Kabesarannja Khong Hoe Tjoe/Moekadamat

by Kwee Tek Hoay

Moekadamat

Dalem tempo paling belakang ini peladjaran Khong Kauw sering dapet serang-serangan heibat boekan tioemah dari pamoeka atawa penganoetnja laen-laen agama, tapi djoega dari orang-orang Tionghoa jang masih, tetep memelok, atawa sedikitnja poen tida meninggalken, agama dan kapertjaja'an dari leloehoernja. Antaranja ada djoega jang membilang, kakaloetan di Tiongkok ada dari ,dosanja Khong Tjoe'”

Sabagian dari itoe toekang kritiek dan toekang tjelah poenja toedjoean, katanja ada boeat menjedarken pada orang-orang Khong Kauw jang memoedja pada Khong Tjoe dengen memboeta dan maen poedji adia segala oedjar-oedjar dari kitab-kitab Khong Kauw zonder ditimbang mateng, sedeng sabenernja oleh achli- achli Khong Kauw di Tiongkok soedah dioendjoek dan diboektiken bahoea ada banjak bagian dari itoe kitab-kitab boekan beriitsai dari pikiran atawa pengadjarannja Khong Tjoe, hanja ditambah oleh grang-orang belakangan. Oepamanja itoe kitab Hauy King jang terkenal, menoeroet pendapetan Professor L. Shihlien Hsu boekan ditoelis oleh Khong Tjoe atawa salah-satoe moeridnja, hanja oleh beberapa penoelis dari djeman Han dijnastie (Han Tiauw). Tapi ada banjak pamoeka Khong Kauw jang tida mengarti lantes .dipandang sabagi oedjar-oedjar atawa peladjaran dari Khong Tjoe, jang lantaran begitoe namaja djadi kena dilengketin sama segala peladjaran rosokan jang tida atawa koerang berharga.

Memang ada lebih baek kaloe itoe kritiek tentang djaljat-tjatjat di dalem Khong Kauw dibeber dengen satjara sabar dan aloes, tetapi kapan menginget gimana koekoeh dan kepala batoenja sabagian dari orang-orang Khong Kauw sendiri, toelisan jang beroepa ketokan keras kadang-kadang ada perloe aken bikin marika kelodjotan dan djadi sedar, sebab soedah oemoemnja orang Tionghoa moesti dibikin panas dan goesar kapan maoe disoeroe bergerak dan bekérdja dengen giat. Segala njanjian merdoe dan poedjian jang menjenangken biasanja tjoemah membikin màrika djadi poeies, dan pergerakan Khong Kauw bisa djadi mandek dan moesna di dalem poedji-poedjian !

Aken tetapi mask! begitoe, kita ada dapetken djoega kritiek-kritiek Jang bersifat djaliat dan menjesatken, jang moentjoel dari golongan jang tida mengienal khong Kauw dan tida mengarti sama sekalih pada äzas-azas dari peladjaran Khong Tjoe. Dengen seboet sadja sedikit oedjar-oedjar jang kaliatan bersifat lemah dan menjangsiken — tapi belon tentoe pernah dioetjapken oleh Khong Tjoe — orang tjoba bikin rendah pada toe Sengdjin dan peladjarannja. Dan orang berani berboeat begitoe dengen tida perdoeliken pada itoe pengharga'an besar jang philosoof-philosoof Barat tejah beriken pada Khong Tjoe, dan pada itoe boekti "jarig ini peladjaran telah didjoengdjoeng tinggi Oleh saperampat dari djoemblahnja manoesia di moeka bóem i boeat lebih dari doea-poeloeh-lima abad lamanja.

Orang sekarang banjak jang bilang Tiongkok mcndjâdi lemah dan kaloet lantaran bangsa Tionghoa menganoet pada peladjaran Khong Tjoe. Tapi méngapatah orang tida bilang, doenia Barat sekarang djadi kaloet lantaran pendoedoeknja beragama Kristen?

Djatoh dan bangoen, merosot dan naeknja satoe bang­sa, sabagi djoega mamoer dan kaloetnja doenia, tida selamanja dipengaroehin oleh agama. Di djeman Han Tiauw dan Tong Tiauw, Tiongkok menjampein poentjak dari kabesaran dan kamashoeran, dan pada itoetemjpö, peladjaran Khong Tjoe poen soedah lama tersiar loeas.

Malah kaloe Khong Kauw moesti ditarik dalem pembitjara'an tentang kakaloetannja Tiongkok salama ini satoe abad jang paling belakang, orang poen boleh bilang, itoe kakaloetan ada dari lantaran bangsa Tionghoa soedah tida toeroet dan tida perhatiken lagi pada Khong Tjoe poenja peladjaran, dan Tiongkok* tida nanti bisa madjoe dân berdiri dengen tegoeh sabigitoe lama bangsa Tionghoa tida mendjoengdjoeng Khong Kauw dengen pengharga'an penoeh seperti di djeman Han Tiauw atawa Tong Tiauw.

Maka sekarang, dengen terbitken ini boekoe, kita poenja toedjoean adalah boeat kasih liat bagimana anggepannja beberapa sastrawan dan philosoof laen bangsa tentang Khong Tjoe dan peladjarannja, dan berbareng dengen itoe mengasih oendjoek dengen ringkes azas-azas dari peladjaran Khong Kauw menoeroet apa jang itoe beberapa penoelis telah fahatnken. Lebih djaoe dalem toelisannja Lionel Giles ada dibantah beberapa anggepan tida betoel dari Sinoloog­ sinoloog Barat jang keliroe artiken pada toedjoeannja Khong Tjoe poenja peladjaran, kakeliroean mana sering terdjadi djoega sampe sekarang dalem kalangan orang-orang jang belon fahamken Khong Kauw atawa tjoemah pereksa itoe peladjaran saliwatan sadja.

Memang betoel isinja ini boekoe ada poedjian-poedjian boeat oendjoek Khong Tjoe poenja kabesaran, tapi kita tjoemah pelik sabagian ketjil sadja dari toelisan-toelisannja itoe achli-achli-pemikir asing, sedeng dari penoelis Tionghoa kita tida masoekken sama sekalih, Toelisan dari Almarhoem Lie Kim Hok boekan be­risi iapoenja boeah pikiran sendiri, hanja ada koetipan dari apa jang ditoelis oleh beberapa Sinoloog Barat, an­tara mana ada De Lanessan, jang djikaloe kita lida kéliroe ada bekas Gouverneur Generaal dari Indo China.

Djadinja sedeng kita sendiri tida pandang djelek pada kritiek jang mengandioeng maksoed aken menjedarken, kita poen anggep perloe aken kasih liat Khong Tjoe poenja kabesaran sabagi imbangan terhadep tindakan dari golongan jang tjoba membikin rendah dan mengetjilken peladjarannja itoe philosoof dan Goe­roe dari Priboedi jang Terbesar, jang menoeroet pendapetan Lionel Giles, kadoedoekannja tjoemah boleh dibandingken dengen Buddha, Jesus dan Mohamad.

Tjitjoeroeg, 20 Juni, 1937.

K. T. H .