasa tida satoedjoe dengen pendapetannja itoe soedara: „moestail amat pintoe kota lantas ditoetoep, sedeng karamean masi ada?"

„Kaloe begitoe, apa tida baek kaloe akoe berdoea djalan doeloean dan toenggoe di samping pintoe kota?" kata poela itoe doea soedara.

Meliat jang katiga soedara itoe berdiam sadja, Ko Tjeng dan Lie Hoen laloe bertindak dengen tida menanja lagi. Sedeng Lie Tjhoen poen tida menjega, hanja biarken sadja marika itoe djalan dueloean.

Baroe sadja doea soedara itoe berlaloe, dalem itoe waroeng arak ada masoek doea orang jang berpakean idjo dan mendeketi padanja, Orang itoe mengawasi pada Lie Tjhoen dengen doea soedaranja begitoe roepa, tapi kamoedian ia berlaloe lagi sambil berkata dengen soeara pelahan :

„Kirain Kwe Sianseng jang minoem arak, tapi kiranja semoea boekan. Sataoe ka mana itoe tiga orang."

Liwat sasaāt orang jang berkata-kata itoe lantas lintjap dari pemandangan, sedeng Lie Tjhoen bertiga tida sekali memperhartiken apa-apa.

ltoe waktoe Lie Tjhoen hendak adjak Hoei Po bangoen sadja, tapi Tek Seng kaliatan mengawasi ka loear, seperti ada apa-apa jang lagi dipandang.

Kadoea soedara itoe menengok, dan dapet liat dari itoe djoeroesan ada mendatengi satoe orang toea jang membawa tehian, dengen di-ikoetin oleh satoe prampoean moeda jang berparas tjantik.

Njatalah marika itoe ada orang prampoean.

Lie Tjhoen oeroengken niatnja, bersama Hoei Po ia djoega memandang pada itoe nona moeda jang dateng mendeketi sambil berkata:

„Banhok!"

Lie Tjhoen bertiga tida berkata apa-apa, sedeng itoe orang toea, dengen tida diprenta, lantas kaloearken ia poenja tamboer ketjil dan poekoel itoe, jang lantas berboenji dan si nona moeda poen, lantas kaloearken siangsoenja, jang lantes diakoerin.

Kamoedian doea tetaboean itoe berboenji dengen enak.

Sambil boenjiken siangsoe, nona itoe kasi denger djoega njanjian-njanjian jang merdoe, hingga itoe tiga orang gaga, jang tadi maoe bangoen, djadi berdoedoek teroes sambil memandang dengen senang. Apapoela si tjantik itoe ada berbaoe haroem, hingga orang-orang lelaki jang soeka plesir, tentoe tida merasa bosen boeat deket-deketin.

Itoe pertoendjoekan jang mengamen lantes brenti, pada sasoedanja kasi oendjoek permaenannja sedikit waktoe, kamoedian nona itoe membri hormat pada itoe tiga orang gaga, sabagi tanda jang permaenannja telah tjoekoep.

Huei Po lantas kaloearken sedikit oewang perak boeat presen itoe nona eilok, jang ditrima sambil bersenjoem, kamoedian mendjoera dengen hormat dan lantes oendoerken diri.

Ampir berbareng di itoe waktoe djoega, di bagian sebla loear dari itoe waroeng arak ada kadengeran soeara riboet-riboet, hingga membikin sasoeatoe orang jang ada di sitoe djadi menengok, boeat dapet taoe apa adanja.

Bebrapa tetamoe jang lagi minoem, djoega merasa kaget, kerna itoe waktoe kaliatan sarombongan oppas politie, jang terdiri dari kiar-kira limapoeloe orang, dateng menghamperi ka itoe roewangan.

Koenjoeng-koenjoeng Lie Tjhoen berdoea soedaranja seperti orang tersedar, bahoewa orang- politie ini, pastilah hendak menangkep padanja, berhoeboeng dengen itoe perkara pada Teng Tjoe-pian, apapoela itoe waktoe kaliatan Lu Thaysioe ada di antara itoe oppas-oppas jang bergegaman lengkap.

Lie Tjhoen bertiga lantas lompat, hingga medja jang masi penoe gelas-gelas dan piring mangkok, djadi tebalik.

Itoe waktoe, si nona eilok jang tadi mempertoendjoeken permaenannja masi berada di sitoe dan kena terdorong dengen badannja itoe orang gaga hingga ia terlempar ka satoe podjok sambil mendjerit.

Itoe limapoeloe oppas satelah meliat pertandahan jang dibriken oleh doea orang jang berpake badjoe idjo, lantas memboeroe pada itoe tiga orang gaga, dan sebab Lie Tjhoen dengen kadoea soedaran a tida bersadia lebi doeloe, djoega tida bergegaman, apapoela itoe waktoe marika soeda merasa poesing, dengen gampang lantas dapet ditangkep.

Itoe orang jang memake badjoe idjo, boekan laen dari itoe doea orang djoega, jang tadi dateng paling doeloe hamperi ini katiga Hohan, jang sabenernja ada itoe pengawal-pengawal telaga, jang doeloe pernah dilabrak oleh Hoei Po, maka orang jang bisa kenalin ini oleh Thaysioe didjadiken pengintip.

Sigra djoega itoe tiga orang gaga jang soeda teriket dibawa ka kantoornja Lu Thaysioe, jang satelah sampe, Lu Tji-kioe laloe doedoek mamereksa.

Lie Tjhoen bertiga tinggal berdiri, sambil mengawasi pada itoe pembesar jang tjoba bikin laganja sedikit keren.

„He, orang-orang tangkepan, mengapatah kaoe tida berloetoet?" menanja Thaysioe pada katiga tawananja itoe, „Lebi doeloe, haroes diterangken apa sebabnja kita bertiga ditangkep," saoet Lie Tjoen dengen sabar: „apatah kita-orang poenja kasalahan, maka dengen zonder ada sebab jang pantas, kita bertiga moesti diperlakoeken begini ?"

„Truesa kaoe poera-poera tida tane kadosahanmoe, orang-orang doerakah, jang tjoema membawa sadia kabranian sendiri!" menjentak itoe pembesar dengen melotot: boekantah kaoe bertiga ada itoe orang dari kawanan Liangsan?"

„Djadi lantaran itoe, jang membikin kita bertiga ditangkep?" tanja Lie Tjhoen jang masi tinggal bersabar: „dan seande bener begitoe, apatah kasalanannja kawanan Liangsan jang sekarang, maka moesti ditawan?"

„Oh, kaoe maoe taoe kasalahanmoe?" kata Lu Tji-kioe sambil manggoet-manggoet: „oleh pamerenta agoen soeda dikaloearken prenta boeat tangkep semoea kawanan Liangsan jang sekarang ada mengoembara di koeliling tempat, tida perdoeli apa marika itoe ada bersala atawa tida, sebab perkara-perkara di Tjetjioe, soeda tjoekoep terang kasalahannja itoe kawanan doerhaka"

„Tapi, seande bener itoe ada diterbitken oleh kawanan Liangsan, toch kita-orang tida ada toeroet tjampoer satoe apa ?"

„Baek! taro bener begitoe. Tapi kaoe berame soeda oendjoek djoega perboeatan tida patoet di telaga Thayouw, pada bebrapa hari jang laloe, dengen sengadja kaoe hendak langgar hak-haknja Teng Tjoe-pian, apa ini kaoe maoe moengkir ?"

Kaloe bener tjoema lantaran itoe kita-orang ditangkep, inilah soenggoe terlaloe tida adil. Sebab itoe telaga Thayouw toch ada satoe tempat jang mendjadi poesat dari pengidoepannja anak negri, jang Teng Tjoe-pian hendak kangkangin sendiri, dengen menggoenaken pengaroenja boeat tarik itoe kan isilan besar jang menjoesaken bagi orang banjak. Sebenernja itoe perboeatan tida patoet kaoe moesti basmi, atawa sedikitnja membri tegoran, kerna sabagi satoe pembesar dari iboe kota Siang jioe, kaloe kaoe membri perlindoengan. Tapi kaoe tida berboeat demikian, hanja bantoe toendjang maksoednja itoe Pasantjoa, bantoe kasi penggaroe dan laen-laen, jang orang djadi soesa dan bersakit hati. Betoel-betoel kaoe ini ada satoe pembesar kedjem, jang tida mengenal kawadjiban sendiri sampe di wates mana!"

„Hm! kaoe brani toedoe akoe tida mengenal kawadjiban, sedeng kaoe ada mendjadi akoe poenja orang tawanan."

„Memang akoe toedoeh kaoe bersakongkol pada itoe orang djahat, jang tjoema pikiri sadja kaoentoengan boeat diri sendiri, tapi tida inget kasoesahannja orang banjak. Dan kaloe akoe soeda berboeat begitoe, itoelah sakedar boeat menhiboeri sedikit hatinja orang-orang jang telah dibikin sakit. Sekarang akoe bertiga soeda kaoe tawan dengen atoeran jang amat boesoek dan zonder berales dengen kasalahan, lekaslah kasi poetoesan!"

„Sabenernja ini penangkepan jang akoe lakoeken, sekali-kali tida ada herhoeboeng sama itoe perkara di telaga Thayouw, dan djoega tida ada kasangkoet sama perkaranja Teng Tjoe-pian," kata Lu Tji-kioe, jang sengadja kata begitoe, kerna salaennja tida mampoe membri penjabetan jang pantes atas perboeatannja itoe Pahsantjoe, djooga ia tida maoe sampe orang katain ada membantoe kalakoeannja itoe orang hartawan jang mendjadi ia poenja sobat. Dan lantaran ini djoega, maka sabegitoe lama, ia masi maoe denger parkatahan-perkatahannja itoe orang tawanan, soepaja oleh pendoedoek negri jang taoe itoe penangkepan, dikata mendjalanken kawadjiban.

Lebi djaoe ia berkata poela:

„Lagi sekali akoe oelangken, bahoewa dirimoe bertiga ditangkep, sekali-kali tida ada berhoeboeng sama itoe perkara-perkara jang kaoe seboet, hanja sabagimana akoe bilang, sebab pamerenta agoeng memang telah kaloearken prenta boeat tangkep semoea kawanan Liangsan jang mengoembara di koeliling tempat, berhoeboeng dengen itoe perkara di kota Tengtjioe dan paling blakang pertemporan di lemmatjwan. Sebab kaoe dan wan-kawanmoe, oleh pamerenta dianggap sanget berbahaja."

Sahabisnja oetjapken itoe perkatahan jang paling blakang, Lu Thaysioe laloe prenta oppasnja bawa itoe tiga persakitan ka dalem pendjara.

„Hm, bener-bener doegahannja Ko Tjeng tida sala, jang ini pesta sakedar boeat pikat kita dateng ka mari," pikir Lie Tjhoen dalem hati, waktoe iaorang soeda berada dalem pendjara: „tapi baek djoega Tong Beng dan Tong Wie, bersama Lie Hoen dan Tek Seng ada di loear tida toeroet ditangkep, hingga ini perkara troesa terlaloe koeatir.”

„Sekarang, bagimanatah kita moesti berboeat, Twako?” tanja Hoei Po sambil memandang itoe soedara toea.

„Ah, troesa terlaloe boeat pikiran, Hiante,” saoetnja: „sebab kita poenja ampat soedara toch ada di loear, jang sigra djoega tentoe aken dapet taoe, atas kita poenja perkara dan tentoe lantas berichtiar.”

Kadoea soedara itoe tida menjaoet lagi, hanja tinggal diam sadja.

Sekarang baeklah kita tinggalken doeloe ini tiga orang gaga jang berada dalem pendjara, dan mari kita soesoel djalannja Lie Hoen dan Ko Tjeng.

IX
Ampat soedara berichtiar sabisa-
bisa. ~~Orang jang rakoes
terdjeblos dalem pikatan.

Itoe doea orang gaga sakaloearnja dari roema makan lantas berdjalan dengen tjepet, maski permaenan dan orang-orang jang plerir, masi rame, toch tida sekali iaorang ambil perdoeli, hanja berdjalan teroes.

Tida lama kamoedian Lie Hoen dan Ko Tjeng soeda berada di loear kota, kamoedian doea soedara ini menoedjoe ka pinggir soengei, tempat dimana praoenja Tong Beng dan Tong Wie ada ditambat.

Baroe sadja Lie Hoen dan Ko Tjeng kaloear tida lama, di pintoe kota ada dateng satoe oppas dengen tersanga-sanga, dan berkata:

„Hajoe toetoep lekas pintoe kota.”

„Ah, djangan maen-maen gila, sobat,” saoet orang jang mendjaga pintoe sambil tertawa- tertawa.

„Boekannja memaen, hanja betoel-betoel Thay-sioeya prenta lekas toetoep. Toetoep sekarang djoega.“ „Apa soenggoe?”

„Eh....., tanja lagi ? — Hajoe lekas!”

Tapi ada oeroesan apatah, maka dengen mendadak zontak pintoe maoe ditoetoep, sedeng karamean masi belon brenti ?”

„Tida perdoeli! Tida perdoeli! Sebab sekarang ada dilakoeken penangkepan dan koeatir ada orang jang bisa melariken diri.”

Mendenger itoe perkataan-perkatahan jang paling blakang dan liat roepanja itoe oppas ada dengen soenggoe-soenggoe, si pendjaga pintoe poen tida menanja lebi djaoe, hanja lantas anbgoen dari tempatnja doedoek dan toetoep doea-doea daonnja pintoe kota, kamoedian koentji dengen keras.

Orang banjak jang masi belon kaloear, djadi heran dan ada djoega jang djadi katakoetan, kerna tida taoe apa sebabnja mendadak-dadak pintoe ditoetoep.

Tapi apatah goenanja pintoe ditoetoep dan didjaga keras-keras, kerna Lie Hoen dan Ko Tjeng jang maoe ditangkep, soeda kaloear.

Itoe waktoe Lie Hoen berdoea soeda sampe ka praoe, satelah Tong Wie liat jang katiga soedaranja tida kaliatan, lantas menanja dengenheran:

„He, manatah Twako dan doea soedara lagi?“

„Wah marika masi plesir teroes," saoet Tek Seng: maski akoe adjaki kaloear sadja, toch iaorang tinggal tida perdoeli."

„Masa ?!” kata Tong Beng. „Soenggoe, waktoe akoe berlaloe, Twako bertiga masi bertjokol teroes hadepin arak, sataoe sampe kapan iaorang maoe minoem,” kata Lie Hoen.

Tong Beng berdoea tida menjaoet lagi.

„Kaoe mengapa? tanja Ko Tjeng, waktoe kaoe kaloear dari pintoe kota, akoe masi ada di sampingnja pintoe," saoet Tong Wie: „dan akoe ada denger satoe oppas prenta si pendjaga pintoe toetoep pintoenja boeroe-boeroe, dengen bilang, diprenta oleh Thaysioeya berhoeboeng dengen satoe penangkepan. Inilah jang membikin hatikoe djadi merasa koerang enak, kerna kita poenja Twako dan doea soedara masi ada di dalem.”

Kadoeȧ soedara jang baroe balik itoe djadi bengong, sedeng Tong Beng poen ada mengawasi dengen roepa koeatir.

Tong Wie berkala poela:

„Sasoedanja denger itoe perkatahan dan liat pintoe telah ditoetoep, akoe lantas boeroe-boeroe ka mari dengen hati merasa tida enak. Soenggoe akoe merasa koeatir.”

„Abis bagimana kita moesti berboeat ?” tanja Lie Hoen.

„Bagimana?" kata jang laen, dengen tida taoe bagimana moesti berboeat: „terpaksa kita toenggoe sadja.”

„Tapi kaloe bener-bener kita poenja tiga soedara dapet katjilakahan, tentoe kita tida taoe?” kata Tong Beng.

„Besok kita nanti denger-denger kabar dan serepin,” saoet Lie Hoen, jang sasoedanja berpikir sakoetika lama: „sabab sekarang toch pintoe soeda dikoentji, hingga kita tida bisa masoek lagi boeat tjari.”

Dengen hati jang merasa koerang enak itoe tiga soedara laloe rebaken badanja di dalem praoe, kerna itoe waktoe poen hari telah djadi malem. Anak-anak praoe jang gaga dan mamegang sendjata, diprenta mendjaga, dan kaloe ada apa-apa, moesti lantas bangoenin papanja.

Pada esok harinja, sahabisnja santap pagi itoe soedara-soedara soeda lantas bangoen dan lantas pergi ka kota boeat serep-serepin, dan hatinja djadi lebi koeatir, koetika sumpe di itoe waktoe marika belon djoega katemoe katiga soedaranja.

Tapi satelah sampe di satoe waroeng arak, di sitoe marika denger ada dibitjaraken penangkepan jang dilakoeken tadi malem. Itoe orang banjak satoe pada laen saling menanja, siapa adanja itoe doea orang gaga jang ditangkep.

„Marika itoe ada orang-orang dari kawanan Liangsan," saoetnja jang ditanja, jang roepanja ada taoe itoe perkara.

Satelah denger itoe perkatahan „kawanan Liang-san”, hatinja Tong Wie djadi terkedjoet. maka dengen tida mengaloewarken satoe perkatahan, ia menengok pada itoe tiga soedara dengan sorot mata menanja, dan seperti maoe kata: „kaoe denger apa itoe orang-orang telah tjerita ?’

„Kaloe begitoe, marilah kita pergi ka itoe waroeng,” kata Lie Hoen: „brangkali sadja di sana kita nanti bisa dapatken laen katerangan jang lebi penting.”

Tiga soedara jang laen moefakat, maka dengen tindakan tjepet marika laloe pergi ka itoe waroeng arak, minta pada toekang waroeng makanan beserta arak jang baek. Kamoedian sambil minoem marika moelai bikin pertanjahan-pertanjahan pada orang jang ada di sitoe, sedeng hati djadi bertamba-tamba koeatir.

Itoe nona tjantik jang samalem menjanji, djoega kabetoelan masi ada di sitoe. Satelah denger pertanjahannja itoe orang gaga, ia laloe toetoerken apa jang ia taoe, bagimana koenjoeng-koenjoeng, baroe sadja ia brenti menari, dari loear dateng banjak oppas dan tetamoe itoe lantas ditangkep, sedeng dirinja djadi terpental lantaran kabentoer badanja itoe orang gaga jang berontak.

„Apa kaoe bisa toetoerken djoega bagimana roepanja itoe doea orang ?” tanja Tong Wie.

„Oh, tentoe sekali," djawabnja si tjantik.

Kamoedian ia laloe seboet dan petahken roepanja itoe doea orang, dan sasoedanja denger ini katerangan, ampat orang itoe djadi bertambatamba koeatir, kerna roepa jang dipetahken itoe poen, ada roepanja marika poenja Twako dan Hengte.

„Sekarang soeda tida bisa sala lagi, bahoewa orang jang ditangkep itoe, bener ada kita poenja Twako dan Hengte," kata Tong Wie; „maka sekarang, kita tida bisa tinggal diam boeat ini perkara, sabelonnja dapet katerangan lebi djaoe.”

„Tentoe sadja," djawab jang laen-laen itoe dengen soeara berbareng: „dan bagimana soedara poenja pikiran ?”

„Akoe pikir," kata Tong Wie: „baek begini: soedara bertiga baek lekas balik kombali ka praoe, sedeng akoe nanti pergi tjari laen-laen katerangan, dimana sekarang kita poenja Twako itoe berada.”

Lie Hoen bertiga memanggoet, tapi tida kaloearken satoe perkatahan.

Sasoedanja membajar harganja makanan jang didahar, ampat orang gaga itoe lantas kaloear dari waroeng arak, dan sasampenja di djalanan, Tong Wie oelangken poela perkatahannja jang baroesen dioetjapken dalem waroeng.

„Soedara bertiga toenggoe sadja sampe akoe balik kasi kabar,” kata poela Tong Wie: „sebab kaloe kita djalan banjak-banjak orang, salempang pembesar di sini djadi hertjoeriga dan boleh djadi ia nanti pasang mata.”

„Ja, haeklah,” sapet katiga orang itoe

Kamoedian marika berpentjar.

Sasoedanja berada sendirian di tenga djalan, Tong Wie rasa, sekarang lebi baek ia pergi ka kantoornja Lu Tji-kioe, dan katerangan jang didapet di sitoe, soeda tida isa sala lagi.

Koetika sampe, ia lantas bertjampoeran pada orang banjak dan moelai mengomong ini iloe perkara jang tida perloe. Achir achir ia dapetken djoega katerangan, bahoewa samalem orang jang ditangkep itoe bener Lie Tjhoen bersama Heng-tenja.

Tong Wie tida siasiaken tempo, maka itoe waktoe djoega ia laloe goenaken penga oenja oewang bent masoek ka pendjara, maka cipier jang dapet itoe, lantas sadja anterken itoe orang ka tempatnja Lie Tjhoen

„Oh, Tong Hengie,” kata Lie Tjhoen, pada waktoe meliat itoe soedara dateng.

„Ja, Twako," saoetnja Tong Wie sambil menghamperi.

Tek Seng jang ada doedoek di samping satelah liat ini soedara, lantas inget: tjoha kaloe tida Tong Wie jang beakeras mane djoega pergi, tentoe iaorang berame tida djadi dateng kamari Maka dengen inget begitoe, ia lantas berkata:

„Bitjaramoe soenggoe bener sekali, Tongheng, sekarang baroelah berboekti.“

„Dalem hal apatah ?” menanja Tong Wie.

„Dari maksoednja diadaken ini pesta Gansiauw,“ kata Tek Seng: „jang njatalah pesta ini dibikin bener-bener boeat pantjing pada kita.“

„Abis berboekti bagimanatah ?“ tanja Tong Wie jang masi belon mengarti.

„Jang waktoe 1 wako tauja kaoe poenja pikiran, kaoe soeda menjega dengen sanget, poepaja kitaorang djangan pergi,“ kata Tek Seng: „sebab kaoe kata, jang ini karamean diadaken boeat mendjebak kita, Dan sekarang itoe perkatahan telah berboekti kabenerannja“

„Oh, jang kata begitoe, hoekannja akoe,“ saoet Tong Wie, jang masi belon mengarti itoe soedara poenja omongan sindir: „hanja Ko Tjeng jang telah menjega dan kata demikian.“

Lie Tjhoen jang koeatir itoe doea soedara nanti djadi bertjektjok, lantas menjega boeat dilandjoetken lebi djaoe itoe omongan, hanja lantas berkata:

„Tapi kaloe didenger bitjaranja Lu Thaysioe, njatalah ia poenja maksoed bikin ini penangkepan, boekan laen dari pada hendak tjari sadja kaoentoengan, kerna ia kira kita ini ada mempoenjai banjak kakajahan.“

„Begitoe?” kata Tong Wie dengen heran. „Ja,”

"Oh, kaloe hetoel begitoe, haeklah Twako sanggoepin sadja sedeng akoe bersama laen-laen soedara nanti berdaja boeat adaken itoe oewang. Sekarang baek akoe balik kombali sadja ka roema boeat berdami pada sakalian soedara Soedara, dan paling lama tiga hari akoe nanti dateng kombali.

„Ja, hegitoe poen haek.”

Kamoedian, sasoedanja membri slamat tinggal, Tong Wie itoe berlaloe.

Sakaloearnja dari pendjara, ia tida pergi lagi ka mana-mana, hanja laloe balik ka tempat dimana itoe tiga soedara ada menoenggoe.

Ko Tjeng dan jang laen-laen itoe waktoe ada kaliatan lagi sedeng berdoeka. Satelah liat Tong Wie soeda balik, marika laloe bangoen dan menghamperi boeroe-hoeroe aken menanja, bagimana dengen itoe penjerepan, apa ini soedara beroentoeng katemoeken itoe Twako.

Tong Wie memanggoet dan lantas tjeritaken satoe persatoe pertemoehannja jang baroesan, dan kasi taoe djoega, bagimana Lie Twako poenja anggepan atas itoe penangkepan.

„Dan kalue begitoe, apa sekarang kita haroes berboeat?” menanja Ko Tjeng.

„Sekarang tida ada laen djalan jang lebi baek, dari pada kita berame poelang sadja,“ saoet Tong Wie: „di roema toch kita ada djoega mempoenjai sedikit simpenan, dan itoeng brapa sama sekali itoe oewang. Kamoedian dengen membawa itoe kita balik kombali ka mari boeat menoeloeng Twako“

Semoea menjataken satoedjoe. Dan Kamoedian masing masing toeroen kombari ka praoenja, dimana kandaran itoe laloe ditoelak ka tenga, jang satelah dapet angin, anak praoe laloe pasang lajar belajar menoedjoe ka Siauwhewan.

Tida lama kamoedian praoe itoe telah sampe ka tempat jang ditoedjoeken

Long Wie dan jang laen-laen laloe poelang ka roema, kaloearke marika poenja oewang simpenan dan itoeng itoe, jang sama sekali djoemblanja ada kira-kira doea ri oe tail perak. Sabagimana jang telah didjandji, betoel sadja pada hari ang katiga, Tong Wie soeda ada kombali dalem itoe kota dan masoek ka dalem pendjara.

Waktoe katemoe pada Lie Tjhoen, ini soedara laloe kasi taoe satoe persatoe, bahoewa oewang terseboet soeda tersadia.

„Kamaren itoe Thaysine telah prenta satoe orangnja dateng ka mari katem ein akoe," kata Lie Tjhoen: „bener sadja ia maljoeken itoe permintahan. Dan sasoedanja denger terang maksoednja, tentoe sadja akoe lantas sanggoepin.“

„Itoe pembesar rakoes," kata Tong Wie dengen hati merasa legah djoega, kerna maski kaloearken oewang, I wakonja toch bakal terlepas.

„Itoe orang soeroehan telah bilang djoega padakoe dakoe," kata poela Lie Tihoen: „jang Lu Thay-sioe nanti kombaliken kita poenja kamerdikahan, kaloe sadia ini permintahan akoe bisa penoehken"

„Soenggoe-soenggoe ambtenaar rakoes sekali," menggerendang Tong Wie: „dan brapatah ia minta?"

„Salaksa tail," saoet Lie Tjhoen.

„Salaksa tail?" mengoelangi Tong Wie dengen kaget, sedeng kadoea matanja djadi melotot

„Ah, itoelah terlaloe banjak," kata poela ia dengen dada jang merasa sesek: „kita mana ada poenja simpenan sampe begitoe banjak? — kaloe begitoe ia soeda madjoeken permintahan jang gila-gila, dengen tida imbangi orang poenja kakoeatan?"

Sambil kata begitoe, tangannja Tong Wie mengepal-ngepal, sedeng parasnja djadi beroba sengit.

„Tapi akoe djoega tida lantas loeloesken boeat itoe permintahan jang gila," kata Lie Tjhoën: „kerna padanja akoe bilang: kaloe maoe dipaksa akoe adaken itoe oewang jang berdjoembla begitoe besar, jang akoe tida sanggoep adaken saparo-paronja atjan akoe lebi soeka kaloe ia lantas kirim sadja dirikoe ka kota Radja — Biar akoe diboenoe atawa dihoekoem apa djoega."

„Dan?" kata Tong Wie.

„Satelah denger akoe kata begitoe, itoe orang lantas roba permintahannja, djadi toeroenan," kata Lie Tjoen sembari katawa: itoe djoembla salaksa, tida ditetepken, hanja sakoeat kita sadja."

„Djadi dalem ini oeroesan, ada dibikin djoega tawar menawar ?, hahaha!" kata Tong Wie sambil tertawa:,,dan brapatah kamoedian ditoeroenkennja ?"

,,Kamoedian ditetepken boeat tigariboe tail."

.,ltoe djoembla poen masi besar. Tapi dalem tempo brapa lama itoe oewong moesti dibikin sadia atawa dikirim padanja?"

,,Dalem tempo jang tida beleh lebi lambat dari sapoeloe hari."

Tong Wie berdiam, hatinja berpikir apa-apa.

,,Apa kita poenja oewang tida ada sabegitoe?" menanja Lie Tjoen kamoedian, koetika liat itoe soedara tinggal berdiam sadja..

,,Kita poenja simpenan tjoema ada kira-kira doeariboe tail perak, Twako," kata Tong Wie: ,,tapi kaloe ia tida maoe koerang dari sabegitue, itoe jang sariboe kita masi ada tempo boeat tjariken lagi tambanja dalem tempo sapoeloe hari. Moestail dalem tempo sabegitne, kita tida bisa tjoekoepi itoe djoembla ?"

,,Tapi Hiante hendak jari dimanatah ?" menaitoe Twako sambil memandang.

,,Ah, itoe perkara Twako troesa salempang," djawab Tong Wie: pendeknja akoe nanti sanggoepin djoembla itoe nanti tersadia."

Sasoeda moefakatin hal oewang menjogok Tong Wie dan Lie Tjhoen laloe omong-omong poela sedikit perkara oeroesan roema tangga. Tapi Tong Wie laloe oetjapken bebrapa perkatahan jang menghiboer, hingga Lie Tjhoen merasa senangan djoega.

Sasoedanja membri slamat tinggal pada itoe Twako dan soedara jang tertangkep, Tong Wie laloe kaloear. Kamoedian ia ketemoeken pada cipier dan kasiken padanja ini pengoeroes pendjara sadjoembla oewang jang tjoekoep hoeat dipake plesir makan minoem, dengen minta ia toeloeng rawatin soedara-soedaranja biar-baek.

„Ah, itoe perkara troesa koeatir,” kata cipier dengen hati girang, koetika trima bebrapa tail perak jang ini orang gaga briken: „akoe nanti rawatin dengen betoel kaoe poenja sohat-sobat, baek ia poenja makan maoepoen pakenja.”

„Nah ini lima tail perak kane pegang sadja, boeat goena membeli arak boeat soedara-soedarakoe itoe,” kata poela Tong Wie sambil kasiken lagi itoe djoembla: „saban hari kaoe pake sadja sedikit-sedikit, boeat membeli sabotol arak dan daging goena iaorang, dan sedikit baboeahan.”

Kombali cipier itoe memanggoet.

Sasoedanja tida ada lagi laen oeroesan jang didamiken, orang gaga ini laloe balik kombali ka tempat di mana soedara-soedaranja ada menoenggoe.

X
Dengen katjerdikannja Gak Ho menoe-
loeng Lie Tjhoen. — Bikin pem-
balesan mendapet sadjoembla
kaoentoengan.

Satelah sampe, Lie Hoen dan Ko Tjeng laloe menanja dengen Soeara berbareng:

„Bagimana itoe oeroesan, beres ?“

„Belon thoekoep,“ Saoet Tong Wie sambil golengken Kapala.

„Belon toekoep ? Brapatah itoe Thaysioe maoe dapet dari kita?“

„tigariboe tail“

„Hola itoelah boekan sedikit oewang. “ „Sabetoelnja, bermoela ia maoe minta diteboes salaksa tail perak, “kata Tong Wie jang laloe toetoerken satoe persatoe apa jang Twakonja telah tjeritaken padanja, Tapi sasoedanja dikasi taoe, jang kalue. maoe dimintaken Sabegitoe, itoe Twako lebi soeka dibawa ka kota Radja, achirnja pembitjarahan itoe djadi poetoes boeat tigariboe tail sadja.

„Betoel itoe djoembla ada besar,“ kata Tong Wie: „tapi akoe soeda sanggoepin boeat tjoekoepi itoe djoembla“ „Dengen tjara bagimanatah Tong Hengte hendak dapetken itoe oewang?" menanja Lie Hoen dan Ko Tjeng sambil mengawasi: „apatah dari kita poenja perdagangan jang biasa, atawakah dengen mendjoeal barang-barang?“

„Boekan, boekan begitoe,“ saoetnja: „pada waktoe akoe sanggoepin itoe, akoe soeda tetepken djoega Satoe perniatan jang bagoes“

„Niatan bagimana jang Koko telah pikir?“ tanja Tong Beng jang soeda moelai koerang sabar: „tjeritakenlah! tjeritakenlah! soepaja kita bisa lantas lakoeken.“

„Kita lakoeken sadja itoe pakerdjahan jang doeloe hari,“ saoetnja sambil memandang itoe tiga soedara: „sebab dengen laen djalan ada terlaloe soesa dan lama boeat didapet, kerna itoe djoembla poen boekan sedikit. Tapi dengen itoe pakerdjahan, kita bisa dapetken dengen sekali madjoe, Malah bisa diharep djoega aken mendapet lebihan.“

Tong Beng, dan Lie Hoen dan Ko Tjeng satoe pada laen saling mengawasi. Dengen itoe penjaoe au, marika poen mengarti, jang Tong Wie hendak lakoeken kombali pembegalan atawa pembadjakan seperti doeloe.

„Apa Hiante tida moefakat?“ tanja ia, koetika liat itoe tiga so dara tenggal berdiam sadja.

„Ah, masa!“ saoet Lie Hoen: „tjoema sadja, apa Twako. djoega taoe apa jang kita bakal lakoeken ?”

„Itoe tida perloe,“ saoet Tong Wie: „asal kita bisa bawa itoe djoembla jang koerang, inilah akoe rasa soeda tjoekoep. Boeat apa Twako taoe dari mana kita dapet. Atawa sekali poen kamoedian ta taoe, kita boleh bilang sadja teroes terang, moestail ia boleh djadi koerang senang?“

Begitoe ampat soedara ini laloe berdami, achirnja iaorang ambil poetoesan boeat toeroet pikiran jang telah ditetepken oleh Tong Wie Sekarang marika. dikin permoefakatan, di tempat mana pembadjakan itoe haroes dilakoeken.

Sasoedanja beroending sakoetika lama, achirnja ditetepken, jang Tong Wie berdoea Tong Beng lakoeken pembadjakan di daerah Sowtijioe, sedeng Lie Hoen berdoea Ko Tjeng nanti mamegat soedagar-soedagar jang liwat bilangan Ohtjioe.

Tong Wie doea soedara lantas satodjoe, dan sehabisnja bitjara, marika laloe siapken keperloeannja.

Orang-orangnja jang biasa membantoe tangkep ikan dan jang paling boleh dipertiaja, laloe dipili bebrapa poeloe orang, dengen membawa sendjata-sendjata jang lengkep pada roeroen ka praoe.

Pada itoe sore langit ada sedikit gelap, maka praoe-praoe itoe lantas kaloear dari moeara dan masing-masing ambil fihaknja sendiri. Anak-anak praoe jang memang ada asal pembadjak, lantas djalanken kandaran aernja seperti. angin, sedeng Tong Wie Sabentar-sabentar menengok ka sana dan sini.

Tatkala itoe di daerah Souwitjioe belon ada kaliatan satoe praoe jang liwat. Tapi ini orang gaga tida djadi poetoes harepan, hanja meronda dengen bernapsoe. Dengen tida perdoeli oedara gelap dan. angin riboet.

Datengnja angin samingkin santer, hingga lajar-lajar terpaksa moesti digoeloeng, soepaja praoe tida teroembang-ambing.

Tong Wie masi djoega belon dapet liat ada praoe jang liwat.

"Ah, ini malem tentoe tida ada praoe jang liwat,”

kata Tong Wie dengen hati kesel: "Sebab angin begini riboet. Tapi biarlah kita menoenggoe sadja sampe besok malem, kerna tempo toch nasi ada bebrapa hari."

Tapi, sedeng Tong Wie tidea mempoenjai harepan dapet megat orang di waktoe gelap goelita begitoe, dateng Tong Beng sembari berkata dengen tangan menoendjoek :

"Koko, tjoba kaoe liat ka itoe djoeroesan, apaitoe boekan praoe besar jang lagi belajar dengen ladjoe:"

Tong Wie angkat sebla tanganja jang dikeloengken dan phe di atasan djidat. Dengen mata menjoerang ia memandang ka djoeroesan jang dioendjoek.

Tempat itoe amat gelap, tapi kerna soeda biasa maen di laoet dan djoega biasa dengen pemandangan begitoe, maka sasoeda melihat sabentaraan, ia memanggoet dan berkata:

„Ja, bener itoe praoe besar ada moeat banjak orang.”

Kamoedian ia geraken tangan, aken prenta anak-anak praoe djalanken praoenja dengen tjepet boeat mengedjer.

Sigra djoega praoenja si pembajak ini soeda berdjalan seperti angin, menjoesoel itoe praoe jang tadi kaliatan lapat-lapat. Bagi orang-orang jang meliat itoe kaadahan, pasti boleh membikin bangoen boeloe badan. Kerna doea-doea kapala dari itoe pembadjak ada berdiri dengen pegang sendjata terhoenoes, jang satoe berdiri di depan dan jang laen di belakang praoe.

Tida lama kamoedian, sigra djorga praoenja Tong Wie itoe telah menempel pada itoe praoe besar. Sabelonnja kadoea kandaran itoe berdeketan, dengen soeara menggerang Tong Wie angkat gegamannja, sambil bertreak:

„Tahan itoe praoe jang di depan!”

Dan waktoe itoe praoe menempel, ia sigra melontjat, hingga orang-orang di dalem itoe praoe besar djadi terkedjoet. Tapi sigra djoega ini kapala pembadjak lantas lemparken gegamannja, satelah liat saorang gaga jang berada dalem itoe praoe, kerna orang itoe ia kenalin boekan laen dari Gak Ho adanja, sabagimana jang soeda ditjeritaken dalem fatsal sebla atas.

·

Tentang pertemoeannja Tong Wie dan Gak Ho pembatja telah liat, maka di sini tida perloe ditoetoerken lebi djaoe.

Begitoelah sasoedanja ketemoeken Hwa Hoedjin dan Tjin Kiongdjin, dan berkenalan pada Hwa Kongtjoe. marika beromong-omong dan kamoedian Tong Wie oendang Gak Ho mampir sabentaran di Siauwhewan.

Ini oendangan tida ditoelak, maka praoe itoe berdjalan ka moeara terseboet, sedeng anak-anak praoe dan orang-orang prampoean jang tadinja soeda djadi katakoetan, mendjadi senang kombali.

Sigra djoega tetamoe-tetamoe itoe telah sampe, dengen lakoe hormat Tong Wie adjak Gak Ho doedoek di roewang pertengahan, sambil memanjaken ini itoe tentang keadahannja ini sobat jang sakean lama baroe katemoe.

Gak Ho toetoerken itoe dengen ringkes dan tjeritaken bahoewa ia maoe pergi ka Hangtjioe, dan sekali-kali tida dikira bisa katemoe Tong Wie. „Tapi bikin apa di Hangtjioe?” menanja Tong Wie.

„Boeat tjariken satoe tempat goena Hwa Soso dengen sakalian koelawarganja,” saoet itoe orang gaga.

„Dari pergi ka tempat jang begitoe djaoe,” kata Tong Wie: „apa tida baek kaloe Gak Koko bersama koelawarga Hwa tinggal sadja di sini pada kita orang? '

„Kaloe kadatengankoe tida djadi menjoesaken, tentoe sadja akoe soeka sekali,” saoet Gak Ho:

„kerna di Hangtjioe poen kita-orang belon ada mempoenjai tempat jang tentoe boeat toempangken itoe koelawarga.”

Tong Wie kaliatan girang, jang ini orang gaga djoega maoe tinggal bersama-sama.

„Tapi,” kata poeta Gak Ho:„mengapa akoe tida liat laen-laen Hengte, kamanatah ia orang pada pergi?”

„Akoe belon tjeritaken halnja kita-orang poenja soedara-soedara itoe,” kata Tong Wie sambil mengelah napas:„maka tentoe sadja Gak Koko tida mendapet taoe, dan sekarang ada tempo boeat akoe tjeritaken itoe.”

Ini penjaoetan membikin Gak Ho djadi heran dan memandang itoe sobat dengen sorot mata menanja.

„Ah, kiia ini poenja idoep, seperti djoega memang ditjiptaken, boeat selaloe beroeroesan pada kawannja dorna,“ kata Tong Wie dengen paras doeka: “apatah memang begitoe brangkali kita-orang telah ditakdirken, maka boleh ada sadja djalannja jang membikin kita djadi bersangkoetan padanja.“

„He, apatah maksoednja Hiante poenja omongan?” menanja Gak Ho jang belon mengarti:„ada oeroesan apatah antara kita dengen itoe kambrat dorna?”

Tong Wie laloe tjeritaken satoe persatoe bagimana iaorang toedjoe sobat jang berasal dari masing-masing tempat, soeda bisa berkoempoel djadi satoe dan achirnja tinggal di ini tempat dengen memperoesahaken penangkepan ikan. Pengidoepan jang ditoentoet dalem itoe sepandjang waktoe jang telah liwat, ada begitoe roekoen dan senang, hingga tida bedah sabagi soedara poetoesan peroet.

Gak Ho mendengeri dengen sabar.

Tong Wie tjeritaken lebi djaoe, bagimana blakangan Pahsantjoa goenaken pengaroenja Lu Thay-sioe boeat tarik kaoentoengan jang menjoesaken padaorang-orang ketjil, hingga Lie Tjhoen dengen sadereknja eoeda hinaken itoe orang jang berpengaroe.

Oleh kerna Pahsantjoa ada baek pada Lu Tji-kioe, maka dengen pertoeloengannja itoe pembesar, Lie Tjhoen dengen doea soedaranja soeda kadjebak dengen satoe tipoe, hingga itoe pembesar telah mintaken oewang teboesan boeat tiga soedaranja itoe.

Satoe persatoe ditjeritaken terang.

Sampe achirnja ia moesti tjari lagi sareboe tail perak boeat menjoekoepi djoembla jang koerang, dan itoelah sebabnja, maka ia bersama Tong Beng lakoeken pembadjakan di tengah soengei. Tapi tida kira boleh katemoe Gak Ho.

„Ini pertemoehan haroes dibilang ada dengen maoenja Allah,“ kata Tong Wie jang toetoep bitjaranja: „maka sekarang, dengen menginget jang Gak Koko poenja katjerdikan, akoe ingin sekali dapet kaoe poenja pikiran, tjara bagimana baeknja boeat toeloeng Lie Twako dan kadoea Hengte kita?“

„Kaloe begitoe,” kata Gak Ho, jang sasoedanja denger Tong Wie poenja bitjara: „tjoba akoe nanti pikir satoe daja jang samporna.”

Itoe waktoe orang-orangnja Tong Beng soeda sadiaken barang santapan, maka Tong Wie laloe adjak ini sobat doedoek hadepi perdjamoean.

Berbarang itoe, Lie Hoen dan Ko Tjeng djoega soeda balik, maka ini doea soedara djadi amat girang, satelah orangnja kasi taoe, jang Tong Wie dan Tong Beng waktoe djalan meronda dan katemoe Gak Ho, jang sekarang ada di dalem lagi maoe doedoek minoem. Ini doea soedara laloe boeroe-boeroe, maka pertemoean ini ada menggirangken sanget hatinja itoe orang-orang gaga. Ko Tjeng laloe menanjaken ini itoe, demikian poen Lie Hoen, jang tanja, bagimana Gak Ho poenja keadahan dalem waktoe jang laloe.

Gak Ho djawab itoe dengen ringkes dan kamoedian lima orang gaga itoe doedoek berdjamoe dengen segala soeka hati.

„Bagimana dengen kaoe poenja pakerdjahan, Lie Hengte?” tanja Tong Wie, pada waktoe soeda moelai doedoek makan minoem: „beroentoenglah ?”

„Ja, kita-orang ada beroentoeng djoega,” saoet Lie Hoen sambil katawa: „jang maski tida dapet oewang, tapi kita-orang poenja pamegatan di Ohtjioe, telah dapet ampatratoes goeloeng soetra-soetra bagoes.”

„Ampatratoes goeloeng soetra ?” mengoelangi Tong Beng: „oh, ampatratoes goeloeng soetra soeda ada lebi dari harga sariboe tail perak, kaloe sagoeloengnja doea tail satenga sadja.”

„Brangkali ada berharga lebi mahal dari itoe,” kata Ko Tjeng.

„Dan bagimana dengen kaoe di Souwtjioe, Tong Hengte ?” begitoe Lie Hoen dan Ko Tjeng balik menanja.

„Kita-orang tida dapet soeatoe apa, salaenja telah bertemoe pada Gak Koko dengen koelawarga Hwa,” saoetnja Tong Wie: „tapi kendati begitoe, toch kita-orang poenja kagirangan tida mendjadi koerang."

„Ja, tentoe,” kata Lie Hoen dengen girang: „kerna dengen bertemoe pada Gak Koko, ada lebi beroentoeng dari pada kita dapetken sariboe tail perak.”

Kamoedian lima orang itoe beromong-omong lebi djaoe, sedeng gelas-gelas jang kosong tida brentinja ditoewangken arak.

„Soedakah kaoe dapet pikir satoe daja jang baek, Gak Koko, boeat toeloeng itoe-soedara-soedara?” tanja kombali Tong Wie.

„Kaoe troesa salempang, Tong Hengte,” saoetnja orang jang di tanja itoe sambil tertawa: „dari tadi akoe soeda dapet itoe.”

„Soenggoe ?” menanja Tong Wie: „begitoe tjepet?”

„Ja,” saoet Gak Ho sambil manggoet.

„Nah, apa akoe kata,” kata Tong Wie dengen girang: „boekankah kita ada lebi beroentoeng katemoe Gak Koko, dari pada dapetken sariboe tail perak? Tapi belon taoe daja bagimana jang telah dipikir itoe?”

„Ja, daja apatah jang kaoe telah pikir, Gak Koko?” tanja Ko Tjeng. Lie Hoen dan Tong Beng poen ingin sekali mendenger itoe, maka katiga itoe, dengen soeara berbareng lantas minta Gak Ho soeka lantas menjataken.

„Apatah boleh kaoe njataken itoe, Gak Koko?“ tanja marika

„Tentoe!“ saoetnja: „kerna kaoe poen moesti taoe bagimana ini tipoe haroes digoenaken.“

Sahabisnja kata begitoe, Gak Ho laloe toetoerken satoe persatoe, tjara bagimana akal itoe haroes didjalanken. Dan itoe ampat orang gaga, jang sasoeda mendenger daja oepanja ini sobat, djadi amat girang dan masing masing menjataken bagoes.

„Sadari doeloe memang akoe kenal Gak Koko ada mempoenjai pikiran tadjem dan otak jang tjerdik,“ memoedji Tong Wie: „maka ini tipoe jang kita bakal djalanken, soenggoe soesa sekali boeat didoega lebi doeloe.“

„Boeat djalanken ini daja oepaja,“ kata Gak Ho jang sasoedanja berdiam sakoetika lama: „besok Hengtiang djangan loepa sadiaken doea praoe besar jang terhias indah, kerna kandaran ini amat perloe.“

„Baek, sigra djoega akoe nanti sadiaken.“ saoetnja Tong Wie dan Tong Beng.

Lie Hoen dan Ko Tjeng merasa girang sekali, maka iaorang makan minoem teroes sambil tjerita-tjerita. Waktoe semoea soeda pada poesing, baroelah orang-orang gaga itoe pada masoek ka dalem kamar.

Tapi Gak Ho pada sabelonnja tidoer lantas pesan pada Hwa Kongtjoe, tjara bagimana orang moeda ini haroes berlakoe boeat menoeloeng itoe tiga orang gaga jang lagi sedeng terpandjara, dan pesenan ini oleh Kongtjoe ditoeroet betoel. „Troesa koeatir, akoe nanti lakoeken betoel prentamoe, Sioksiok,” kata itoe orang moeda.

Gak Ho merasa soeka hati denger itoe penjaoetan, maka ia rasa tida perloe dipesen lebi djaoe, hanja lantas sadja pada masoek tidoer.

Sekarang biarlah kita tinggalken ini orang-orang gaga jang soedą baringken diri lantaran tjape dan poesing, hanja mari kita liat pada Lu Thaysioe, jang lagi sedeng harepken itoe djoembla dari Lie Tjhoen.

Pada maleman dimana Tong Wie doedoek makan minoem bersama Gak Ho, Lu Thaysioe poen ada hadepi arak sambil lajangken pikirannja.

Saban-saban, sahabisnja keringi gelas sendiri, ia berdongak ka atas sambil memikiri itoe tiga-riboetail perak. Bebrapa kali kadengeran ia berkata:

„Ah, kaloe bener-bener Lie Tjhoen mampoe kasi itoe oewang, djaja djoega akoe ini. Sasoenggoenja bodo sekali, kaloe akoe tida maoe goenaken kakoeasahan sabagi pembesar di ini kota. Boekantah akoe ada tjoekoep berkoeasa dan salagi mamegang ini pangkat, akoe tida boleh kasi liwat ini tempo jang baek.”

Sambil berpikir, matanja seperti meliat itoe boengkoesan oewang jang berisi tigariboe tail.

„Salagi ada mempoenjai kakoeasahan boeat pidjit dan peres, kaloe akoe tida maoe goenaken sampe kapan lagi,” kata poela ia: „boekantah kaloe dari sekarang akoe berlakoe radjin begitoe, kamoedian dateng itoe waktoe boeat akoe meletaken djabatan, tentoe peti oewangkoe soeda penoeh.

„Di ini doenia tida ada keadilan, katjoewali oewang jang bisa membikin perkara bengkok mendjadi lempang, perkara sala djadi betoel. Maka apatah boleh akoe maen soengkan-soengkanan kaloe orang maoe kasi oewang? ― Toch bodo sekali, bodo amat, kaloe ada jang maoe kasi, akoe pergi tampik.

„Ini perboeatan jang sekarang akoe lakoeken, ada membawa doea kabaekan. Pertama, djadi kaliatannja menoeloeng sobat aken ilangi rasa sakit hatinja; kadoea, satoe kaoentoengan besar ada dateng padakoe. Ha ha ha ha! di manatah maoe tjari lagi perkara jang begini bagoes dan mengoentoengin kantong?”

Demikianlah pembesar kaparat ini berkata-kata. Kamoedian ia tjegloek lagi araknja hingga kapala merasa poesing, baroe ia masoek tidoer.

Esoknja pagi, sasoedanja toekar pakean, Lu Thaysioe laloe pergi ka kantoornja dan doedoek di sitoe aken mamereksa soerat-soerat.

Tapi, kendati mata ada memandang rapport-rapport, tapi hatinja tida poetoes mengharep datengnja oewang jang aken dikirim dari Siauwhewan.

„Sadari jang didjangdjiken, kamari-in soeda selang brapa hari,“ kata ia dalem hati: „akoe doega kamaren itoe oewang dateng, tapi tida. Apa ini hari brangkali ? Atawakah besok, sebab itoe tempo sapoeloe hari masi belon liwat ”

Tapi, ah, maski kapan djoega dia bawa, oewang itoe tentoe tida boleh ka mana larinja, kata poela ini pembesar rakoes: „boeat apatah akoe terlaloe pikir-pikirin. Dateng ini hari, dateng besok atawa noesa, toch sama djoega.”

Salagi si kaparat ini memikir-mikir begitoe, koenjoeng-koenjoeng dateng satoe pengawal pintoe masoek ka dalem itoe kontoran, hingga Lu Thaysioe djadi terkesiap dan angkat kapala kombil mengawasi.

„Ada apa oeroesan ?” tanja ini pembesar dengen hati berdebar, kerna doega, brangkali ada orang dari Siauwhewan jang lagi diharep-harep. „Apa ada orang dateng?“ tanja ia dengen tjepet.

„Bener,“ saoet si pengawal sambil memanggoet bongkoki badan.

„Ho, ho, orang dari mana?“ tanja Lu Thaysioe dengen moeka terang.

„Itoelah tida ada dibilang,“ saoet si pengawal: „tapi jang dateng ini ada saorang moeda jang berparas tjakep, pakeannja poen bagoes, jang kaloe diliat dandanannja njata Kongtjoe itoe ada saorang bangsawan.“

„Kongtjoe?“ mengoelangken Lu Thaysioe: „Kongtjoe kaoe bilang?“

„Bener, inilah kaartjisnja,“ sambil kata begitoe si pengawal serahken satoe tiap mera jang ada tertoelis namanja itoe tetamoe.

Lu Thaysioe samboeti dengen tjepet dan memandang pada hoeroef-hoeroef jang ada tertoelis di atas keras, sambil keroetken djidat boeat bisa membatja terlebi teges.

Aer moekanja lantas djadi lebi terang, soeatoe tanda hati ada penoeh dengen pengharepan dan kagirangan.

„Baek, baek,“ kata ia sambil maggoetken kepala dan berbangkit.

Si pengawal tida menanjaken apa-apa lagi hanja, lantas berlaloe. Sedeng Lu Thaysioe lantas bertindak kaloear dengen terboeroe-boeroe, sambil pegangi itoe tjap jang ada di tangan.

Apatah sabenernja jang membikin Lu Thaysioe djadi begitoe girang?

Inilah tida perloe diterangken, kerna sigra djoega pembatja aken mendapet taoe.

Sasampenja di loear betoel sadja Lu Thaysioe dapet liat ada berdiri saorang moeda jang berparas tjakep dan berpakean perlente, lagi menoenggoe padanja. Satelah liat ia kaloear, itoe Kongtjoe laloe angkat kadoea tangannja membri hormat, jang laloe dibales oleh ini pembesar dengen paras berseri-seri.

„Slamat dateng, Kongtjoe,” kata Lu Thaysioe sembari bales orang poenja hormat.

Itoe Kongtjoe poen oetjapken bebrapa perkatahan manis, maka sambil pimpin orang poenja tangan. Lu Thaysioe berkata:

„Bagimana tentang ajahmoe, ada baek?“

„Baek dan banjak trima kasi,“ saoet itoe Kong-tjoe: „harep Loja djoega ada dalem kaslamatan.”

„Kadatenganmoe ini soenggoe ada menggirangken sekali,” kata Lu Thaysioe: „tapi akoe tida taoe sadari kapan kaoe berangkat dari kota Radja? Ah, tjobalah kaloe terlebih siang akoe dapet taoe jang kaoe hendak ka mari, tentoelah siang-siang akoe prenta orang dateng samboet.”

„Oh, Loja poenja katjintakan ada besar sekali, manatah Bwanpay brani trima itoe kahormatan sedeng penjamboetan jang sekarang dilakoeken poen, soeda tjoekoep membikin Loja banjak Soesa.“

„Ah, soesa apatah djoega, hahahaha!“

Sembari berkata-kata, Lu Thaysioe toentoen tetamoenja itoe ka kantoran dan silaken orang moeda ini berdoedoek. la berlakoe begitoe hormat, kerna jang dateng ini poen boekan laen dari poetranja Ong Hoan jang kadoea, jaitoe soedara moeda dari Ong Tiauw-ien jang memangkoe djabatan Swanwie.

Kerna pada Ong Hoan, Lu Thaysioe ada kenal baek, maka pada ini poetra jang maski poen ia belon pernah katemoe moeka, toch kadatengannja disamboet dengen hormat ditanjaken ini itoe, sabagi satoe kenalan lama.

Atas pertanjahannja ini pembesar, Ong Kongtjoe berkata:

„Bwanpay kaloear dari kota Radja, sabenernja boekan bermaksoed laen dari pada menganter iboe pergi sembajang di Hangtjioe poenja gredja Tian Tiok, di mana doeloe iboekoe ada berkaoel.“

„Ja, itoe gredja memang angker sekali,“ kata Lu Thaysioe jang memoetoesi orang poenja perkatahan.

„Nah, sasampenja di sini,“ kata poela Ong Kongtjoe: lantaran menginget jang seringkali Hoetjin ada seboet Loja poenja nama sabagi sobat baek, maka dengen ambil kabranian akoe lantans dateng ka mari dengen lebi doeloe zonder membri taoe, maka boeat ini kalantjangan harep Loja nanti soeka membri maäf."

,,Maäf apatah djoega ?" kata Lu Thaysioe sambil tertawa dan silaken tetamoe itoe minoem thee jang di soegoeken.

Ong Kongtjoe minoem itoe thee dan berkata poela.

„Maksoedkoe dateng ka mari, boekan laen dari pada hendak menengoki Loya, jang mendjadi Hoetjin poenja sobat baek. Dan nanti kaloe soeda poelang, akoe aken tjeritaken djoega pada Hoetjin tentang ini pertemoean."

„Oh, trima kasi, Hiantit, trima kasi atas kaoe poenja katjintahan," kata Lu Thaysioe dengen girang, atas kaoe poenja boedi jang soeda begitoe maoe tjapeken hati, akoe haroes menjataken rasa soekoer jang tida terhingga."

Boeat ini perkataan-perkatahan jang paling blakang, Ong Kongtjoe tjoema seboet sadja Poet Kam Tong.

„Apa kaoe aken tinggal lama di ini kota?" menanja Lu Thaysioe kamoedian.

„Oh, tida. Sekarang djoega, sasoeda bertemoe pada Loya, akoe hendak balik kombali ka praoe," saoetnja.

„Begitoe tjepet ?" „Ja, kerna iboekoe perloe moesti dianter.”

„Kaloe begitoe, biarlah pada sahabisnja santap akoe nanti prenta orang sadiaken makanan dan arak.“

„Trima kasi, Loja, djangan bikin banjak soesa,“ kata Ong Kongtjoe jang menjega dengen sanget, hingga Lu Thaysoe djadi apa-bole-boeat tida bikin perdjamoean.

Ini pembesar sengadja berlakoe begitoe manis dan hormat-hormat, dengen maksoed soepaja kaloe Ong Kongtjoe poelang, nanti ia tjeritaken pada ajahanda sendiri tentang penjamboetan jang dilakoeken olehnja, atawa dengen laen perkatahan, maoe bikin soepaja Ong Hoan poenja hati djadi senang dan girang.

Begitoelah sahabisnja minoem thee, Ong Kongtjoe berbangkit dan minta permisi boeat balik sadja ka praoe. Lu Thaysoe tida bisa menjegah, hanja laloe toeroet menganter pinggir kali tempat dimana itoe kandaran aer ada berlaboe.

Meliat jang Lu Thaysoe ada toeroet menganter bersama orang-orangnja, Kongtjoe ini kaliatannja djadi amat girang, maka di sapandjang djalan pada sabelonnja iaorang sampe, satoe pada laen tida brentinja bitjara ini dan itoe.

Boekan sadja itoe pembesar, hanja bebrapa orang-orangnja poen ada toeroet djoega dalem itoe penganteran.

Sasempenja di pinggir kali, Ong Kongtjoe angkat tangan membri hormat dan hatoerken trima kasinja. Tapi Lu Thaysioe jang ingin bermoeka-moeka dari Ong Hoan, dengen harepan, kaloe-kaloe dengen kalakoeannja jang manis dan hormat itoe, Ong Hoan jang ada mendjadi kawanaja dorna dan mempoenjai pengaroe, bisa menoeloeng apa-apa goena dirinja.

Maka sabagi orang jang belon tjoekoep kaloe tjoema menganter sadja, hanja menjataken miatnja boeat katemoe pada orang moeda ini poenja iboenda.

„Akoe ingin sekali berdjoempa pada Lingtong boeat oendjoek hormatkoe," kata ini pembesar kaparat.

„Ah, masatah Bwanpay brani bikin soesa pada Loja,“ kata Ong Kongtjoe: „brangkali iboekoe ada di dalem.“

„Tida apa, tida apa,“ kata Lu Thaysioe dengen soeara memaksa.

Waktoe itoe orang moeda berlompat ka praoe, itoe pembesar djoega toeroet berlontjat dan tinggalken oerang-oranguja di darat.

Dengen tida merasa tjoeriga, Lu Thaysioe masoek ka dalem praoe. Tapi satelah sampe di roewangan tempat orang prampoean, dengen kaget dirinja ditoebroek oleh doea orang jang tenaga koeat, hingga si kaparat djadi gelagapan.

Thaysioe ini laloe diringkoes.

Sabelon ilang ia poenja rasa takoet, ada dateng lagi doea orang jang menoebroek dan mengantjem padanja sambil berkata:

„Djahanam! apa kaoe liat ini golok ?!“

Dengen hati berdebar-debar dan moeka jang poetjet seperti mait, Lu Thaysioe mengawasi itoe orang-orang gaga, sedeng itoe Kongtjoe jang dikira bener ada poetranja Ong Hoan, tinggal berdiri sambil bersenjoem-senjoem.

Matanja mengawasi pada itoe orang moeda dengen hati katakoetan.

„Ini golok ada tjoekoep tadjem boeat binasaken djiwamoe!“ kata poela itoe orang gaga sarajah angkat goloknja: „kaoe maoe mati atawa maoe idoep, hajoe bilang!“

„Ampoen ampoenilah akoe ini, Hohan!" treak Lu Thaysioe dengen soeara gerogokan lantaran takoet: „akoe mengapatah ? akoe toch masoek ka mari ada dengen maksoed boeat katemoeken Lingtong, boeat oendjoek akoe poenja hormat, boekannja dengen perniatan boeroek sabagimana jang Tjiongwie Hohan telah pikir!”

„Siapatah itoe Lingtong, akoe tida kenal padanja ?“ kata itoe orang jang mamegang golok sambil kenaken oedjoengnja itoe sendjata di djidatnja si kaparat. „Ong Hoedjin, istrinja akoe poenja sobat,“ kata Lu Thaysioe, jang njata sabegitoe djaoe masi belon taoe kaloe dirinja telah tertipoe.

Sabetoelnja itoe orang moeda jang mengakoe ada djadi Ong Hoan poenja poetra kadoea, boekan laen dari pada Hwa Kongtjoe, jang lakoeken pesenan Gak Ho. Kerna itoe orang gaga jang soeda pernah tinggal di gedongnja Ong Swanwie, dan telah denger djoega bagimana perhoeboengan nja Ong Hoan pada ini Thaysioe, maka ia rasa pasti, kaloe digoenaken ini tipoe, nanti berhasil.

Njatalah doegahannja Gak Ho itoe ada betoel. Mana Ong Kongtjoe?“ treak Lu Thaysioe dengen soeara meratab: „toeloeng! toeloenglah akoe ini!“

„Siapa kaoe tjari?“ menjentak saorang jang pegang lehernja.

„Ong Kongtjoe,“ saoet Lu Thaysioe.“

„Kita-orang tida kenal itoe Ong Kongtjoe.“

„Poetranja akoe poenja sobat, Ong Hoan.“

„Oh, itoe djahanam! itoe kaparat jang mendjadi kawannja dorna sabagi kaoe?“

Mendenger ini penjaoetan, Lu Thaysioe djadi samingkin poetjet, kerna heran sekali, bagimana ini orang-orang gaga brani nistaken itoe poetra bangsawan, dengen perkatahan seperti jang di seboet baroesan. Tapi berbareng dengen pertanjahannja, Hwa Hong tjoen lantas menjaoet:

„Akoe ada di sini!“,

„Oh, Kongtjoe, toeloenglah!“ berseroeh poela Lu Thaysioe sambil awasken ka tempat di mana soeara itoe kadengeran. „Toeloenglah akoe.“

Tapi itoe Kongtjoe tida menjaoet lagi.

„Kaoe ini ada satoe djahanam besar,” berkata Gak Ho dengen mata melotot: „maka lekaslah bilang, apa kaoe maoe mati atawa idoep? Orang jang samatjem kaoe ini sabetoelnja tida haroes dikasiannin. Lebi lekas kaoe mampoes ada lebi baek boeat keamanannja rahajat negri jang sering diperes dan dipentjet.“

Mendenger ini perkatahan-perkatahan jang dioetjapken begitoe tetep dan diseboet kalakoeannja jang begitoe roepa, Thaysioe kaparat ini djadi lebi katakoetan. Sekarang baroe ia moelai mendoega-doega, siapa adanja ini orang gaga.

Sabentar ia mengawasi Gak Ho, sabentar ia memandang Ko Tjeng dan Lie Hoen. Tapi itoe semoea Hohan ia rasa belon taoe liat.

„Tapi Hohan ini siapatah ?“ tanja ia kamoedian dengen soeara bergoemeter.

„Kaoe tida kenalin akoe?“ begitoe Gak Ho alik menanja: „ha, itoelah ada lebi baek lagi, dari pada kaloe kaoe dapet taoe siapa adanja kita.“ Tong Wie dan Tong Beng pegangin teroes itoe korban dengen kentjang, sampe Lu Thaysioe tida bisa berkoetik sakali-kali atjan. Kamodian, dengen kalakoean jang sanget menakoetin, Lie Hoen dan Ko Tjeng angkat goloknja dan ajoenken itoe barang tadjem seperti orang jang hendak menabas, sampe Lu Thaysioe djadi terkentoet-kentoet dan berkata dengen soeara mege-mege:

„Ampoen! ampoen! mati akoe!“

„Ja, memang lebi baek kaoe mampoes, pembesar djahanam!“ kadengeran soeara menjentak jang mengagetken hati.

Oedjoeng golok menempel kombali di djidatnja itoe pembesar.

Thaysioe melekin sedikit matanja dan ia tjoba raba-raba lehernja, jang njata masi menempel di poendak.

„Kaloe begitoe, akoe belon di tabas,“ pikir ia dengen pengrasahan jang teramat ngeri.

Waktoe Tong Beng dan soedaranja pegang si kaparat dengen tenaga sedikit kendoran, Lu Thaysioe laloe angkat tangan menjodja-njodja

Ini kadjadian ngeri ada diliat djoega oleh orang-orangnja itoe Thaysioe jang berdiri di darat. Tapi boekan sadja tida ada jang dateng menoeloeng, hanja semoea djadi soeka hati satelah liat madjikannja dapet perlakoean jang begitoe roepa

Inilah soeda terdjadi, lantaran si pembesar terlaloe djahat. Boekan sadja pada orang-orang jang ada perkara ia maoe peres, tapi pada orang sendiri poen, gadjinja ia maoe tahan-tahan.

Itoe orang-orang djadi bersoekoer, jang ini perboeatan, atawa lebi betoel dibilang, satoe pembalesan ia bisa dapet saksiken dengen begitoe njata.

Itoe waktoe Gak Ho jang rasa tida boleh terlaloe diantjem teroes-teroesan, kerna ini pembesar poen moesti diadjak mengomong dan kasi kenal siapa dirinja, maka ia lantas berkata dengen baek, bahoewa orang-orang gaga ini boekannja bangsa boeas, sabagimana dirinja, hanja ada kawannja Lie Tjhoen.

Satelah denger begitoe, Lu Thaysioe djadi katakoetan.

„Sekarang dengen pendek akoe maoe tanja,“ kata Gak Ho: „apa kaoe maoe mati atawa maoe tidoep, hajoe bilang teroes terang?“

„Tentoe akoe maoe idoep,“ saoetnja.

„Nah kaloe maoe idoep, lekaslah kaoe lepas itoe Lie Tjhoen bersama doea kawannja,“ kata Gak Ho: „soepaja akoe poen bisa lepasken kaoe dari ini tempat. Tapi kaloe ia ada koerang apa-apa, djiwamoe djoega aken binasa. Akoe ini orang-orang dari kawanan Liangsan, kaoe taoe?“

Mendenger ini perkatahan, dengen tida bernanti lagi Lu Thaysioe laloe kaokin orangnja boeat lekas lepasken pada Lie Tjhoen bersama doea soedaranja. Dan tida lama itoe tiga orang tawanan soeda kaloear dan dateng ka itoe praoe, dan waktoe bertemoe pada itoe soedara-soedara, hatinja djadi amat girang.

Waktoe meliat pada Gak Ho, Lie Tjoen, Tek Seng dan Hoei Po djadi kaget dan girang, kerna tida taoe dari mana datengnja ini sobat. Atas katerangannja Tong Wie jang lantas tjeritaken satoe persatoe, baroelah itoe tiga orang gaga dapet taoe doedoeknja hal dan menjataken soekoer tida soedanja.

Laen-laen soedaranja poen kasi taoe bagimana sebabnja Gak Ho boleh dateng berkoempoel di Siauwhewan, dan ini katerangan jang paling blakang, menggirangken sanget hatinja itoe Twako dan kadoea Hengte jang baroe kaloear dari pendjara.

Tapi Gak Ho jang lagi antjem itoe Thaysioe, masi djoega belon maoe lepasken si kaparat, kendati poen itoe tiga orang tawanan soeda dilepasken dari satadi.

„Hohan, boekantah kawan-kawanmoe itoe akoe soeda lepas,“ kata Lu Thaysioe: „maka hareplah dengen kamoerahan hatimoe, kaoe soeka lantas lepasken akoe dari ini tempat“

„Lepasken pada kaoe, itoelah gampang,” kata Gak Ho: „tapi toenggoe doeloe.”

„Ada apatah lagi jang maoe ditbijaraken ?” „Kaoe ini ada satoe ambtenaar jang kedjem dan temaha, maka dengen begitoe, akoe bisa doega, bahoewa kakajahanmoe ada besar sekali. Maka sekarang, sabelonnja kaoe berlaloe, lekaslah kasi akoe tigariboe tail perak sabagi ongkosnja dari ini pakerdjahan berat. Begitoelah kaloe kaoe maoe idoep.“

Mendenger ini perkatahan, Lu Thaysioe djadi apa-boleh-boeat. Maoe atawa tida terpaksa ia kaokin lagi orangnja soeroe lekas ambil oewang pada Naynay tigariboe tail perak boeat dibriken pada ini orang-orang gaga.

Tida lama itoe oewang dianterken. Tapi Gak Ho masi djoega belon maoe lepasken, hingga Lu Thaysioe djadi amat kesel dan koeatir kerna pikir: „apa brangkali orang maoein djoega djiwanja, maka sasoeda sagala permintahannja ditoeroet, tapi dirinja belon djoega maoe dimerdikken kombali.“

„Hohan boekantah sagala permintahamoe akoe soeda toeroet?“ kata Lu Thaysioe dengen soeara meratap: „maka mengapatah kaoe belon djoega maoe lepasken padakoe. Ja akoe harep kaoe poenja kasian, toeloenglah lepasken padakoe.“

„Nanti doeloe itoe gampang,“ kata Gak Ho „akoe masi ada satoe lagi jang maoe diadjak beroeroesan padamoe.“

„Apatah itoe?“ tanja ini pembesar. „Apa kaoe tida taoe, jang ini hari Teng Tjoe-pian ada membikin pesta hari taonnja,“ kata Gak Ho: „dimana ia ada oendang sakalian sobat-sobatnja dengen soegoeken arak jang baek maka ini hari akoe pikir maoe pergi ka sana boeat toeroet membri slamat bersama-sama kaoe. Bagimana kaoe pikir?“

„Akoe tida taoe sekali-kali,“ kata itoe Thay-sioe: „tapi kaloe bener ia ada membikin pesta dan Hohan semoea hendak pergi, moestail amat akoe brani tida toeroet.“

Maski moeloet kata begitoe, tapi hatinja Lu Thaysioe ada amat berkoeatir. Kerna ia tida pertjaja ini orang-orang gaga jang boekan djadi sobatnja Teng Tjoe-pian maoe dateng membri slamat, tentoelah ada satoe oeroesan apa-apa jang dikahendaki.

Tapi maski mendoega bagimana djoega, toch ia tida brani njataken itoe, salaen dari pada menoeroet sadja.

Sigra djoega praoe lantas didjalanken menoedjoe ka tempatnja itoe Pahsantjoa, Lu Thaysioe tinggal doedoek di tempat jang tadi dengen hati penoeh kakoeatiran Itoe waktoe Gak Ho soeda berkoempoel pada Lie Tjhoen dan laen-laen sobatnja, sembari beromong dengen tertawa-tawa.

Lie Tjhoen jang belon mengarti Gak Ho poenja maksoed, atas ini koendjoengan ka Matjeksan, laloe bikin bebrapa pertanjahan, apa bener Teng Tjoe-pian ini hari bikin pesta hari taon.

„Ja, bener,” kata Gak Ho sambil tertawa jang kamoedian laloe toetoerken satoe persatoe tjara bagimana ia bisa dapet taoe. Kamoedian orang gaga ini tertawa bergelak-gelak, dan laen-laen sobatnja poen toeroet tertawa.

Sembari beromong-omong Gak Ho laloe pesen bagimana Thaysioe haroes berboeat, dengen antjem keras, kaloe pesenannja tida ditoeroet, pasti djiwanja bakal binasa.

Lu Thaysioe lantaran katakoetan djadi menoeroet sadja Sedeng Gak Ho sahabisnja mamesen lantas toekar pakean satjara satoe oppas.

Tida lama kandaran aer itoe telah sampe di Matjeksan, jang begitoe praoe menempel pada daratan, Gak Ho laloe naek ka darat dan pergi ka roemanja itoe Pahsantjoa, boeat wartaken kadatengannja Lu Thaysioe.

Teng Tjoe-pian djadi amat heran dan tida mengarti, bagimana Ini pesta jang dibikin dengen saderhana dan tida ada dikirim oendangan pada itoe pembesar, tapi Lu Thaysioe boleh dapet taoe.

„Soenggoe akoe heran sekali,” kata Teng Tjoe-pian itoe: „betoel akoe ada bikin pesta ketjil boeat rajahken hari taonkoe, bagimana Lu Thay-sioe bisa dapet taoe, sedeng oendangan akoe tida kirim padanja?” Sahabisnja kata begitoe, dengen terepot-repot Pahsantjoa lantas pegi menjamboet, sedeng laen-laen tetamoenja jang denger ada pembesar kota Siangtjioe maoe dateng, laloe minggir ka roewangan samping. Di djalan itoe toean roema ada heran dan ada girang. Herannja kerna tida dikirim oendangan, bagimana Lu Thaysioe bisa dapet taoe, girangnja, kerna dengen datengnja itoe pembesar kota, djadi menambaken terangnja ia poenja moeka.

Sabelonnja Pahsantjoa dateng memang Gak Ho soeda pesen pada sekalian soedara-soedaranja bagimana moesti berboeat, maka waktoe Tjoe pian itoe sampe, semoea laloe bangoen dan kaloear dari praoe.

„Ah, slamat dateng, Thaysioe Loja!“ berseroeh Tjoe-pian pada waktoe meliat tetamoenja itoe jang ada di-ikoet oleh banjak orang gaga. „Lantaran repot dan tambahan pesta jang dibikin amat saderhana, maka akoe tida brani wartaken itoe pada Loja. Tapi tida taoenja sobatkoe dapet taoe djoega dan telah tjapeken diri boeat dateng ka mari.“

Thaysioe bales itoe dengen sedikit perkatahan jang manis, tapi hatinja Toehan Allah jang taoe, apa sabentar bakal kadjadian.

Sasoedanja beromong-omong sedikit, marika itoe telah sampe di roemanja Teng Tjoe-pian dan sabagi toean roema, ini Pahsantjoa ada berlakoe hormat sekali dan lantas toewangken arak, tapi baroe sadja gelas-gelas moelai di toewang, Gak Ho soeda tjekek lehernja sembari berkata:

„Soeda lama memang akoe denger kaoe poenja nama, beroentoeng ini hari bisa katemoe boeat bikin peritoengan!“

Lie Tjhoen dan laen-laen soedaranja poen laloe madjoe dengen tjaboet golok sambil mengantjem, dimana sekarang baroelah Pahsantjoa bisa kenalin siapa adanja itoe tetamoe jang dateng.

„Bangsat! kaoe ini satoe djahanam, jang sabegitoe djaoe soeda bikin soesa anak negri dan tida soengkan akoe poenja oewang,“ kata Lie Tjhoen; „sekarang bilanglah apa kaoe maoemati atawa hidoep?“

Teng Tjoe-pian djadi goemeteran sakoedjoer badan sedeng laen-laen tetamoe jang memang dateng tjoema lantaran takoet djadi amat soeka hati meliat itoe orang hartawan jang amat berpengaroe dibikin maloe begitoe roepa. Maka dalem itoe waktoe perdjamoean djadi kaloet tetamoe-tetamoe jang berdoedoek di roewangan samping lantas berlaloe satoe persatoe, katjoewali Gak Ho, Lie Tjhoen dan soedara-soedaranja.

Pahsantjoa jang ditjekek djadi meratep, matanja memandang pada itoe Thaysioe, dengen pengharepan, minta itoe sobat poenja pertoeloengan boeat mintaken mapoen. Gak Ho jang mengarti orang poenja maksoed, dengen bersenjoem laloe berkata:

„Sabetoelnja orang samatjem kaoe, kapala andjing, moesti diboenoe, soepaja besok noesa tida mengganggoe lagi pada laen orang. Tapi kaloe akoe boenoe, djadi bikin kotor akoe poenja golok sadja, maka sekarang lebi baek kaoe kaloearken tigalaksa tail perak boeat teboes djiwamoe, jaitoe oewang jang kaoe dapet dari serak-seriknja rahajat negri.“

„Ah, Hohan, manatah akoe ada poenja oewang begitoe banjak,“ treak Teng Tjoe-pian dengen soeara meratap.

„Tida ada oewang?!“ membentak Lie Tjhoen: „nah kaloe begitoe, soedalah, boenoe sadja padanja¡“

„Eh, tahan! tahan! akoe nanti tjoba liat!“ treak itoe toean roema dengen soeara ketakoetan.

„Ampoenilah akoe, akoe nanti preksa dan briken itoe djoembla jang diminta.“

Begitoeiah dengen di-ikoeti oleh bebrapa orang gaga, Teng Tjoe-pian masoek ka dalem kamar dan kaloearken itoe oewang jang diminta. Dan sasoedanja di-itoeng betoel, Hoei Po laloe bawa ka praoe, sedeng Teng Tjoe-pian ditinggalken di itoe tempat dengen diantjem, kaloe sadja ia bikin laen-laen gerakan jang tida enak, djagalah hati-hati djiwanja. Kamoedian Gak Ho dengen Lie Tjhoen dan jang laen-laen laloe balik kapraoe dengen membawa itoe djoembla, jang sekarang djadi tigalaksa tigariboe tail perak.

Waktoe orang-orang gaga itoe berangkat, tentoe Teng Tjoe-pian ada bikin banjak pertanjahan pada Lu Thaysioe, maka itoelah tida oesah dikata. Sekarang, menjesel tida menjesel, apa maoe dikata, kerna katjilakahan ini semoea ada dari gara-garanja itoe toean roema djoega.

Lu Tjhoen dengen soedara-soedaranja djadi amat girang. Koetika sabelonnja sampe di Siauwhewan, atas pertanjahannja itoe Twako, jang memang belon taoe terang tentang perdjalanannja ini sobat, Gak Ho laloe tjeritaken satoe persatoe bagimana sadari dirinja maoe ditangkep, sampe bisa menoeloeng pada familie Hwa, dan kamoedian waktoe maoe pergi ka Hangtjioe, di tenga telaga Souwtjioe ia telah katemoe Tong Wie jang pegat praoenja, dan begitoelah sampe dateng ka Siauwhewan dan berdami boeat toeloeng ini Twako bersama Tek Seng dan Hoei Po. Satoe persatoe ditjeritaken dengen terang.

Mendenger itoe tjerita, hatinja Lie Tjhoen djadi girang sekali. Apapoela dapet taoe jang Hwa Hoedjin dan Kiongdjin ada di roemanja.

Tida lama iaorang telah sampe ka tempat sendiri. Lie Tjhoen bersama itoe doea soedara jang laen laloe katemoeken pada Hwa Hoedjin dan Kiongdjin djalanken kahormatan sabagimana pantesnja dan menanjaken hal-hal jang telah laloe. Dan semoea itoe didjawab oleh itoe doea njonja dengen terang. Sabagian dari itoe hikajat ada sabagimana jang baroesan Gak Ho telah toetoerken di praoe, jaitoe hikajat jang pembatja telah taoe dan tida perloe dioelangken lagi.

Kamoedian, sahabisnja beromong-omong, Hwa Hoedjin minta dengen hormat itoe sakalian Hohan jang ada mendjadi soeaminja poenja sobat baek, atawa soedara angkat, soekalah aken toeloeng pimpin poetranja.

„Oh, itoelah tida oesah dipesen lagi," kata Lie Tjhoen dan jang laen-laen dengen girang hati: „kerna Kongtjoe itoe poen ada seperti kita-orang poenja Hiantit, maka tentoe sadja sabrapa bisa sekalian Hengte nanti pimpin boeat membales Hwa Hengtiang dan Tjin Hengtiang aimarhoem poenja penasaran.,,

Kadoea njonja itoe oetjapken banjak trima kasi kamoedian marika masoek kombali ka dalem, lantas di samboet oleh itoe Twako poenja familie prampoean.

Demikianlah itoe hari di Siauwhewan dirajahken satoe perdjamoean besar, sabagi tanda kagirangan jang marika poenja Twako dan kadoea Hengte tida koerang soeatoe apa, laen dari itoe aken membri slamat pada Gak Ho dan familie Hwa, jang sekarang ada berkoempoel sama-sama.

Di loear perdjamoean boeat orang-orang lelaki sedeng di dalem ada boeat orang-orang prampoean.

Toekang-toekang tangkep ikannja Lie Tjhoen poen, semoea toeroet rajahken ini pesta dengen girang, dan pendoedoek di itoe kampoeng poen ada dioendang, dimana banjak orang memang ada pandang tinggi pada itoe orang-orang gaga, semoea dateng aken membri slamat.

Demikianlah Lie Tjhoen jang ampir dapet tjilaka lantaran kaniajahannja pembesar di Siangtjioe, telah terindar dari itoe bahaja. Tapi apatah itoe orang-orang gaga jang soeda menjataken diri sendiri ada djadi orang dari kawanan Liangsan, nanti tinggal teroes di itoe tempat, inilah aken ditoetoer dalem bagian katiga, jang tjeritanja ada lebi rame dan menarik hati.

Tamat Bagian Kadoea.