48
Ting San poenja kewarassan dan kadoewa maoe liat soedaranja prampoean bernama nona So Tjing, baroe Djaij Koen Liang masoek di pintoe, di sitoe dapet dengar dari djongos jang djaga pintoe, kaloe ini hari ada orang di Hang Tjioe bernama Lioe Si Djoen dengan boedjangnja soedah bikin pitjah sekalian prabot roemah, sampe bersih semoea.
Djaij Koen Liang serenta dengar itoe perkataän lantas berkata ajo! lantas dia maoe masoek di Tia tetapi pintoe soedah terkantjing, mendjadi dia intip di mana lobang pintoe, di sitoe dia dapet liat ada 1 djedjaka moeka poetih bersama Djaij Koen Liang poenja adé prampoean bersama djato di tanah, di mana Lioe Si Djoen pegangin nona So Tjing poenja kaki dan nona So Tjing keliatan kasi hati pada Lioe Si Djoen.
Lantas sadja Djaij Koen Liang timboel amarahnja lantas pergi hendak ambil dia poenja golok.
Di tjeritakan, sekalian boedjang prampoean lantas kasi bertaoe pada njonja Hoa Ting San, jang di dalem Tia ada roesoe, lantas sadja njonja Hoa Ting San dengan sigra pergi di Tia di sitoe dia dapet liat, Lioe Si Djoen lagi bergeloet dengan nona So Tjing.
Njonja Hoa Ting San dia berkata pada Lioe Si
