53
bawa ini moetiara, kasi pada saija dan papa tjerita pada saija jang itoe moetiara papa soedah beli dengan oewang, boekannja gadé, saija tida ferdoeli pada Lioe Siang Kong, sebab papa jang soeroe saija simpan dalem saija poenja kamar, begimana mama maoe minta.
Njonja Hoa Ting San berkata: 0! anakkoe itoemoetiara sebab soewatoe djimat jang soedah toeroen toemoeroen di dalem roemah orang Seh Lioe, kaloe kita ada ingatan mengarah semboeni-in, soenggoe ada koerang pri sopan, baiklah anak koe keloearin, soepaja lekas kasi kombali
Nona Aij Tjoe menjahoet: Mama! kaloe soenggoe-soenggoe maoe ambil itoe moetiara, ketjoe wali kaloe saija mati, baroe bisa kasi itoe moetiara!
Nona So Tjing lantas tjampoer moeloet, dan berkata: Mama! soesi Aij Tjoe soedah keloearin soempah, tida maoe kasi kombali itoe moetiara, apa tida lebi baik terganti sadja dengan oewang jang banjak, saija rasa Lioe Siang Kong tentoe soeka djoega.
Njonja Hoa Ting San serenta dengar nona So Tjing poenja perkataän, lantas dia berpikir: kita liat Lioe Siang Kong satoe orang kaja dan toeroenan dari orang besar, tetapi kita belon taoe apa
