52
sa dan aer moekanja ada seperti pinang terbelah doea dengan adé nona Tio Kim Ting, djikaloe soesi bisa dapet dia djadi laki bini, soenggoe tida ketjiwa boeat selama idoep. Nona Aij Tjoe serenta dengar adénja poenja perkataän dia bimbang hatinja.
Baroelah berkata-kata itoe, keliatan mamanja ia itoe njonja Hoa Ting San, lantas sadja pada berdiri dan samboetin mamanja akan naek di loteng.
Sasoedahnja sama doedoek, njonja Hoa Ting San berkata pada dia poenja anak nona Aij Tjoe: hei anakkoe! mama moe soenggoeh maloe akan liat papamoe poenja kelakoean sampe bikin roesak di atas kapertjajaännja orang.
Nona Aij Tjoe menjahoet: Ada perkara apa mama?
Njonja Hoa Ting San menjahoet: Anak So Tjing tentoe soedah tjeritain padamoe, sekarang ada Lioe Siang Kong datang di sini, hendak teboessin dia poenja moetiara, akan tetapi itoe moetiara, papamoe semboeni-in di dalem kamarmoe, tida maoe kasi kombali, sampe dapet poekoelan, maka kita minta loe lekas keloearin itoe moetiara, soepaja kita lekas kasi kombali pada Lioe Si Djoen.
Nona Aij Tjoe berkata: Mama! baroessan papa
