Pembalesannja Kawanan Liangsan/Bagian ka ampat/Bab 31
XXXI.
DJI SIN ONG DATENG MENGOENDJOENGI
OENDJOEK ILMOE GAIB.— SONG
KO-TJONG LAGI BINGOENG
DAPET TOELOENGAN.
Berhoeboeng didapetkennja itoe tiga poelo jang doeloe telah menaloek, Taygwanswe Lie Tjhoen djadi amat girang dan tida berkoeatir lagi ada jang berontak. Apapoela pada soeatoe hari ada dapet kiriman arak Hiang-swat-tjioe, maka pembesar ini djadi soeka hati dan lantas tjobain bagimana rasanja itoe minoemam.
Koetika disendok satoe mangkok dan diminoem, njatalah arak itoe djarang terdapet bandingannija. Soepaja semoea soedara angkat bisa toeroetijobaken, maka besoknja lantas dibikin perdjamoean besar.
Sambil minoem satoe pada laen pada poedji rasanja itoe arak, sedeng Wie Siauw-tjhit jang paling dojan arak, djoega ada poedji tida abisnja dan ia kata: arak samatjem ini sadari oemoernja idoep, baroe dirasaken doea kali.
„Doeloe waktoe masi di Liangsan," begitoe ia teroesken bitjaranja: „akoe pernah rasaken satoe kali, jaitoe arak jang Baginda Keizer kirim boeat kita-orang, dimana akoe telah minoem anam tempajan banjaknja; sadari itoe waktoe akoe belontaoe dapet lagi arak jang begitoe. Tapi dengen tida didoega, baroe ini hari akoe minoem kombali.“
Orang-orang jang daoeloe hari pernah tinggal di Liangsan, semoea njataken benernja itoe omongan, kamoedian makan minoem dilandjoetken lebi djaoe.
„Sadari Kiong To bikin hoeroe-hara, kamariken soeda berselang satenga taon lebi,“ kata Lie Tjhoen jang sasoedanja minoem bebrapa gelas: „dalem itoe waktoe kita poenja tempat ada terantjem ; tapi beroentoeng atas bantoeannja semoea Hengte, sekarang keamanan telah dateng kombali.”
„ini semoea ada Taygwanswe poenja redjeki jang besar,“ kata bebrapa panglima dengen soeara berbareng.
„Perkara jang soeda liwat itoe, boeat apatah kita seboet lagi,“ saoet jang laen-laen: „sedeng sekarang kita-orang toch ada dalem keadahan jang aman, beekan ?”
„Benerlah,“ djawab Lie Tjhoen: „djoestroe lantaran inget begitoe, maka ini hari diadaken perdjamoean boeat kita-orang senangi hati aken meliwati moesin jang dateng.“
„Djanganlah kita inget begitoe," begitoe jan Tjeng njataken tida satoedjoenja: „di waktoe senang, djanganlah kita loepaken pada bintjana, sabaliknja di waktoe kasoesahan, djangan kita-orang poetoes harepan.” Semoea orang memandang pada itoe djoeroe pemikir, sedeng Jan Tjeng teroesken bitjaranja lebi djaoe :
„Oeroesan negri berbedat dari mengoeroes roema tangga. Sebab: kaloe oeroesan jang blakangan kita-orang boleh merasa tjoekoep, kaloe soeda liat kasenangan dan karoekoenannja koelawarga; sebaliknja bagi mengoeroes negri, salaloe kita-orang moesti berlomba-lomba sadja, dengen menoeroet alirannja djaman.
„Djoega kaloe di waktoe tentrem kita meloepaken bintjana dan di waktoe senang meloepaken kasoesahan, datengnja bahaja ada amat soesa boeat didoega. Boektinja: liatlah bagimana To Koen Hongte jang lantaran pake minister sabagi Tjoa Keng, hingga kawanan dorna dapet tempat dalem kadoedoekan jang penting, sedeng orang-orang jang djoedjoer dan pande, semoea tertoelak moendoer.
„Lantaran itoe djoega, maka Piankeng djadi petja dan doea Keizer djadi barang permaenannja orang di sebla Oetara; ini perkara akoe kira tida perloe ditoetoerken pandjang lebar, kerna semoea Hengte tentoe telah taoe .“
Semoea mantri jang berkoempoel dalem itoe roewangan perdjamoean, benerken bitjaranja Jan Tjerig, maka Lie Tjhoen laloe minta Jan Tjeng oetaraken lebi-djaoe son bagimana baeknja boeat keadahan di ini negri. Dengen soeara tetep dan omongan lamitjar, jan Tjeng lantas berkata: Siamlo soeda brapa toeroenan di bawah prentanja Ma Say-tjin, tapi lantaran ok-tjoe ada bertabeat lemah dan koerang katjerdikan, maka Kiongto bisa permaenken pada nja. ― Tapi Lie Tjhoen jan& baroe doedoek mamerenta di ini tempat, moesti berlakoe radjin dan tida brentinja berichtiar, soepaja pengaroe dan keangkeran djadi bertamba besar.
Mendenger ini perkatahan jang bernasehat, Lie Tjhoen djadi tersedar. Sabagi orang jang soeka denger petkatahan-perkatahan baek, Hoen-kang-liong berdjandji anti perhatiken pembilanngan, jang sasoeatee perkatahannja ada. dihargaken besar sekali.
Perdiamoean diteroesken sampe malem baroe brenti.
Moelai dari itoe waktoe djoega, Lie Tjhoen lantas siapken kapal-kapal perang boeat meronda dan preksa keadahannja tempat-tempat dengen teliti.
Boeat dapet taoe keadahannja itoe poelo-poelo taloekan, dengen mengadjak bebrapa panglima Lie Tjhoen Jaloe pergi, ka Djinggi, kadatengan mana disamboet oleh Loan Teng giok dan kawan kawan sabawahannja.
Dengen teranter oleh itoe pembesar, Lie Tjhoen pergi djalan-djalan di sakoeliling tempat, jang njata ada diatoer baek sekali. Sedeng rahajat poenja pentjatian poen njata ada menjoekoepi. Selang doea tiga hari Lie Tjhoen berlaloe kombali dengen kapal rondanja menoedjoe ka poelo Tiauwhi dan Peksik, jang menoeroet sapandjang Papreksahannja, lel itoe tiga poelo adaamat soeboer.
Sabagimana di poelo Djinggi, kadatengannja di ini poelo-poelo jang blakangan poen disamboet dengen goembira dan dikasi katerangan satoe persatoe oleh pembesarnja. Dari sitoe Lie Tjhoen tida loepa boeat pergi djoega laen poelo taloekan.
Tapi itoe poelo-poelo jang Jaen tinggal taloek dengen setia. Saban taon marika anteri oepeti dan barang-barang jang berharga.
Sasoeda poeteri itoe semoea tempat, jang teritoeng sabagi djadjahannja, baroe Lie Tjhoen poenja kapal ambil haloean ka Kimgo, kadatengan mana disamboet dengen girang dan soeka hati.
Salama Hoen-kang-liong ada di Siamlo, sabagimana pembatja taoe, jang poelo ini dikoeasaken pada Hoei Po dan Ko Tjeng, tapi sekarang menginget bagimana penting dan bagoes adanja ini tempat, Lie Tjhoen panggil Ong Tjin dan Wie Siauw-tjhit boeat bantoe mendjaga, soepaja semoea oeroesan berlakoe baek.
Selang brapa hari, salagi orang doedoek-doedoek di roewang persidangan, satoe pengawal dateng membri taoe: bahoewa di loear ada dateng satoe Tosoe minta katemoe. Lie Tjhoen merasa heran dan lantas Tosoe itoe ngadep berdjoempa.
Tida lama orang pertapahan itoe soeda ada di hadepannja. Hoema jang ada toeroet dalem itoe persidangan, djadi terkedjoet.
Orang pertapahan itoe menengok pada Hoa Hong-tjoen sambil bersenjoem-senjoem, sedeng Lie Tjhoen laloe tanja maksoed kadatengannja,
Itoe orang pertapahan tjoema kapingin minoem arak, maka ia dateng ka mari boeat minta itoe minoeman. Hoen-kang-liong tida ada kaberatan boeat soegoeken arak dengen barang-barang hidangan, tapi orang jang aneh itoe tjoema minoem araknja sadja, jang sabentaran telah abis bebrapa gendoel.
Salama Tosoe itoe minoem dan tida berkata-kata, Lie Tjhoen memandang pada Hoema dan tanja: apa itoe tjoetjoe kenal ini orang toea.
Hoa Hong-tjoen memanggoet dan bilang: dia inilah itoe Tosoe jang doeloe Ma Kok-tjoe katemoe di goenoeng Tan-he-san dengen kasi petah-petahan apa jang bakal terdjadi atas dirinja radja Siamlo.
Di sitoe baroe Hoen-kang liong inget, kerna doeloean poen waktoe Hoa Hong-tjoen pertama kali dateng boeat membri slamat hari taonnja, ia pernah tjeritaken keadahannja ini orang pengoembaraän, jang sahabisnja beromong-omong pada Kok-tjoe, telah tinggalken satoe sair jang boejinja ada sabagi satoe tjangktiman.
Di sitoe Hoa Hong-tioen lantas menanjaken itoe hal pada si Tosoe, dan orang pertapagan itoe djawab sambil bersenjoem:
„Artinja poen gampang sadja— Apa itoe waktoe tida ada saorang jang bisa artiken bagaimana maksoednja?"
„Tida Sekali,” saoet Hoema.
Itoe Tosoe oelangken boenjinja dan kamoedian kasi mengarti, bahoewa itoe perkatahan jang berboenji:
„Aer besar aken menerbitken bintjana,” — itoe ada dimaksoedken: bandjir atawa angin (Hong).
„Oesia pandjang ampir mendjadi poena,"—itoe ada berarti hoeroef „Sioe” (Pandjang Oemoer).
Tapi kaloe hoeraef „Hong“ poenja tiga titik dipindaken ka samping kiri dari hoeroef „Sioe", lantas djadi doea hoeroef jang berboenji: Kiong To.
„Sedeng boenjinia derekan katiga atawa keampat, ” kata Tosoe itoe lebi djaoe: „itoelah tida perloe diterangken lagi. Sengadja peringetan itoe ditoelis dengen sair begitoe roepa,— ja, tentoen sadja koerang terang boeat orang-orang jang mengarti, tapi apatah dirikoe tida nanti berdosa pada Allah, djika rasianja langit akoe petjaken sama sekali?" Lie Tjhoen memandang itoe orang pertapahan dengen tida berkata kata, sedeng Hoa Hong-tjoen jang sasoedanja dibri katerangan, laloe menanja lebi djaoe: kaloe seande Kok-tjoe toeroet bitjaranja ini Tosoe dan lantas pergi ngoembara, apatah itoe bahaja jang mengantjem Ma Kok-Tjoe bisa terloepoet.
„Tentoe sekali,” saoetnja sambil bersenjoem :
„kaloe ia toeroet, sampe sekarang Ma Say-tjin masi tinggal idoep dan tida hadepken itoe bahaja jang ngeri. Tapi, ja, apa maoe dikata, ini semoea soeda takdirnja Allah.“
Bebrapa orang jang ada di sitoe laloe menanjaken ini dan itoe, jang lantas dijawab satoe persatoe dengen terang.
Koetika ditanja tentang prikamanosiaän, hal berpangkat dan batin, Tosoe itoe menjaoet: sagala apa kaloe orang bisa meliat gelagat, taoe atoeran moendoer dan madjoe, salamanja soeka imbangi saratan, dan pake hati jang djoedjoer, pasti aken dateng kaslamaian dan kaberoentoengan, Tapi Kiong To ada satoe mantri dorna, jang batinnja poen amat boeroek dan ia memang ada memipoenjai toelang penghianat.
„Satoe minister kaloe batinnja boeroek, satoe tempo nanti dateng itoe waktoe jang bisa menjilakai dirinja. Sabaliknja maski poem begal atawa orang-orang dari deradjat jang renda, kaloe bisa bawa atoeran jang betoel dan berhati toeloes, pasti aken beroleh slamat dan dapet koernianja Allah.”
„Nah, begitoelah halnja doenia,” kata si Tosoe sambil toetoep bitjaranja.
Lie Tjhoen jang denger itoe omongan, lantas dapet rasa, bahoewa apa jang dikata baroesan ini orang pertapahan, seperti ada mengenaken dirinja. Maski tida dioendjoek dengen terang, tapi ia rasa doegahannja ampir tida sala.
Kamoedian Lie Tjhoen itoe berkata: apatah orang jang seperti dirinja dan soedara-soedaranja sakalian, boleh toeroet itoe perdjalanan mengoembara boeat dapetken kaslamatan dan berkanja Allah
Tosoe itoe memandang aer moekanja Lie Tjhoen sakoetika lama, kamoedian berkata ; bahoewa orang gaga ini ada mempoenjai pikoelan dan tanggoengan jang berat, maka soeker sekali bisa lakoeKen itoe.
„Tjiangkoen poen ada mempoerijai satoe redjeki besar dan kadoedoekan jang bagoes,” kata poela si Tosoe: „hal ini kamoedian nanti ternjata, boeat sekarang tida bisa diterangken lebi djaoe dari sabegitoe.”
Mendenger itoe perkatahan, Lie Tjhoen tida taoe apa artinja, salaen dari pada mendoega-doega. Waktoe omong-omong lebi djaoe, Tosoe ini bilang: Kong-soen Sin itoe ada teriloeng djadi Soetitnja, jaitoe kaponakan moerid. Djoega ia taoe jang Kong Soen-sin soeda kaloearken ilmoe saldjoe dan angin boeat membinasaken rahajat kate, hingga orang-orang jang denger djadi heran.
Kamoedian ia toelis ampat baris sair jang begini boenjinja:
„Bouw Li Tan Pian It Teng Heng,
Tek Jang Se Hia Tay Tiauw Seng,
le Koen Poet Hoe Teng Lim Yok,
Tjin Hiang Kim Go Pi Siang Heng,”
Di bawahnja itoe sair ditoelisken poela ampat hoeroef ketjil jang boenjinja: Dji Sin Ong Tee.
Kamoedian ia lepasken kombali itoe perabot toelis.
Semoea orang pada memandang itoe toelisan. tapi tida saorang bisa artiken apa maksoednja jang bener.
„Bolehtah dikasi katerangan bagimana artinja itoe sair?" tanja jang laen-laen pada itoe orang pertapahan.
Tapi itoe Tosoe tjoema gojang kapala dan kata:„Boeat apatah taoe artinja,— hanja toenggoe sadja besok nanti dateng satoe tetamoe bangsawan moelia ka ini tempat.”
Apa perkatahan ini dipertjaja atawa tida, itoelah lida saorang jang bisa tetepken. Tapi toch tida ada jang berkata apa-apa.
Kamoedian Tosoe itoe kata: kenapa dalem ini perdjamoean tida dipake arak Hiang-swat-tjioe, hanja diminoem sadja arak biasa. Hoa Hong-tjoen laloe menjaoet: bahoewa tida ada.
Betoel baroe ini dari Peksik ada kirim sapoeloe goetji ardk demikian, tapi dibawa ka Siamlo dan telah diminoem pada waktoe bikin perdjamoean.
„Ja, kaloe Peksik. dan Kimgo pernahnja tida sabrapa djaoe, pastilah soeda dikirint orang boeat pergi ambil," kata Hoa Hong-tjoen: „tapi tempatnja terpisa ratoesan paal, maka tida bisa diadaken arak begitoe lagi.“
„Kaloe kaoe soeka, dengen gampang akoe bisa adaken poela,“ saoet itoe Tosoe sambil tertawa-tertawa.
Sahabisnja kata begitoe ia minta satoe tempajan besar, jang sasoedauja disediaken, laloe ditoetoep dengen salembar kaen lebar dan orang berilmoe itoe laloe batja djampenja. Tida lama waktoe tempajan jang kosong itoe dibocka, soeda penoeh dengen arak Hiang-swat-tjoe, jang dari warna, baoe dan rasanja tida berbedah seperti itoe arak jang terbikin di poelo Peksik.
Semoea orang djadi heran on girang, sedeng orang-orang jang dojan minoem soeda kapingin lantas jobain lagi sadja.
Itoe Tosoe laloe minta diambilken doea piring besar, permintahan mana lantas diloeloesken dengen sigra. Itoe doea piring lantas ditoetoepken poela pada itoe salembar kaen jang tadi dan sasoedanja didjampeken, laloe diboeka dan kaliatan ada penoeh dengen kembang-kembang jang megar dan haroem, sedeng piring jang satoenja ada berisi boea-boea letji.
Semoea orang djadi heran.
Itoe Tosoe lantas ambil satoe bidji dari itoe boea jang dibikin dengen sihir, kamoedian kasiken itoe pada Lie Tjhoen dan satoe lagi pada Jan Tjeng, sambil berkata dengen tertawa:
„Tjobalah tjobaken, mana lebi enak dan manis, dari kaoe poenja djeroek jang dibriken pada itoe doea Keizer boeat ilangken aoes."
Jan Tjeng kaliatannja terkedjoet, kerna dari itoe perkatahan, ada menjataken jang ini otang pertapahan telah taoe, bagimana daoeloe hari ia ada menganter boea djeroek pada itoe doea Keizer jang ditawan oleh generaal Kimkok.
Jan Tieng dan Lie Tjheen laloe samboeti dan tjobai itoe boea, sedeng itoe Tosoe ambil lagi boea-boea itoe dibagi pada jang laen-laen, jang maski poen soeda diambil, tapi itoe letji Jang di piring kaliatannja tida djadi koerang.
Semoea orang jang makan pada poedji rasanja itoe letji Jang manis dan enak, sedeng si Tosoe tinggal bersenjoem-senjoem. Kamoedian orang landjoetken itoe perdjamoean dengen arak Hiang-swat-tjioe, jang sasoedania minoem lagi tiga mangkok, Tosoe itoe berpamitan boeat berlaloe, katanja hendak pergi ka Lohoesan aken meliat boenga bwee.
Sasampenja di loear itoe orang pertapahan jang baroesan oendjoek kasaktian lantas toenggang saekor boeroeng Pekhok poeti dan naek ka oedara hingga sabentaran sadja tida kaliatan lagi.
Lie Tjhoen dan jang laen-laen masi merasa heran dengen itoe kedjadian jang baroesan, sabelonnja perdjamoean itoe ditoetoep, satoe djoeroe kabar membri taoe, bahoewa di Bolitan Keizer Song lagi dapet soesa dikepoeng oleh panglima-panglima Taykimkok, hingga keadaännja baginda ada sanget berbahaja.
Semoea orang djadi terkedjoet dan memandang satoe pada laen.
Jan Tjeng dan Tja Tjin laloe bangoen dari tempat doedoeknja sambil berkata :
„Kaloe bener Baginda Keizer lagi dapet Kasoesahan, panteslah kita-orang pergi menoeloeng dan anterken poela sampe di kratonnja, kerna kita ini poen masi teritoeng rahajat Taysong.”
„Itoelah ada dengen sapantesnja,“ saoet jang laen-laen sambil berbangkit.
„Kaloe begitoe, kita-orang tida boleh berlambat,” kata Lie Tjhoen, jang lantas prenta semoea panglima komendir pasoekannja.
Baroe sadja orang maoe bikin persediahan, djoestroe Ong Tjin dan Wie Siauw-tjhit jang dipanggil boeat bantoe djaga ini tempat, telah sampe, maka Sigra djoega pasoekan itoe dipetja djadi tiga, begitoe sedia moesti lantas berangkat.
Bagimanatah keadahannja itoe Keizer?
Sabagimana di sebla atas telah ditjeritaken, sasoedanja melaloeken banjak soesa achirnja mantri-mantri jang setia bisa djoega dapetken toeroenannja Keizer Song jang sah, dimana kamoedian diadjak ka kota Lim-an dan diangkat djadi Keizer dengen dipanggil Song Ko-tjong.
Tapi sebab mantri-mantri jang pande dan bidjaksana tida ada sampe tjoekoep, panglima dan soldadoe tjoema sedikit, baroe sadja liwat sedikit waktoe pasoekan Kim soeda bisa rampas kombali daera Hoaylam dan Hoayse, dari sitoe generaalnja jang bernama Ouw Oh-ma madjoe teroes ka Lim-an.
Meliat keadahannja ada sanget berbahaja, Baginda Song Ko-tjong djadi amat katakoetan dan lantas melariken diri dengen dikedjar oleh moesoe bangsa Kim.
Bagimana takoet hatinja baginda di itoe waktoe, ini soeda tida perloe ditoetoerken lagi, sebab panglima jang gaga tida ada di dampingnja dan baginda lari teroes sampe ka Bolitan, dan di nilah orang-orangnja Lie Tjhoen jang memang ditaro sabagi mata-mata Jantas boeroe-bueroe dateng membri kabar, sabagimana di sebla alas kita telah liat.
Laskar Kim jang mengedjer soeda tinggal brapa poeloe li lagi telah sampe. Hatinja Baginda Song Ko-tjong djadi lebi takoet, satelah denger kabar moesoe lagi mengedjer teroes dan hendak menjebrang dengen praoe-praoe. Beroentoeng pada sasoedanja Keizer itoe menjebrang, aer djadi berombak besar jang dibarengin dengen toeroen oedjan keras, hingga Ouw Oh-ma terpaksa tahan barisannja aken bernanti sampe besok siang.
Itoe waktoe pasoekan dari Kimgo soeda sampe dan sasoeda dapet katerangan jang moesoe masi di sebrang, tiga pasoekan itoe lantas madjoe menghamperi dan dapet liat betoel orang-orang Kim soeda sediaken banjak praoe dan kapal-kapal perang, jang tinggal berangkatnja sadja.
Lie Tjhoen titahken tiga pasoekannja madjoe teroes dan kasi labrakan sabelon moesoe mendoega apa-apa.
Koetika oedjan moelai brenti dan Ouw Oh-ma lagi maoe madjoeken praoe-praoe perangnja, koenjoeng-koenjoeng balatentaranja djadi riboet dan bertreak-treak sambil berlari, sedeng pinggiran kapal kaliatan banjak api berkobar.
Sabelonnja itoe generaal Kim tjari taoe moesoe dari mana, Houw-jan Tjiak soeda menjerang dengen gaga bersama jang laen-laen, sedeng tida lama kamoedian ada lagi kaliatan doea panglima moeda, jaitoe Houw-jan Giok dan Tjhie Seng.
Panglima-panglima Kim jang meliat datengnija moesoe samingkin lama djadi bertamba besar, djadi merasa koeatir, sedeng Ouw Oh-ma melawan dengen sengit, tapi maski bagimana gaga djoega itoe djendraal, ia tida bisa lawan menang dan lantas lari.
Tentara Kimgo jang soeda naek lantas membasmi kalangkaboet dan mengedjer djoega pada moesoenja.
Sasoedanja mengedjer djaoe djoega dan liat moesoe pada lari toempang sioer, Lie Tjhoen laloe tarik antero pasoekannja, kerna inget: jang Baginda Keizer lagi sedeng katakoetan dan moesti lantas dibri hiboeran.
Sasoenggoenja djoega ada begitoe roepa, kerna itoe waktoe Baginda Song Ko-tjong memang lagi sanget iboek mendenger itoe riboet-riboet. Dengen badan goemeter itoe djoengdjoengan berkata pada mantrinja:
„Dengerlah soearanja moesoe jang mengedjer soeda djadi samingkin deket, tida lama tentoe aken sampe, sedeng di sini tida ada panglima jang gaga jang boleh diandelin, dari pada moesti dapet maloe, mana lebi baek tim binasaken diri." „Sabarlah, baginda," saoet itoe mantri-mantri, jang tida bisa berboeat laen dari pada oetjapken itoe perkatahan: djika menoeroet hamba poenja pendengeran, itoe ada soearanja paperangan jang jagi dimaloemken, boekanlah soearanja moesoe jang mengedjer."
Baginda tida bisa pertjaja jane orang Kim lagi berperang, sebab sama siapatah djoega moesoe itoe bertempoer.
Sala satoe mantri lantas prenta soldadoenja pergi liat ka itoe tempat riboet-riboet, tida lama saldadoe itoe dateng membri taoe, benerlah moesoe lagi bertempoer dan soeda dapet dialahken oleh bala penoeloeng jang tida kataoean dari mana datengnja.
„Bala penoeloeng dari manatah?“ tanja baginda dengen roepa tida mengarti: „siapatah djoega jang menoeloeng pada tim?"
„Itoelah beton kataoean," saoet mantri-mantrinja: „tapi apa jang soeda ternjata, pasoekan Kim jang mengedjer telah dapet kakalahan dan dipoekoel moendoer; maka sekarang toeankoe djangan koeatir.“
Baginda masi belon bisa pertjaja itoe katerangan dan doega mantrinja tjoema sakedar maoe membri hiboeran kosong.
Salagi ini djoengdjoengan nangis tersedoeh-sedoeh memikiri nasibnja jang amat latjoer, paSoekan Kimgo jang metioeloeng telah sampe di tepi scengei dan lantas mendarat, dimana marika lantas naek ka atas.
Soldadoe Gilimkoen jang liat begifoe djadi kaget, tapi sala satoe panglima lantas menghamperi dan minta soldadoe itoe membri taoe pada Keizer, bahoewa pertoeloengan telah dateng dan sekarang penglima besarnja dateng hendak berdjoempa.
Soldadoe itoe lantas masoek membri tage, jang bikin baginda dengen sakalian mantri-manlrinja djadi amat girang.
Baginda lantas prenta senioea mantri-mantrinja pergi kaloear samboet, jang tida lama kamoedian Lie Tjhoen dengen sadereknja telah sampe di hadepan Song Ko-tjong dan membri hormat menoeroet atoeran mantri dan radja.
„Sin berame dateng terlaloe laat boeat menoeloeng Sri Baginda, boeat itoe kadosahan pantes mendapet hoekoeman berat,” kata Lie Tjhoen.
Baginda silaken bangoen dan doedoek di korsi jang telah disediaken. Kamoedian sambil memendang sikapnja sasoeatoe panglima, jang kaliatan begitoe gaga dan keren, Keizer kaliatan amat girang dan berkata:
„Keng berame poenja gandjaran ada terlaloe besar, jang soeda loepoetken kami dari kabinasaan.— Sabenernja keng ini siapatah ?”
„Sin berame sabenernja ada Liang-san poenja orang-orang sabawahannja Song Kong-beng,” saoet Lie Tjhoen: „jang sadari itoe Twako binasa, masing-masing djadi terpentjar kasana sini dan sekarang telah koempoel djadi satoe kombali, merasa amat girang sekali jang ini hari bisa menoeloeng baginda.”
Lebi djaoe Lie Tjhoen toetoerken dengen ringkes perdjalanannja ka loear negri dan tinggal di poelo-poelo sakedar boeat dapetken tempat menedoeh, dan sekali-kali tida doega bisa katemoe baginda di ini tempat; dari djoeroe kabarnja ia dapet taoe Keizer ini lagi dapet soesa, maka dengen tida ajal ia siapken pasoekan boeat membri toeloengan dan telah moendoerken Ouw Oh-ma jang dapet karoesakan besar.
Satelah denger begitoe Ko-tjong Hongte djadi amat girang, dan berkata:
„soeda lama kami denger namanja Song Kong-beng dan soedara-soedara angkatnja jang berboedi, jang salamanja bekerdja goenanja negri dan raha-jat, tapi apa maoe lantaran terhalang oleh mantri-mantri dorna sabagi Tong Koaw dan Tjoa Keng, hingga kapandeannja itoe orang-orang gaga, djadi tida bisa kaliatan. Sekaranglah baroe berboekti jang keng berame ada mantri-mantri jang setia dan telah dapetken ini pahala besar lantaran menoeloeng kami.”
„Tapi itoe abana dorna jang menghalangi keng berame poenja kamadjoean,” kata poela baginda: „oleh Jan-seng Hongte telah dibasmi abis dan tida mendjadi halangan boeat keng madjoe lebi djaoe ka tangga doenia.— Oh, soenggoe tim merasa beroentoeng sekali dan hatoerken trima kasi atas itoe pertoeloengan.”
Lie Tjhoen oetjapken lagi perkatahan jang merendaken diri. Kamoedian baginda tanja lebi djaoe, mengapa Lie Tjhoen dan sadereknja boleh ada di sini; pertanjahan mana didjawab dengen sabenernja.
Baginda Song Ko-Tjong Kaliatan merasa kagoem atas Lie Tjhoen poenja kagagahan, jang soeda bisa doedoeki bebrapa poelo dan bikin tempat- tempat itoe djadi aman kombali, tapi sabegitoe djaoe Lie Tjhoen tida maoe angkat dirinja djadi radja, sabagimana kaloe laen-laen orang tentoe aken berboeat.
Kamoedian baginda tanjaken sasoeatoe panglima itoe poenja nama, jang dikata: djika ada slamat dan bisa balik kombali ka Lim-an, itoe pertoeloengan tentee tida diloepaken dan nanti dikoerniaken pangkat besar.
Oratng-orang jang ada di sitoe pada mengoetjap banjak trima kasi atas baginda poenja boedi dan katjintahan hati.
Kamoedian Lie Tjhoen kata: sebab sekarang moesoe poenja djendraal baroe dimoendoerken dan bekelannja baginda sendiri soeda ampir abis, tambahan tida ada panglima gaga jang boleh lindoengi dalem sapandjang djalan, maka boeat sekarang baek baginda oeroengken sadja doeloe boeat balik poelang.
„Abis ka manatah tim moesti pergi ?” tanja Song Ko-tjong.
„Kema salempang moesoe jang baroe dikalaken nanti mamegat baginda poenja djalanan poelang, maka sin pikir maoe oendang baginda dateng di sin poenja tempat kadiaman,” saoet Lie Tjhoen: „Kamoedian hari, kaloe keadahan soeda djadi lebi baek, sin nanti anterken baginda poelang.”
Ko-tjong Hongte djadi girang dan trima baek oendangan Hoen-kang-liong.
Esoknja pagi soldadoe Gilimkoen diprenta rombak pasanggrahan dan lantas toeroen ka praoe, menoedjoe ka Kimgo.
Praoe jang didoedoeki oleh baginda ada berdjalan di. tenga-tenga, depan dan blakang ada laen-laen praoe jang mendjaga. Koetika praoe jang di depan soeda sampe di poelo terseboet, Tjhie Seng dan Houw-jan Giok lantas membri kabar, soepaja orang jang ada di Kimgo bikin penjamboetan.
Tida lama meriam dibocninens tandanja Song Ko-tjong telah sampe di itoe poelo.
Lie Tjhoen anterken Baginda Keizer ka astana tempat jang doeloe ia tinggalken, kamoedian satoe pada laen lantas membri hormat. Baginda kaliatannja amat girang, tapi keenjoeng-koenjoeng djadi terkedjoet koetika dapet liat boeninja itoe sairan jang ada di atas tembok.
Sakean lama baginda mengawasi dan kamoedian berkata:
„Siapatah jang toelis ini sair?”
Lie Tjhoen kasi taoe, bahoewa kamaren ada dateng saorang sakti jang dipanggil Djin Sin Ong, sair ini telah ditoelis olehnja. Tapi sebab tida ada saorang jang bisa artiken boenjinja, maka sair itoe ditaro sadja di itoe tembok.
„Tosoe itoe bilang djoega,” kata poela Lie Tjhoen: „bahoewa di ini poelo nanti kadatengan satoe tetamoe agoeng jang moelia; maski perkatahan itoe ada koerang terang, tapi sekarang dengen datengnja Sri Baginda, sagala apa jang tadinja gelap djadi terang sendiri. Njatalah bener perkatahannja itoe orang berilmoe.”
Baginda manggoet-manggoet, tapi tida berkata soeatoe apa.
„Baginda tentoe bisa artiken boenjinja itoe ampat baris sairan,” kata Lie Tjhoen dan mantri-mantri jang laen: ,sebab dengen meliat itoe, kaliatannja baginda djadi terharoe atawa terkenang apa-apa.”
„Boekannja begitoe,” saoet Baginda Song Ko-tjong: „kami mengelah napas, kerna menginget jang doeloe hari poen ada satoe Tosoe telah toelis Satoe sair jang boenjinja samatjem ini; njatalah toelisan ini telah ditoelis oleh itoe Tosoe jang doeloe djoega.”
Kamoedian baginda tanja: di mana tempatnjaitoe Tosoe. Koetika dikasi taoe, bahoewa itoe orang pertapahan soeda berlaloe sahabis mengoendjoeki kasaktiannja jang gaib, ini Keizer djadi mengelah napas dan berkata:
„Kaloe begitoe kami tida berdjodo boeat katemoe padanja, maka sasoedanja ia taoe apa jang bakal terdjadi, ia telah pergi sabelonnja kati dateng. Ah, kaloe ini waktoe kami bisa katemoe lagi padanja, kami tentoe tanjaken bagimana keadahan kami poenja diri boeat di hari jang mendatengi.”
Lie Tjhoen dan laen-laen mantri tjoba hiboeri baginda jang lagi berdoeka, katanja: bahaja heibat soeda liwat, maka boeat jang mendatengi tentoe tinggal slamatnja. Kamoedian Lie Tjhoen minta Song Ko-tjong soeka dateng djoega ka Siamlo nanti sahabisnja taon baroe dianteri poelang.
Ko-tjong Hongte tida ada kaberatan boeat trima itoe oendangen, kerna balik sekarang djoega ka kota Lim-an, tida apa goenanja, tambahan ini waktoe keadahan negri lagi sedeng kaloet, maka biarlah ia senang-senangken hati aken meliwati tempo di poelo-poelo jang belon pernah dikoendjoengi. Soepaja bisa bikin penjamboetan jang pantes. esoknja Lie Tjhoen prenta Gak Ho dan Hoa Hong-tjoen poelaag lebi doeloe ka Siamlo boeat bikinmpersediahan.
Doea panglima itoe lantas berlaloe,
Dengen pendek ditjeritaken, selang brapa hari sasoedanja baginda berdiam di Kimgo, itoe hari praoe-praoe disediaken di pinggir moeara boeat adjak baginda berangkat ka Siamlo, dan lantaran dapet angin baek, maka tida lama kamoedian baginda telah sampe, jang lantas disamboet dengen jara radja-radja.
Di ini tempat Ko-tjong Hongte tinge di kraton sebla Wetan, dengen ditemeni oleh Kong-soen Sin, Jan Tjeng, Gak Ho dan laen-laen djoerde pemikir. Baginda roepanja ada senang, maka pada Kong-soen Sin ditanja tentang hal ilmoe-ilmoe, tapi iman itoe djawab dengen merendaken diri.
Sasoedanja beromong-omong sakoetika lama, baginda kata: djika meliat keadahan negri jang begini kaloet, hatinja djadi tawar pada kamoeliahan dan kapingin ler parken ini kabesaran doenia, boeat pergi tjari peladjaran dewa; belon taoe bisa katrima atawa tida.
Kong-soen Sin djawab itoe sambil tertawa: katanja, itoelah boekan jang lajik ditjari oleh baginda. Sebab baginda ada djadi seperti bapa dari sakalian anak negri, maka kaloe baginda teroesken itoe niat, tentoe negri djadi kapiran.
Baginda rasa bitjaranja Keng-soen Sin itoe bener sekali. Begitoe. satiap hari Ko-tjong Hongte doedoek meroending dengen mantri-mantrinja, dengen tida dirasa, sampelah boelanan taon baroe, dimana ini tetamoe agoeng telah tinggal bebrapa boelan lamanja dengen tida koerang soeatoe apa.
Dalem itoe sapandjang hari jang berikoet, Lie-Tjhoen, Kong-soen Sin dan jang laén-laen pada doedoek toengkoeli baginda. Kamoedian Hoen-kang-liong dapet inget pada itoe doea orang tawanan jang panglimanja dapetken dalem pasoekan Kim, koetika Ouw Oh-mah poenja barisan terpoekoel moendoer.
Sjapatah itoe oiang tawanan? la itoe boekan laen dari Tio Liang-si dan Onz Tiauw-in, jang mengikoet Baginda Ko-tjong dan satelah liat gelagatnja tida baek, dorna ini lantas menaloek pada itoe djendraal Kim, dengen berdjandji hendak membri bantoean boeat tangkep itoe djoeng-djoengan.
Tapi sabelon kadjahatan itoe dilakoeken— sabagimana pembatja liat —, baginda telah dapet toeloengannja pasoekan Kimgo dan soeda moendoerken moesoe jang mengepoeng Keizer, sedeng itoe doea dorna jang tida kaboeroe lari, lantas ditangkep. Tida lama kamoedian Tio Liang-si dan Ong Tiauw-in lantas dittadepken pada Sri Makota, jang djadi terkedjoet liat kadoea mantrinja ini.
Baginda Ko-tjong masi belon taoe kaloe ini doea mantri besar soeda hendak berhianat, dan djadi amat heran koetika liat padanja. Maka baginda lantas tanja pada Hoen-kang-liong, apa sebabnja doea orang ini ditangkep, sedeng kadoeanja ini ada mantri dari karadjahan Taysong.
„Oh, toeankoe roepanja belon taoe bagimana ini doea penghianat hendak anterken diri toeankoe pada moesoe,” kata Lie Tjhoen, jang lantas toetoerken satoe pertsatoe atas katerangan jang ia dapet.
Baginda djadi amat kaget dan goesar. Dorna ini jang taoe kasalahannja soeda terang, boekan sadja tida brani membanta atas toedoehannja Lie Tjhoen, hanja tida brani djoega angkat kapala aken memandang orang-orang jang berada dalem itoe roewangan.
Itoe waktoe Gak Ho dan Hoa Hong-tjoen, jang daoeloe hari pernah dianiaja oleh Ong Tiauw-in, lantas hamperi itoe pembesar, boeat soeroe kenali siapa adanja marika. Tapi kaparat itoe tida brani menengok, sedeng antero toeboehnja djadi bergoemeter.
Gak Ho laloe toetoerken di hadepan baginda, tjara bagimana Ong Tiauw-in soeda berlakoe pa danja dan pada Hoa Hohg-tjoen poenja familie; beroentoeng dengen pertoeloengannja Allah, marika bisa terindar. dari bahaja dan loepoeiken kadoea Kiongdjin dari kanistaan.
„Njatalah dalém pamerentahan jang moelai latjoer, semoea ambtenaar goenaken kakoeasaän dan pangkat boeat kaperloean diri sendiri, boekannja boeat goena negri atawa karadjaän,” kata baginda sambil gojang kapala: „lantaran mantri besar kabanjakan bersifat dorna, tida heran kaloe pamerentahan negri djadi begini roesak.”
„Orang-orang jang begini roepa boeat apatah dihadepken lama-lama,” kata Lie Tjhoen kamoedian: „baek seret sadja kaloear dan tabas batang lehernja.”
Sigra djoega doea algodjo laloe bawa itoe doea persakitan. Sebab merasa amat gemes, Hoa Hong-tjoen sendiri lakoeken kerdjahan algodjo boeat sembele djiwanja itoe orang jang pernah aniaja padanja.
Kamoedian orang bawa masoek kapalanja itoe doea dorna boeat dioendjoek pada Hoen-kang-liong dan Lie Tjhoen manggoet, sembari prenta orang pantjer kapala itoe di atas tiang.
Itoe waktoe Ko-tjong Hongte lantas njataken niatnja boeat balik kombali ka kota Lim-an, tapi Lie Tjhoen lantas berkata :
„Babelonnja hari jang ditetepken boeat baginda poenja berangkat, sampe waktoenja, biarlah toeankoe soeka senangken hati dan djalan djalan di ini tempat. Bila dateng itoe hari, sin nanti sediaken penganter boeat iring baginda sampe ka itoe kota."
„Keng soeda oendjoek boedi dan pertoeloengan besar pada tim,” kata Baginda Ko-tjong: „maka pahala itoe ada besar seperti langit.”
Atas pertanjahannja baginda, hari apa jang telah dipili, Lie Tjhoen kasi taoe: tanggal tiga jang bakal dateng ada itoe hari baek jang telah ditetepken.
Baginda tida membanta, hanja menoenggoe sadja Sampe itoe waktoe. Boeat liwati tempo senggang, satiap hari Baginda Ko-tjong bitjaraken banjak perkara pada mantri-mantri civiel dan militair dari Kimgo.
Lie Tjhoen telah sediaken banjak barang-barang berharga boeat menganter pada baginda, seperti moeteara, poewalam, arak Hiang-swat-tjioe dan dagingnja ocler Pasih, tegesnja barang- barang jang langkah.
Koetika liat ini bingkisan jang begitoe banjak, baginda djadi heran dan tanja: apa di ini poelo ada begitoe banjak hasilnja, Lie Tjhoen kasi taoe, barang-barang ini boekan terdapet dari satoe poelo sadja, hanja dari sana dan sini. Lebi djaoe diterangken sasoeatoe barang itoe poenja asal kaloearan. „Kami soeda trima Keng berame poenja pertoeloengan, belon bisa membri gandjaran, dan sekarang telah ditamba lagi dengen ini bingkisan,”
kata baginda dengen terharoe: „inilah membikin kami djadi menanggoeng boedi lebi berat."
„Ah, mengapatah baginda kaloearken perkatahan demikian,“ Kata Lie Tjhoen; „boeat ini bingkisan ketjil, jang sin berame serahken pada toeankoe, adalah sabagi tanda peringatan sadja, harep tida ditampik."
Baginda trima itoe dengen girang dan berdiandji, begitoe saimpe di Lim-an, nanti dikaloearken firman boeat membri katetepan atas masing-masing Hohan poenja pangkat.
Brapa hari télah berlaloe, dan sigra djoega hari jang dipili telah sampe. Pada tanggal tiga pagi Lie Tjhoen soeda Siapken satoe pasoekan tentara jang tegoe, boeat anterken baginda poelang.
Kapal-kapal soeda kibarken bendera dan semoea mantri lantas anterken baginda sampe di pelaboean.
Waktoe meriam diboenjiken, kapal pelindoeng lantas berangkat, baroe kapal jang didoedoeki oleh baginda bersama mantri-mantrinja, kamoedian kapal pendjaga jang mengiringken di kiri kanan dan blakang, berdjalan teroes ka djoeroesan jang ditoedjoe.
Dalem itoe sapandjang hari kapalnja baginda dapet angin baek, maka tida lama kamoedian kapal itoe meliwati Poto Lianhoa dan sampe di pelaboean Bengtjoe dengen slamat. Dan pembesar ink tempat Jang dibertaoeken laloe dateng menjamboet.
Dari sini ie dikirim kabar ka kota Lim-an, jang membikin semoea pembesar djadi kaget tertjampoer girang, kamoedian boeroe-boeroe bawa barisan dateng menjamboet.
Dengen naeck kreta karadjain Ko-tjong Hongte berengkat ka itoe kota, jang disamboet oleh pendoedoek negri dengen membakar kajoe garoe dan kibarken bendera. Sasoeda berada di astana Hong-kek-tian semoea mantri dan hoeloebalang lanfas dateng membri slamat, sedeng taon Kian Tam kaämpat ditoekar diadi taon Siauw Hin Gwan Lian kasatoe (taon Masehi kira-kira 1131), dan kasi ampoen pada orang-orang hoekoeman, dengen membri persen pada soldadoe-soldadoe jang mengikoet baginda.
Tja Tjin jang dititahken menganter lantas brentiken pasoekannja di pinggir pelaboean Beng-tijoe, katjoeali toedjoe kawannja bersama ampatpoeloe soldadoe masoek teroes ka dalem Kota mengikoet baginda. Esoknja pagi Baginda Keizer oendang mantri- mantri Siamlo doedoek di perdjamoean jang memang disediaken.
Sedeng pada Secretaris Karadjadn diprenta masoeki ka dalem boekoe namanja sakalian Lie Tjhoen poenja soédara-soedara angkat, boeat ditetepken satoe: pangkat jang memang baginda telah djandjiken.
Salama menoenggoe, Tja Tjin dan sadereknja dibri tempat menginep di telaga Se-ouw poenja gredja Tjiauw-khing-si.
Doeloe poen waktoe marika ikoet Song Kong-beng poekoel Poei-lap, iaorang pernah brenti dalem ini gredja. Itoe waktoe Houw-jan Tjiak kasi taoe djoega pada Tja Tjin, bahoewa kabarnja Boe Siong ada tinggal di gredja Liok-ho-tak, dan lantaran ada sempat. maka besok baeklah pergi tjari pada itoe soedara jang gaga.
Tja Tjin njataken moefakat dan besoknja iaorang lantas berangkat, dan Boe Siong jang dibri taoe ini kabar djadi amat girang.
Orang gaga ini laloe samboet soedaranja jang baroe dateng itoe dan silaken masoek ka roewangan dalem, sasoeda satoe sama laen membri hormat, Tja Tjin menanjaken ini itoe tentang pengidoepannja ini soedara jang sakean lama telah asingken diri. Boe Siong djawab itoe dengen bebrapa perkatahan, kamoedian tanjaken halnja Tja Tjin dan jang laen laen.
Tja Tjin tjeritaken apa jang telah terdiadi atas dirinja dan bagimana kamoedian ia berkoempoel, pada Lie Tjhoen, jang blakangan telah menoeloeng baginda dari kasoesahan. Satoe persatoe ditjeritaken terang. Meliat Boe Siong poeeja pengidoepan ada begitoe saderhana, Tja Tjin lantas prenta orangnja kaloearken satoe kantong oewang jang berisi limaratoes tail perak. Bermoela Boe Siong menampik, tapi lantaran terlaloe dipaksa ia trima djoega itoe pembrian dengen mengoetjap banjak trima kasi.
Kamoedian ia prenta moeridnja kaloearken arak bersama bebrapa sajoer.jang biasa djadi santapannja orang-orang alim. Dari itoe barang-barang hidangan, Soen Lip dapet kanjatahan kaloe ini Hohan jang doeloe hari telah poekoel matjan, sekarang bener-bener toentoet pengidoepan satjara santri-santri.
Atas pertanjahannja itoe soedara-soedara, Boe Siong berkata:
„Ja, sadari wates itoe hatikoe djadi dingin seperti aer bekoe. Akoe tida pikir lagi pada kamoeliahan dan kabesaran doenia, Maski begitoe toch moeloetkoe masi kapingin sadja minoem, lantaran itoe djoega maka akoe simpen ini arak dalem kamar, boeat diminoem sedikit-sedikit. Sekarang marilah kita tjobain dan minoem berame.”
Sembari minoem iaorang beromong-omong, Houw-jan Tjiak, Soen Liep dan Siauw Djian boedjoek soepaja ini satoe soedara jang gaga perkasa soeka toeroet padanja pergi ka Siamlo aken berkoempoel pada jang laen-laen. Marika itoe bilang: kaloe Boe Siong soeka pada kasoenjian, ia boleh tinggal pada Kong-soen Sin “dan laen-laen orang jang menganoet igama demikian. Tapi permintalian itoe ditoelak dengen hormat, kerna katanja di sini ia merawat Lo Ti-tjim poenja koetthak dan Lim Tjiong poenja hongsoei, hingga amat berat boeat ditinggalken.
Boe Siong tanja, sekarang soedara-soedara di Siamlo ada brapa orang djoemblanja, Houw-jan Tjiak djawab: 32 orang dari soedara soodara jang lama, sedeng soedara-soedara baroe ada 4 dari Tay-ouw, jaitoe Ong Tjin, Loan Teng-giok, Boen Hwan-tjiang dan Houw Seng; bersama 4 orang moeda jang djadi tjoetjoe-tjoetine, seperti Houw-jan Giok, Tjhi Seng, Song An-peng dan Hoa Hong-toen, djoembla semoeanja 44 orang.
Pada besoknja pagi marika berame pergi sembajang ka itoe menara; dimana ada ditaro toelangnja Lo Ti-tjim, kamoedian pergi ka koeboerannja Lim Tjiong jang memang tida sabrapa djaoe dari sitoe.
Dalem itoe sapandjang waktoe jang berikoet, pasti satoe pada Jaen ada dibitjaraken banjak. perkara-perkara doeloe hari dan jang mengenaken pada dirinja masing-masing, dan inilah tida perloe aken ditoetoerken lebi djaoe.
Begitoelah pada sahabisnja sembajang Tja Tjin dan sadereknja laloe berpisa pada Boe Siong aken balik kombali ka tempat mondoknja, ka Tjiauw-khing-si. : ltoe malem boelannja terang dan angin jang menioep ada dirasaken aloes sekali Soepaja bisa memandang kabagoesannja tempat-tempat sakiter sitoe di waktoe jang soenji begitoe, Jan Tjeng lantas kaloear.
Pemandangan itee ada banjak menjenangken hatinja, maka dengen tida dirasa Jan Tjeng telah sampe di deket satoe djembatan, dimana ada kaliatan saorang prampoean eilok jang berdaedoek di antara tiga orang lelaki.
Jan Tjeng dapet liat, bahoewa orang-orang jang berkoempoel itoe lagi pada minoem thee dan sambil memandang terangnja remboelan, itoe Bidjin (prampoean bagoes) berpantoen dengen soearanja jang aloes dan moeloek.
Jan Tjeng pasang koepingnja aken mendengeri, dimana ia denger Bidjin itoe aa menjanji lebi djaoe begini:
„Remboelan jang permei, pentjarken tjahajanja gilang goemilang,
Sedeng angin jang aloes, sedjoeknja merasa sampe di toelang,
Oh, Allahkoe! Allahkoe!! sadari soelingkoe terhilang,
Peroentoengan dirikoe rasanja terlaloe amat malang.
Djika inget kadjadian di waktoe jang ialoe, Saban- saban hati tergerak mendatengken piloe, Soelingkoe ilang, manatah soelingkoe jang doeloa, Hatikoe sakit, seperti terpoekoel dengen aloe.
Mendenger itoe soeara Jan Tjeng djadi terkedjoet, sebab ia kenali jang itoe ada soearanja Lie Soe-soe.
Dengen tida kaloearken satoe perkatahan ia balik ka djalanan tadi, dimana Tja Tjin dan jang laen laen lagi pandang kabagoesannja poehoen-pohoen boenga. Orang jang terseboet blakangan ini djadi amat heran, koetika liat Jan Tjeng tarik tangannja mengadjak poelang.
„Boelan begini terang, maoe apatah boeroe-boeroe poelang?” kata Tja Tjin dengen heran.
Jan Tjeng laloe kasi taoe, bahoewa di sebla depan ia denger soeara orang menjanji dan kenali siapa adanja soeara itoe. Tja Tjin tida bisa pertjaja, tapi waktoe Jan Tjeng soeroe pasang koeping dan njatalah soeara itoe ia kenali bener Lie Soe-soe adanja.
Sekarang marilah kita balik kombali sadja,“ kata Jan Tjeng, jang teroes tarik tangannja Tja Tjin dan Gak Ho, dengen tida kaloearken satoe perkatahan poela.
Koetika sampe di pondok, Houw-jan Tjiak djoega belon tidoer, hanja lagi maen bade-badean dengen bertaro minoem arak dengen Soen Liep. Doea orang ini tida perdoeliken datengnja itoe kawan, tapi Tja Tjin lantas tjeritaken apa jang baroesan marika denger.
Lebi djaoe Tja Tjin tjeritaken sambil tertawa atas kalakoeannja Jan Tjeng, jang satelah kenali soearanja itoe Bidjin, boekan pelene menghamperi, hanja menjoempoet.
Siauw Dijian dan jang laen-laen djadi tertawa, koetika denger katerangannja Tja Tjin. Soepaja bisa meliat parasnja itoe Lie Soe-soe, ia kata:
„Kabetoelan sekali kaloe kita bisa bertemoe padanja, maka di hari esok baeklah kita bikin perkoendjoengan, sebab salama akoe tinggal di Tongking, akoe belon taoe katemoe pada Lie Soe-soe."
Jan Tjeng tjoba membanta, aken njataken tida satoedjoe boeat katemoe prampoean begitoe. Tapi sebab jang laen-laen tjoema tinggal tertawa sadja, hal ini tida dibitjaraken lebi djaoe. ..........................................................................
Pada esok paginja salagi marika doedoek minoem thee di roewangan depan dari itoe gredja tempat mondok, ada berdjalan saorang lelaki jang menengteng satoe rantang naja berisi kembang. Koetika meliat pada Jan Tjeng, orang itoe menegor, dengen kenalken dirinja sabagi Ong Siauw-han.
„Oh, kiranja kaoe,“ kata Tja Tjin jang lantas silo masoek dan tanja ini itoe. Sasoedanja beromong-omong tentang hal Lie Soe-soe, Siauw Djian kaloearken oewang boeat ongkosnja sewa praoe dan beli makanan goéna plesir di rawa Se-ouw.
„Inilah ada kabetoelan sekali, sebab Lie Nio-tjoe methang ada kenangken pada Siauw It-ko,“ kata Siauw-han sambil berlaloe.
Sabenernja siapatah itoe Lie Soe-soe dan mengapa Jan Tjeng kaliatannja seperti orang takoet boeat katemoe? Inilah haroes diterangken djoega sedikit, bahoewa prampoean eilok itoe doeloe ada djadi sobatnja Jan Tjeng, dan lantaran sekarang di sini si njonja itoe lakoeken pakerdjahan hina, Jan Tjeng djadi oga boeat katemoe lagi. Tapi lantgran kahendaknja itoe soedara-soedara jang laen maoe djoega bikin koendjoengan, Jan Tjeng poen tida bisa berboeat‘laen dari pada menoeroet sadja.
Begitoe sahabisnja toekar pakean Tja Tjin dan jang laen-laen pergi koendjoengi Lie Soe-soe di Kat-nia, kadatengan mana disamboet oleh si eilok dengen hormat dan girang hati. Kerna memang ada Kenal pada semoea tetamoenija ini.
Sebab koerang penting, maka ini bagian biarlah kita ringkesin sadja, jaitoe: sasoedanja pada minoem thee jang baroe di soegoeken, Tja Tjin laloe kaloearken bebrapa roepa barang jang ia bawa boeat dikasiken pada Lie Soe-soe, kamoedian pesiar di praoe di telaga Se-ouw. Sampe djaoe sore baroe iaorang poelang ka gredja tempatnja mondok.
Selang doea hari ada kabar, Secretaris Karadjaän soeda toelis selesih nama-namanja semoea Orang gaga di Siamlo jang bakal dikoerniaken pangkat, dan Keizer telah tetepken jang Sioe Taywi diangkat Sabagi oetoesan boeat pergi ka Siamlo aken membawa firman.
Mendenger itoe warta, Tja Tjin jang ada djadisabagi kapala dari kawan-kawannja jang laen, lantas berempoek boeat berangkat.
„Tapi sabelonnja berangkat, baeklah kita koendjoengi lagi pada Boe Siong, boeat sakalian membri slamat tinggal, kata jang laen-laen: „sebab kita poenja berangkat di ini kali, belon taoe apa bakal bisa bertemoe kowbali padanja, atawa tida."
Tja Tjin njataken moefakat.
Besoknja marika ini pergi,kombali ka gredja Liok-ho-thak dengen membawa barang-barang jang memang telah disediaken, jaitoe angkin, badjoe, kasoet dan bebrapa epelorne pangsi boeat bikin pakean.
Koetika sampe, satoe padri ketjil masoek membri taoe, dimana Boe Siong laloe Kaloear menjamboet.
„lni kali poenja berpisahan, belon taoe sampe kapan kita-orang bakal bertemoe kombali,” kata Tja Tjin, pada sasoedanja berdoedoek: „harep soedara soeka trima ini sedikit barang-barang sabagi tanda mata dari kita-orang poenja katjintahan,"
Kamoedian ia prenta pengiringnja bawa ka dalem itoe semdea boengkoesan, jang ditrima oleh Boe Siong dengen hati piloe.
Sembari beromong-omong, satoe pada laen kaliatan sedi dan sabelonnja sore iaorang mengambil slamat tinggal.
Boe Siong anterken sampe di hs eredija, baroe masoek kombali.
Sakaloearnja dari gredja Liok-ho-thak. TjaTjin pergi ka kota aken belandja barang-barang jang tida bisa terdapet di Siamlo, sasoedanja beres iaorang poelang kombali.
Pengikoetnja lantas pak barang-barang itoe ka dalem bebrapa peti dan itoe hari djoega ditoeroenken ka kapal jang bakal berangkat di hari esok. Boekan sadja Tja Tiin, tapi Jan Tieng, Gak Ho dan jang laen-laen poen semoea ada belandja menoeroet kasoekaan sendiri.
Soepaja tida djadi kasiangan, itoe malem iaorang tida bitjara banjak, hanja sahabisnja doedoek-doedoek sabentaran pada sasoedanja santap, marika masoek dalem kamar aken tidoer.
Esoknja pagi Tja Tjin dengen semoea soedaranja pergi katemoeken Baginda Ko-tjong boeat membri slamat tinggal, dengen mengatoerken trima kasi atas boedinja ini djoengdjoengan jang perlakoeken begitoe baek salama iaorang ada di sini.
Baginda oetjapken oebrapa perkatahan jang menggitangken hati, kamoedian marika kaloear dari pintoe kraton, teroes menoedjve ka kapal.
Htoe hari djoega semoea soldadoe jang mengikoet soeda berada di_atas itoe kandaran aer dan waktoe meriam berboenji, kapal-kapal itoe lantas angkat djangkarnja aken belajar.
Pendoedoek kota Lim-an ada berdjedjal-djedjal di pinggir itoe pelaboean dan masing-masing bertepok tangan sabagi membri slamat djalan.
Begitoe kapal ini lantas belajar menoedjoe ka Siamlo, dimana Sioe Taywi sabagi oetoesan, ada mengikoet bersama-sama.