58
berkata pada Lioe Si Djoen, Toa IJa! begimana itoe moetiara Toa IJa bole di pedajain dengan gambaran kertas?
Lioe Si Djoen tida maoe dengar Lioe Hin poenja bitjara, tetapi dia lantas panggil mertoewa pada njonja Hoa Ting San dan dia sodja pada njonja Hoa Ting San, kemoedian dia lantas minta permisi akan berangkat, di sitoe njonja Hoa Ting San pesan biar Lioe Si Djoen bikin perloe dari itoe nama (pangkat), dan Lioe Si Djoen bilang baik.
Sasoedahnja Lioe Si Djoen bersama Lioe Hin berangkat, maka njonja Hoa Ting San, pesan pada boedjangnja prampoean bernama Siauw Tho djangan boeka itoe resia, boedjang Siauw Tho bilang baik, baroessan njonja Hoa Ting San masoek di dalem roema, dengan terkedjoet njonja Hoa Ting San menengok boekan lain ia itoe nona So Tjing poenja engko, bernama Djaij Koen Liang, masoek di Tia dengan membawa 1 pasang golok , dan roepanja auiat marah sekali.
Lantas di tanja oleh njonja Hoa Ting San: Hei Koen Liang! loe ada perkara apa sampe begitoe marah?
Koen Liang menjahoet: Tadi saija datang di sini, saija dapet liat di loear ada orang dari Hang Tjioe
