57
Lioe Si Djoen serenta mendengar itoe perkataän lantas dia mendjadi tida senang, minta kombali sadja dia poenja moetiara, dan dia berkata: kita ada toeroenan besar dari Rijk bestuurder, apalah tida bisa dapet prampoean jang bagoes roepanja dan anaknja orang baik-baik, boeat kita poenja bini, apalah di kira kita kepingin ini 2 prampoean?
Njonja Hoa Ting San mendjadi maloe di atas itoe perkataän, di dalem hatinja amat bentji pada dia poenja anak prampoean, jang marika soedah bikin onar dari perkara itoe, tetapi njonja Hoa Ting San lantas berkata lagi pada Lioe Si Djoen, dengan tertawa: ja! Siang Kong, kita harap Siang Kong djangan mendjadi salempang hati pada kita, boekannja kita tida kasi itoe 6 prampoean akan kasi-in boeat djadi Siang Kong poenja bini, sekarang kita berdjandji kaloe Siang Kong bisa dapet nama dan pangkat tinggi, nanti kaloe poelang bolelah djadikan itoe kawinan dan nanti di sitoe djoega baroe kita brani kasi.
Lioe Si Djoen amat girang hatinja serenta dengar njonja Hoa Ting San poenja permintaän dan dia rasa gampang sekali sahingga seperti orang balik tangan, boeat dapet itoe pangkat.
Tetapi Lioe Hin misi tida enak hatinja dan dia
